ഫ്‌ളാസ്‌ക്കില്‍ കടത്തിയ 157 ഗ്രാം സ്വര്‍ണവുമായി കാഞ്ഞങ്ങാട് സ്വദേശി മംഗലാപുരത്ത് അറസ്റ്റില്‍

മംഗലാപുരം: തെര്‍മോസ് ഫ്‌ളാസ്‌ക്കില്‍ കടത്തിയ 157 ഗ്രാം സ്വര്‍ണവുമായി ദുബൈയില്‍ നിന്ന് മംഗലാപുരം വിമാനത്താവളത്തില്‍ വന്നിറങ്ങിയ കാഞ്ഞങ്ങാട് സ്വദേശിയെ കസ്റ്റംസ് അധികൃതര്‍ അറസ്റ്റുചെയ്തു. കാഞ്ഞങ്ങാട് കൊളവയലിലെ ഷബാബ് മാട്ടുമ്മല്‍ (24) ആണ് തിങ്കളാഴ്ച വൈകിട്ട് പിടിയിലായത്.

ദുബൈയില്‍ നിന്നുള്ള എയര്‍ഇന്ത്യാ എക്‌സ്പ്രസ് വിമാനത്തില്‍ തിങ്കളാഴ്ച വൈകിട്ട് 6.30ന് വന്നിറങ്ങിയതായിരുന്നു ഷബാബ്. പരിശോധനയില്‍ ഇയാളുടെ ലഗേജില്‍ ഉണ്ടായിരുന്ന പ്ലാസ്‌ക്കിലാണ് സ്വര്‍ണാഭരണങ്ങള്‍ ഒളിപ്പിച്ചനിലയില്‍ കണ്ടെത്തിയത്. ഒമ്പത് സ്വര്‍ണചെയിനുകളാണ് ഫ്‌ളാസ്‌ക്കില്‍ ഒളിപ്പിച്ചിരുന്നത്. ഇവയില്‍ ഒരെണ്ണം കല്ലുകള്‍ പതിപ്പിച്ചതും മറ്റുള്ളവ സാധാരണ സ്വര്‍ണമാലകളുമാണ്.

വെള്ളക്കടലാസില്‍ പൊതിഞ്ഞ മാലകള്‍ തവിട്ടുനിറത്തിലുള്ള ഗംടാപ്പ് ഒട്ടിച്ച് പാക്ക്‌ചെയ്തതിന് ശേഷം തെര്‍മോ ഫ്‌ളാസ്‌ക്കില്‍ നിറക്കുകയായിരുന്നു. ഇയാള്‍ നേരത്തെ ഇതുപോലെ പലതവണ സ്വര്‍ണാഭരണങ്ങള്‍ കടത്തിയതായി കസ്റ്റംസ് ഓഫീസ് അധികൃതര്‍ സംശയിക്കുന്നു. പിടികൂടിയ സ്വര്‍ണത്തിന് 3.33 ലക്ഷം രൂപ വിലവരും.

Keywords: Mangalore, Gold Chine, Thermos flask, Man, Kasargod, Airport, Shabab Mattummal, Kolavayal, Arrested, Dubai, Ornaments, Gulf, Air India Express, Flight, Customs Office, Checking, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Read More

11:17 am | 0 comments

കാസര്‍കോട്ടെയും മംഗലാപുരത്തെയും ജ്വല്ലറിയില്‍ കവര്‍ച്ച നടത്തി യുവതികള്‍ മുങ്ങി

കാസര്‍കോട്: ആഭരണങ്ങള്‍ വാങ്ങാനെന്ന വ്യാജേനയെത്തി രണ്ട് യുവതികള്‍ കാസര്‍കോട്ടെയും മംഗലാപുരത്തെയും ജ്വല്ലറികളില്‍ നിന്നും ഏഴര ലക്ഷത്തോളം രൂപയുടെ ആഭരണങ്ങളുമായി മുങ്ങി. കാസര്‍കോട് അശ്വിനി നഗറിലെ ബിന്ദു ജ്വല്ലറിലും, മംഗലാപുരം ബെല്‍മട്ടയിലെ തനിഷ്‌ക് ജ്വല്ലറിയിലുമാണ് കവര്‍ച്ച നടത്തിയത്. ബിന്ദു ജ്വല്ലറിയില്‍ ശനിയാഴ്ച ഉച്ചയോടെയായിരുന്നു സംഭവം.

ഹിന്ദി സംസാരിക്കുന്ന രണ്ട് യുവതികള്‍ ജ്വല്ലറിയിലെത്തി ആഭരണങ്ങള്‍ നോക്കുകയും ചിലത് വാങ്ങുകയും ചെയ്തിരുന്നു. അവര്‍ പോയതിന് ശേഷം ഉച്ചയ്ക്കാണ് ജ്വല്ലറിയില്‍ 47.2 ഗ്രാം സ്വര്‍ണം കാണാനില്ലെന്ന് മനസിലായത്. ഉടന്‍ തന്നെ ജ്വല്ലറി എം.ഡി കെ.വി. അഭിലാഷ് പോലീസില്‍ വിവരമറിയിക്കുകയായിരുന്നു. പോലീസെത്തി ജ്വല്ലറിയിലെ സി.സി.ടി.വി ദൃശ്യങ്ങള്‍ പരിശോധിച്ചു. എന്നാല്‍ ദൃശ്യത്തിന് മികവ് കുറഞ്ഞതിനാല്‍ മോഷ്ടാക്കളെ തിരിച്ചറിയാന്‍ സാധിച്ചില്ല.

അതേസമയം മംഗലാപുരം ബെല്‍മട്ടയിലെ തനിഷ്‌ക് ജ്വല്ലറിയില്‍ നിന്നു ആറ് ലക്ഷം രൂപ വില മതിക്കുന്ന രണ്ട് വജ്ര വളകള്‍ സമാനരീതിയില്‍ മോഷ്ടിച്ചു. ഉച്ചയ്ക്ക് ശേഷം സ്വര്‍ണം വാങ്ങാനെത്തിയ ഹിന്ദി സംസാരിക്കുന്ന രണ്ട് യുവതകള്‍ തിരികെ പോയതിനു ശേഷമാണ് ആഭരണങ്ങള്‍ കാണാതായതായി കണ്ടെത്തിയത്. പോലീസെത്തി സി.സി.ടി.വി ദൃശ്യങ്ങല്‍ പരിശോധിച്ചതില്‍ നിന്നും മോഷ്ടാക്കളെന്ന് സംശയിക്കുന്ന രണ്ട് യുവതികളുടെ ചിത്രങ്ങള്‍ ലഭിച്ചു.

ചിത്രത്തില്‍ കാണുന്ന യുവതികളാണ് ബിന്ദു ജ്വല്ലറിയിലും കവര്‍ച്ച നടത്തിയതെന്ന് സംശയിക്കുന്നതായി ജീവനക്കാര്‍ പറഞ്ഞു. ഇതോടെയാണ് കാസര്‍കോട്ടെയും മംഗലാപുരത്തെയും ജ്വല്ലറികളില്‍ കവര്‍ച്ച നടത്തിയത് ഒരേ സംഘമാണെന്ന സംശയം ബലപ്പെട്ടത്. 30ന് ഹൊസങ്കടിയിലെ അറ്റ്‌ലസ് ജ്വല്ലറിയിലും ഇതേ രീതിയില്‍ കവര്‍ച്ച നടന്നിരുന്നു. അന്ന് ആഭരണങ്ങള്‍ വാങ്ങാനെത്തിയ യുവതികളടങ്ങിയ സംഘം 10 പവന്‍ ആഭരണങ്ങളുമായാണ് കടന്നുകളഞ്ഞത്. ചിത്രങ്ങള്‍ ക്യാമറയില്‍ പതിഞ്ഞിരുന്നുവെങ്കിലും തട്ടിപ്പു സംഘത്തെ ഇതുവരെയും കണ്ടെത്താന്‍ കഴിഞ്ഞിട്ടില്ല.

 സ്വര്‍ണവുമായി മുങ്ങിയെന്ന് സംശയിക്കുന്ന സ്ത്രീകളുടെ ചിത്രം 

Keywords: Mangalore, Jewellery, Robbery, Women, Police, Enquiry, Kerala, Kasargod Vartha, Kerala News, International News, National News, Gulf News, Health News, Educational News, Business News, Stock News, Gold News.

Read More

5:13 pm | 1 comments

ബസ് യാത്രക്കിടയില്‍ യുവതിയുടെ ബാഗില്‍ നിന്ന് 13 പവന്‍ സ്വര്‍ണം കവര്‍ന്നു

കാസര്‍കോട്: ബസ് യാത്രക്കാരിയുടെ ഹാന്റ്ബാഗില്‍ നിന്ന് 13 പവന്റെ സ്വര്‍ണാഭരണങ്ങള്‍ കവര്‍ന്നു. തളങ്കര കെ.കെ. പുറത്തെ റുഖിയത്ത് ഷൈല (25) യുടെ സ്വര്‍ണമാണ് നഷ്ടപ്പെട്ടത്. ബുധനാഴ്ച ഉച്ചയ്ക്ക് പാലക്കുന്നില്‍ നിന്ന് കാസര്‍കോട്ടേക്ക് കെ.എസ്.ആര്‍.ടി.സി. ബസില്‍ സഞ്ചരിക്കുകയായിരുന്നു ഷൈല.

കാസര്‍കോട് പഴയ ബസ് സ്റ്റാന്‍ഡില്‍ ഇറങ്ങാന്‍ നേരത്താണ് ബാഗിന്റെ സിബ്ബ് തുറന്ന് കിടിക്കുന്നത് ശ്രദ്ധയില്‍പെട്ടത്. ഈ ബാഗില്‍ മറ്റൊരു പേഴ്‌സിലായി സൂക്ഷിച്ചിരുന്ന വളകള്‍ നഷ്ടപ്പെട്ടതായും മനസിലായി. നഷ്ടപ്പെട്ട സ്വര്‍ണാഭരണങ്ങള്‍ക്ക് 1,75,000 രൂപ വില കണക്കാക്കുന്നു. ഷൈലയുടെ പരാതിയില്‍ കാസര്‍കോട് ടൗണ്‍ പോലീസ് കേസെടുത്ത് അന്വേഷണം ആരംഭിച്ചു.

Keywords: Bus, Gold, Robbery, Palakunnu, Case, Police, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

12:00 pm | 0 comments

മെഡിക്കല്‍ സ്റ്റോര്‍ ഉടമയുടെ വീട്ടില്‍ നിന്നും 10 പവനും 40,000 രൂപയും കവര്‍ന്നു

കുമ്പള: മെഡിക്കല്‍ സ്‌റ്റോര്‍ ഉടമയുടെ വീട്ടില്‍ നിന്നും 10 പവന്‍ സ്വര്‍ണവും 40,000 രൂപയും കവര്‍ന്നു. കുമ്പള ടൗണിലെ സിറ്റി മെഡിക്കല്‍ സ്റ്റോര്‍ ഉടമയും ശാന്തിപ്പള്ളം ഷെട്ടിഗദ്ദെയില്‍ താമസക്കാരനുമായ മുഹമ്മദ് ഷരീഫിന്റെ വീട്ടിലാണ് കവര്‍ച നടന്നത്.

വീടിന്റെ അടുക്കള വാതില്‍ തകര്‍ത്ത് അകത്തു കടന്ന മോഷ്ടാക്കള്‍ താഴത്തെ നിലയിലുള്ള കിടപ്പുമുറിയിലെ അലമാര കുത്തിത്തുറന്നാണ് സ്വര്‍ണവും പണവും കവര്‍ച നടത്തിയത്. മുഹമ്മദ് ഷരീഫും കുടുംബവും ഞായറാഴ്ച പുറത്തു പോയ സമയത്തായിരുന്നു കവര്‍ച നടന്നത്. പുറത്തു പോയ ഷരീഫും കുടുംബവും തിരച്ചെത്തിയപ്പോഴാണ് കവര്‍ച നടന്ന വിവരമറിഞ്ഞത്. ഒന്നര വര്‍ഷം മുമ്പാണ് ശാന്തിപ്പള്ളം ഷെട്ടിഗദ്ദെയില്‍ മുഹമ്മദ് ഷരീഫ് പുതിയ വീട് വെച്ച് താമസം തുടങ്ങിയത്.

വിവരമറിഞ്ഞ് പോലീസും വിരലടയാള വിദഗ്ദ്ധരും സ്ഥലത്തെത്തി പരിശോധന നടത്തി. പോലീസ് നായയെ കൊണ്ടു വന്നും പരിശോധന നടത്തും. കഴിഞ്ഞ ഏതാനും ദിവസങ്ങളായി കാസര്‍കോട്ടും പരിസര പ്രദേശങ്ങളിലും വീടുകളിലും വ്യാപാര സ്ഥാപനങ്ങളിലും കവര്‍ചകള്‍ പതിവായി മാറിയിരിക്കുകയാണ്. ക്ഷേത്രങ്ങളിലും കവര്‍ച നടന്നിരുന്നു. ഈ കേസുകളിലൊന്നും പോലീസിന് യാതൊരു തുമ്പും ലഭിച്ചിട്ടില്ല.

Also Read:

ഇ.എസ്.ഐ. ഡിസ്പെന്സറി ഷട്ടര്‍ തകര്‍ത്ത് കവര്‍ച; 30,000 രൂപ നഷ്ടപ്പെട്ടു

കാസര്‍കോട്ട് വീണ്ടും കവര്‍ച; 3 കടകള്‍ കുത്തിത്തുറന്നു

പവര്‍ക്കട്ട് സമയത്ത് വീട്ടിനകത്ത് കയറിക്കൂടിയ മോഷ്ടാവ് 17 പവന്‍ സ്വര്‍ണം കവര്‍ന്നു

കാസര്‍കോട്ട് 2 ക്ഷേത്രങ്ങളില്‍ കവര്‍ച; സ്വര്‍ണവും പണവും നഷ്ടപ്പെട്ടു

വിവാഹം നടന്നുകൊണ്ടിരിക്കെ വധുവിന്റെ അരഞ്ഞാണം ഉള്‍പെടെ 20 പവന്‍ കവര്‍ന്നു

Keywords: Robbery, House, Kumbala, Gold, Cash, Police, Case, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

12:57 pm | 0 comments

പവര്‍ക്കട്ട് സമയത്ത് വീട്ടിനകത്ത് കയറിക്കൂടിയ മോഷ്ടാവ് 17 പവന്‍ സ്വര്‍ണം കവര്‍ന്നു

കാസര്‍കോട്: പവര്‍ക്കട്ട് സമയത്ത് വീട്ടിനകത്ത് കയറിക്കൂടിയ മോഷ്ടാവ് 17 പവന്‍ സ്വര്‍ണം കവര്‍ന്നു. അണങ്കൂര്‍ ടിപ്പു നഗറിലെ മൊയ്തുവിന്റെ വീട്ടിലാണ് കവര്‍ച നടന്നത്. വീടിന്റെ താഴത്തെ നിലയില്‍ വീട്ടുകാര്‍ ഉറങ്ങുമ്പോഴാണ് മുകള്‍ നിലയിലെ കിടപ്പുമുറിയിലെ അലമാരയില്‍ നിന്നും 17 പവന്‍ സ്വര്‍ണമടങ്ങുന്ന പെട്ടികവര്‍ചചെയ്തത്.

തൊട്ടടുത്ത വീട്ടില്‍ വിവാഹചടങ്ങിന് മൊയ്തു പോയിരുന്നു. ഇതിനിടയില്‍ പവര്‍കട്ട് സമയത്തായിരിക്കാം മോഷ്ടാവ് വീട്ടിനകത്ത് കയറിക്കൂടിയതെന്ന് സംശയിക്കുന്നു. മൊയ്തുവിന്റെ മരുമകള്‍ സുഹറയുടെ സ്വര്‍ണാഭരണമാണ് കവര്‍ചചെയ്യപ്പെട്ടത്. ഭര്‍ത്താവ് റഷീദ് ഗള്‍ഫിലാണ്. മൊയ്തുവും ഭാര്യ ഫാത്വിമയും സുഹറയും താഴത്തെ മുറികളിലാണ് ഉറങ്ങാന്‍ കിടന്നത്.

അണങ്കൂര്‍ ടി.വി. സ്‌റ്റേഷന്‍ റോഡില്‍ ചായക്കടനടത്തുകയാണ് മൊയ്തു. പുലര്‍ചെ നാല് മണിയോടെ ചായക്കടയിലേക്ക് പോയപ്പോള്‍ അപരിചതരായ രണ്ട് പേര്‍ സംശയകരമായ സാഹചര്യത്തില്‍ അവിടെയുണ്ടായിരുന്നതായി മൊയ്തു പറയുന്നു. മൊയ്തുവിന്റെ പരാതിയില്‍ കാസര്‍കോട് ടൗണ്‍പോലീസ് കേസെടുത്ത് അന്വേഷണം ആരംഭിച്ചു. പോലീസ് നായയും വിരലടയാള വിദഗ്ദ്ധരും കവര്‍ചനടന്ന വീട്ടിലെത്തി പരിശോധന നടത്തി.

Keywords: Robbery, Kasaragod, House, Gold, Kerala, Power Cutt, Theft, Police, Wedding, Hotel, Work, Case, Compalint, Kasaragod News, Kerala News, Kasaragod, Kerala, Gold News, National News, World News, Malayalam Vartha, Malayalam News.

Read More

1:30 pm | 0 comments

പെര്‍വാഡില്‍ വീട്ടില്‍ നിന്ന് മൂന്നരപവന്‍ സ്വര്‍ണം കവര്‍ന്നു

കുമ്പള: പെര്‍വാഡില്‍ വീട് കുത്തിത്തുറന്ന് മൂന്നര പവന്റെ സ്വര്‍ണാഭരണങ്ങളും 500 രൂപയും കവര്‍ന്നു. കുമ്പളയിലെ ബേക്കറി ഉടമ അബ്ദുല്‍ റഹ്മാന്റെ പെര്‍വാഡ് കെ.കെ പുറത്തെ വീട്ടിലാണ് കവര്‍ച്ച നടന്നത്.

വീട് പൂട്ടി ശനിയാഴ്ച ബന്ധു വീട്ടില്‍ പോയ കുടുംബാംഗങ്ങള്‍ ഞായറാഴ്ച രാവിലെ തിരിച്ചെത്തിയപ്പോഴാണ് കവര്‍ച്ച നടന്ന വിവരം അറിയുന്നത്. അടുക്കള വാതില്‍ കുത്തിപ്പൊളിച്ച നിലയിലായിരുന്നു. കുമ്പള പോലീസില്‍ പരാതി നല്‍കി.

Keywords: Pervad, House, Robbery, Gold, Kumbala, Kasaragod Vartha, Kerala, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

11:44 pm | 0 comments

വീട്ടുകാര്‍ ഉറങ്ങിക്കിടക്കുമ്പോള്‍ 7 പവന്‍ സ്വര്‍ണവും 15,000 രൂപയും കവര്‍ന്നു

മഞ്ചേശ്വരം: വീട്ടുകാര്‍ ഉറങ്ങിക്കിടക്കവെ അടുക്കള വാതില്‍ തകര്‍ത്ത് അകത്ത് കടന്ന മോഷ്ടാക്കള്‍ ഏഴ് പവന്‍ സ്വര്‍ണവും 15,000 രൂപയും  കവര്‍ച ചെയ്തു. മഞ്ചേശ്വരം അട്ടഗോളിയിലെ വ്യാപാരിയായ ഹംസയുടെ വീട്ടിലാണ് കവര്‍ച നടന്നത്.

വ്യാഴാഴ്ച രാത്രി ഭക്ഷണം കഴിച്ച് ഉറങ്ങാന്‍ കിടന്നതായിരുന്നു ഹംസയും കുടുംബവും. പുലര്‍ചെ ഉണര്‍ന്നപ്പോഴാണ് കവര്‍ച നടന്ന വിവരം അറിയുന്നത്. അലമാരയില്‍ സൂക്ഷിച്ചിരുന്ന സ്വര്‍ണവും പണവുമാണ് കവര്‍ന്നത്. ഹംസയുടെ പരാതിയില്‍ വെള്ളിയാഴ്ച ഉച്ചയോടെ മഞ്ചേശ്വരം പോലീസ് കേസെടുത്ത് അന്വേഷണം ആരംഭിച്ചു.

Keywords: Robbery, Gold, Price, Manjeshwaram, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

12:56 pm | 0 comments

കൊറക്കോട്ടെ ക്ഷേത്ര കവര്‍ച: അഞ്ചു വിരലടയാളങ്ങള്‍ ലഭിച്ചു

കാസര്‍കോട്: കൊറക്കോട്ട് നാഗരക്കട്ട ശ്രീ മല്ലികാര്‍ജുന ക്ഷേത്രത്തില്‍ കഴിഞ്ഞദിവസം നടന്ന കവര്‍ചയ്ക്ക് പിന്നിലെന്നു സംശയിക്കുന്നവരുടെ അഞ്ചു വിരലടയാളങ്ങള്‍ ലഭിച്ചു. ഇവ ആരുടേതാണെന്നു കണ്ടെത്താനുള്ള അന്വേഷണം പോലീസ് ആരംഭിച്ചു. ഞായറാഴ്ച രാത്രിയാണ് ക്ഷേത്ര കവര്‍ച നടന്നത്.

പൂട്ടു തതകര്‍ത്ത് ശ്രീകോവിലിനകത്തു കയറിയ കവര്‍ക്കാര്‍ വിഗ്രഹത്തില്‍ ചാര്‍ത്തിയിരുന്ന ഒന്നരപ്പവന്‍ വീതം വരുന്ന രണ്ടുമാലകളും അരപ്പവന്‍ തൂക്കമുള്ള സ്വര്‍ണപൂവുമാണ് കവര്‍ന്നത്. സമീപത്തെ രക്തേശ്വരി ദൈവസ്ഥാനത്തിന്റെ രണ്ടു ഭണ്ഡാരങ്ങളും കവര്‍ന്നു. സ്റ്റീല്‍ ഭണ്ഡാരത്തില്‍ നിന്നുമാണ് മോഷ്ടാക്കളെന്നു സംശയിക്കുന്നവരുടെ വ്യക്തമായ വിരലടയാളങ്ങള്‍ ലഭിച്ചത്.

കുപ്രസിദ്ധ ക്ഷേത്ര കവര്‍ചക്കാരന്‍ ഉക്കാസ് ബഷീറിന്റേതാണ് വിരലടയാളമെന്ന് സംശയിച്ചിരുന്നു. എന്നാല്‍ തുടര്‍ന്നു നടത്തിയ പരിശോധനയില്‍ നിന്നും ഭണ്ഡാരത്തില്‍ നിന്നും ലഭിച്ച വിരലടയാളങ്ങള്‍ ഉക്കാസ് ബഷീറിന്റേതല്ലെന്ന് തെളിഞ്ഞിട്ടുണ്ട്. തുടര്‍ന്നു മറ്റു മേഖലകളിലുള്ള കുറ്റവാളികള്‍ക്കായുള്ള അന്വേഷണം ആരംഭിച്ചിട്ടുണ്ട്. ഭണ്ഡാരത്തില്‍ നിന്നും ലഭിച്ച വിരലടയാളങ്ങള്‍ ഇതിനു മുമ്പ് മോഷണക്കുറ്റത്തിന് അറസ്റ്റിലായവരുടേതല്ലെന്നും തെളിഞ്ഞിട്ടുണ്ട്.

Related News:  

കാസര്‍കോട്ട് 2 ക്ഷേത്രങ്ങളില്‍ കവര്‍ച; സ്വര്‍ണവും പണവും നഷ്ടപ്പെട്ടു

Keywords: Robbery, Temple, Gold, Price, Kasaragod, Police, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

8:01 pm | 0 comments

കാസര്‍കോട്ട് 2 ക്ഷേത്രങ്ങളില്‍ കവര്‍ച; സ്വര്‍ണവും പണവും നഷ്ടപ്പെട്ടു

കാസര്‍കോട്: കാസര്‍കോട്ട് രണ്ട് ക്ഷേത്രങ്ങളില്‍ കവര്‍ച. സ്വര്‍ണവും പണവും നഷ്ടപ്പെട്ടു. കൊറക്കോട് നാഗര്‍ക്കട്ടയിലെ മല്ലികാര്‍ജുന ക്ഷേത്രത്തിലും സമീപത്തെ രക്‌തേശ്വരി ക്ഷേത്രത്തിലുമാണ് ഞായറാഴ്ച രാത്രി കവര്‍ച നടന്നത്. മല്ലികാര്‍ജുന ക്ഷേത്രത്തില്‍ നിന്ന് പൂട്ട് പൊളിച്ച് അകത്ത് കടന്ന മോഷ്ടാക്കള്‍ ഒന്നര പവന്‍ വീതം തൂക്കം വരുന്ന രണ്ട് സര്‍ണ മാലകള്‍ കവര്‍ന്നു. രക്‌തേശ്വരി ദേവസ്ഥാനത്തെ രണ്ട് ഭണ്ഡാരങ്ങള്‍ കുത്തിത്തുറന്ന് 3,000 രൂപയും അയ്യപ്പ വിഗ്രഹത്തില്‍ ചാര്‍ത്തിയിരുന്ന അരപവനോളം തൂക്കം വരുന്ന സ്വര്‍ണ പുഷ്പവും കവര്‍ന്നു.

ക്ഷേത്രത്തിന്റെ അകത്തുണ്ടായിരുന്ന സ്റ്റീല്‍ ഭണ്ഡാരവും പുറത്തെ ഉരുമ്പ് ഭണ്ഡാരവും കുത്തിത്തുറന്നാണ് പണം കവര്‍ന്നത്. ക്ഷേത്ര പൂജാരിയും ക്ഷേത്ര കമ്മിറ്റി ട്രഷററുമായ നാഗേഷ് തിങ്കളാഴ്ച പുലര്‍ചെ 5.30 മണിയോടെ ക്ഷേത്രത്തില്‍ പൂജനടത്താനെത്തിയപ്പോഴാണ് കവര്‍ച നടന്ന വിവരം ശ്രദ്ധയില്‍പെട്ടത്. ഉടന്‍ ടൗണ്‍ പോലീസില്‍ വിവരം അറിയിക്കുകയായിരുന്നു.

ടൗണ്‍ പോലീസും വിരലടയാള വിദഗ്ദ്ധരും ക്ഷേത്രത്തിലെത്തി പരിശോധന നടത്തി. പോലീസ് നായയെ കൊണ്ടു വന്ന് പരിശോധന നടത്താനും ഉദ്ദേശിക്കുന്നു. രക്‌തേശ്വരി ക്ഷേത്ര പരിസരത്തു നിന്ന് കവര്‍ചയ്ക്കുപയോഗിച്ചതെന്ന് സംശയിക്കുന്ന പിക്കാസും ക്ഷേത്രത്തിന്റെ തകര്‍ത്ത പൂട്ടും പോലീസ് കണ്ടെടുത്തു.

Keywords: Robbery, Temple, Gold, Money chain, Police, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

8:55 pm | 0 comments

വിവാഹത്തിനിടെ 20 പവന്‍ കവര്‍ന്ന യുവതിയെ തെരെയുന്നു

കുമ്പള: വിവാഹ ചടങ്ങനിനിടെ നവവധുവിനെ അണിയിച്ചൊരുക്കാന്‍  കൊണ്ടു വന്ന 20 പവന്‍ സ്വര്‍ണാഭരണങ്ങളുമായി കടന്നു കളഞ്ഞ യുവതിയെ കണ്ടെത്താന്‍ പോലീസ് അന്വേഷണം ആരംഭിച്ചു. വ്യാഴാഴ്ച ശാന്തിപ്പള്ളത്തെ മുഹിമ്മാത്ത് കണ്‍വെന്‍ഷന്‍ ഹാളിലാണ് സ്വര്‍ണമോഷണം നടന്നത്.

ബായാര്‍ പേരാലിലെ ആദം കുഞ്ഞിയുടെ മകള്‍ ഖൈറുന്നിസയുടെ കല്യാണത്തിനു വാങ്ങിയ സ്വര്‍ണമാണ് വരന്റെ സഹോദരിയാണെന്ന് പറഞ്ഞ് എത്തിയ യുവതി തട്ടിയെടുത്തത്. വ്യാഴാഴ്ച ഉച്ചയ്ക്ക് 11.30 മണിയോടെയായിരുന്നു സംഭവം. ഖൈറുന്നിയുടെ മാതാവ് സുലൈഖയാണ് ആഭരണങ്ങള്‍ അടങ്ങിയ ചെറിയപെട്ടി കൈവശം വെച്ചിരുന്നത്. നിക്കാഹ് ചടങ്ങുകള്‍ നടക്കുന്നതിനിടയില്‍ വരന്റെ സഹോദരിയാണെന്നും ആഭരണം നോക്കാനാണെന്നും പറഞ്ഞ് അരഞ്ഞാണവും മാലയും സൂത്രത്തില്‍ കൈക്കലാക്കുകയായിരുന്നു.

വധുവിനെ അണിയിച്ചൊരുക്കാനാണ് സ്വര്‍ണം ആവശ്യപ്പെട്ടത്. പിന്നീട് കബളിക്കപ്പെട്ടതായി മനസിലാക്കിയ സുലൈഖ ബഹളം വെച്ചു. ഇതോടെയാണ് കല്യാണത്തിനെത്തിയ മറ്റുള്ളവര്‍ വിവരം അറിയുന്നത്. തുടര്‍ന്ന് ബന്ധുക്കളും മറ്റും ഹാള്‍ മുഴുവന്‍ അരിച്ചുപെറുക്കിയെങ്കിലും സ്വര്‍ണം കൈക്കലാക്കിയ യുവതിയെ കണ്ടെത്താന്‍ കഴിഞ്ഞില്ല.


വിവരമറിഞ്ഞ് കുമ്പള അഡീഷണല്‍ എസ്.ഐ സുരേന്ദ്രന്റെ നേതൃത്വത്തില്‍ വനിതാ പോലീസ് ഉള്‍പെടെയുള്ളവര്‍ സ്ഥലത്തെത്തിയെങ്കിലും ഹാളിലെ തിക്കും തിരക്കും കാരണം അന്വേഷണം നടത്താനാകാതെ തിരികെ പോവുകയായിരുന്നു. വിവാഹ തിരക്കിനിടയില്‍ സ്വര്‍ണവും പണവും തട്ടുന്ന റാക്കറ്റുകള്‍ വര്‍ധിച്ചുവരുന്നതായി നേരത്തെ തന്നെ സൂചനയുണ്ട്. മഞ്ചേശ്വരം, ഉപ്പള, കുമ്പള ഭാഗങ്ങളില്‍ ഇത്തരത്തിലുള്ള തട്ടിപ്പ് നേരത്തെയും ഉണ്ടായിരുന്നതായി പരാതിയുണ്ട്.

Related News:
വിവാഹം നടന്നുകൊണ്ടിരിക്കെ വധുവിന്റെ അരഞ്ഞാണം ഉള്‍പെടെ 20 പവന്‍ കവര്‍ന്നു

Keywords: Bayar padavu, Marriage, Bride, Gold, Theft, Kasaragod, Kumbala, Police, Complaint, Case, Kerala,Kerala News, International News, National News, Gulf News, Health News, Educational News, Business News, Stock News, Gold News.

Read More

5:12 pm | 0 comments

വിവാഹം നടന്നുകൊണ്ടിരിക്കെ വധുവിന്റെ അരഞ്ഞാണം ഉള്‍പെടെ 20 പവന്‍ കവര്‍ന്നു

കാസര്‍കോട്: വിവാഹം നടന്നുകൊണ്ടിരിക്കെ വധുവിന്റെ അരഞ്ഞാണം ഉള്‍പെടെ 20 പവന്‍ സ്വര്‍ണം കവര്‍ന്നു. വ്യാഴാഴ്ച ഉച്ചയ്ക്ക് കുമ്പള മുഹിമ്മാത്ത് ഹാളില്‍ വിവാഹ ചടങ്ങ് നടക്കുന്നതിനു തൊട്ടുമുമ്പാണ് വധുവിന്റെ അരഞ്ഞാണവും മാലയും മോഷണം പോയത്.

ബായാര്‍പദവ് സ്വദേശിയായ വധുവിന്റെ സ്വര്‍ണമാണ് മോഷണം പോയത്. മുഹിമ്മാത്ത് ഹാളില്‍ വ്യാഴാഴ്ച നാലു വിവാഹമാണ് നടക്കുന്നത്. ആയിരക്കിനാളുകളാണ് വിവാഹത്തിനെത്തിയിരിക്കുന്നത്. ബായാര്‍പദവ് സ്വദേശിയായ വധുവിനെ അണിയിച്ചൊരുക്കുന്നതിനിടയില്‍ വരന്റെ ബന്ധുവെന്ന വ്യാജേന
ഒരു യുവതി അരഞ്ഞാണവും മാലയും നോക്കാന്‍ വേണ്ടി വാങ്ങുകയും പിന്നീട് സ്വര്‍ണവുമായി കടന്നുകളയുകയുമായിരുന്നു.


യുവതിയുടെ ബന്ധുവായ ബായാര്‍പദവിലെ യൂസഫിന്റെ പരാതിയില്‍ കുമ്പള എസ്.ഐ സുരേന്ദ്രന്റെ നേതൃത്വത്തിലുള്ള പോലീസ് സംഘം സ്ഥലത്തെത്തിയെങ്കിലും വിവാഹച്ചടങ്ങുകള്‍ നടക്കുന്നതിനാല്‍ കാര്യമായ അന്വേഷണം നടത്താന്‍ കഴിഞ്ഞിട്ടില്ല. വിവാഹങ്ങള്‍ കഴിഞ്ഞശേഷം വിശദമായ അന്വേഷണവും പരിശോധനയും നടത്തുമെന്ന് പോലീസ് പറഞ്ഞു. വിവാഹത്തിന്റെ വീഡിയോ ദൃശ്യങ്ങളുണ്ടെങ്കില്‍ അതും
പരിശോധിക്കുമെന്നും പോലീസ് വ്യക്തമാക്കി.

Keywords: Bayar padavu, Marriage, Bride, Gold, Theft, Kasaragod, Kumbala, Police, Complaint, Case, Kerala,Kerala News, International News, National News, Gulf News, Health News, Educational News, Business News, Stock News, Gold News.

Read More

8:00 pm | 0 comments

അത്ഭുതസിദ്ധി അവകാശപ്പെട്ട് ലക്ഷങ്ങളുടെ സ്വര്‍ണാഭരണങ്ങള്‍ തട്ടിയ ജ്യോതിഷന്‍ പിടിയില്‍

മംഗലാപുരം: ലക്ഷങ്ങള്‍ വിലമതിക്കുന്ന സ്വര്‍ണാഭരണങ്ങളുമായി വ്യാജ ജ്യോതിഷനെ പോലീസ്
അറസ്റ്റ് ചെയ്തു. ജീവിത പ്രയാസങ്ങള്‍ക്ക് ജ്യോതിഷ വിധിപ്രകാരം പരിഹാരമുണ്ടാക്കുമെന്ന് വിശ്വസിപ്പിച്ച് ആളുകളെ ചൂഷണം ചെയ്യുന്നത് പതിവാക്കിയ തെങ്ക യേദപ്പദവിലെ സുധാകര്‍ നായകിനെ(32) ആണ് ബാര്‍ക്കെ പോലീസ് അറസ്റ്റ് ചെയ്തത്. സ്ത്രീകളില്‍ നിന്ന് തട്ടിയെടുത്ത സ്വര്‍ണാഭരണങ്ങളും വിലകൂടിയ മറ്റുവസ്തുക്കളും പോലീസ് ഇയാളില്‍ നിന്നും കണ്ടെടുത്തു.

മൂന്നരലക്ഷം രൂപ വിലവരുന്ന 132 ഗ്രാം സ്വര്‍ണാഭരണങ്ങള്‍ ഇയാളുടെ കൈവശമുണ്ടായിരുന്നു. ഇതിനുപുറമെ രണ്ടരലക്ഷം രൂപ വിലവരുന്ന 107 ഗ്രാം സ്വര്‍ണാഭരണങ്ങള്‍ ഗഞ്ജിമട്ട് അഗ്രികള്‍ച്ചറല്‍ സര്‍വീസ് കോ-ഓപറേറ്റീവ് ബാങ്കിലും 25 ഗ്രാം സ്വര്‍ണം യേദപദവ് അഗ്രികള്‍ച്ചറല്‍ സര്‍വീസ് കോ-ഓപറേറ്റീവ് ബാങ്കിലും സൂക്ഷിച്ചിരുന്നു. അതും പോലീസ് കണ്ടെടുത്തു.

ആളുകളെ വശീകരിച്ച് അവരുടെ എല്ലാവിധ ജീവിത പ്രാരാബ്ധങ്ങള്‍ക്കും പരിഹാരമുണ്ടാക്കുമെന്ന് തെറ്റിദ്ധരിപ്പിച്ചാണ് ഇയാള്‍ സ്ത്രീകളില്‍ നിന്നും ആഭരണങ്ങള്‍ കൈക്കലാക്കിയത്. തന്റെ അത്ഭുത സിദ്ധികളെകുറിച്ച് ഇയാള്‍ ടിവി ചാനലുകളിലടക്കം പരസ്യവും നല്‍കിയിരുന്നു. സ്ത്രീകളെയും സാമ്പത്തിക ശേഷിയുള്ളവരെയും നോട്ടമിട്ടാണ് ഇയാള്‍ ജ്യോതിഷ തട്ടിപ്പ് നടത്തിവന്നത്. ഇയാളുടെ സഹോദരനും തട്ടിപ്പിന് കൂട്ടുനിന്നതായി പോലീസ് പറഞ്ഞു.

ആഢംബര സൗകര്യങ്ങളുള്ള വീട്ടില്‍ താമസിച്ചാണ് ഇയാള്‍ തട്ടിപ്പിന് കളമൊരുക്കിയത്. ജ്യോതിഷനെ കാണാനെത്തുന്നവര്‍ ആദ്യം സഹോദരനെ സമീപിക്കും. അയാള്‍ വരുന്നവരോട് അവരുടെ പ്രശ്‌നങ്ങളെല്ലാം ചോദിച്ചറിയും. ഇക്കാര്യം ആളുകള്‍ അറിയാതെ സഹോദരന്‍ സുധാകര്‍ നായിക്കിനെ അറിയിക്കുകയും ആളുകള്‍ മുമ്പിലെത്തിയാലുടന്‍ സുധാകര്‍ നായിക് അവരുടെ പ്രശ്‌നങ്ങളെല്ലാം വിവരിക്കുകയും ചെയ്യും. ഇത് കേള്‍ക്കുമ്പോള്‍ അത്ഭുതംകൂറുന്ന ആളുകള്‍ ആഭരണങ്ങളും പണവും സന്തോഷത്തോടെ നല്‍കുന്നു. പ്രശ്‌നങ്ങള്‍ക്കെല്ലാം ജ്യോതിഷന്‍ പരിഹാര ക്രിയകളും നിര്‍ദേശിക്കും.

മന്നഗുഡ്ഡെയിലെ ഒരു സ്ത്രീയുടെ ഒമ്പതിനായിരം രൂപ ജ്യോതിഷന്‍ തട്ടിയെടുത്തത് സംബന്ധിച്ച് ഉയര്‍ന്ന പരാതി അന്വേഷിച്ച ബാര്‍ക്കെ പോലീസ് സ്‌റ്റേഷനിലെ രണ്ട് വനിതാ പോലീസുകാരാണ് ജ്യോതിഷന്റെ തട്ടിപ്പുകള്‍ പുറത്തുകൊണ്ടുവന്നത്.

ഇയാളില്‍ നിന്ന് സ്വര്‍ണാഭരണങ്ങള്‍ക്ക് പുറമെ പാത്രങ്ങള്‍, മൊബൈല്‍ ഫോണ്‍, മറ്റു സാധനങ്ങള്‍, രേഖകള്‍ എന്നിവയും പോലീസ് പിടിച്ചെടുത്തു. പ്രതിയെ കോടതിയില്‍ ഹാജരാക്കി. ഇയാളുടെ തട്ടിപ്പിനിരയായ ആളുകളില്‍ നിന്ന് പോലീസ് കൂടുതല്‍ വിവരങ്ങള്‍ ശേഖരിച്ചുവരികയാണ്. എന്നാല്‍ ഇതുവരെയായും ആരും രേഖാമൂലം പരാതി നല്‍കാന്‍ തയാറായിട്ടില്ലെന്ന് പോലീസ് അറിയിച്ചു.  

Keywords: Mangalore, Arrest, Police, Gold, National, Fake Astrologer, Cheat People, Sudhakar Nayak, Advertisements, Television Channels, Kasargodvartha, Malayalam news, Kerala News, International News, National News, Gulf News, Health News, Educational News, Business News, Stock News, Gold News.

Read More

11:09 pm | 0 comments

ജ്വല്ലറി ഉടമയുടെ കണ്ണില്‍ മുളകുപൊടി വിതറി ചോറ്റു പാത്രമടങ്ങിയ ബാഗ് കവര്‍ന്നു

ബേക്കല്‍: ജ്വല്ലറി അടച്ച ശേഷം വീട്ടിലേക്ക് പോവുകയായിരുന്ന ഉടമയുടെ കണ്ണില്‍ മുളകുപൊടി വിതറി ബാഗ് തട്ടിപ്പറിച്ചു.  കരുവാക്കോട് സ്വദേശിയെയാണ് ബൈക്കില്‍ പിന്തുടര്‍ന്ന രണ്ടു പേര്‍ കണ്ണില്‍ മുളകുപൊടി വിതറി ബാഗ് തട്ടിപ്പറിച്ച് രക്ഷപ്പെട്ടത്. വെള്ളിയാഴ്ച വൈകിട്ട് ഏഴു മണിയോടെയാണ് സംഭവം. പകച്ചുപോയ ജ്വല്ലറി ഉടമ കണ്ണ് തുടച്ച് നോക്കിയപ്പോള്‍ 25 പവനും 50,000 രൂപയുമടങ്ങിയ ബാഗ് കൈയില്‍ ഭദ്രം. കൊണ്ടു പോയത് ഉച്ചഭക്ഷണ പാത്രമടങ്ങിയ ബാഗ്. തിരിച്ചലിനൊടുവില്‍ സംഭവ സ്ഥലത്ത് നിന്ന് ഒരു തോക്ക് ഉപേക്ഷിച്ച നിലയില്‍ കണ്ടെത്തി.

കുണിയയിലെ നികേഷ് ജ്വല്ലറി ഉടമ കരുവാക്കോട്ട നാരായണനെ (57) യാണ് രണ്ടു പേര്‍ അക്രമിച്ച് പണം തട്ടാന്‍ ശ്രമിച്ചത്. കരുവാക്കോട്ടെത്തിയപ്പോള്‍ മോട്ടോര്‍ സൈക്കിള്‍ യാത്രക്കാര്‍ മുഖത്ത് കുരുമുളക് പൊടി വിതറുകയായിരുന്നു. അതിനിടെ കൈയ്യിലെ ബാഗ് തട്ടിപ്പറിച്ച് അവര്‍ കടന്നു കളയുകയും ചെയ്തു. 35 വയസ് തോന്നിക്കുന്ന ബൈക്ക് യാത്രക്കാര്‍ പാന്റ്‌സും ഷര്‍ട്ടുമാണ് ധരിച്ചിരുന്നത്. ഒരാള്‍ തൊപ്പി വെച്ചിരുന്നു. ഒരാള്‍ക്ക് കുറ്റിത്താടിയുമുണ്ട്.

നീറ്റല്‍ മാറിയതിന് ശേഷം കണ്ണ് തുറന്നപ്പോള്‍ സ്വര്‍ണവും പണവുമടങ്ങിയ ബാഗ് നഷ്ടപ്പെട്ടിട്ടില്ലെന്നും ടിഫിന്‍ ബോക്‌സ് അടങ്ങിയ ബാഗാണ് കവര്‍ചക്കാര്‍ തട്ടിപ്പറിച്ചതെന്നും മനസിലാവുകയായിരുന്നു. സംഭവ സ്ഥലത്ത് ഉപേക്ഷിച്ച നിലയില്‍ കാണപ്പെട്ട തോക്ക് ബേക്കല്‍ പോലീസ് കസ്റ്റഡിയിലെടുത്തു. പ്രതികള്‍ക്ക് വേണ്ടി അന്വേഷണം ഊര്‍ജിതമാക്കിയിട്ടുണ്ട്.

Keywords: Robbery, House, Bike, Kuniya, Gold, Custody, Accuse, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News, Jewellery owner's bag robbed

Read More

7:37 pm | 0 comments

ഗള്‍ഫുകാരന്റെ വീട്ടില്‍ നിന്നും 16 പവന്‍ സ്വര്‍ണവും പണവും കവര്‍ന്നു

ബദിയഡുക്ക: ഗള്‍ഫുകാരന്റെ വീട്ടില്‍ നിന്നും വീടുകുത്തുറന്ന് 16 പവന്‍ സ്വര്‍ണവും 15,000 രൂപയും കവര്‍ന്നു. നെക്രാജയിലെ ഇബ്രാഹിമിന്റെ വീട്ടിലാണ് മോഷണം നടന്നത്. ഇബ്രാഹിമിന്റെ ഭാര്യയും കുട്ടികളും വീടുപൂട്ടി വ്യാഴാഴ്ച രാത്രി 10.30 മണിയോടെ നെക്രാജേയില്‍ മഖാം ഉറൂസിനു പോയിരുന്നു.

രാത്രി 12.30 മണിയോടെ തിരിച്ചെത്തിയപ്പോള്‍ വീടിന്റെ മുന്‍വശം തുറന്നു കിടക്കുന്നതുകണ്ട് ബന്ധുക്കളെയും അയല്‍വാസികളെയും വിവരമറിയിക്കുകയായിരുന്നു. അകത്തുകടന്ന് പരിശോധിച്ചപ്പോഴാണ്  കിടപ്പുമുറിയിലെ അലമാര കുത്തിത്തുറന്ന് വസ്ത്രങ്ങളും മറ്റും വാരിവലിച്ചിട്ടനിലയില്‍ കണ്ടത്.

വിശദമായി പരിശോധിച്ചപ്പോഴാണ് അലമാരയില്‍ സൂക്ഷിച്ചിരുന്ന പണവും ആഭരണങ്ങളും മോഷണം പോയതായി വ്യക്തമായത്.ബദിയഡുക്ക പോലീസില്‍ പരാതി നല്‍കിയതിനെ തുടര്‍ന്ന് പോലീസ് എത്തി
അന്വേഷണം ആരംഭിച്ചു.

Keywords: Gulf, House, Gold, Cash, Robbery, Badiyadukka, Police, Complaint, Kerala, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

5:56 pm | 0 comments

വിവാഹ സംഘം വസ്ത്രാലയത്തില്‍ മറന്നുവെച്ച 15 പവന്‍ സ്വര്‍ണവും പണവും പോലീസിലേല്‍പിച്ചു

കാസര്‍കോട്: വിവാഹ സംഘം വസ്ത്രാലയത്തില്‍ മറന്നു വെച്ച ബാഗിലുണ്ടായിരുന്ന 15 പവന്‍ സ്വര്‍ണവും പണവും പോലീസിലേല്‍പിച്ചു. കാസര്‍കോട് ടൌണിലെ തേജസ് കലക്ഷന്‍ വസ്ത്രാലയ ഉടമ ബി. രാമചന്ദ്രയാണ് മറന്നു വെച്ച 15 പവന്‍ സ്വര്‍ണവും 2,000 രൂപയും രേഖകളുമടങ്ങുന്ന ബാഗ് പോലീസിലേല്‍പിച്ചത്.

ബുധനാഴ്ച രാത്രിയാണ് കാസിം, റമീല എന്നിവരടങ്ങുന്ന വിവാഹസംഘം കടയിലെത്തിയത്. ഇവര്‍ വസ്ത്രം വാങ്ങി പോയതിന് ശേഷമാണ് ബാഗ് മറന്നുവെച്ചത് ഉടമ കണ്ടത്. ഇവരെ ബന്ധപ്പെടാനുള്ള സാഹചര്യം ഇല്ലാത്തതിനാല്‍ ഉടമ സ്വര്‍ണവും പണവുമടങ്ങുന്ന ബാഗ് കാസര്‍കോട് ടൌണ്‍ പോലീസിന് കൈമാറുകയായിരുന്നു. ഉടമസ്ഥരെ കണ്ടെത്താന്‍ പോലീസ് അന്വേഷണം നടത്തിവരികയാണ്.

Keywords: Kerala, Kasaragod, Gold, Bag, Police, Jeweler, Forgot, 

Read More

1:51 pm | 3 comments

പാണത്തൂരില്‍ വീട് കുത്തിത്തുറന്ന് 12 പവനും അഞ്ച് ലക്ഷവും കവര്‍ന്നു

കാഞ്ഞങ്ങാട്: രാജപുരം പോലീസ് സ്‌റ്റേഷന്‍ പരിധിയിലെ പാണത്തൂര്‍ ചിറംകടവില്‍ വീട് കുത്തിത്തുറന്ന് 12 പവന്‍ സ്വര്‍ണാഭരണങ്ങളും അഞ്ച് ലക്ഷം രൂപയും കൊള്ളയടിച്ചു. ചിറംകടവിലെ ചാക്കോയുടെ വീട്ടിലാണ് കവര്‍ച്ച നടന്നത്.

ഈസ്റ്റര്‍ ആഘോഷ ചടങ്ങില്‍ പങ്കെടുക്കാന്‍ ചാക്കോയും കുടുംബവും ശനിയാഴ്ച രാത്രി തൊട്ടടുത്ത ചര്‍ച്ചില്‍ പോയിരുന്നു. ഞായറാഴ്ച പുലര്‍ച്ചെ തിരിച്ചെത്തിയപ്പോഴായിരുന്നു കവര്‍ച്ച ശ്രദ്ധയില്‍പ്പെട്ടത്. പിറകുവശത്തെ വാതില്‍ കുത്തിതുറന്നനിലയിലാണ്.

ഇരുനില വീടിന്റെ താഴത്തെ നിലയിലെ കിടപ്പുമുറിയില്‍ അലമാരയിലായിരുന്നു സ്വര്‍ണവും പണവും സൂക്ഷിച്ചിരുന്നത്. അലമാരകുത്തിപൊളിച്ച നിലയിലാണ്. രാജപുരം പോലീസും, വിരലടയാള വിദഗ്ധരും, പോലീസ് നായയും സ്ഥലത്തെത്തി പരിശോധന നടത്തി.

file photo

Keywords: Panathur, House, Robbery, Gold, Money, Rajapuram, Kasaragod, Kerala, Kasargod Vartha, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

4:57 pm | 0 comments

മംഗലാപുരത്ത് കടകുത്തിത്തുറന്ന് 15 പവന്‍ സ്വര്‍ണവും 2 ലക്ഷം രൂപയും കവര്‍ന്നു

മംഗലാപുരം: മംഗലാപുരത്ത് കടകുത്തിത്തുറന്ന് 15 പവന്‍ സ്വര്‍ണവും രണ്ട് ലക്ഷം രൂപയും കവര്‍ന്നു. പാലിമാറിലെ ധനലക്ഷ്മി ട്രൈഡേര്‍സ് ഹാര്‍ഡ്‌വെയര്‍ കടയിലാണ് വെള്ളിയാഴ്ച രാത്രി കവര്‍ച നടന്നത്. പടുബിദ്രിയിലുള്ള ദിനേശ് പ്രഭുവിന്റെ ഉടമസ്ഥതയിലുള്ളതാണ് കവര്‍ച നടന്ന കട.

കടയുടെ പിറകുവശത്തുള്ള ഷട്ടര്‍ തകര്‍ത്ത് അകത്തുകടന്ന മോഷ്ടാക്കള്‍ അകത്തെ അലമാര കുത്തിപ്പൊളിച്ചാണ് സ്വര്‍ണവും പണവും കൈക്കലാക്കിയത്. ദുഃഖ വെള്ളിയായതിനാല്‍ വെള്ളിയാഴ്ച കട അവധിയായിരുന്നു. അന്ന് ദിനേശ് പ്രഭു കുടുംബസമേതം ബന്ധുവീട്ടില്‍ പോയതായിരുന്നു. വീട്ടില്‍ സ്വര്‍ണവും പണവും സൂക്ഷിക്കുന്നത് സുരക്ഷിതമല്ലെന്ന് കരുതി അവ കടയില്‍ സൂക്ഷിച്ചതായിരുന്നു.

ശനിയാഴ്ച തിരിച്ച് വന്ന് കടതുറന്നപ്പോഴാണ് സ്വര്‍ണവും പണവും കവര്‍ച ചെയ്ത വിവരം ശ്രദ്ധയില്‍ പെട്ടത്. ദിനേശ് പ്രഭുവിന്റെ നീക്കങ്ങള്‍ അറിഞ്ഞവരായിരിക്കാം കവര്‍ചയ്ക്ക് പിന്നിലെന്ന് സശയിക്കുന്നു. പടുബിദ്രി പോലീസ് കേസെടുത്ത് അന്വേഷണം ആരംഭിച്ചു.

Keywords: Mangalore, Robbery, Gold, Cash, National, Police, Case, Shop, Owner, Friday, Kasargod Vartha, Mangalore News, Malayalam News, Kerala News, International News, National News, Gulf News, Health News, Educational News, Business News, Stock News, Gold News, Sports News.

Read More

12:59 pm | 0 comments

വീട് കുത്തിത്തുറന്ന് മോഷണം: ഉക്കാസ് ബഷീറിനെ അഞ്ചുവര്‍ഷം കഠിന തടവിനു ശിക്ഷിച്ചു

കാസര്‍കോട്: ആരുമില്ലാത്ത സമയത്ത് വീടുകുത്തി തുറന്ന് സ്വര്‍ണവും പണവും കവര്‍ന്ന കേസില്‍ അറസ്റ്റിലായ കുപ്രസിദ്ധ മോഷ്ടാവ് ഉക്കാസ് ബഷീറിനെ അഞ്ചുവര്‍ഷത്തെ തടവിനും 20,000 രൂപ പിഴയടക്കാനും കോടതി ശിക്ഷിച്ചു. പിഴ അടച്ചില്ലെങ്കില്‍ ഒരു വര്‍ഷം കൂടി തടവ് ശിക്ഷ അനുഭവിക്കണം. കാസര്‍കോട് സി.ജെ.എം കോടതിയാണ് ശിക്ഷിച്ചത്.

ബേള കുമാരമംഗലം സ്വദേശിയും ചെങ്കള ബേര്‍ക്കയിലെ താമസക്കാരനുമാണ്  ബഷീര്‍ . 2010 നവംബര്‍ 26 നും 28 നും ഇടയില്‍ ചെങ്കള മുട്ടത്തോടി പള്ളത്തെ നഫീസ് അപ്പാര്‍ട്‌മെന്റിലെ പി.സുഹ്‌റയുടെ വീട്ടിലാണ് കവര്‍ച്ച നടത്തിയത്.

വീടു കുത്തിത്തുറന്ന് അകത്തുകടന്ന പ്രതി സ്വര്‍ണാഭരണങ്ങളും വെള്ളിയാഭരണങ്ങളും, മൊബൈല്‍ ഫോണുകള്‍, ക്യാമറ എന്നിവയടക്കം 48,000 രൂപയുടെ സാധനങ്ങൾ  കവര്‍ന്നതായി വിദ്യാനഗര്‍ പോലീസ് രജിസ്റ്റര്‍ ചെയ്ത കേസിലാണ് കോടതി വിധി പറഞ്ഞത്.

Keywords: Kasaragod, House-robbery, Gold, Arrest, Cash, Court, Chengala, Mobile-Phone, Vidya Nagar, Police, Kerala, Kerala News, International News, National News, Gulf News, Health News, Educational News, Business News, Stock news.

Read More

4:46 pm | 0 comments

കാറിനരികില്‍ നോട്ടുകള്‍ വിതറി രണ്ട് ലക്ഷത്തിന്റെ സ്വര്‍ണാഭരണങ്ങള്‍ കൊള്ളയടിച്ചു

മംഗലാപുരം: പാര്‍ക്ക് ചെയ്ത കാറിന്റെ ഡ്രൈവര്‍ സീറ്റിന് സമീപം റോഡില്‍ കറന്‍സി നോട്ടുകള്‍ കൊണ്ടിട്ട ശേഷം തന്ത്രത്തില്‍ കാറില്‍ നിന്ന് രണ്ട് ലക്ഷം രൂപ വിലവരുന്ന സ്വര്‍ണാഭരണങ്ങളും, എ.ടി.എം കാര്‍ഡുകളും, ഡ്രൈവിംഗ് ലൈസന്‍സും അടങ്ങിയ ബാഗ് കവര്‍ന്നു. ശനിയാഴ്ച വൈകിട്ട് കങ്കനാടി യൂറോ ഗോള്‍ഡ് ജ്വല്ലറിക്കടുത്താണ് സംഭവം.

കദ്രി കുത്താറിലെ റോഷനും, ഭാര്യ ബെല്‍വിറ ഡിസൂസയും, അവരുടെ ചെറിയ കുട്ടികളും ആയിരുന്നു കാറിലെ യാത്രക്കാര്‍. ഷോപ്പിംഗിനെത്തിയ ഇവര്‍ കാര്‍ റോഡരികില്‍ നിര്‍ത്തിയ ശേഷം റോഷന്‍ ഇറങ്ങി കാറിന്റെ ഒരു പാര്‍ട്‌സ് വാങ്ങാനായി തൊട്ടടുത്ത കടയിലേക്ക് പോയി. ഈ സമയത്ത് ഒരാള്‍ വന്ന് കാറിനടുത്ത് പത്ത് രൂപയുടെ ഏതാനും നോട്ടുകള്‍ വിതറി. അതിന് ശേഷം കാറിലിരിക്കുകയായിരുന്ന ബെല്‍വിറയോട് കാറിനടുത്ത് നോട്ടുകള്‍ വീണ് കിടക്കുന്ന കാര്യം പറഞ്ഞു. ബെല്‍വിറ കാറില്‍ നിന്നിറങ്ങി നോട്ടുകള്‍ റോഷന്റേതാണോ എന്ന് പരിശോധിക്കുന്നതിനിടെ മറ്റൊരാള്‍ കാറിന്റെ ഡോര്‍ തുറന്ന് സീറ്റില്‍ വെച്ചിരുന്ന സ്വര്‍ണാഭരണങ്ങള്‍ അടങ്ങിയ ബാഗ് കൈക്കലാക്കി നടന്ന് മറയുകയായിരുന്നു.

ആളുകള്‍ തടിച്ചുകൂടിയപ്പോള്‍ അതിനിടയിലൂടെ നോട്ടുകള്‍ വിതറിയ ആളും സ്ഥലം വിട്ടു. പിന്നീട് റോഷന്‍ തിരിച്ചെത്തിയപ്പോഴാണ് കാറിലെ ബാഗ് കാണാതായ സംഭവവും ബാഗ് തട്ടിയെടുക്കാന്‍ ഒരുക്കിയ നാടകവും അറിഞ്ഞത്. വിവരമറിഞ്ഞ് കദ്രി കുത്താര്‍ പോലീസ് സ്ഥലത്തെത്തി. യൂറോ ഗോള്‍ഡിന്റെ ക്യാമറയില്‍ കവര്‍ച്ചക്കാരന്‍ നോട്ടുകള്‍ കാറിനടുത്ത് കൊണ്ടിടുന്നതും മറ്റൊരാള്‍ ബാഗുമായി സ്ഥലം വിടുന്നതും പതിഞ്ഞിരിക്കാമെന്നും  അതിനാല്‍ കൊള്ളക്കാരെ കുടുക്കാന്‍ കഴിയുമെന്ന പ്രതീക്ഷയിലാണ് പോലീസും റോഷന്റെ കുടുംബവും. കഴിഞ്ഞ ദിവസം വിജലന്‍സ് ഉദ്യോഗസ്ഥര്‍ ചമഞ്ഞ് രണ്ട് പേര്‍ ഒരു സ്ത്രീയുടെ സ്വര്‍ണമാലയും വളകളും കൊള്ളയടിച്ചിരുന്നു. അടുത്തിടയായി മംഗലാപുരത്തും പരിസരത്തും കവര്‍ച്ചയ്ക്കായി ഇത്തരത്തിലുള്ള പലതരം തന്ത്രങ്ങളും പയറ്റുന്നത് പെരുകി വരുന്നതായി പോലീസ് വ്യക്തമാക്കി.

Keywords: Family, Tricked, Robbers, Lose gold, Rs 2 lac, Euro gold, Car, Managalore, Kasargod Vartha, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

11:02 am | 0 comments

ആഭരണ വിസ്മയങ്ങള്‍ മിഴിതുറന്നു; സിറ്റിഗോള്‍ഡ് ബ്രൈഡല്‍ ഫെസ്റ്റിന് വര്‍ണാഭമായ തുടക്കം

കാസര്‍കോട്: ദക്ഷിണേന്ത്യയിലെ ഏറ്റവും വലിയ ബ്രൈഡല്‍ ഫെസ്റ്റിന് സിറ്റിഗോള്‍ഡില്‍ തുടക്കമായി. വെള്ളിയാഴ്ച വൈകിട്ട് നടന്ന ചടങ്ങില്‍ ജില്ലാ കളക്ടര്‍ പി.എസ്. മുഹമ്മദ് സഗീര്‍ ഫെസ്റ്റ് ഉദ്ഘാടനം ചെയ്തു. വിദഗ്ദ്ധരായ 25 തൊഴിലാളികളുടെ കരവിരുതില്‍ രൂപംകൊണ്ട ആഭരണ വിസ്മയങ്ങളാണ് ഫെസ്റ്റില്‍ ഒരുക്കിയിട്ടുള്ളത്.

എലീസിയ വെഡ്ഡിംഗ് കളക്ഷന്‍, കേരള വെഡ്ഡിംഗ് കളക്ഷന്‍, സാരഥി തിരുമലൈ വെഡ്ഡിംഗ് കളക്ഷന്‍, കൃപയ ആണ്‍കെട്ട് ഡയമസ്, മോട്ടിഫ് അറേബ്യന്‍ വെഡ്ഡിംഗ് കളക്ഷന്‍, മുഗള്‍ ആന്റിക് വെഡ്ഡിംഗ് കളക്ഷന്‍, രജപുത്ര റോയല്‍ വെഡ്ഡിംഗ് കളക്ഷന്‍ തുടങ്ങിയവ ഫെസ്റ്റിന്റെ ആകര്‍ഷണീയതയാണ്. 505 ഗ്രാം തൂക്കമുള്ള സ്വര്‍ണ ജാകറ്റ് പ്രദര്‍ശനത്തില്‍ പ്രത്യേക ശ്രദ്ധയാകര്‍ശിക്കുന്നു.

ഉദ്ഘാടനചടങ്ങില്‍ നഗരസഭാചെയര്‍മാന്‍ ടി.ഇ. അബ്ദുല്ല, മുന്‍ വൈസ് ചെയര്‍മാന്‍ എ. അബ്ദുര്‍ റഹിമാന്‍, കൗണ്‍സിലര്‍ അര്‍ജുനന്‍ തായലങ്ങാടി, ഉസ്മാന്‍ തെരുവത്ത്, ജലീല്‍ കോയ, എ.എ. അസീസ്, പി.എസ്. ഇബ്രാഹിം, പി. മൊയ്തീന്‍ ഉപ്പള, സി.എ. ഹാരിസ്, ഹനീഫ അരമന തുടങ്ങിയവര്‍ സംബന്ധിച്ചു. സിറ്റിഗോള്‍ഡ് ചെയര്‍മാന്‍ അബ്ദുല്‍ കരീംകോളിയാട് അതിഥികളെ സ്വീകരിച്ചു.

നിരവധി ആളുകള്‍ ഫെസ്റ്റ് വീക്ഷിക്കാന്‍ എത്തിയിരുന്നു. ഫെസ്റ്റിന്റെ ഭാഗമായി ഉപഭോക്താക്കള്‍ക്ക് നിരവധി ആനുകൂല്യങ്ങളും നല്‍കുന്നുണ്ട്.

Keywords: City gold, Bridal fest 2013, Inauguration, P.S. Mohammed Sageer, Kasaragod, Kerala, Inauguration, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News.

Read More

6:20 pm | 0 comments