ഉണ്ണിത്താന്റെ സ്ഥാനാര്‍ത്ഥിത്വത്തെ കുറിച്ച് സുബ്ബയ്യ റൈക്ക് പറയാനുള്ളത്...

കാസര്‍കോട്: (www.kasargodvartha.com 16.03.2019) കോണ്‍ഗ്രസ് വക്താവ് രാജ്‌മോഹന്‍ ഉണ്ണിത്താന്റെ കാസര്‍കോട് ലോക്‌സഭ മണ്ഡലത്തിലെ സ്ഥാനാര്‍ത്ഥിത്വത്തെ കുറിച്ച് പ്രതികരണം ആരാഞ്ഞപ്പോള്‍ സാധ്യതാപട്ടികയില്‍ ഏറ്റവും അവസാനം വരെ ഉണ്ടായിരുന്ന അഡ്വ. ബി സുബ്ബയ്യ റൈക്ക് പറയാനുള്ളത് ഇതായിരുന്നു.

ഉണ്ണിത്താന്റെ സ്ഥാനാര്‍ത്ഥിത്വത്തെ സ്വാഗതം ചെയ്യുന്നു. അതേസമയം കാസര്‍കോട് നിന്നുള്ള ഒരാളെ സ്ഥാനാര്‍ത്ഥിയാക്കാതിരുന്നതില്‍ വിഷമമുണ്ട്. ആത്യന്തികമായി പാര്‍ട്ടി തീരുമാനത്തെ അംഗീകരിക്കുക എന്നതാണ് അച്ചടക്കമുള്ള ഒരു പാര്‍ട്ടി പ്രവര്‍ത്തകന്റെ ചുമതല. ഉണ്ണിത്താന്റെ വിജയത്തിനായി പ്രവര്‍ത്തിക്കുമെന്നും അദ്ദേഹം കാസര്‍കോട് വാര്‍ത്തയോട് പറഞ്ഞു.