മുഖ്യമന്ത്രിയെ അപകീര്‍ത്തിപ്പെടുത്തുന്ന രീതിയിലുള്ള പോസ്റ്റിട്ട കോണ്‍ഗ്രസ് പ്രവര്‍ത്തകനെതിരെ കേസെടുത്തു

വെള്ളരികുണ്ട്: (www.kasargodvartha.com 06.09.2018) അമേരിക്കയില്‍ ചികിത്സക്ക് പോയ മുഖ്യമന്ത്രി പിണറായി വിജയനെതിരെ അപകീര്‍ത്തികരമായ പോസ്റ്റിട്ട കോണ്‍ഗ്രസ് പ്രവര്‍ത്തകനെതിരെ വെള്ളരികുണ്ട് പോലീസ് കേസെടുത്തു. കൂരാംകുണ്ടിലെ ജോണ്‍സണ്‍ തോമസിനെതിരെയാണ് സിപിഎം ലോക്കല്‍ സെക്രട്ടറി സി ദാമോദരന്റെ പരാതിയില്‍ കേസെടുത്തത്.

മുഖ്യമന്ത്രിയുടെ അസുഖം സംബന്ധിച്ച് കളിയാക്കിയാണ്  ജോണ്‍സണ്‍ തോമസ് പോസ്റ്റിട്ടത്. ' ഇനി നിങ്ങളാരും ചോദിക്കരുത് മുഖ്യന് എന്താണ് സൂക്കേടെന്ന്! ഇപ്പോഴാണ് ശ്രദ്ധിച്ചത് ആ നടത്തം കണ്ടാലറിയില്ലെ .......എന്ന്'. ജോണ്‍സണ്‍ തോമസിന്റെ പോസ്റ്റിനെതിരെ രൂക്ഷവിമര്‍ശനമാണ് പിന്നീട് നവമാധ്യമങ്ങളില്‍ ഉയര്‍ന്നത്.  ജോണ്‍സണിനെതിരെ സിപിഎം അണികളില്‍ കടുത്ത പ്രതിഷേധവും ഉയര്‍ന്നിട്ടുണ്ട്.