അങ്കക്കോഴി പോലീസ് സ്‌റ്റേഷനില്‍ നിന്ന് കളവുപോയി; മോഷ്ടാവിനെ കുടുക്കിയത് സിസിടിവി

മംഗലാപുരം: കോഴിയങ്ക സ്ഥലത്ത് നിന്ന് പോലീസ് കസ്റ്റഡിയിലെടുത്ത് സ്‌റ്റേഷനില്‍ സൂക്ഷിച്ചിരുന്ന പത്ത് അങ്കക്കോഴികളിലൊന്ന് മോഷണം പോയി. മോഷ്ടാവിനെ പോലീസ് സ്‌റ്റേഷനിലെ സി.സി.ടി.വി ദൃശ്യത്തിന്റെ സഹായത്തോടെ അറസ്റ്റ് ചെയ്തു.

ബെല്‍ത്തങ്ങാടി പോലീസ് സ്‌റ്റേഷനില്‍ നിന്നാണ് അങ്കക്കോഴി കളവുപോയത്. സംഭവത്തില്‍ മേലന്തബെട്ടു ഗ്രാമത്തിലെ ദിവാകര്‍ പൂജാരിയാണ് അറസ്റ്റിലായത്. കഴിഞ്ഞ ദിവസം ഒഡില്‍നാല ഗ്രാമത്തിലെ അങ്കേലുവില്‍ കോഴിപ്പോര് നടക്കുന്നുവെന്നറിഞ്ഞ സ്ഥലത്തെത്തിയ ബെല്‍ത്തങ്ങാടി എ.എസ്.പി കുല്‍ദീപും സംഘവും അഞ്ച് ആളുകളെയും പത്ത് കോഴികളെയും കസ്റ്റഡിയിലെടുത്തു.

കോടതി നടപടികള്‍ക്ക് ശേഷം കോഴികളെ സ്‌റ്റേഷനില്‍ വെച്ച് ലേലത്തില്‍ വില്‍ക്കാന്‍ തീരുമാനിച്ചതായിരുന്നു. വിവരമറിഞ്ഞ് ധാരാളം പേര്‍ സ്റ്റേഷനിലെത്തി ലേലത്തില്‍ പങ്ക് കൊണ്ടു. ഒമ്പത് കോഴികളും നല്ല വിലയ്ക്ക് ലേലത്തില്‍ പോയി. പത്താമത്തെ കോഴിയെ ലേലം ചെയ്യാനുള്ള ഒരുക്കത്തിനിടയിലാണ് കോഴിയെ കാണാതായ വിവരം പോലീസ് അറിയുന്നത്. തുടര്‍ന്ന് സ്‌റ്റേഷന് അകത്തും പുറത്തും പോലീസ് കോഴിക്കു വേണ്ടി അരിച്ചു പെറുക്കിയെങ്കിലും കണ്ടെത്താനായില്ല.

തുടര്‍ന്ന് സ്റ്റേഷനിലെ സി.സി.ടി.വിയില്‍ പതിഞ്ഞ ദൃശ്യങ്ങള്‍ പരിശോധിച്ചപ്പോഴാണ് ദിവാകര്‍ പൂജാരിയാണ് കോഴിയുമായി കടന്നതെന്ന് മനസിലായത്. ഇയാളും ലേലത്തില്‍ പങ്കെടുക്കാന്‍ പോലീസ് സ്‌റ്റേഷനില്‍ എത്തിയിരുന്നു. അതിനിടെ തക്കം നോക്കി കോഴിയുമായി കടന്നുകളയുകയായിരുന്നു.

Keywords: Police-station, Robbery, Custody, Arrest, Court, Missing, Mangalore, Kerala News, International News, National News, Gulf News, Health News, Educational News, Business News, Stock News, Gold News.

Read More

11:22 am | 0 comments

ഭര്‍ത്താവിന്റെ മദ്യപാനം; യുവതി കുഞ്ഞിനെ ഉപേക്ഷിച്ച് നാടുവിട്ടു

കാഞ്ഞങ്ങാട്: കുഞ്ഞിനെ ഭര്‍തൃവീട്ടില്‍ ഉപേക്ഷിച്ച് യുവതി വീടുവിട്ടു. തൃക്കരിപ്പൂര്‍ കാലിക്കടവിലെ രതീഷിന്റെ ഭാര്യ ശാരിക(25)യാണ് അഞ്ച് വയസുള്ള മകള്‍ ശിവാനിയെ ഉപേക്ഷിച്ച് നാടുവിട്ടത്. തിങ്കളാഴ്ച വൈകുന്നേരം 6.30 മണിയോടെയാണ് മടിക്കൈ ഭൂതാനം സ്വദേശിനിയായ ശാരികയെ കാലിക്കടവിലെ ഭര്‍തൃവീട്ടില്‍ നിന്നും കാണാതായത്.

രതീഷ് മദ്യലഹരിയില്‍ വീട്ടിലെത്തിയതിനെ ശാരിക ചോദ്യം ചെയ്തിരുന്നു. തുടര്‍ന്ന് ഇരുവരും തമ്മില്‍ വാക്കുതര്‍ക്കത്തിലേര്‍പെട്ടു. വഴക്ക് മൂര്‍ച്ഛിച്ചതോടെ ശാരിക ഭര്‍തൃവീട്ടില്‍ നിന്നും ഇറങ്ങിപ്പോകുകയായിരുന്നു. വിവരമറിഞ്ഞ് ശാരികയുടെ വീട്ടുകാര്‍ കാലിക്കടവിലെ വീട്ടിലെത്തി കാര്യമന്വേഷിച്ചപ്പോള്‍ ശാരിക എങ്ങോട്ട് പോയെന്ന കാര്യം തങ്ങള്‍ക്കറിയില്ലെന്നും വിളിച്ചാല്‍ ഫോണ്‍ എടുക്കുന്നില്ലെന്നും മറുപടി നല്‍കി. ശാരികയുടെ വീട്ടുകാര്‍ ഫോണില്‍ ബന്ധപ്പെടാന്‍ ശ്രമിച്ചെങ്കിലും ഫലമുണ്ടായില്ല. ബന്ധുവീടുകളിലും മറ്റും അന്വേഷണം നടത്തിയെങ്കിലും യുവതിയെക്കുറിച്ച് യാതൊരു വിവരവും കിട്ടിയില്ല.

ചൊവ്വാഴ്ച രാവിലെ ശാരിക സഹോദരിയുടെ മൊബൈല്‍ഫോണിലേക്ക് വിളിച്ച് തന്നെ ഇനി അന്വേഷിക്കേണ്ടെന്നും സുരക്ഷിതമായ സ്ഥലത്താണ് താനുള്ളതെന്നും അറിയിച്ചു. വീട്ടുകാര്‍ തിരിച്ച്

വിളിക്കാന്‍ ശ്രമിച്ചപ്പോള്‍ ഫോണ്‍ സ്വിച്ച് ഓഫ് ചെയ്തതായി വ്യക്തമായി. തുടര്‍ന്ന് വീട്ടുകാര്‍ ഹൊസ്ദുര്‍ഗ് പോലീസ് സ്റ്റേഷനിലെത്തി പരാതി നല്‍കി.

അതേ സമയം ശാരികയുടെ തിരോധാനം സംബന്ധിച്ച് ഭര്‍ത്താവ് രതീഷും പോലീസില്‍ പരാതി നല്‍കിയിട്ടുണ്ട്. അഞ്ച് വര്‍ഷം മുമ്പാണ് ശാരികയെ രതീഷ് വിവാഹം ചെയ്തത്. വിവാഹത്തിന്റെ ആദ്യനാളുകളില്‍ പ്രശ്‌നങ്ങളൊന്നും ഉണ്ടായിരുന്നില്ലെങ്കിലും പിന്നീടാണ് മദ്യപാനത്തിന്റെ പേരിലുള്ള കുഴപ്പങ്ങള്‍ തുടങ്ങിയത്.

Keywords: Husband, Liquor drinking, Wife, Child, Missing, House, Trikaripur, Kalikadavu, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News

Read More

7:27 pm | 0 comments

സ്വപനയുടെ തീരോധാനം: വി.എച്ച്.പി കുമ്പള പോലീസ് സ്‌റ്റേഷന്‍ ധര്‍ണ നടത്തി

കുമ്പള: കയ്യാര്‍ ജോഡ്ക്കലിലെ വിശ്വഹിന്ദ് പരിഷത്ത് ജില്ലാ ട്രഷറര്‍ നാരായണ ഷെട്ടിയുടെ മകള്‍ സ്വപ്‌നയെ (21) ദുരൂഹ സാഹചര്യത്തില്‍ കാണാതായ സംഭവത്തില്‍ അന്വേഷണം നടത്തി പെണ്‍കുട്ടിയെ ഉടന്‍ കണ്ടെത്തണമെന്നാവശ്യപ്പെട്ട് വി.എച്ച്.പി. യുടെ ആഭിമുഖ്യത്തില്‍ ചൊവ്വാഴ്ച രാവിലെ കുമ്പള പോലീസ് സ്‌റ്റേഷനു മുന്നില്‍ ധര്‍ണ നടത്തി.

മെയ് 15 നാണ് സ്വപ്നയെ കാണാതായത്. ഉപ്പള സോങ്കാലിലെ ഒരു യുവാവ് സ്വപ്നയെ കടത്തി കൊണ്ടു പോയതാണെന്നും പെണ്‍കുട്ടിയെ യുവാവ് വില്‍പന നടത്തുമെന്നും ആരോപിച്ചാണ് വി.എച്ച്.പിയുടെ പോലീസ് സ്റ്റേഷന്‍ ധര്‍ണ. വിശ്വഹിന്ദ് പരിഷത്ത് മംഗലാപുരം വിഭാഗ് പ്രസിഡന്റ് ബായാടി വെങ്കിട്ട രമണ ഭട്ട് ധര്‍ണ ഉദ്ഘാടനം ചെയ്തു.

നേതാക്കളായ മുരളീധരന്‍, മുരളീയാദവ് തുടങ്ങിയവര്‍ പ്രസംഗിച്ചു. അതേസമയം സ്വപ്‌നയും യുവാവും പ്രണയത്തിലായിരുന്നുവെന്നും ഇവര്‍ സ്വമേധയ വീടുവിട്ട് പോയതാണെന്നും പിതാവിന്റെ പരാതിയില്‍ മിസ്സിംഗിന് കേസെടുത്തിട്ടുണ്ടെന്ന് പോലീസ് അറിയിച്ചു. ഇവരെ കണ്ടെത്താന്‍ അന്വേഷണം ഊര്‍ജിതമായി നടക്കുകയാണെന്നും ഉടന്‍ കണ്ടെത്താന്‍ കഴിയുമെന്നും കുമ്പള പോലീസ് പറഞ്ഞു.

Related News:
ടൗണിലേക്ക് പോയ യുവതിയെ ദുരൂഹ സാഹചര്യത്തില്‍ കാണാതായി

Keywords: Missing, Police, Kumbala, Police-station, Uppala, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

1:18 pm | 0 comments

മഞ്ചേശ്വരത്ത് നിന്നും 16 കാരിയെ കാണാതായി പരാതി

മഞ്ചേശ്വരം: മഞ്ചേശ്വരത്ത് 16 കാരിയെ കാണാതായതായി പരാതി. ഹൊസബെട്ടു അഞ്ചിക്കട്ട മൂലയിലെ ഫാത്വിമത്ത് ജുമൈലിയ (16)യെയാണ് കാണാതായത്.

മാതാവ് ആഇശയുടെ പരാതിയില്‍ മഞ്ചേശ്വരം പോലീസ് കേസെടുത്ത് അന്വേഷണം ആരംഭിച്ചു. മെയ് 15നാണ് ജുമൈലിയ വീട്ടില്‍ നിന്നും പോയതെന്ന് മാതാവിന്റെ പരാതിയില്‍ പറയുന്നു. പിന്നീട് തിരിച്ചെത്തിയില്ല. ബന്ധുവീടുകളിലും മറ്റും അന്വേഷിച്ചെങ്കിലും കണ്ടെത്താന്‍ കഴിയാത്തതിനെ തുടര്‍ന്നാണ് പോലീസില്‍ പരാതി നല്‍കിയത്.


Other News: മലയാളി ഹൗസ് നിര്‍ത്തുന്നില്ല; വാര്‍ത്ത തെറ്റെന്ന് സൂര്യ ടിവി

Keywords: Missing, Manjeshwaram, Kasaragod, complaint, Police, Investigation, Case, Kerala, Fathimath Jumailiya, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

5:44 pm | 1 comments

ടൗണിലേക്ക് പോയ യുവതിയെ ദുരൂഹ സാഹചര്യത്തില്‍ കാണാതായി

കുമ്പള: ഉപ്പള ടൗണിലേക്കാണെന്ന് പറഞ്ഞ് വീട്ടില്‍ നിന്നുമിറങ്ങിയ യുവതിയെ ദുരൂഹ സാഹചര്യത്തില്‍ കാണാതായി. കയ്യാര്‍ ജോഡ്ക്കലിലെ നാരായണ ഷെട്ടിയുടെ മകള്‍ സ്വപ്‌നയെ (21) യാണ് കാണാതായത്.

മെയ് 14 മുതലാണ് കാണാതായത്. പിതാവിന്റെ പരാതിയില്‍ കുമ്പള പോലീസ് കേസെടുത്ത് അന്വേഷണം ആരംഭിച്ചു.

Keywords: Missing, Woman, House, Case, Father, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

6:35 pm | 0 comments

തളങ്കരയില്‍ നിന്ന് കാണാതായ 17 കാരിയെ തട്ടിക്കൊണ്ടു പോയി ബലാത്സംഗം ചെയ്തതായി തെളിഞ്ഞു

കാസര്‍കോട്: തളങ്കരയില്‍ നിന്നും കാണാതായ 17 കാരിയെ തട്ടിക്കൊണ്ടു പോയി ബലാത്സംഗം ചെയ്തതായി തെളിഞ്ഞു. ഇതേ തുടര്‍ന്ന് പെണ്‍കുട്ടിയെ തട്ടിക്കൊണ്ടു പോയ മധൂര്‍ കൂഡലിലെ പെയിന്റിംഗ് തൊഴിലാളി കൊട്ടതേങ്ങ രാജുവെന്ന രാജേഷി (28) നെതിരെ കാസര്‍കോട് ടൗണ്‍ പോലീസ് ജീവപര്യന്തം തടവ് ശിക്ഷ ലഭിക്കാവുന്ന വകുപ്പുകളനുസരിച്ച് കേസെടുത്തു.

ഇക്കഴിഞ്ഞ മെയ് ആറിന് രാവിലെയാണ് പെണ്‍കുട്ടിയെ കാണാതായത്. പത്താം ക്ലാസ് ജയിച്ച വിദ്യാര്‍ത്ഥിനിയായ പെണ്‍കുട്ടി പ്ലസ് വണ്‍ അപേക്ഷ ഫോറം വാങ്ങാനെണെന്ന് പറഞ്ഞാണ് വീട്ടില്‍ നിന്നും പോയത്. പെണ്‍കുട്ടിയെ പിന്നീട് കാണാതാവുകയായിരുന്നു. പെണ്‍കുട്ടിയുടെ പിതാവിന്റെ പരാതിയില്‍ പോലീസ് മിസ്സിംഗിന് കേസെടുത്തിരുന്നു.

പോലീസ് അന്വേഷിക്കുന്നതിനിടെ മൂന്ന് ദിവസം കഴിഞ്ഞ് പെണ്‍കുട്ടി സ്റ്റേഷനില്‍ ഹാജരാവുകയായിരുന്നു. കോടതിയില്‍ ഹാജരാക്കിയ പെണ്‍കുട്ടിയെ പിന്നീട് മാതാവിനോടൊപ്പം വിട്ടയച്ചു. പെണ്‍കുട്ടിയെ വൈദ്യ പരിശോധന നടത്തിയപ്പോഴാണ് പീഡനം തെളിഞ്ഞത്. ആദ്യം പെണ്‍കുട്ടി സംഭവത്തെ കുറിച്ച് ഒന്നും പുറത്തു വിടാന്‍ തയ്യാറായിരുന്നില്ല. പിന്നീട് കൗണ്‍സിലിംഗിനും മറ്റും വിധേയമാക്കിയപ്പോഴാണ് യുവാവ് തട്ടിക്കൊണ്ടു പോയ സംഭവവും പീഡിപ്പിച്ച സംഭവവും വെളിപ്പെടുത്തിയത്.

ഐ.പി.സി 366 വകുപ്പനുസരിച്ച് തട്ടിക്കൊണ്ടു പോയതിനും, പുതിയ നിയമത്തിലെ സെക്ഷന്‍ മൂന്ന് വകുപ്പ് പ്രകാരം ജീവപര്യന്തം തടവു ശിക്ഷ ലഭിക്കാവുന്ന വകുപ്പും അനുസരിച്ചാണ് രാജേഷിനെതിരെ പോലീസ് കേസെടുത്തത്. പ്രതി ഒളിവിലാണെന്ന് പോലീസ് വെളിപ്പെടുത്തി.

Keywords: Rape, Missing, Student, Police, Case, Police-Station, Kasaragod, Kerala, Kerala News, International News, National News, Gulf News, Health News, Educational News, Business News, Stock news, Gold News.

Read More

1:10 pm | 0 comments

അലുമിനിയം ഫാബ്രിക്കേഷന്‍സ് സ്ഥാപന ഉടമയെ കാണാതായി

കാസര്‍കോട്: അലുമിനിയം ഫാബ്രിക്കേഷന്‍സ് സ്ഥാപന ഉടമയെ കാണാതായി. കറന്തക്കാട് മധൂര്‍ റോഡ് കൃഷ്ണ തിയേറ്ററിനടുത്ത എം.എസ്. അലുമിനിയം ഫാബ്രിക്കേഷന്‍സ് സ്ഥാപനം നടത്തുന്ന ഉളിയത്തടുക്ക ഭഗവതീ നഗര്‍ നടുക്കുളമ്പാറ തറവാട്ടിലെ ഗോവിന്ദന്റെ മകന്‍ ജി. ശ്രീജേഷിനെ (29) യാണ് കാണാതായത്.

മെയ് ഏഴിന് സ്ഥാപനത്തിലേക്ക് പോയതായിരുന്നു. തിരിച്ചു വരാത്തതിനാല്‍ വീട്ടുകാര്‍ പല സ്ഥലങ്ങളിലും തിരച്ചില്‍ നടത്തിയെങ്കിലും കണ്ടെത്താനായില്ല. തുടര്‍ന്ന് സഹോദരന്‍ രാജേഷ് കാസര്‍കോട് പോലീസില്‍ പരാതി നല്‍കി. പോലീസ് കേസെടുത്ത് അന്വേഷണം ആരംഭിച്ചു.

കണ്ടുകിട്ടുന്നവര്‍ 9895963725 എന്ന നമ്പറിലോ, ടൗണ്‍ പോലീസ് സ്‌റ്റേഷനിലെ 230 100 എന്ന നമ്പറിലോ വിവരം അറിയിക്കണമെന്ന് പോലീസ് അറിയിച്ചു.

Sreejesh

Keywords: Missing, Karandakkad, Uliyathaduka, Police, Case, Investigation, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

10:49 am | 0 comments

കാണാതായ വിദ്യാര്‍ഥിനി പോലീസില്‍ ഹാജരായി; മാതാവിനൊപ്പം വിട്ടയച്ചു

കാസര്‍കോട്: പ്ലസ് വണ്‍ കോഴ്‌സ് പ്രവേശനത്തിന് സ്‌കൂളില്‍ അപേക്ഷ നല്‍കാന്‍ പോയി കാണാതായ വിദ്യാര്‍ഥിനിയെ കണ്ടെത്തി. തളങ്കര കെ.കെ. പുറത്തെ അബ്ദുര്‍ റഹ്മാന്റെ മകള്‍ ഷഹനാസ് ബാനു (17) വിനെയാണ് കഴിഞ്ഞദിവസം കണ്ടെത്തിയത്. കോടതിയില്‍ ഹാജരാക്കിയ പെണ്‍കുട്ടിയെ മാതാവിനൊപ്പം വിട്ടയച്ചു.

കഴിഞ്ഞ ആറിന് രാവിലെ നെല്ലിക്കുന്ന് ഗവ. ഗേള്‍സ് വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ പ്ലസ് വണ്‍ പ്രവേശനത്തിന് അപേക്ഷ നല്‍കാനാണെന്ന് പറഞ്ഞാണ് വിദ്യാര്‍ഥിനി വീട്ടില്‍ നിന്നും ഇറങ്ങിയത്. വൈകുന്നേരമായിട്ടും തിരിച്ചെത്താതിനാല്‍ പിതാവ് ടൗണ്‍ പോലീസില്‍ നല്‍കിയ പരാതിയില്‍ പോലീസ് കേസെടുത്ത് അന്വേഷണം നടത്തിവരികയായിരുന്നു. അതിനിടെ ഒമ്പതിന് വൈകുന്നേരം പെണ്‍കുട്ടി സ്റ്റേഷനില്‍ ഹാജരാവുകയായിരുന്നു.

വൈദ്യ പരിശോധനയ്ക്ക് ശേഷമാണ് പെണ്‍കുട്ടിയെ പോലീസ് കോടതിയില്‍ ഹാജരാക്കിയത്. വിദ്യാര്‍ഥിനിയുടെ തിരോധാനം സംബന്ധിച്ച് ദുരൂഹതകള്‍ ഉയര്‍ന്നിരുന്നു. സംഭവത്തിന് പിന്നില്‍ പ്രവര്‍ത്തിച്ചവരെ പോലീസ് സംരക്ഷിക്കുകയായിരുന്നുവെന്ന് ആരോപണമുണ്ട്.

Related News:
പ്ലസ് വണ്‍ പ്രവേശനത്തിന് അപേക്ഷ നല്‍കാന്‍ പോയ വിദ്യാര്‍ത്ഥിനിയെ കാണാതായി

Keywords: Plus one, Student, Missing, Thalangara, Found, Police station, Kasaragod, Kerala, Kasargod Vartha, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

10:45 am | 0 comments

പ്ലസ് വണ്‍ പ്രവേശനത്തിന് അപേക്ഷ നല്‍കാന്‍ പോയ വിദ്യാര്‍ത്ഥിനിയെ കാണാതായി

കാസര്‍കോട്: പ്ലസ് വണ്‍ കോഴ്‌സ് പ്രവേശനത്തിന് സ്‌കൂളില്‍ അപേക്ഷ നല്‍കാന്‍ പോയ വിദ്യാര്‍ത്ഥിനിയെ കാണാതായി. തളങ്കര കെ.കെ. പുറത്തെ അബ്ദുര്‍ റഹ്മാന്റെ മകള്‍ ഷഹനാസ് ബാനു (17) വിനെയാണ് കാണാതായത്.

കഴിഞ്ഞ ആറിന് രാവിലെ നെല്ലിക്കുന്ന് ഗവ. ഗേള്‍സ് വൊക്കേഷണല്‍ ഹയര്‍സെക്കന്‍ഡറി സ്‌കൂളിലേക്കാണെന്ന് പറഞ്ഞ് ഷഹനാസ് ബാനു വീട്ടില്‍ നിന്നും ഇറങ്ങിയതായിരുന്നു. വൈകുന്നേരമായിട്ടും തിരിച്ചെത്താതിനാല്‍ പിതാവ് ടൗണ്‍ പോലീസില്‍ പരാതി നല്‍കി. പോലീസ് കേസെടുത്ത് അന്വേഷണം ആരംഭിച്ചു.

Shahanas Banu

Keywords: Missing, Student, Application, Thalangara, Police, Case, Father, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

11:29 am | 0 comments

ഉപ്പളയില്‍ നിന്ന് വീടു വിട്ട കോളജ് വിദ്യാര്‍ത്ഥിനിയേയും യുവാവിനേയും തൃശൂരില്‍ കണ്ടെത്തി

ഉപ്പള: ഉപ്പളയില്‍ നിന്ന് ഏപ്രില്‍ 30ന് വീടുവിട്ട കോളജ് വിദ്യാര്‍ത്ഥിനിയേയും യുവാവിനേയും തൃശൂരില്‍ കണ്ടെത്തി. ഉപ്പളയിലെ ശശികാന്തിന്റെ മകള്‍ വൈശാലിയേയും (18), ഉപ്പളയിലെ സന്ദേശ് എന്ന യുവാവിനേയുമാണ് തൃശ്ശൂരില്‍ കണ്ടെത്തിയത്.

മംഗലാപുരത്തെ കോളജില്‍ ഡിഗ്രി വിദ്യാര്‍ത്ഥിനിയായ വൈശാലിയെ ഏപ്രില്‍ 30ന് രാവിലെയാണ് കാണാതായത്. ഇതേതുടര്‍ന്ന് പിതാവിന്റെ പരാതിയില്‍ മഞ്ചേശ്വരം പോലീസ് കേസെടുത്ത് അന്വേഷണം നടത്തിവരികയായിരുന്നു. ഇതിനിടയിലാണ് സന്ദേശിനേയും കാണാതായതായി അന്വേഷണത്തില്‍ കണ്ടെത്തിയത്.

മൊബൈല്‍ ഫോണ്‍ ടവര്‍ കേന്ദ്രീകരിച്ച് നടത്തിയ അന്വേഷണത്തില്‍ ഇരുവരും തൃശ്ശൂരില്‍ ഉള്ളതായി വ്യക്തമാവുകയായിരുന്നു. ബന്ധുക്കളോടൊപ്പം തൃശ്ശൂരിലെത്തിയ മഞ്ചേശ്വരം പോലീസ് ഇരുവരെയും കണ്ടെത്തി കാസര്‍കോട്ടേക്ക് തിരിച്ചിട്ടുണ്ട്.

Keywords: Uppala, College, Student, Youth, Thrissur, Mangalore, Missing, Police, case, mobile-Phone, Manjeshwaram, kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

6:33 pm | 0 comments

ബാ­ങ്ക് മാ­നേ­ജറാ­യ മ­ല­യാ­ളി യു­വ­തി­യു­ടെ കൊ­ല­പാതകം; ര­ണ്ടു­പേ­ര്‍ പി­ടി­യില്‍

മംഗ­ലാ­പുരം: സിന്‍­ഡിക്ക­റ്റ് ബാ­ങ്ക് കാ­ട്ടി­പ്പ­ള്ള ബ്രാ­ഞ്ച് അ­സി­സ്റ്റന്‍­റ് മാ­നേ­ജര്‍, മ­ല­യാ­ളിയായ അ­ഞ്­ജ­ന­യു­ടെ മ­ര­ണം കൊ­ല­പാ­ത­ക­മാ­ണെ­ന്ന് സ്ഥി­രീ­ക­രിച്ചു. കൊ­ല­പാ­ത­കി­ക­ളെ­ന്ന് സം­ശ­യി­ക്കു­ന്ന ര­ണ്ടു­പേ­രെ പോ­ലീ­സ് ക­സ്­റ്റ­ഡി­യി­ലെ­ടുത്തു. ക­വര്‍­ച­യ്­ക്ക് വേ­ണ്ടി­യാ­ണ് അ­ഞ്­ജനയെ കൊ­ന്ന­താ­ണെ­ന്നാ­ണ് പോ­ലീ­സ് നി­ഗ­മ­നം.

18ന് രാ­വി­ലെ­യാ­ണ് അ­ഞ്­ജന­യെ കൊല്ല­പ്പെ­ട്ട നി­ല­യില്‍ ക­ണ്ടെ­ത്തി­യത്. അ­ഞ്­ജ­ന മ­രി­ച്ച നി­ല­യില്‍ കാ­ണ­പ്പെ­ട്ട വീ­ട്ടി­ലെ താ­മ­സ­ക്കാ­രന്‍ മ­ഹേ­ഷിനും കൃ­ത്യ­ത്തില്‍ പ­ങ്കു­ണ്ടെ­ന്ന് പോ­ലീ­സ് പ­റഞ്ഞു. സം­ഭ­വ­ത്തി­നു­ശേ­ഷം അ­പ്ര­ത്യ­ക്ഷനായ ഇ­യാള്‍­ക്ക് വേ­ണ്ടി പോ­ലീ­സ് തി­ര­ച്ചില്‍ നട­ത്തി വ­രി­ക­യാ­ണ്.

മ­ഹേ­ഷി­ന്റെ സു­ഹൃത്തും സ­ഹ­താ­മ­സ­ക്കാ­ര­നു­ം ടൗ­ണി­ലെ ഒ­രു സ്ഥാ­പ­ന­ത്തില്‍ തൊ­ഴി­ലാ­ളി­യുമായ ര­വി എ­ന്ന­യാളും അ­യാ­ളു­ടെ സു­ഹൃ­ത്തു­മാ­ണ് പോ­ലീ­സ് ക­സ്­റ്റ­ഡി­യി­ലു­ള്ള­ത്.

മ­ല­പ്പു­റം സ്വ­ദേ­ശി­നി­യാ­ണ് അ­ഞ്ജ­ന. കാ­പ്പി­ക്കാ­ട് ബെ­ജാ­യിലെ മ­ഹേ­ഷും ര­വിയും താ­മ­സി­ക്കു­ന്ന മു­റി­യി­ലാ­ണ് അ­ഞ്­ജന­യെ കൊല്ല­പ്പെ­ട്ട നി­ല­യില്‍ ക­ണ്ടെ­ത്തി­യത്. ക­ഴു­ത്തില്‍ ക­യര്‍ മു­റുക്കി­യ നി­ല­യി­ല­യി­രുന്നു മൃ­ത­ദേ­ഹം ക­ണ്ടെ­ത്തി­യത്. അ­ഞ്­ജ­ന ഇ­ട­ക്കിടെ ഈ മു­റി­യില്‍ പോ­കു­മാ­യി­രു­ന്നു. മ­ഹേ­ഷ് ന­ഗ­രത്തി­ലെ ഒ­രു മാ­ളി­ലെ ഭ­ക്ഷ­ണ ശാ­ല­യില്‍ തൊ­ഴി­ലാ­ളി­യാ­ണ്.

അ­ഞ്­ജ­ന­യു­ടെ വാ­നി­റ്റി ബാഗ്, സ്വര്‍­ണ മാ­ല, മൊ­ബൈല്‍ ഫോണ്‍ എ­ന്നി­വ ന­ഷ്ട­പ്പെ­ട്ടി­രു­ന്നു. ഇ­താ­യി­രു­ന്നു മര­ണം കൊ­ല­പാ­ത­ക­മെ­ന്ന നി­ഗ­മ­ന­ത്തി­ലേ­ക്ക് പോ­ലീ­സിനെ എ­ത്തി­ച്ചത്. കൊ­ല­പാ­ത­ക­ത്തില്‍ മ­റ്റുചി­ല ആ­ളു­കള്‍­ക്കും ബ­ന്ധ­മു­ള്ള­താ­യി പോ­ലീ­സ് സം­ശ­യി­ക്കുന്നു. ഗാ­ന്ധി­ന­ഗ­റി­ലു­ള്ള ബാ­ങ്കി­ന്റെ ക്വാര്‍­ടേ­ഴ്‌­സില്‍ മാ­താ­വി­നൊ­പ്പ­മാ­യി­രു­ന്നു അ­ഞ്­ജ­ന താ­മ­സി­ച്ചി­രു­ന്നത്. പി­താ­വ് കേ­ര­ള­ത്തി­ലെ ഒ­രു ബാ­ങ്കില്‍ ജീ­വ­ന­ക്കാ­ര­നാണ്. ഒ­രു സ­ഹോ­ദ­ര­നുണ്ട്.

Related News:
ബാങ്ക് മാനേജറായ മലയാളി യുവതി മംഗലാപുരത്ത് കൊല്ലപ്പെട്ട നിലയില്‍


Keywords: Murder of bank manager: Two in custody, robbery suspected, Mangalore, investigation, Mahesh, roommate, involvement, Gandhinagar, Kapikad, assistant manager in Syndicate Bank, Katipalla, murdered,Malayalam News, National News, Kerala News, International News, Sports News, Entertainment, Stock News, Current top stories, Photo galleries, Top Breaking News, Politics and Current Affairs in India, Discussions, Interviews.

Read More

11:17 am | 0 comments

ഉറങ്ങാന്‍ കിടന്ന യുവതിയെ കാണാതായി

കുന്താപുരം: 20 കാരിയെ കാണാതായതായി പരാതി. കുന്താപുരം ഗംഗോലിയിലെ മുഹമ്മദ് ഗൗസിന്റെ മകള്‍ ഷഖുഫ (20) യെയാണ് കാണാതായത്. ഏപ്രില്‍ പത്തിന് അമ്മൂമ്മയുടെ വീട്ടില്‍ പോയതായിരുന്നു. രാത്രി ഉറങ്ങാന്‍ കിടന്ന ഷഖൂഫയെ പുലര്‍ചെ രണ്ടു മണിയോടെയാണ് കാണാതായത്. യുവതിക്ക് അഞ്ചടി മൂന്നിഞ്ച് ഉയരമുണ്ട്. വെളുത്ത നിറം.  കന്നഡയും ഉറുദുവും നന്നായി സംസാരിക്കും.

ഷഖൂഫയെ കുറിച്ച് എന്തെങ്കിലും വിവരം ലഭിക്കുകയാണെങ്കില്‍ 08254-230338 (കുന്താപുരം സ്റ്റേഷന്‍), 0820-2526444 (ഉഡുപ്പി കണ്‍റ്രോള്‍ റൂം) എന്നീ നമ്പറുകളില്‍ അറിയിക്കേണ്ടതാണ്.

Shakufa 

Keywords: Case, Missing, Women, Karnataka, Kerala News, International News, National News, Gulf News, Health News, Educational News, Business News, Stock News, Gold News.

Read More

5:28 pm | 0 comments

വീടുവിട്ട 16 കാരിയെയും 17 കാരനെയും ബാംഗ്ലൂരില്‍ കണ്ടെത്തി

മഞ്ചേശ്വരം: വീടു വിട്ട പൈവളിഗെ സ്വദേശിനിയായ  16 കാരിയെയും കട്ടത്തടുക്ക സ്വദേശിയായ 17 കാരനെയും ബാംഗ്ലൂരില്‍ കണ്ടെത്തി. നാലു ദിവസം മുമ്പാണ് ഇരുവരെയും കാണാതായത്. പെണ്‍കുട്ടിയെ കാണാതായതുമായി ബന്ധപ്പെട്ട് രക്ഷിതാക്കളുടെ പരാതിയില്‍ മഞ്ചേശ്വരം പോലീസ് കേസെടുത്ത് അന്വേഷണം നടത്തിയപ്പോഴാണ് ഇരുവരെയും ബാംഗ്ലൂരില്‍ കണ്ടെത്തിയത്.

വിദ്യാര്‍ത്ഥിനിയായ പെണ്‍കുട്ടിയും ബാംഗ്ലൂരില്‍ ജോലി ചെയ്യുന്ന 17 കാരനും മാസങ്ങളായി പ്രണയത്തിലായിരുന്നു. ഇരുവരെയും കണ്ടെത്തിയ പോലീസ് പെണ്‍കുട്ടിയെ വൈദ്യപരിശോധനയ്ക്ക് വിധേയമാക്കിയപ്പോള്‍ ലൈംഗീക പീഡനത്തിനിരയായതായി തെളിഞ്ഞതിനാല്‍ പീഡനത്തിന് കേസെടുത്ത് 17 കാരനെ കോടതിയില്‍ ഹാജരാക്കി ജുവൈനല്‍ ഹോമില്‍ പാര്‍പിച്ചു.

പെണ്‍കുട്ടിയെ കാസര്‍കോട് ഒബ്‌സര്‍വേഷന്‍ ഹോമിലും പാര്‍പിച്ചു. ഇരുവരും വിവാഹിതരായി ഒന്നിച്ച് താമസിക്കുകയായിരുന്നുവെന്നാണ് പോലീസിനോട് പറഞ്ഞത്. എന്നാല്‍ നിയമപ്രകാരം വിവാഹപ്രായം ആകാത്തതിനാല്‍ ഇവരുടെ വാദം തള്ളുകയും പീഡനക്കസ് പോലീസ് രജിസ്റ്റര്‍ ചെയ്യുകയുമായിരുന്നു.

Keywords: House, Missing, Police, Girl, Manjeshwaram, Rape, Case, Court, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

6:25 pm | 1 comments

സഹോദരീഭര്‍ത്താവിനൊപ്പം പോയ വിദ്യാര്‍ത്ഥിനിയെ കോടതി സ്വന്തം ഇഷ്ടത്തിന് വിട്ടു

കാസര്‍കോട്: വിദ്യാനഗര്‍ ചാലയില്‍ നിന്ന് ഏപ്രില്‍ നാലിന് കാണാതായ കോളജ് വിദ്യാര്‍ത്ഥിനിയെ പോലീസ് ബാംഗ്ലൂരില്‍ ജ്യേഷ്ഠത്തിയുടെ ഭര്‍ത്താവിനൊപ്പം കണ്ടെത്തി. തുടര്‍ന്ന് കാസര്‍കോട്ടെത്തിച്ച് കോടതിയില്‍ ഹാജരാക്കിയ വിദ്യാര്‍ത്ഥിനിയെ കോടതി സ്വന്തം ഇഷ്ടത്തിന് വിടുകയും അതുപ്രകാരം വിദ്യാര്‍ത്ഥിനി ജ്യേഷ്ഠത്തിയുടെ ഭര്‍ത്താവ് ഇസ്മാഈലിന്റെ കൂടെ പോവുകയും ചെയ്തു. വിദ്യാനഗര്‍ ചാലയിലെ ഷഹര്‍ബാനു (22) വാണ് സഹോദരി ഭര്‍ത്താവിനൊപ്പം പോയത്.

ഷഹര്‍ബാനുവിനെ കാണാതായത് സംബന്ധിച്ച് പിതാവ് വിദ്യാനഗര്‍ പോലീസില്‍ പരാതി നല്‍കിയിരുന്നു. പോലീസ് നടത്തിയ അന്വേഷണത്തില്‍ ഷഹര്‍ബാനു ജ്യേഷ്ഠത്തിയുടെ ഭര്‍ത്താവ് ബാംഗ്ലൂരില്‍ ഹോട്ടല്‍ ജോലിക്കാരനായ ഇസ്മാഈലിന്റെ കൂടെയുള്ളതായി കണ്ടെത്തുകയായിരുന്നു.

കഴിഞ്ഞ ദിവസം കാസര്‍കോട് ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ യുവതിയെ ഹാജരാക്കുകയായിരുന്നു.
വിദ്യാനഗര്‍ ടാഗോര്‍ കോളജിലെ ബി.എ ഇംഗ്ലീഷ് അവസാന വര്‍ഷ വിദ്യാര്‍ത്ഥിനിയായിരുന്നു ഷഹര്‍ബാനു. കോളജിലേക്കാണെന്ന് പറഞ്ഞ് വീട്ടില്‍ നിന്ന് ഇറങ്ങിയ ഷഹര്‍ബാനു വൈകിട്ട് തിരിച്ചുവരാത്തതിനാല്‍ നടത്തിയ അന്വേഷണത്തില്‍ പുസ്തകത്തിനിടയില്‍ എഴുതിവെച്ച കത്ത് കണ്ടെത്തി. അതില്‍ താന്‍ സഹോദരി ഭര്‍ത്താവിനൊപ്പം ബാംഗ്ലൂരിലേക്ക് പോവുകയാണെന്ന് എഴുതിയിരുന്നു.

Shaharbanu

ഇസ്മാഈല്‍ രാത്രി ഭാര്യയെ ഫോണില്‍ വിളിച്ച് ഷഹര്‍ബാനുവിനെ കുറിച്ച് അന്വേഷിക്കേണ്ടതില്ലെന്നും പറഞ്ഞിരുന്നു. ഇതിന്റെ അടിസ്ഥാനത്തില്‍ പോലീസ് മൊബൈല്‍ ഫോണ്‍ കോളുകളെ പിന്തുടര്‍ന്ന് നടത്തിയ അന്വേഷണത്തിലാണ് ഷഹര്‍ബാനുവിനെ ഇസ്മാഈലിനൊപ്പം കഴിയുന്നതിനിടെ ബാംഗ്ലൂരില്‍ നിന്ന് പിടികൂടിയത്. ഷഹര്‍ബാനു തന്റെ ഭര്‍ത്താവിന്റെ കൂടെ കഴിയുന്നതില്‍ തനിക്ക് പരാതിയില്ലെന്ന് ഇസ്മാഈലിന്റെ ഭാര്യ കോടതിയെ അറിയിച്ചു.

Related News:  കോളജ് വിദ്യാര്‍ത്ഥിനി കത്തെഴുതി വെച്ച് വീടുവിട്ടു

Keywords: Court, Vidya Nagar, College, Missing, Student, College, Father, Hotel, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

11:22 am | 3 comments

ഭര്‍തൃമതി കിണറ്റില്‍ മരിച്ച നിലയില്‍

മഞ്ചേശ്വരം: മജിബയല്‍ കൊഡ്ഡെയിലെ തോമസിന്റെ മകള്‍ അനിത ഡിസൂസ (30) യെ ഭര്‍തൃവീട്ടുപരിസത്തെ കിണറ്റില്‍ മരിച്ച നിലയില്‍ കണ്ടെത്തി. ബുധനാഴ്ച ഉച്ചയോടെയാണ് കൊണാജെ എല്യാര്‍പദവിലെ ഭര്‍ത്താവ് എലിയാസ് ഡിസൂസയുടെ വീട്ടില്‍ നിന്നും അനിതയെ കാണാതായത്.

അന്വേഷണത്തിനിടയിലാണ് മൃതദേഹം വീട്ടുപരിസത്തെ കിണറ്റില്‍ കാണപ്പെട്ടത്. ആത്മഹത്യയാണെന്നു സംശയിക്കുന്നു. 10 വര്‍ഷം മുമ്പായയിരുന്നു വിവാഹം. സെര്‍വിന്‍ ആണ് മാതാവ്. മക്കള്‍: അക്ഷല്‍, എഡ്‌വിന്‍. സഹോദരങ്ങള്‍: വിജയ, ശാന്തി.

Keywords: Suicide, Well, husband, Missing, Marriage, Kasaragod, Kerala News, International News, National News, Gulf News, Health News, Educational News, Business News, Stock News, Gold News.

Read More

2:47 pm | 0 comments

കാണാതായ യുവതി പുഴയില്‍ മരിച്ച നിലയില്‍

മംഗലാപുരം: അഞ്ച് ദിവസം മുമ്പ് വീട്ടില്‍ നിന്ന് കാണാതായ യുവതിയെ പുഴയില്‍ മരിച്ച നിലയില്‍ കണ്ടെത്തി. കാപ്പു കൈപുഞ്ചാലിലെ രാധിക (30) യാണ് മരിച്ചത്. വെള്ളിയാഴ്ച പങ്കള പുഴയില്‍ കൈപുഞ്ചാല്‍ ബ്യാരി തോട്ടയിലാണ് മൃതദേഹം കണ്ടത്. ഏപ്രില്‍ ഒന്നു മുതല്‍ രാധികയെ കാണാനില്ലായിരുന്നു.

വീട്ടുകാര്‍ കാപ്പു പോലീസില്‍ പരാതി നല്‍കുകയും ബന്ധു വീടുകളില്‍ അന്വേഷണം നടത്തിവരികയുമായിരുന്നു. ബിരുദ പഠനത്തിനു ശേഷം ജോലിയൊന്നും ലഭിക്കാതെ രാധിക മനോവിഷമത്തിലായിരുന്നുവെന്ന് ബന്ധുക്കള്‍ പറയുന്നു. മാനസിക അസ്വാസ്ഥ്യത്തിന് ചികിത്സ നടത്തിവന്നിരുന്നതായും വീട്ടുകാര്‍ വെളിപ്പെടുത്തി. രാധിക പുഴയില്‍ ചാടി ജീവനൊടുക്കിയതാകാമെന്നാണ് പോലീസ് നിഗമനം.

Keywords: Missing, Women, River, Police, Case, Kasaragod, Kerala News, International News, National News, Gulf News, Health News, Educational News, Business News, Stock News, Gold News, Missing woman found drowned in Pangala rivulet, Radhika, Kaipunjal, psychological disorder, Kaup police station.

Read More

12:20 pm | 0 comments

കോളജ് വിദ്യാര്‍ത്ഥിനി കത്തെഴുതി വെച്ച് വീടുവിട്ടു

കാസര്‍കോട്: കോളജ് വിദ്യാര്‍ത്ഥിനി കത്തെഴുതി വെച്ച് വീടുവിട്ടു. വിദ്യാനഗര്‍ ചാല ഹിദായത്ത് ഹൗസില്‍ പി.കെ യൂസുഫിന്റെ മകള്‍ ഷഹര്‍ബാനു (22) ആണ് വീടുവിട്ടത്. വിദ്യാനഗര്‍ ടാഗോര്‍ കോളജിലെ ബി.എ ഇംഗ്ലീഷ് അവസാന വര്‍ഷ വിദ്യാര്‍ത്ഥിയായ ഷഹര്‍ബാനു വ്യാഴാഴ്ച രാവിലെ കോളജിലേക്കാണെന്ന് പറഞ്ഞ് വീട്ടില്‍ നിന്ന് ഇറങ്ങിയതായിരുന്നു.

Sheharbanu

വൈകിട്ട് തിരിച്ചെത്താത്തതിനെ തുടര്‍ന്ന് അന്വേഷിച്ചുവെങ്കിലും കണ്ടെത്താന്‍ കഴിഞ്ഞില്ല. പിന്നീട് പിതാവ് യൂസുഫ് വിദ്യാനഗര്‍ പോലീസില്‍ പരാതി നല്‍കിയതിന്റെ അടിസ്ഥാനത്തില്‍ പോലീസ് കേസെടുത്ത് അന്വേഷണം ആരംഭിച്ചു. ഷഹര്‍ബാനു പുസ്തകത്തില്‍ കത്തെഴുതി വെച്ചാണ് വീടുവിട്ടത്. ജ്യേഷ്ഠത്തിയുടെ ഭര്‍ത്താവ് ബാംഗ്ലൂരില്‍ ഹോട്ടല്‍ ജോലിക്കാരനായ ഇസ്മാഈലുമായി പ്രണയത്തിലാണെന്നാണ് കത്തിലുള്ളത്.

ഇസ്മാഈല്‍ രാത്രി ഭാര്യയെ വിളിച്ച് ഷഹര്‍ബാനുവിനെ കുറിച്ച് അന്വേഷിക്കേണ്ടതില്ലെന്നും പറഞ്ഞിരുന്നു.  മൊബൈല്‍ ഫോണ്‍ കോളുകളെ പിന്തുടര്‍ന്നാണ് പോലീസ് അന്വേഷണം ആരംഭിച്ചിട്ടുള്ളത്. അന്വേഷണത്തിനായി പോലീസ് ബാഗ്ലൂരിലേക്ക് പോകും.

Keywords: Missing, Student, College, Father, Hotel, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

12:44 pm | 1 comments

കാണാതായ സഹോദരിമാരെയും മകളെയും കണ്ടെത്താനുള്ള അന്വേഷണം ഊര്‍ജിതമാക്കി

ചെറുവത്തൂര്‍: ബ്ലേഡ് മാഫിയയുടെ ഭീഷണിയെ തുടര്‍ന്ന് കാണാതായ സഹോദരിമാരെയും ഏഴുവയസുള്ള അവരുടെ   മകളെയും കണ്ടെത്താന്‍ പോലീസ് അന്വേഷണം ഊര്‍ജിതമാക്കി. തൃക്കരിപ്പൂര്‍ പേക്കടം പെരിയോത്തെ പി. നബീസയുടെ മക്കളായ താഹിറ(30), നസീമ(26), നസീമയുടെ മകള്‍ നാജിത(7) എന്നിവരെയാണ് മാര്‍ച്ച് 29  മുതല്‍ കാണാതായത്.

 ഇതു സംബന്ധിച്ച് നബീസ നല്‍കിയ പരാതിയുടെ അടിസ്ഥാനത്തിലാണ് ചന്തേര പോലീസ് അന്വേഷണം ഊര്‍ജിതമാക്കിയത്. വീടുവിട്ടതിനുശേഷം ബന്ധുക്കളുമായി ഇവര്‍ മൊബൈല്‍ഫോണില്‍ ബന്ധപ്പെട്ടിരുന്നു. എന്നാല്‍ ഇപ്പോള്‍ അതും നിലച്ചിരിക്കുകയാണ്.  നേരത്തെ വിളിച്ച ഫോണിന്റെ ടവര്‍ പരിശോധനയില്‍ നിന്നും ഇവര്‍ വടകരഭാഗങ്ങളില്‍ നിന്നുമാണ് വിളിച്ചിരുന്നതെന്ന് പോലീസ് മനസിലാക്കിയിരുന്നു. അതുകൊണ്ടുതന്നെ വടകര ഭാഗങ്ങളിലായാണ് പോലീസ് അന്വേഷണം നടത്താന്‍ തീരുമാനിച്ചിട്ടുള്ളത്.

ബ്ലേഡ് ഇടപാടില്‍ കുടുങ്ങിയ ഇവര്‍ക്ക്  ഒരുപാട് സാമ്പത്തിക
ബുദ്ധിമുട്ടുകള്‍  നേരിടേണ്ടി വന്നിട്ടുണ്ട്. ഇതാണ് ഇവരെ നാടുവിടാന്‍ പ്രേരിപ്പിച്ചതെന്ന് വ്യക്തമാക്കുന്ന എഴുത്തും ഇവരുടെ വീട്ടില്‍ നടത്തിയ പരിശോധനയില്‍ നിന്നും പോലീസിന് ലഭിച്ചിട്ടുണ്ട്.വിവിധ ആവശ്യങ്ങള്‍ക്കായി പലരില്‍ നിന്നും  എട്ടുലക്ഷത്തോളം രൂപയാണ് ഇവര്‍ പലിശക്ക് കടം വാങ്ങിയത്.

ഒരു മാസം മുമ്പ് തൃക്കരിപ്പൂരില്‍ നിന്നും പോലീസ് അറസ്റ്റുചെയ്ത  ബ്ലേഡുകാരനില്‍ നിന്നും ഇവര്‍ 2.75 ലക്ഷം രൂപ കടംവാങ്ങിയതായി തെളിഞ്ഞിട്ടുണ്ട്.ബ്ലേഡുകാരനില്‍ നിന്നും പിടിച്ചെടുത്ത ചെക്ക് ലീഫുകളില്‍ കാണാതായ സഹോദരിമാരില്‍ ഒരാളുടെ ചെക്ക്‌ലീഫ് കണ്ടെത്തിയതിന്റെ അടിസ്ഥാനത്തിലാണ് പോലീസിന് ഇക്കാര്യം വ്യക്തമായത്.

ബ്ലേഡുകാരനെ പോലീസ് അറസ്റ്റുചെയ്തതോടെ പണം കടം വാങ്ങിയവരോട് പണം തിരിച്ചു വാങ്ങാനായി ബ്ലേഡ് മാഫിയാ സംഘങ്ങള്‍ ക്രൂരമായ സമീപനം നടത്തുന്നതില്‍ പേടിച്ചാണ് സഹോദരിമാര്‍ മകളെയും കൊണ്ട് നാടുവിട്ടതെന്നാണ് പരാതിയില്‍ പറയുന്നത്.

Keywords: Cheruvathur, Blade mafia, Missing, Sisters, Police, Arrest, Chandera, Kerala,Kerala News, International News, National News, Gulf News, Health News, Educational News, Business News, Stock news.

Read More

6:42 pm | 0 comments

കൂട്ടുകാരിയുടെ വിവാഹത്തില്‍ പങ്കെടുക്കാന്‍ പോയ കോളജ് വിദ്യാര്‍ത്ഥിനി വീടുവിട്ടു

ചെറുവത്തൂര്‍: കൂട്ടുകാരിയുടെ വിവാഹത്തില്‍ പങ്കെടുക്കാനാണെന്ന് പറഞ്ഞ് വീട്ടില്‍ നിന്നുംപോയ കോളജ് വിദ്യാര്‍ത്ഥിയെ കാണാതായതായി പരാതി. തൃക്കരിപ്പൂര്‍ മെട്ടമ്മലിലെ ജനാര്‍ദനന്റെ മകള്‍ ബിഥുന (21) യെയാണ് കാണാതായത്.

പയ്യന്നൂരിലെ സ്വകാര്യ കോളജില്‍ വിദ്യാര്‍ത്ഥിയാണ് ബിഥുന. മാര്‍ച് 24ന് രാവിലെ 8.45 മണിയോടെ പിലാത്തറയിലെ കൂട്ടുകാരിയുടെ വിവാഹത്തിന് പങ്കെടുക്കാനാണെന്ന് പറഞ്ഞാണ് പെണ്‍കുട്ടി വീട്ടല്‍ നിന്നും ഇറങ്ങിയത്.

തിരിച്ചെത്താത്തതിനെതുടര്‍ന്ന് അന്വേഷണം നടത്തിയപ്പോള്‍ തൃക്കരിപ്പൂര്‍ പൂച്ചോലില്‍ താമസക്കാരനായ തമിഴ്‌നാട് തിരുട്ട് ഗ്രാമത്തിലെ മുരുഗന്‍ എന്ന യുവാവിനോടൊപ്പം ബിഥുന പോയതായി വ്യക്തമായതിനെതുടര്‍ന്ന് വീട്ടുകാര്‍ പോലീസില്‍ പരാതി നല്‍കിയതിന്റെ അടിസ്ഥാനത്തില്‍ ചന്തേര പോലീസ് കേസെടുത്ത് അന്വേഷണം ആരംഭിച്ചു.

Keywords: Missing, Kasaragod, Marriage, College, Student, Complaint, Tamilnadu, Chandera Police, Investigation, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

12:57 pm | 0 comments

ദുബൈയില്‍ നിന്നും നാട്ടിലേക്ക് തിരിച്ച തൃക്കരിപ്പൂര്‍ സ്വദേശിയെ കാണാതായി

മംഗലാപുരം: മാര്‍ച്ച് 21 ന് ദുബൈയില്‍ നിന്നും നാട്ടിലേക്ക് പുറപ്പെട്ട തൃക്കരിപ്പൂര്‍ സ്വദേശിയെ ദുരൂഹ സാഹചര്യത്തില്‍ കാണാതായതായി. തൃക്കരിപ്പൂരിലെ മുഹമ്മദ്കുഞ്ഞിയുടെ മകന്‍ മുഹമ്മദ് അഷ്‌റഫി(24) നെയാണ് കാണാതായത്. പാണ്ഡേശ്വരം പോലീസ് സ്‌റ്റേഷന്‍ പരിധിയില്‍ വെച്ചാണ് യുവാവിനെ കാണാതായതെന്ന് ബന്ധുക്കള്‍ പോലീസില്‍ പരാതി നല്‍കി.

മാര്‍ച്ച് 21 ന് ദുബൈയില്‍ നിന്നും എത്തിയതിനുശേഷം അഷ്‌റഫ് ബന്ധുക്കളെ വിളിച്ചിരുന്നു. സ്റ്റേറ്റ് ബാങ്ക് സര്‍ക്കിളിനടുത്തുള്ള കോയിന്‍ ബോക്‌സില്‍ നിന്നുമാണ് അഷ്‌റഫ് വിളിച്ചത്. താന്‍ സുരക്ഷിതമായി നാട്ടിലെത്തിയിരിക്കുന്നുവെന്നാണ് അഷ്‌റഫ് വിളിച്ച് ബന്ധുക്കളെ അറിയിച്ചത്. അഷ്‌റഫ് തന്റെ സുഹൃത്തായ ബബാംഗ്ലൂരിലെ മുനീഫിന്റെ വീട്ടില്‍ പോകുന്നുവെന്നും എന്നാല്‍ സുഹൃത്തിന്റെ ശരിയായ വിലാസം അറിയാത്തതിനാല്‍ ദുബൈയിലെ ഇബ്രാഹിമിനോട് വഴി ചോദിച്ചറിഞ്ഞിട്ടുണ്ടെന്നും അറിയിച്ചിരുന്നു.

അഷ്‌റഫിന്റെ അമ്മാവന്‍ മുനിറുദ്ദീന്‍ നല്‍കിയ പരാതിയില്‍ ബാംഗ്ലൂരിലെ സുഹൃത്തിന്റെ വീട്ടിലേക്ക് പോയ അഷ്‌റഫ് വീട്ടില്‍ തിരിച്ചെത്തിയില്ലാ എന്നാണ് പരാതിപ്പെട്ടിരിക്കുന്നത്. 5.9 അടി ഉയരവും ഒത്ത തടിയുമുള്ള യുവാവാണ് അഷ്‌റഫ്. ഇംഗ്ലീഷ്, ഹിന്ദി, മലയാളം എന്നീ ഭാഷകള്‍ കൈകാര്യം ചെയ്യാന്‍ അറിയാം. മാസങ്ങള്‍ക്കു മുമ്പ് ജോലി തേടി വിസിറ്റിംഗ് വിസയിലാണ് അഷ്‌റഫ് ഗള്‍ഫിലേക്ക് പോയത്. യുവാവിനെ കുറിച്ച് എന്തെങ്കിലും വിവരം ലഭിച്ചാല്‍ പണ്ഡേശ്വരം പോലീസ് സ്‌റ്റേഷനില്‍ വിവരം അറിയിക്കണമെന്ന് അധികൃതര്‍ അറിയിച്ചു.

Keywords: Mangalore, Missing, Dubai, Police, Complaint, Kasaragod, Trikaripur, National, Pandeshwar police station, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

12:52 pm | 0 comments