വലിയപറമ്പ: വലിയപറമ്പ പഞ്ചായത്തിന്റെ 2012-13 വര്ഷത്തെ ബജറ്റില് കാര്ഷിക മേഖലയ്ക്കും, വിദ്യാഭ്യാസം, മത്സ്യ ബന്ധനം, വൈദ്യുതി മേഖലയില് ഊന്നല് നല്കി. 4,09,61,600 രൂപ വരവും, 3,98,55,925 രൂപ ചെലവും, 11,05,675 രൂപ മിച്ചവും പ്രതീക്ഷിക്കുന്ന ബജറ്റ് വൈസ് പ്രസിഡണ്ടും ധനകാര്യ സ്റാന്റിംഗ് കമ്മിറ്റി ചെയര്മാനുമായ ഉസ്മാന് പാണ്ട്യാല അവതരിപ്പിച്ചു. പ്രസിഡണ്ട് കെ.സിന്ധു അധ്യക്ഷത വഹിച്ചു.
കാര്ഷിക മേഖലയ്ക്ക് 15 ലക്ഷം രൂപ, വിദ്യാഭ്യാസം 4 ലക്ഷം രൂപ, കുടിവെള്ളം 5,70,000 രൂപ, മത്സ്യ ബന്ധന ഉപകരണം 3 ലക്ഷം രൂപ, വിവിധ വാര്ഡുകളില് വൈദ്യുതി ലൈന് വലിക്കുന്നതിനു 8,60,000 രൂപ, കുടുംബശ്രീ യൂണിറ്റ് വാഴ കൃഷി 1,50,000 രൂപ, റോഡ് റിപ്പയര് 9,55,000, തൊഴിലുറപ്പ് പദ്ധതി 95 ലക്ഷം രൂപ, ആരോഗ്യ മേഖലയ്ക്ക് 3 ലക്ഷം രൂപ, അംഗന്വാടി പോഷകാഹാരം 12 ലക്ഷം രൂപ, വിധവാ പെന്ഷന് 20 ലക്ഷം രൂപ, കര്ഷക തൊഴിലാളി പെന്ഷന് 19 ലക്ഷം രൂപ, തൊഴിലില്ലായ്മ വേതനം 9 ലക്ഷം രൂപ, വികലാംഗ പെന്ഷന് 1,50,000 രൂപ, മറ്റു വിവിധ പെന്ഷനുകള്ക്ക് 6 ലക്ഷം രൂപ എന്നിവയാണ് വകയിരുത്തിയത്. ബജറ്റ് ചര്ച്ചക്ക് ശേഷം പഞ്ചായത്ത് ഭരണ സമിതി ഐക്യകണ്ഠേന അംഗീകരിച്ചു. സ്റാന്റിംഗ് കമ്മിറ്റി ചെയര്മാന്മാരായ പി.സൌജത്ത്, പി.പ്രമോദ്, പി.ശ്യാമള, മെമ്പര്മാരായ കെവി.രാമചന്ദ്രന്, ടികെ.നാരായണന്, ടിവി.സാവിത്രി, എംടി.ബുഷ്റ, കെ.സുലോജന, കെ.കുഞ്ഞിരാമന്, ടിവി.രവി പ്രസംഗിച്ചു. പഞ്ചായത്ത് സെക്രട്ടറി പി.ഭാര്ഗവന് സ്വാഗതവും, ഹെഡ് ക്ളര്ക്ക് കെഎം.തോമസ് നന്ദിയും പറഞ്ഞു.
Keywords: Valiyaparamba, Panchayath Budget, Kasaragod
