ഇ-മെയില്‍ ഐഡിയും സിം കാര്‍ഡുകളും ദുരുപയോഗം ചെയ്തു; അകന്നുകഴിയുന്ന ഭര്‍ത്താവിനെതിരെ പരാതിയുമായി വീട്ടമ്മ

കാഞ്ഞങ്ങാട്: (www.kasargodvartha.com 10/11/2017) ഇ-മെയില്‍ ഐഡിയും സിം കാര്‍ഡുകളും ദുരുപയോഗം ചെയ്തതായി കാണിച്ച് അകന്നുകഴിയുന്ന ഭര്‍ത്താവിനെതിരെ പരാതിയുമായി വീട്ടമ്മ പോലീസിലെത്തി. വിനായക തീയേറ്ററിന് സമീപം താമസിക്കുന്ന കല്പക കെ ആനന്ദാണ് പരാതിയുമായി പോലീസിലെത്തിയത്. സംഭവത്തില്‍ ഹൊസ്ദുര്‍ഗ് പോലീസ് കേസെടുത്ത് അന്വേഷണം ആരംഭിച്ചു.

ഇവരുടെ രണ്ട് സിമ്മുകളും ഇ-മെയില്‍ ഐഡിയും പാസ് വേഡും ദുരൂപയോഗം ചെയ്തുവെന്നാണ് പരാതി. ഇതിന് പിന്നില്‍ അകന്നുകഴിയുന്ന ഭര്‍ത്താവാണെന്ന് സംശയിക്കുന്നതായും വീട്ടമ്മ നല്‍കിയ പരാതിയില്‍ പറയുന്നു. നേരത്തെ സിം കാര്‍ഡുകള്‍ ദുരുപയോഗം ചെയ്യുമെന്ന് ഭീഷണിപ്പെടുത്തിയിരുന്നതായും പരാതിയില്‍ പറയുന്നുണ്ട്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: News, Kanhangad, Sim card, Complaint, Housewife, Police, Investigation, Case, Misuse, E-mail ID and SIM cards misused; House wife's complaint against husband