Hi guest ,  welcome  |  Visit Kvartha  |  Visit Keralaflash  |  Reading Problem? Download Font

വൈദ്യുതി മുടങ്ങി; കാസര്‍കോട് കൂരിരുട്ടില്‍

Written By kvarthakgd1 on Wednesday, 1 October 2014 | 7:35 pm

കാസര്‍കോട്: (www.kasargodvartha.com 01.10.2014) മണിക്കൂറുകളോളം വൈദ്യുതി മുടങ്ങിയത് ജില്ലയെ കൂരിരുട്ടിലാക്കി. ജില്ലയിലെ പലഭാഗങ്ങളിലും രാവിലെ മുതല്‍ മുടങ്ങിയ വൈദ്യുതി ബന്ധം രാത്രി എട്ട് മണിയായിട്ടും പുനഃസ്ഥാപിക്കാനായിട്ടില്ല.

കാസര്‍കോടിന് പുറമെ മലബാറിലെ ഒട്ടുമിക്ക ജില്ലകളിലും ഇതുതന്നെയാണ് അവസ്ഥ. മലപ്പുറം അരീക്കോട്ടെ വൈദ്യുതി ലൈനിലുണ്ടായ തകരാറാണ് വൈദ്യുതി ബന്ധം തടസപ്പെടാന്‍ കാരണം. വൈകിട്ട് അഞ്ച് മണിയോടെ പുനഃസ്ഥാപിക്കുമെന്ന് അറിയിച്ചെങ്കിലും പണി പൂര്‍ത്തിയാവാത്തതിനാല്‍ അതുണ്ടായില്ല.

കര്‍ണാടകയില്‍ നിന്നും ലഭിച്ച വൈദ്യുതിയാണ് കുറച്ചു സമയത്തേക്ക് കാസര്‍കോട്ട് വിതരണം ചെയ്തത്. കണ്ണൂര്‍ ഭാഗത്തും കുറച്ചു നേരത്തേക്ക് കര്‍ണാടകയില്‍ നിന്നുള്ള വൈദ്യുതി ഉപയോഗപ്പെടുത്തിയിരുന്നു. അരീക്കോട്ടെ വൈദ്യുതി ലൈനിലെ തകരാര്‍ പരിഹരിച്ച ശേഷം രാത്രി വൈകിയാലും വൈദ്യുതി ബന്ധം പുനഃസ്ഥാപിക്കാനാകുമെന്ന് കെ.എസ്.ഇ.ബി അധികൃതര്‍ പറഞ്ഞു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Kasaragod, Electricity, Kerala, Malabar, KSEB, Kannur, Karnataka. 

7:35 pm | 0 comments

കോടികള്‍ വില വരുന്ന വീടും പറമ്പും കൈക്കലാക്കാന്‍ ശ്രമമെന്ന് പരാതി: 5 പേര്‍ക്കെതിരെ കേസ്

വിദ്യാനഗര്‍: (www.kasargodvartha.com 01.10.2014) കോടികള്‍ വില വരുന്ന വീടും പറമ്പും കൈക്കലാക്കാന്‍ ശ്രമം നടക്കുന്നതായുള്ള പരാതിയുടെ അടിസ്ഥാനത്തില്‍ അഞ്ച് പേര്‍ക്കെതിരെ വിദ്യാനഗര്‍ പോലീസ് കേസെടുത്തു. ചട്ടഞ്ചാല്‍ പാദൂര്‍ ഹൗസിലെ പരേതനായ ടി.ബി. കുഞ്ഞിമാഹിന്‍ ഹാജിയുടെ മകന്‍ മുഹമ്മദ് ഷെരീഫിന്റെ (47) പരാതിയിലാണ് പോലീസ് കേസെടുത്തത്.

ചട്ടഞ്ചാലിലെ ടി.ബി. അബ്ദുര്‍ റഹ്മാന്‍ ഹാജി, ടി.ബി. കുഞ്ഞാമു ഹാജി, മൊയ്തീന്‍ കുഞ്ഞി, തെങ്ങുകയറ്റതൊഴിലാളി കാവുമ്പള്ളം നാരായണന്‍, മരപ്പണിക്കാരന്‍ കാവുമ്പളം രവി എന്നിവര്‍ക്കെതിരെയാണ് കേസെടുത്തത്.

15 വര്‍ഷം മുമ്പ് ഷെരീഫിന്റെ പിതാവ് കുഞ്ഞിമാഹിന്‍ ഹാജി 65 ലക്ഷം രൂപ വിലകൊടുത്തുവാങ്ങിയ വീട്ടിലും പറമ്പിലും ഇക്കഴിഞ്ഞ സെപ്തംബര്‍ 30ന് രാവിലെ 11.30 മണിയോടെ തോക്കും മറ്റു മാരകായുധങ്ങളുമായി അതിക്രമിച്ചുകടന്ന് അവിടെ ജോലിചെയ്തുകൊണ്ടിരുന്ന മുഹമ്മദ് കുഞ്ഞി, ബഷീര്‍, രാമന്‍, കാര്‍ത്ത്യായനി എന്നിവരെ ഭീഷണിപ്പെടുത്തി വീടിന്റെ പൂട്ട്തകര്‍ത്ത് അകത്തുകടന്നതായാണ് പരാതി. പിന്നീട് പോലീസ് എത്തിയാണ് രംഗം ശാന്തമാക്കിയത്.

മുഹമ്മദ് ഷെരീഫിന്റെ പിതാവും കുഞ്ഞാമു ഹാജിയും ബന്ധുക്കളാണ്. സ്വത്ത് സംബന്ധമായ പ്രശ്‌നമാണ് സംഭവത്തിന് പിന്നില്ലെന്നാണ് സൂചന.
Case, Cheating, Police, Land, Kasaragod, Kerala, Complaint, Chattanchal, Case against 5 for attempting aggression of property

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

5:14 pm | 0 comments

നവരാത്രി ആഘോഷം: ക്ഷേത്രങ്ങളില്‍ വന്‍ ഭക്തജനത്തിരക്ക്; ആയുധപൂജ വ്യാഴാഴ്ച, എഴുത്തിനിരുത്താന്‍ ഒരുക്കം

കാസര്‍കോട്: (www.kasargodvartha.com 01.10.2014) നവരാത്രി ആഘോഷം അവസാനഘട്ടത്തിലേക്ക് പ്രവേശിച്ചിരിക്കേ ക്ഷേത്രങ്ങളില്‍ വന്‍ ഭക്തജന തിരക്ക്. മഹാനവമി ദിനമായ വ്യാഴാഴ്ച ആയുധപൂജ നടക്കും. വെള്ളിയാഴ്ച വിജയദശമി ദിനത്തില്‍ വിദ്യാരംഭം കുറിക്കാനുള്ള ഒരുക്കങ്ങള്‍ വിവിധ ക്ഷേത്രങ്ങളില്‍ പൂര്‍ത്തിയായി.

ആയുധ പൂജയ്ക്ക് പ്രധാന ക്ഷേത്രങ്ങളിലെല്ലാം പ്രത്യേക പൂജനടക്കും. ഗ്രന്ഥ പൂജ വെപ്പും വ്യാഴാഴ്ച നടക്കും. സംഗീതോത്സവങ്ങളടക്കം വിവിധ പരിപാടികളും നവരാത്രി ആഘോഷത്തിന്റെ ഭാഗമായി സംഘടിപ്പിച്ചിട്ടുണ്ട്. നവരാത്രി വേഷങ്ങളും പുലി വേഷങ്ങളും നഗരത്തില്‍ സജീവ സാന്നിദ്ധ്യം അറിയിച്ചു. 

വിജയദശമി ദിനമായ വെള്ളിയാഴ്ച കുരുന്നുകള്‍ ആദ്യാക്ഷരം കുറിക്കുന്ന ചടങ്ങിന് വിപുലമായ ഒരുക്കങ്ങളാണ് നടക്കുന്നത്. കാസര്‍കോട് കൊറക്കോട് ആര്യ കാര്‍ത്ത്യായനി ക്ഷേത്രത്തിലാണ് നവരാത്രി ആഘോഷപരിപാടികള്‍ വിപുലമായി നടന്നുവരുന്നത്. 

പ്രധാന ദേവീക്ഷേത്രമായ കൊല്ലൂര്‍ മൂകാംബികാ ക്ഷേത്രത്തില്‍ ഭക്തജനങ്ങളെകൊണ്ട് ഇതിനകം നിറഞ്ഞിരിക്കുകയാണ്. ക്ഷേത്രത്തില്‍ നവരാത്രി ആഘോഷത്തോടനുബന്ധിച്ചുള്ള രഥോത്സവവും മറ്റു  പൂജകളും വ്യാഴാഴ്ച രാത്രി നടക്കും. ദേവീ ക്ഷേത്രങ്ങളിലെല്ലാം പ്രത്യേക പൂജ നടന്നുവരികയാണ്. 

കാസര്‍കോട് ആര്യകാര്‍ത്ത്യായനി ക്ഷേത്രത്തിന് പുറമെ പുലിക്കുന്ന് ജഗദാംബികാ ക്ഷേത്രം, ദേളി തായത്തൊടി ദുര്‍ഗാ പരമേശ്വരി ക്ഷേത്രം, കാള്യംങ്ങോട് ജഗദാംബികാ ക്ഷേത്രം എന്നിവിടങ്ങളില്‍ വിവിധ പരിപാടികള്‍ നടന്നുവരികയാണ്. വിവിധ സ്ഥാപനങ്ങളിലും ആയുധപൂജയ്ക്കുള്ള തയ്യാറെടുപ്പുകള്‍ ആരംഭിച്ചിട്ടുണ്ട്.



ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

4:58 pm | 0 comments

വായ്പ തിരിച്ചടക്കാന്‍ നോട്ടീസ് ലഭിച്ച കോണ്‍ഗ്രസ് പ്രവര്‍ത്തകന്‍ ആസിഡ് കഴിച്ച് മരിച്ച നിലയില്‍

കാഞ്ഞങ്ങാട്: (www.kasargodvartha.com 01.10.2014) സഹകരണ ബാങ്കില്‍ നിന്നും വായ്പ തിരിച്ചടക്കാന്‍ നോട്ടീസ് ലഭിച്ച കോണ്‍ഗ്രസ് പ്രവര്‍ത്തകനെ ആസിഡ് കഴിച്ച് മരിച്ച നിലയില്‍ കണ്ടെത്തി. എണ്ണപ്പാറ അയ്യങ്കാവിലെ കളത്തിങ്കല്‍ കുഞ്ഞിരാമന്റെ മകന്‍ എം. ചന്ദ്രനെയാണ് (42) ആസിഡ് കഴിച്ച് മരിച്ചനിലയില്‍ കണ്ടെത്തിയത്.

ചൊവ്വാഴ്ച വൈകിട്ട് അയ്യങ്കാവിലെ വീട്ടില്‍വെച്ച് ആസിഡ് കഴിച്ച് അവശനിലയില്‍ കണ്ട ചന്ദ്രനെ ഉടന്‍തന്നെ നാട്ടുകാര്‍ മംഗലാപുരം ആശുപത്രിയില്‍ എത്തിച്ചെങ്കിലും വഴിമധ്യേ മരണപ്പെടുകയായിരുന്നു. ഭാര്യ ലീലയുടെ പേരില്‍ പുല്ലൂര്‍ സര്‍വ്വീസ് സഹകരണ ബാങ്കില്‍ നിന്നും ചന്ദ്രന്‍ 25,000 രൂപ വായ്പയെടുത്തിരുന്നു.

വായ്പയും പിഴ പലിശയും ഉള്‍പെടെ അര ലക്ഷത്തോളം രൂപ തിരിച്ചടക്കണമെന്നാവശ്യപ്പട്ട് ചന്ദ്രന് ബാങ്കില്‍ നിന്നും കഴിഞ്ഞദിവസം നോട്ടീസ് ലഭിച്ചിരുന്നു. നോട്ടീസുമായി ചൊവ്വാഴ്ച രാവിലെ ബാങ്കില്‍ നേരിട്ടെത്തിയ ചന്ദ്രനോട് വായ്പയില്‍ 10,000 രൂപ ഉടന്‍ തിരിച്ചടക്കണമെന്ന് ബാങ്ക് അധികൃതര്‍ ആവശ്യപ്പെട്ടിരുന്നു.

ഇരിയയിലെ ഹോട്ടല്‍ തൊഴിലാളിയായ ചന്ദ്രന് ഒരാഴ്ച മുമ്പ് ജോലിയും നഷ്ടപ്പെട്ടിരുന്നു. സാമ്പത്തികമായി ഞെരുക്കത്തിലായിരുന്ന ചന്ദ്രന് ബാങ്കില്‍ നിന്നും വായ്പ തിരിച്ചടക്കാന്‍ നോട്ടീസ് ലഭിച്ചതോടെ മാനസികമായി തളരുകയായിരുന്നു. നേരത്തെ ഇരിയയിലായിരുന്ന ചന്ദ്രന്‍ അടുത്തിടെയാണ് അയ്യങ്കാവിലേക്ക് താമസം മാറിയത്.

നേരത്തെ ഡ്രൈവറായും ജോലിചെയ്തിരുന്നു. മകള്‍ അമൃത രണ്ട് വര്‍ഷം മുമ്പ് ഹൃദയസംബന്ധമായ അസുഖത്തെതുടര്‍ന്ന് മരണപ്പെട്ടിരുന്നു. പ്ലസ്ടു വിദ്യാര്‍ത്ഥിനി നീതു (16) മൂത്ത മകളാണ്. അമ്പലത്തറ പോലീസ് ഇന്‍ക്വസ്റ്റ് നടത്തിയ മൃതദേഹം കാഞ്ഞങ്ങാട് ജില്ലാ ആശുപത്രിയില്‍ പോസ്റ്റുമോര്‍ട്ടം നടത്തി. സഹോദരങ്ങള്‍: പരേതനായ രാഘവന്‍, സുമതി, നിര്‍മല, ശോഭ.

Kanhangad, Congress worker, Obituary, Bank Loans, Kerala, Notice, Acid, Congress volunteer found dead.


ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kanhangad, Congress worker, Obituary, Bank Loans, Kerala, Notice, Acid, Congress volunteer found dead.

Advertisement:
4:29 pm | 0 comments

അയ്യപ്പ ഭജന മന്ദിരത്തില്‍ കവര്‍ച്ച; ഭണ്ഡാരം കവര്‍ന്നു

വിദ്യാനഗര്‍: (www.kasargodvartha.com 01.10.2014) കല്ലക്കട്ട പാമ്പായിക്കാവ് അയ്യപ്പ ഭജന മന്ദിരത്തില്‍ കവര്‍ച്ച നടന്നു. ഭജന മന്ദിരത്തിന്റെ പൂട്ട്‌പൊളിച്ച് അകത്തുകടന്ന മോഷ്ടാക്കള്‍ ഭണ്ഡാരം കുത്തിത്തുറന്ന് പണം കവര്‍ന്നു. ബുധനാഴ്ച പുലര്‍ചെ 1.30നും രാവിലെ 6.30 നും ഇടയിലുള്ള സമയത്താണ് കവര്‍ച്ച നടന്നത്.

ഭജന മന്ദിരം ഭാരവാഹി ബി.എ. രമേശന്റെ പരാതിയില്‍ വിദ്യാനഗര്‍ പോലീസ് കേസെടുത്ത് അന്വേഷണം ആരംഭിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Vidya Nagar, Temple, Robbery, Theft, Police, Kasaragod, Kerala

4:23 pm | 0 comments

ശ്രീനാരായണ വിദ്യാലയത്തില്‍ ഗ്രന്ഥ സമര്‍പ്പണവും വിളക്കുപൂജയും നടത്തി

തൃക്കരിപ്പൂര്‍: (www.kasargodvartha.com 01.10.2014) നവരാത്രി ആഘോഷത്തിന്റെ ഭാഗമായി തൃക്കരിപ്പൂര്‍ ശ്രീനാരായണ വിദ്യാലയത്തില്‍ ദുര്‍ഗ്ഗാഷ്ടമി ദിനമായ ബുധനാഴ്ച അഷ്ടമിയിലേക്ക് കടന്ന സമയത്ത് ഉച്ചയ്ക്ക് 1.30 ന് സരസ്വതിയുടെ 108 അഷ്ടോത്തര മന്ത്രങ്ങള്‍ ജപിച്ച് വിദ്യാര്‍ഥി, വിദ്യാര്‍ത്ഥിനികള്‍ വിളക്കുപൂജ നടത്തി.

ശിവഗിരി മഠത്തിലെ സ്വാമി പ്രേമാനന്ദയുടെ മുഖ്യ കാര്‍മ്മികത്വത്തില്‍ നടന്ന വിളക്കുപൂജയില്‍ വിദ്യാലയത്തിലെ 125 ഓളം വിദ്യാര്‍ത്ഥികളും അവരുടെ രക്ഷിതാക്കളും നാട്ടുകാരും സംബന്ധിച്ചു. വിളക്കും പൂവുമായി എത്തിയ കുട്ടികള്‍ അവരവരുടെ പാഠപുസ്തകം, മറ്റു പഠനോപകരണങ്ങള്‍ എന്നിവ സ്വരസ്വതി മണ്ഡപത്തില്‍ സമര്‍പ്പിച്ചു. തുടര്‍ന്ന് പൂജാദി കര്‍മ്മങ്ങള്‍ക്ക് തുടക്കമായി.

എസ്.എന്‍.ഡി.പി. യോഗം തൃക്കരിപ്പൂര്‍ യൂണിയന്‍ പ്രസിഡന്റ് എ. സുകുമാരന്‍ ഭദ്രദീപം കൊളുത്തി. എസ്.എന്‍.ഡി.പി. യോഗംതൃക്കരിപ്പൂര്‍ യൂണിയന്‍ സെക്രട്ടറി ഉദിനൂര്‍ സുകുമാരന്‍, അധ്യാപികമാരായ ബിന്ദു സുകുമാരന്‍, പി.വി. ചാന്ദിനി, വി.വി. ബേബി, കെ. ആശാകുമാരി, കെ. പ്രിയ, കെ.വി സിന്ധു, കെ. പി ശ്രീനിക, എ. സുമതി എന്നിവര്‍ നേതൃത്വം നല്‍കി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Sree Narayana Vidyalayam, Navarathri, Students, Trikaripur, Kasaragod, Kerala.

3:44 pm | 0 comments

മംഗലാപുരം വിമാനത്താവളത്തില്‍ സംഭവിക്കുന്നതെന്ത്? പി.ഡി നൂറുദ്ദീന് പറയാനുള്ളത്

സകലതും മാറി, മാറാത്തത് മനോഭാവം മാത്രം

(www.kasargodvartha.com 01.10.2014) ഉത്തര മലബാറിലെയും ദക്ഷിണ കനറയിലെയും പ്രവാസികളുടെയും കുടുംബങ്ങളുടെയും സംഘടനകളുടെയും നിതാന്ത പരിശ്രമങ്ങള്‍ക്കും നീണ്ട കാത്തിരിപ്പുകള്‍ക്കും ഒടുവിലാണ് മംഗലാപുരം അന്താരാഷ്ട്ര വിമാനത്താവളം എന്ന സ്വപ്‌നം സഫലമായത്. കൊങ്കണ്‍ പാത യാഥാര്‍ത്ഥ്യമാകുന്നതിന് മുമ്പ് ബോംബൈ ബസുകളെയും കണക്ഷന്‍ ബസുകളെയും മാത്രം ആശ്രയിച്ചിരുന്നവര്‍ക്ക് മംഗലാപുരത്ത് നിന്നും ഗള്‍ഫ് നാടുകളിലേക്ക് നേരിട്ടുള്ള യാത്രയ്ക്ക് അവസരമൊരുങ്ങിയതോടെ ഉത്തര മലബാറിലെ പ്രവാസികളുടെ യാത്രാ സ്വപ്‌നങ്ങള്‍ക്കും ചിറകു മുളച്ചു.

വെറും മൂന്നും നാലും മണിക്കൂര്‍ കൊണ്ട് ഗള്‍ഫ് നാടുകളിലേക്കും തിരിച്ചും പറന്നെത്താന്‍ സാധിച്ചതോടെ പ്രവാസികളും കുടുംബങ്ങളും തമ്മിലുള്ള അകലവും നന്നേ കുറഞ്ഞു. അടുത്ത ബന്ധുക്കളുടെയോ മറ്റോ മരണാനന്തര കര്‍മങ്ങളില്‍ പോലും പറന്നെത്താന്‍ പാകത്തില്‍ നാടും ഗള്‍ഫ് നാടുകളും അടുത്തതോടെ വര്‍ഷത്തിലൊരിക്കലോ രണ്ട് വര്‍ഷത്തിലൊരിക്കലോ നാടണഞ്ഞിരുന്ന പ്രവാസികളുടെ യാത്രാ ശൈലിയും മാറി. പലപ്പോഴുമത് സര്‍പ്രൈസ് യാത്രയായി നിര്‍വചിക്കപ്പെട്ടു.

യാത്രാ ക്ലേശം കുറഞ്ഞതോടെ നാട്ടിലുള്ള കുടുംബാംഗങ്ങളുടെ ഗള്‍ഫ് യാത്രയെന്ന സ്വപ്‌നവും പൂവണിഞ്ഞു തുടങ്ങി. മൊത്തത്തില്‍ മംഗലാപുരം വിമാനത്താവളത്തിന്റെ മുഖച്ഛായ തന്നെ മാറി. പക്ഷേ മാറ്റങ്ങളേറെ സംഭവിച്ചിട്ടും മാറാത്തത് വിമാനത്താവള അധികൃതരുടെ മനോഭാവം മാത്രമാണ്. എയര്‍പോര്‍ട്ടിനകത്തേക്ക് കയറുന്നത് മുതല്‍ തുടങ്ങുന്നു അധികൃതരുടെ സംശയ ദൃഷ്ടിയോടുള്ള പെരുമാറ്റം. ടിക്കറ്റും പാസ്‌പോര്‍ട്ടും പ്രവേശന കവാടത്തില്‍ നിയോഗിച്ചിരിക്കുന്ന സെക്യൂരിറ്റി ഗാര്‍ഡ് പരിശോധിച്ച് ഉറപ്പുവരുത്തിയതിന് ശേഷം മാത്രമേ അകത്തേക്ക് പ്രവേശനമുള്ളൂ എന്നിരിക്കെ തുടര്‍ന്ന് നില്‍ക്കുന്ന ഓരോ സെക്യൂരിറ്റി ഗാര്‍ഡുകളും വീണ്ടും വീണ്ടും പരിശോധിച്ച് പേരും വിലാസവും ചോദിക്കുന്ന രീതി മറ്റൊരു എയര്‍പോര്‍ട്ടിലും കാണാനാവാത്തതാണ്.

ബഹുഭൂരിപക്ഷം മലയാളി യാത്രക്കാരായിട്ടും മലയാളം കൈകാര്യം ചെയ്യാനറിയാവുന്ന ജീവനക്കാര്‍ വിരളമാണ്. അതിനാല്‍ തന്നെ ആദ്യമായി യാത്ര ചെയ്യുന്ന സ്ത്രീകളും കുട്ടികളും അടക്കമുള്ളവര്‍ ഇവരുടെ മറുഭാഷകളിലെ ചോദ്യങ്ങള്‍ക്ക് മുന്നില്‍ പകച്ചു നില്‍ക്കേണ്ടി വരുന്നു. വൃദ്ധരോ, സ്ത്രീകളോ കുട്ടികളോ മാത്രമായി യാത്ര ചെയ്യുമ്പോള്‍ അടുത്ത ബന്ധുക്കള്‍ക്ക് പാസ്‌പോര്‍ട്ടോ മറ്റു രേഖകളോ തെളിവായി സ്വീകരിച്ച് ചെക്ക് ഇന്‍ കൗണ്ടര്‍ വരെ അവരെ അനുഗമിക്കാനുള്ള അനുവാദം പല എയര്‍പോര്‍ട്ടുകളിലും ഉണ്ട്. എന്നാല്‍ ഇവിടെ അത് എന്തോ മഹാ പാതകം പോലെയാണ്.

നമ്മുടെ ബാഗേജുകള്‍ എത്ര ഭദ്രമായിട്ടാണ് പൊതിഞ്ഞിരിക്കുന്നതെങ്കിലും അത് തൃപ്തികരമല്ലെന്ന് പറഞ്ഞ് നിര്‍ബന്ധിപ്പിച്ച് റാപ്പിംഗ് (Wrapping) ചെയ്ത് പണം ഈടാക്കുന്ന പ്രവണതയും ഇവിടെ നിത്യ കാഴ്ചയാണ്. മറ്റു എയര്‍പോര്‍ട്ടുകളിലെല്ലാം ആവശ്യമുള്ളവര്‍ മാത്രമാണ് ഈ സൗകര്യം പ്രയോജനപ്പെടുത്തുന്നത്. ബാഗേജുകള്‍ ഭദ്രമായി പൂട്ടാതെയാണ് യാത്രയെങ്കില്‍ യാതൊരു സുരക്ഷയും പ്രതീക്ഷിക്കേണ്ടതില്ല. പലരും ട്രോളി ബാഗുകള്‍ പൂട്ടാതെ തന്നെ ബാഗേജ് കൗണ്ടറില്‍ എല്‍പ്പിക്കാറുണ്ട്. വിലപിടിപ്പുള്ള ഉപകരണങ്ങളോ മറ്റോ അതിനകത്ത് ഉണ്ടെങ്കില്‍ ലക്ഷ്യ സ്ഥാനത്ത് എത്തുമ്പോള്‍ അവ തിരികെ ലഭിച്ചിരിക്കണമെന്നില്ല. ഒരിക്കല്‍ ഇത്തരത്തില്‍ ഒരു സുഹൃത്ത് നന്നാക്കാനായി എല്‍പ്പിച്ച മൊബൈല്‍ ദുബൈയില്‍ എത്തി ബാഗേജ് പരിശോധിച്ചപ്പോള്‍ പൊടിപോലും ലഭിക്കാതിരുന്ന അനുഭവം ഈയുള്ളവനുണ്ട്.

ടൂറിസ്റ്റ് വിസയില്‍ യാത്ര ചെയ്യുമ്പോള്‍ മടക്ക ടിക്കറ്റും ഒറിജിനല്‍ വിസയും കയ്യില്‍ ഇല്ലാത്ത സന്ദര്‍ഭങ്ങളില്‍ ഇ - വിസയടക്കം എല്ലാ വിസകള്‍ക്കും വിസ ഓണ്‍ അറൈവല്‍ മെസേജും ആവശ്യമാണ്. പുതുതായി യാത്ര ചെയ്യുന്ന പലര്‍ക്കും ഇക്കാര്യത്തില്‍ ധാരണ ഉണ്ടാവണമെന്നില്ല. അടിയന്തിര ഘട്ടങ്ങളില്‍ ടിക്കറ്റെടുത്ത് വെള്ളിയാഴ്ച ഉള്‍പെടെ ഗള്‍ഫിലെ അവധി ദിവസങ്ങളില്‍ യാത്ര ചെയ്യുന്നവര്‍ക്ക് എയര്‍ലൈന്‍ ഓഫീസുകള്‍ അവധിയാണെന്നിരിക്കെ വിസ മെസേജിനുള്ള അവസരം ലഭിക്കാറുമില്ല. എയര്‍പോര്‍ട്ടിലെത്തി വിസ മെസേജ് ലഭ്യമല്ലെന്ന കാരണത്താല്‍ യാത്ര നിഷേധിക്കുമ്പോള്‍ ടിക്കറ്റ് തന്നെ നഷ്ടമാവുന്ന അവസ്ഥയാണ്.

മുംബൈ ഉള്‍പെടെയുള്ള ചില എയര്‍പോര്‍ട്ടുകളില്‍ നിന്നും യാത്ര ചെയ്യുമ്പോള്‍ ജെറ്റ് എയര്‍വേയ്‌സ് ഉള്‍പെടെയുള്ള പല എയര്‍ലൈനുകളിലും വിസ മെസേജ് ആവശ്യമില്ലതാനും. ഇ - വിസ സംവിധാനം നിലവില്‍ വരുന്നതിന് മുമ്പാണ് വിസ നിബന്ധന നിലവില്‍ വന്നത്. യു.എ.ഇയില്‍ ഇപ്പോള്‍ തൊഴില്‍ വിസയടക്കം ഒട്ടുമിക്ക വിസകളും ഇ - വിസകളാണ്. അതിനാല്‍ തന്നെ മടക്ക ടിക്കറ്റ് കരുതുന്ന പക്ഷം വിസ മെസേജ് നിബന്ധന കര്‍ശനമാക്കി യാത്ര നിഷേധിക്കേണ്ട സാഹചര്യം ഇല്ലെങ്കില്‍ പോലും അധികൃതരുടെ ഭാഗത്ത് നിന്നും യാതൊരു കനിവും ഉണ്ടാവാറില്ല.

മറ്റൊന്ന് വിസ കാലാവധി പരിശോധിക്കുന്നതിലെ പിശകാണ്. എല്ലാ വിസകളും ലഭ്യമായ തീയ്യതി മുതല്‍ രണ്ട് മാസ കാലാവധിക്കുള്ളില്‍ രാജ്യത്ത് പ്രവേശിച്ചിരിക്കണമെന്നാണ് നിബന്ധന. രാജ്യത്ത് പ്രവേശിച്ചിക്കേണ്ട അവസാന തീയ്യതി വിസയില്‍ രേഖപ്പെടുത്തിയിരിക്കും. എന്നാല്‍ പ്രവേശന തീയ്യതി മുതലാണ് താമസ കാലാവധി അഥവ വിസ കാലാവധി കണക്കാക്കുന്നത്. ഇത് മനസിലാക്കാതെ വിസ ലഭ്യമായ തീയ്യതി വെച്ച് വിസ കാലാവധി കണക്കാക്കി മടക്ക ടിക്കറ്റ് തീയ്യതി തിരുത്തണമെന്നാവശ്യപ്പെട്ടുള്ള പീഡനങ്ങളും മംഗലാപുരം വിമാനത്താവളത്തില്‍ പതിവാണ്.

എമിഗ്രേഷന്‍ ക്ലിയറന്‍സിന്റെ പേരിലും ഇവിടെ പീഡനങ്ങള്‍ പതിവാണ്. പാസ്‌പോര്‍ട്ടില്‍ എമിഗ്രേഷന്‍ ക്ലിയറന്‍സ് ആവശ്യമുള്ളവര്‍ തൊഴില്‍ വിസയില്‍ യാത്ര ചെയ്യുന്നെങ്കില്‍ മാത്രമെ അത് നിര്‍ബന്ധമുള്ളൂ. വിസിറ്റ് വിസയിലോ ഫാമിലി വിസയിലോ യാത്ര ചെയ്യുമ്പോള്‍ ആവശ്യമില്ല. എന്നാല്‍ ക്ലിയറന്‍സ് നിര്‍ബന്ധമാണെന്ന പിടിവാശിയും യാത്രാ നിഷേധവും അനസ്യൂതം തുടരുകയും ചെയ്യുന്നു. ഗള്‍ഫില്‍ നിന്നെത്തുന്ന യാത്രക്കാരോടുള്ള മനോഭവവും വിഭിന്നമല്ല. മലയാളി യാത്രക്കാരെ മൊത്തത്തില്‍ സ്വര്‍ണക്കടത്തുകാരായി ചിത്രീകരിച്ച് ബാഗേജുകള്‍ പൊട്ടിച്ച് കാണിക്കാന്‍ ആവശ്യപ്പെടുകയും ചെറിയ ഇലക്ട്രോണിക് ഉപകരണങ്ങള്‍ക്കും വാച്ചുകള്‍ക്ക് പോലും കസ്റ്റംസ് തീരുവ അടക്കാന്‍ ആവശ്യപ്പെടുന്നതുമായ അനുഭവങ്ങള്‍ നിരവധിയുണ്ട്.

എത്രയേറെ ക്ലേശങ്ങള്‍ അനുഭവിച്ചാലും ഉത്തരമലബാറിലെ പ്രവാസികള്‍ക്ക് മംഗലാപുരത്തെ തന്നെ ആശ്രയിക്കുകയേ നിര്‍വാഹമുള്ളൂ. ടിക്കറ്റ് നിരക്ക് എത്രതന്നെ കൂടിയാലും നമ്മള്‍ സൗകര്യവും സമയ ലാഭവുമാണ് പരിഗണിക്കുന്നത്. ഇത് ചൂഷണം ചെയ്ത് മറ്റു എയര്‍പോര്‍ട്ടുകളെ അപേക്ഷിച്ച് ഗള്‍ഫില്‍ നിന്നും മംഗലാപുരത്തേക്കും തിരിച്ചും ടിക്കറ്റ് നിരക്കുകളും താരതമ്യേന കൂടുതലാണ്. കൂടാതെ എയര്‍പോര്‍ട്ട് അധികൃതരുടെ മാനസിക പീഡനങ്ങളും. ഇക്കാര്യങ്ങള്‍ ചൂണ്ടിക്കാട്ടി ദുബൈ കെ.എം.സി.സി കാസര്‍കോട് മണ്ഡലം കമ്മിറ്റി ഭാരവാഹികളായ മഹ്മൂദ് കുളങ്ങരയും സലാം കന്യാപ്പാടിയും ദുബൈയിലെത്തിയ മുഖ്യമന്ത്രിയെ നേരിട്ട് കണ്ട് പരിഹാരം ആവശ്യപ്പെട്ടിരുന്നു. തുടര്‍നടപടികളെ കുറിച്ച് ആലോചിക്കാമെന്നും മുഖ്യമന്ത്രി ഉറപ്പു നല്‍കുകയും ചെയ്തു.

കാസര്‍കോട്‌വാര്‍ത്തയടക്കമുള്ള മാധ്യമങ്ങളുടെ നിരന്തര പരിശ്രമ ഫലമായാണ് വിമാനത്താവളത്തിനകത്തെ പല വാര്‍ത്തകളും പുറത്തുവരുന്നത് തന്നെ. അനീതിക്കും വിവേചനത്തിനുമെതിരെ തൂലിക കൊണ്ടുള്ള കാസര്‍കോട്‌വാര്‍ത്തയുടെ പോരാട്ടത്തിന് സര്‍വ ഭാവുകങ്ങളും നേരുന്നു.

(ദുബൈ കെ.എം.സി.സി കാസര്‍കോട് മണ്ഡലം സെക്രട്ടറിയും ദുബൈയിലെ ട്രാവല്‍ കണ്‍സള്‍ട്ടന്റും കൂടിയാണ് ലേഖകന്‍)

Related :
മംഗലാപുരം വിമാനത്താവളത്തില്‍ സംഭവിക്കുന്നതെന്ത്? മുനീര്‍ ചെര്‍ക്കളയ്ക്ക് പറയാനുള്ളത്
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Kasaragod, KMCC, Airport, Article, Kasargodvartha, Kerala, Leader, P.D Noorudheen, Mangalore Bajpe Airport

മംഗലാപുരം വിമാനത്താവളത്തില്‍ മലബാറില്‍ നിന്നുള്ള യാത്രക്കാരെ, വിശിഷ്യാ കാസര്‍കോട്ടുകാരെ ദ്രോഹിക്കുകയും പീഡിപ്പിക്കുകയും ചെയ്യുന്ന സംഭവങ്ങള്‍ പതിവാണെന്ന് ചില പ്രവാസി സുഹൃത്തുക്കളില്‍ നിന്നും മനസിലാക്കുന്നു. ആര്‍ക്കെങ്കിലും അത്തരം ദുരനുഭവങ്ങള്‍ ഉണ്ടായിട്ടുണ്ടെങ്കില്‍ അക്കാര്യം കാസര്‍കോട്‌വാര്‍ത്തയെ ഫേസ്ബുക്ക് പേജിലെ മെസേജ് വഴിയോ ഇമെയില്‍ വഴിയോ ഫോണ്‍ വഴിയോ അറിയിക്കുക. അക്കാര്യങ്ങള്‍ ക്രോഡീകരിച്ച് ജനപ്രതിനിധികളുടെയും നേതാക്കളുടേയും ബന്ധപ്പെട്ട അധികാരികളുടേയും ശ്രദ്ധയില്‍പെടുത്താം. നിങ്ങളുടെ പേരും ഫോണ്‍നമ്പറും മറ്റും രഹസ്യമായിവെക്കും. എങ്കില്‍ ഉടന്‍ തന്നെ നമുക്ക് ഒരു ഇടപെടല്‍ നടത്താം...അനുഭവങ്ങള്‍ ഒക്ടോബര്‍ 10ന് മുമ്പ് ലഭിച്ചിരിക്കണം

news@kasaragodvartha.com
+91 9495059432 Mahin Kunnil
(Call Time: Between 6PM to 10PM IST Only)


3:36 pm | 0 comments

മുട്ടത്തൊടി യൂത്ത്‌സ് റഹ്മാനിയ നഗര്‍ ക്ലബ്ബ് ഗാന്ധിജയന്തി ദിനത്തില്‍ ശുചീകരണം നടത്തും

വിദ്യാനഗര്‍: (www.kasargodvartha.com 01.10.2014) മുട്ടത്തൊടി യൂത്ത്‌സ് റഹ്മാനിയ നഗര്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബ്  ഗാന്ധിജയന്തി ദിനാചരണ പരിപാടികളും ശുചീകരണ പ്രവര്‍ത്തനങ്ങളും ഒക്ടോബര്‍ രണ്ടിന് നടത്തും.

വ്യാഴാഴ്ച രാവിലെ ക്ലബ്ബ് രക്ഷാധികാരി എ.എം. അല്‍ത്താഫ് പരിപാടി ഉദ്ഘാടനം ചെയ്യും. ക്ലബ്ബിന്റെ പ്രവര്‍ത്തകരെല്ലാം ശുചീകരണ പ്രവര്‍ത്തനത്തില്‍ സജീവമായി പങ്കെടുക്കും.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Muttathody, Vidya Nagar, October 2, Gandhi Jayanti, Youths Rahmaniya Nagar Arts and Sports Club.

2:45 pm | 0 comments

വ്യാജ സ്വര്‍ണം: കാസര്‍കോട്ടേക്ക് പരാതിക്കാര്‍ ഒഴുകുന്നു; 4 കേസ് രജിസ്റ്റര്‍ ചെയ്തു

കാസര്‍കോട്: (www.kasargodvartha.com 01.10.2014) 916 ഹാള്‍മാര്‍ക്ക് പതിച്ച വ്യാജസ്വര്‍ണം ബാങ്കുകളിലും ധനകാര്യസ്ഥാപനങ്ങളിലും ജ്വല്ലറികളിലും വ്യാപകമായി വില്‍പന നടത്തിയ സംഘം അറസ്റ്റിലായതോടെ കാസര്‍കോട്ടേക്ക് പരാതിക്കാര്‍ ഒഴുകുന്നു. ഇതിനകം നാല് കേസുകള്‍ രജിസ്റ്റര്‍ ചെയ്തു. കാസര്‍കോട്ട് മൂന്നും ആദൂരില്‍ ഒരു കേസുമാണ് രജിസ്റ്റര്‍ ചെയ്തത്.

ചൊവ്വാഴ്ച മുക്കുപണ്ട തട്ടിപ്പുമായി ബന്ധപ്പെട്ട് മുള്ളേരിയയിലെ അബ്ദുല്‍ റഫീഖിനെ (35) ആദൂര്‍ സി.ഐ. എ. സതീഷ് കുമാറും സംഘവും അറസ്റ്റുചെയ്തു. ചെര്‍ക്കള സി.കെ. ഹൗസില്‍ സി.എച്ച്. ഗഫൂറിന്റെ പരാതിയിലാണ് യുവാവിനെ അറസ്റ്റുചെയ്തത്. നീര്‍ച്ചാലിലാണ് റഫീഖ് താമസിച്ചിരുന്നത്. മുള്ളേരിയയിലെ വനിതാ സഹകരണ ബാങ്കില്‍ റഫീഖ് 85 ഗ്രാം സ്വര്‍ണം പണയംവെച്ചിരുന്നു. അത് തിരിച്ചെടുക്കാന്‍ പരിചത്തിന്റെ പേരില്‍ ഗഫൂര്‍ 2.35 ലക്ഷം രൂപ നല്‍കിയിരുന്നു.

എന്നാല്‍ സ്വര്‍ണം ഉരുക്കിയപ്പോഴാണ് വ്യാജ സ്വര്‍ണമാണെന്ന് മനസിലായത്. ഗഫൂര്‍ നല്‍കിയ പരാതിയിലാണ് ഇപ്പോള്‍ അബ്ദുല്‍ റഫീഖിനെ അറസ്റ്റുചെയ്തത്. കഴിഞ്ഞദിവസം വ്യാജ സ്വര്‍ണ തട്ടിപ്പുമായി ബന്ധപ്പെട്ട് പാലക്കാട് കോങ്ങാട്ടെ സക്കീര്‍ ഹുസൈന്‍ (40), കാസര്‍കോട് പടഌയിലെ ഇബ്രാഹിം ഹാരിസ് (38), ചൂരിയിലെ ഹസന്‍ (35) എന്നിവര്‍ പിടിയിലായതോടെയാണ് കാസര്‍കോട്, കണ്ണൂര്‍, കോഴിക്കോട്, വയനാട്, മലപ്പുറം, പാലക്കാട്, തൃശ്ശൂര്‍ തുടങ്ങി ഏഴ് ജില്ലകളില്‍ വ്യാജസ്വര്‍ണം തട്ടിപ്പ് നടന്നതായി വ്യക്തമായത്.

തൃശ്ശൂരിലെ ധനകാര്യ സ്ഥാപന ഉടമകള്‍ നല്‍കിയ പരാതിയിലാണ് കാസര്‍കോട് പോലീസ് പ്രതികളെ അറസ്റ്റുചെയ്തത്. തൃശ്ശൂരിലെ മുരുകേശന്‍ എന്നയാളാണ് 916 ഹാള്‍മാര്‍ക്ക് പതിച്ച വ്യാജസ്വര്‍ണം ഉണ്ടാക്കി ഇവര്‍ക്ക് നല്‍കിയതെന്ന് പോലീസ് അന്വേഷണത്തില്‍ വ്യക്തമായിട്ടുണ്ട്. ഒറിജിനലിനെ വെല്ലുന്ന വ്യാജ സ്വര്‍ണമാണ് മുരുകേശന്‍ ഉണ്ടാക്കിയത്. മുരുകേശനെ നേരത്തെ തൃശ്ശൂര്‍ പോലീസ് അറസ്റ്റുചെയ്തിരുന്നു. ഇയാള്‍ റിമാന്‍ഡിലാണ്.

നിരവധി പരാതികള്‍ പോലീസില്‍ ലഭിച്ചുകൊണ്ടിരിക്കുകയാണെന്ന് കേസന്വേഷണത്തിന് നേതൃത്വം നല്‍കുന്ന കാസര്‍കോട് ഡി.വൈ.എസ്.പി. ടി.പി. രഞ്ജിത്ത് കാസര്‍കോട് വാര്‍ത്തയോട് പറഞ്ഞു. ഇപ്പോള്‍ ജയിലിലുള്ളവര്‍ക്ക് പുറമെ പുറത്തുള്ള മറ്റുചിലരും ഈ തട്ടിപ്പില്‍ പങ്കാളികളാണെന്ന് പോലീസ് സൂചിപ്പിച്ചു.

ഒന്നരക്കോടിയോളം രൂപയുടെ തട്ടിപ്പ് സംഘം നടത്തിയിട്ടുണ്ടെന്ന് പോലീസ് അന്വേഷണത്തില്‍ വ്യക്തമായ സൂചന ലഭിച്ചിട്ടുണ്ട്. എന്നാല്‍ പ്രതികള്‍ കാല്‍ ലക്ഷം രൂപയുടെ തട്ടിപ്പുമാത്രമാണ് ഇപ്പോള്‍ സമ്മതിച്ചിട്ടുളളത്.

പ്രതികള്‍ അറസ്റ്റിലായതോടെ ഇവരുടെ ഫോട്ടോകണ്ടാണ് പലരും ചതി തിരിച്ചറിഞ്ഞുകൊണ്ടിരിക്കുന്നത്. അതുകൊണ്ടുതന്നെ കൂടുതല്‍ പരാതിക്കാര്‍ കാസര്‍കോട്ടേക്കെത്തുമെന്നാണ് കരുതുന്നത്. കാസര്‍കോട്ടുതന്നെ നിരവധിപേര്‍ ഇവരുടെ തട്ടിപ്പിന് ഇരയായിട്ടുണ്ട്. ബാങ്കിലെ പണയസ്വര്‍ണം എടുത്തുകൊടുക്കുന്ന ചിലരും ഇവരുടെ തട്ടിപ്പിനിരയായിട്ടുണ്ടെന്നാണ് വിവരം.
Fake gold, Kasaragod, Accuse, Arrest, Kerala, Police, Cheating, Case, Fake 916 gold: 4 cases registered

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Keywords: Fake gold, Kasaragod, Accuse, Arrest, Kerala, Police, Cheating, Case, Fake 916 gold: 4 cases registered.

Advertisement:
1:32 pm | 0 comments

ചന്തേര പോലീസ് സ്‌റ്റേഷനില്‍ യുവാവിന്‌ പീഡനം: സ്‌റ്റേഷന് മുന്നില്‍ യൂത്ത് കോണ്‍ഗ്രസ് പ്രതിഷേധ ധര്‍ണ

ചെറുവത്തൂര്‍: (www.kasargodvartha.com 01.10.2014) യൂത്ത് കോണ്‍ഗ്രസ് പ്രവര്‍ത്തകരെ ചന്തേര പോലീസ് പീഡിപ്പിക്കുന്നുവെന്നാരോപിച്ച് യൂത്ത് കോണ്‍ഗ്രസ് തൃക്കരിപ്പൂര്‍ നിയോജക മണ്ഡലം കമ്മിറ്റി ചന്തേര പോലിസ് സ്റ്റേഷന് മുന്നില്‍ പ്രതിഷേധ ധര്‍ണ നടത്തി.

യൂത്ത് കോണ്‍ഗ്രസ് കാസര്‍കോട് പാര്‍ലമെന്റ് മണ്ഡലം പ്രസിഡണ്ട് സാജിദ് മൗവ്വല്‍ പ്രതിഷേധ ധര്‍ണ ഉദ്ഘാടനം ചെയ്യ്തു. ശ്രീജിത്ത് മാടക്കാല്‍ അധ്യക്ഷത വഹിച്ചു. റെജീഷ് ബാബു സ്വാഗതവും പ്രദീപ് കുമാര്‍ നന്ദിയും പറഞ്ഞു.

പോലീസിന്റെ മൂന്നാം മുറ അവസാനിപ്പിച്ചില്ലെങ്കില്‍ ശക്തമായ പ്രക്ഷോഭ പരിപാടികള്‍ക്ക് നേതൃത്വം നല്‍കുമെന്ന് മാര്‍ച്ച് ഉദ്ഘാടനം ചെയ്ത സാജിദ് മൗവ്വല്‍ പറഞ്ഞു.

ഉദിനൂരിലെ എന്‍. ഇര്‍ഷാദിനെയാണ്(20) പോലീസ് കസ്റ്റഡിയിലെടുത്ത് മര്‍ദിച്ചതില്‍ പ്രതിഷേധിച്ചാണ് യൂത്ത് കോണ്‍ഗ്രസ് പ്രവര്‍ത്തകര്‍ പോലീസ് സ്‌റ്റേഷന്‍ ധര്‍ണ നടത്തിയത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Keywords: Police Station March, Chandera Police, March, Attack, Assault, Youth Congress Worker, Cheruvathur, Assault, Hospital, Bike, Complaint, Youth congress march against Chandera police station. 

Advertisement:
12:07 pm | 0 comments

പനിബാധിച്ച് ആറ് മാസം പ്രായമായ കുഞ്ഞ് മരിച്ചു

കാസര്‍കോട്: (www.kasargodvartha.com 01.10.2014) പനിബാധിച്ച് ആശുപത്രിയില്‍ പ്രവേശിപ്പിക്കപ്പെട്ട ആറ് മാസം പ്രായമായ കുഞ്ഞ് മരിച്ചു. ചിത്താരി ഡോര്‍സ് സ്ഥാപന ഉടമയും അടുക്കത്ത്ബയല്‍ സ്വദേശിയുമായ മുനീര്‍ മന്‍സിലിലെ അബ്ദുല്‍ നവാസ് - ശംസീറ ദമ്പതികളുടെ മകള്‍ ആസിയയാണ് മരിച്ചത്.

രണ്ട് ദിവസം മുമ്പാണ് പനിയെതുടര്‍ന്ന് മംഗാലുപുരം ഇന്ത്യാന ആശുപത്രിയില്‍ പ്രവേശിപ്പിച്ചത്. ബുധനാഴ്ച പുലര്‍ച്ചെ പനിമൂര്‍ചിക്കുകയും മരിക്കുകയുമായിരുന്നു. ഖബറടക്കം ബുധനാഴ്ച ഉച്ചയോടെ അടുക്കത്ത്ബയല്‍ ജുമാ മസ്ജിദ് ഖബര്‍സ്ഥാനില്‍ നടക്കും.

Asiya, Kasaragod, Obituary, Adkathbail, Kerala, Child, Fever: 6 month old baby died, Baby


ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

11:38 am | 0 comments

ലഹരിമുക്ത യൗവ്വനം ക്രിയാത്മക സമൂഹത്തെ സൃഷ്ടിക്കുന്നു: സി.ഐ സുരേഷ് ബാബു

കുമ്പള അക്കാദമിയില്‍ ലഹരി വിരുദ്ധ ക്യാമ്പയിന് തുടക്കമായി

കുമ്പള: (www.kasargodvartha.com 01.10.2014) ലഹരിമുക്തമായ സമൂഹത്തില്‍ നിന്ന് മാത്രമേ ലക്ഷ്യബോധവും ക്രിയാത്മക ചിന്തയുമുള്ള സമൂഹം വളര്‍ന്നു വരുകയുള്ളൂവെന്ന് കുമ്പള എസ്.ഐ സുരേഷ് ബാബു അഭിപ്രായപ്പെട്ടു. കുമ്പള അക്കാദമി വിദ്യാര്‍ത്ഥി യൂണിയന്‍ നടത്തുന്ന ലഹരി വിരുദ്ധ ക്യാമ്പയിന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ക്യാമ്പയിന്റെ ബ്രോഷര്‍ എസ്.ഐ സുരേഷ് ബാബു കോളജ് യൂണിയന്‍ ചെയര്‍മാന്‍ ഹൈദര്‍ അലിക്ക് കൈമാറി. ചടങ്ങില്‍ കുമ്പള അക്കാദമി മാനേജിംഗ് ഡയറക്ടര്‍ ഖലീല്‍ മാസ്റ്റര്‍, പ്രിന്‍സിപ്പാള്‍ മുനീര്‍, അധ്യാപകരായ കരീം ദര്‍ബാര്‍ക്കട്ട, നാഫിഹ് ബോവിക്കാനം, ഹൗഫ് ബെള്ളൂര്‍, ഇബ്രാഹിം പള്ളങ്കോട്, അഷ്‌റഫ് നീര്‍ച്ചാല്‍, യൂണിയന്‍ അംഗങ്ങളായ നിസാം, തന്‍വീര്‍, ഹബീബ്, ഖാദര്‍ സി.കെ എന്നിവര്‍ സംബന്ധിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.



Keywords: Kasaragod, Kumbala, College, Campaign, Anti-Drug-Seminar, Police, Inauguration, Kumbala Academy. 

11:00 am | 0 comments

ഫ്‌ളക്‌സ് ബോര്‍ഡ് നിരോധനം: കൊമേഴ്ഷ്യല്‍ ആര്‍ട്ടിസ്റ്റ് അസോസിയേഷന്‍ സ്വാഗതം ചെയ്തു

കാസര്‍കോട്: (www.kasargodvartha.com 01.10.2014) ഫ്‌ളക്‌സ് ബോര്‍ഡ് നിരോധിച്ച മന്ത്രിസഭാ യോഗ തീരുമാനം അഭിനന്ദനാര്‍ഹമാണെന്ന് കൊമേഴ്ഷ്യല്‍ ആര്‍ടിസ്റ്റ് അസോസിയേഷന്‍ ജില്ലാ ജനറല്‍ സെക്രട്ടറി നാഷണല്‍ അബ്ദുല്ല പറഞ്ഞു.

സംസ്ഥാനത്ത് 25,000 ത്തോളവും കാസര്‍കോട് ജില്ലയില്‍ 500 ല്‍ പരവും ചിത്രകലാകാരന്മാര്‍ ഫ്‌ളക്‌സ് ബോര്‍ഡുകളുടെ കടന്നു കയറ്റത്തോട് കൂടി ജോലിയില്ലാതെ ബുദ്ധിമുട്ടുകയാണ്. ചിലര്‍ കെട്ടിട പെയിന്റര്‍മാരായും, ചിലര്‍ ജോലിയില്ലാതെ കഴിയുകയും ചെയ്യുന്നു. ഈ സാഹചര്യത്തില്‍ സര്‍ക്കാരിന്റെ തീരുമാനത്തെ സ്വാഗതം ചെയ്യുന്നു.

നിരന്തരം സര്‍ക്കാരുമായും മുഖ്യമന്ത്രിയുമായും നടത്തിയ നിവേദനങ്ങളിലൂടെയും നേരിട്ടും നടത്തിയ ചര്‍ച്ചയുടെ ഫലമായാണ് ഫ്‌ളക്‌സ് ബോര്‍ഡ് നിരോധിച്ചത്. കഴിഞ്ഞ ത്രിതല പഞ്ചായത്ത് തെരഞ്ഞെടുപ്പില്‍  ഫ്‌ളക്‌സ് ബോര്‍ഡുകള്‍ ഇലക്ഷന്‍ കമ്മീഷന്‍ നിരോധിച്ചെങ്കിലും കുത്തക മുതലാളിമാര്‍ ഹൈക്കോടതിയില്‍ നിന്ന് സ്റ്റേ വാങ്ങിക്കുകയാണ് ചെയ്തത്.

ഈ തീരുമാനം നടപ്പില്‍ കൊണ്ടുവരാന്‍ നല്ലവരായ പൊതുജനങ്ങളും ഭരണകര്‍ത്താക്കളും സഹകരിക്കണമെന്നും ആവശ്യപ്പെട്ടു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kasaragod, Flex board, Kerala, Artist association welcomes Flex board ban. 

Advertisement:
10:45 am | 0 comments

2 വധശ്രമകേസിലെ പ്രതിയെ നല്ല നടപ്പിന് ശിക്ഷിക്കാന്‍ പോലീസ് ആര്‍.ഡി.ഒ. കോടതിക്ക് റിപോര്‍ട്ട് നല്‍കി

കുമ്പള: (www.kasargodvartha.com 01.10.2014) രണ്ട് വധശ്രമകേസിലെ പ്രതിയെ നല്ല നടപ്പിന് ശിക്ഷിക്കാന്‍ പോലീസ് ആര്‍.ഡി.ഒ. കോടതിക്ക് റിപോര്‍ട്ട് നല്‍കി. കയ്യാര്‍ മൊറത്തണടുക്കയിലെ നൗഷാദിനെ (20) നല്ലനടപ്പിന് ശിക്ഷിക്കണമെന്നാവശ്യപ്പെട്ടാണ് കുമ്പള പോലീസ് ആര്‍.ഡി.ഒ. കോടതിയില്‍ റിപോര്‍ട്ട് നല്‍കിയത്.

കുമ്പളയില്‍ 308 പ്രകാരവും മഞ്ചേശ്വരത്ത് 307 പ്രകാരവും രണ്ട് വധശ്രമകേസുകളാണ് നൗഷാദിനെതിരെ നിലവിലുള്ളത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Kasaragod, Kumbala, Kerala, Police, Report, Noushad, R.D.O. Court


10:30 am | 0 comments

ചീമേനി താപനിലയം: ജനഹിത പരിശോധന വേണമെന്ന് പരിസ്ഥിതി സമിതി

ചെറുവത്തൂര്‍: (www.kasargodvartha.com 01.10.2014) നിര്‍ദിഷ്ട ചീമേനി കല്‍ക്കരി താപനിലയം സംബന്ധിച്ച പദ്ധതി റിപ്പോര്‍ട്ട്, പരിസ്ഥിതി ആഘാത പഠന റിപ്പോര്‍ട്ട് എന്നിവ ജനകീയ ചര്‍ച്ചയ്ക്ക് വിധേയമാക്കണമെന്ന് കയ്യൂര്‍-ചീമേനി പഞ്ചായത്ത് പരിസ്ഥിതി സംരക്ഷണ സമിതി.

ചീമേനിയില്‍ 1400 മെഗാവാട്ട് വാതകാധിഷ്ടിത താപനിലയം സ്ഥാപിക്കാന്‍ നേരത്തെ ശ്രമം നടന്നിരുന്നു. അന്ന് ജനകീയ പ്രക്ഷോഭത്തെതുടര്‍ന്നാണ് പദ്ധതി തുടങ്ങാന്‍ വൈകിയത്. എന്നാല്‍ വാതകാധിഷ്ടിത താപനിലയത്തേക്കാള്‍ കൂടുതല്‍ പ്രശ്‌നങ്ങള്‍ ഉണ്ടാക്കുന്ന കല്‍ക്കരി താപനിലയം സ്ഥാപിക്കാനുള്ള ശ്രമങ്ങളാണ് ഇപ്പോള്‍ നടക്കുന്നതെന്ന് പരിസ്ഥിതി പ്രവര്‍ത്തകര്‍ ആരോപിക്കുന്നു.

2,000 ഏക്കര്‍ സ്ഥലമാണ് കല്‍ക്കരി താപനിലയത്തിനായി ചീമേനി ഏറ്റെടുക്കുന്നത്. അതിനാല്‍ സമീപ പ്രദേശത്തെ ഇരുന്നൂറോളം കുടുംബങ്ങള്‍ കുടിയൊഴിഞ്ഞ് പോകേണ്ടി വരും. താപനിലയത്തിനായി പ്രതിദിനം ഒരു മില്യന്‍ ലിറ്ററോളം വെള്ളം വേണം. കാക്കടവ് കാര്യങ്കോട് പുഴയില്‍ നിന്നും വെള്ളം ഊറ്റിയാല്‍ കടുത്ത കുടിവെള്ളക്ഷാമമുണ്ടാകും. ഇപ്പോള്‍ ഏഴിമല നേവല്‍ അക്കാദമിയിലേക്ക് ദിവസംതോറും 25 ലിറ്റര്‍ വെള്ളം കൊണ്ടുപോകുന്നുണ്ട്.

താപനിലയത്തില്‍ നിന്നും പുറന്തള്ളുന്ന വാതകങ്ങള്‍ പത്തു കിലോമീറ്റര്‍ ചുറ്റളവില്‍ അന്തരീക്ഷത്തെ മലിനമാക്കുമെന്നും അതിനാല്‍ ഒരു കാരണവശാലും താപനിലയം സ്ഥാപിക്കരുതെന്നും പരിസ്ഥിതി സമിതി ആവശ്യപ്പെടുന്നു. എന്‍ഡോസള്‍ഫാന്‍ ദുരിത മേഖലയില്‍ പരിസ്ഥിതി ആഘാതമേല്‍പ്പിക്കുന്ന പദ്ധതികള്‍ സ്ഥാപിക്കില്ല എന്ന പ്രഖ്യാപനം പോലും കാറ്റില്‍ പറത്തിയാണ് സര്‍ക്കാര്‍ പുതിയ നീക്കം നടത്തുന്നത്.


കേരളത്തിന്റെ ഊര്‍ജ പ്രതിസന്ധി പരിഹരിക്കാന്‍ സൗരോര്‍ജം പോലുള്ള സ്രോതസുകള്‍ ഉപയോഗപ്പെടുത്തണമെന്ന് ഇവര്‍പറഞ്ഞു.  ഇതുമായി ബന്ധപ്പെട്ട് ഒക്ടോബര്‍ നാലിന് ഉച്ചയ്ക്ക് രണ്ടുമണിക്ക് ചീമേനിയില്‍ ഓപ്പണ്‍ ഫോറം സംഘടിപ്പിക്കും. അഡ്വ ഹരീഷ് വാസുദേവ് വിഷയാവതരണം നടത്തും. വാര്‍ത്താ സമ്മേളനത്തില്‍ കെ.എം. അനില്‍ കുമാര്‍, കെ.ജി സനല്‍ഷാ, പി. ശ്രീനാഥ്, പി. തമ്പാന്‍, സുഭാഷ് ചീമേനി തുടങ്ങിയവര്‍ സംബന്ധിച്ചു.
Cheruvathur, Cheemeni, Press meet, Kasaragod, Kerala, Press conference

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

10:16 am | 0 comments

വിവാഹ ചടങ്ങുകള്‍ ശരിക്കും ആരുടെ കയ്യിലാണ് ?

ശഫീഖ് തളങ്കര

മുസ്ലീം സമുദായത്തിലെ വിവാഹങ്ങള്‍ ധൂര്‍ത്തിന്റെയും ആര്‍ഭാടത്തിന്റെയും അവസരങ്ങളായി മാറുന്നതിനെതിരെ മുസ്ലീം ലീഗ് ശക്തമായി ഇറങ്ങിത്തിരിക്കുന്നത് സ്വാഗതാര്‍ഹം തന്നെ. പഴയ തലമുറ ഓമനിച്ചും ബഹുമാനിച്ചും നടത്തിവന്നിരുന്ന വിവാഹ ആഘോഷങ്ങളാണ് അനാചാര പ്രവര്‍ത്തികളും ആര്‍ഭാടങ്ങളും ധൂര്‍ത്തുമായി പുതുതലമുറ കൊണ്ടാടുന്നത്.

സമൂഹത്തില്‍ ഉന്നതനാണെന്ന ഖ്യാതിയുണ്ടാക്കുവാനും, അഹങ്കാരം മൂലവും പലരും വിവാഹാഘോഷങ്ങളുടെ പൊലിമ കൂട്ടുകയാണ്. കടം വാങ്ങിയും വായ്പയെടുത്തും വിവാഹം കെങ്കേമമാക്കുന്ന ഭൂരിഭാഗം കുടുംബവും വിവാഹസുദിനത്തിന്റെ പവിത്രത അറിയുന്നില്ല.  ഭ്രാന്തമായ ആവേശത്തോടെ ഒരു വിഭാഗം യുവാക്കള്‍ മണവാളനുനേരെ കാണിക്കുന്ന അക്രമവാസനകള്‍ (റാഗിംഗ്) മുസ്ലീം സമുദായത്തിന് തന്നെ മാനക്കേടുണ്ടാക്കുന്നു. വിവാഹ ദിവസം അടുക്കുതോറും സുഹൃത്തുക്കളുടെ റാംഗിംഗ് ക്രൂരതകളെ ചിന്തിച്ചു വെന്തുരുകുന്ന മനസുമായി മണവാളന്‍ വ്യാകുലപ്പെടുന്നു.

മണവാളനുനേരെയുള്ള അക്രമവാസനകളും ആഭാസവും കണ്ടും കേട്ടുമറിഞ്ഞും പുതുതലമുറ ഭാവിയിലേക്കുള്ള പുത്തന്‍ കോമാളിത്തരങ്ങള്‍ക്ക് കോപ്പുകൂട്ടുന്നു. വിവാഹദിനം വധുവിന്റെ വീട്ടിലേക്ക് വരനെ ആനയിച്ചുകൊണ്ടുപോകുമ്പോള്‍ വരന്റെ സുഹൃത്തുക്കള്‍ കാട്ടുന്ന കോപ്രായങ്ങള്‍ വെറുപ്പും അറപ്പും ഉളവാക്കുന്നു.  ബൈക്കോടിച്ചും നൃത്തം ചവിട്ടിയും മുഖംമൂടി ധരിപ്പിച്ചും സൈക്കിള്‍ ചവിട്ടിയും ലുങ്കി ധരിപ്പിച്ചും വ്യത്യസ്തമായ പുത്തന്‍ കോമാളി വേഷങ്ങളുമായാണ് ഇവര്‍ വരനെ ആനയിക്കുകയാണ്.

റാഗിംഗ് ക്രൂരതകള്‍ കണ്ടറിഞ്ഞ് ഭയന്ന് ചില കല്യാണങ്ങള്‍ ഓഡിറ്റോറിയങ്ങളില്‍ നടത്തിവരികയാണ്. വളര്‍ന്നുവലുതായ വീടുകളില്‍ കല്യാണ സദ്യയൊരുക്കണമെന്നുള്ള വരന്റെ സ്വപ്നങ്ങള്‍ സുഹൃത്തുക്കള്‍ തന്നെയാണ് തുടച്ചുനീക്കുന്നത്. ഉറ്റ സുഹൃത്തുക്കളെ വെറുപ്പിക്കാന്‍ കഴിയില്ലെന്ന യാഥാര്‍ത്ഥ്യത്തോടെ വരന് കോമാളിത്തരങ്ങള്‍ക്ക് നിന്നുകൊടുക്കേണ്ട സാഹചര്യമുണ്ടാകുന്നു.

വരനെ ആനയിക്കുമ്പോള്‍ മറ്റു യാത്രക്കാര്‍ക്ക് ബുദ്ധിമുട്ടുണ്ടാക്കും വിധം മാര്‍ഗതടസം സൃഷ്ടിക്കലും ഹോണ്‍ മുഴക്കലും ഇവര്‍ പതിവാക്കിയിരിക്കുന്നു. പുതുതലമുറയുടെ ഹരമായി മാറിക്കൊണ്ടിരിക്കുന്ന ഡിജെ പോലുള്ള ശബ്ദകോലാഹലങ്ങള്‍ ഹോളിവുഡ് സിനിമാ രംഗങ്ങളെ അനുകരിക്കുകയാണ്. വിവാഹ വീടുകളില്‍ നൃത്തചുവടുകളും കോമാളി വേഷങ്ങളുമായി അര്‍ധരാത്രി വരെ ഉറഞ്ഞുതുള്ളുന്ന പുത്തന്‍തലമുറ സമൂഹത്തിന് തന്നെ ശാപമായി മാറി. വിവാഹത്തിന്റെ പവിത്രത കളഞ്ഞുകുളിക്കുന്ന ഇത്തരം പ്രവര്‍ത്തികള്‍ക്കെതിരെ സമൂഹം ഉണരണം. അന്യമതസ്ഥര്‍ക്ക് കണ്ടു ചിരിക്കാനുള്ള പുത്തന്‍ കോപ്രായങ്ങള്‍ മുസ്ലീം സമുദായത്തിന് തന്നെ കളങ്കമേല്‍പ്പിക്കുന്നു.

ഇസ്ലാം മതം വിവാഹാഘോഷങ്ങളെക്കുറിച്ച് ചിട്ടയായ രീതിയില്‍ വ്യക്തമാക്കുമ്പോള്‍ പുതുതലമുറ അനാചാരങ്ങളുമായി കടന്നുവരുന്നത് മഹല്ല് അധികാരികള്‍ തടയണം. പ്രായപൂര്‍ത്തിയായിട്ടും പെണ്‍മക്കളെ കല്യാണം കഴിപ്പിച്ച് വിടാനാവാതെ നിര്‍ധന കുടുംബങ്ങള്‍ നമ്മുടെ നാട്ടിലുള്ളപ്പോള്‍ വിവാഹധൂര്‍ത്തും ആര്‍ഭാടങ്ങളുമായി ചില കുടുംബങ്ങള്‍ മുന്നോട്ടു പോവുകയാണ്.

ലക്ഷങ്ങളുടെ വസ്ത്രങ്ങളും സ്വര്‍ണത്തോടൊപ്പം സ്ത്രീധനമായി കാറും നല്‍കുന്ന സാധാരണ കുടുംബവും നമ്മുടെ നാട്ടില്‍ ധാരാളമായുണ്ട്. ആദ്യരാത്രിയില്‍ മണവാളനെ വധുവിന്റെ വീട്ടിലേക്ക് അയക്കാതെ സുഹൃത്തുക്കള്‍ പിടിച്ചുവെക്കുന്നതും പതിവായിരിക്കുന്നു. മണിയറ തകര്‍ക്കുന്ന പ്രവര്‍ത്തി പഴയ ഫാഷനായത് കാരണം പുതുതലമുറ ഇതില്‍ നിന്നും ഭാഗികമായി മാത്രമേ പിന്‍മാറിയിട്ടുള്ളൂ. ചിലര്‍ക്ക് ഇപ്പോഴും ഇത് ജ്വരാണ്.

വിവാഹ ചടങ്ങുകളില്‍ യുവാക്കളെ ഭയന്ന് മുതിര്‍ന്നവര്‍ അരങ്ങത്ത് നിന്നും മാറിനിന്നതോടെ അനാചാരത്തിന്റെയും ധൂര്‍ത്തിന്റെയും ആഭാസത്തിന്റെയും അളവ് വര്‍ധിച്ചു കൊണ്ടിരിക്കുന്നു. ഇതിനെതിരെ മഹല്ല് അധികാരികളും കാരണവന്‍മാരും ഇനിയും മുഖം തിരിച്ചു നടന്നാല്‍ വിവാഹങ്ങളില്‍ ഇനി മാന്യതയുള്ളവര്‍ക്ക് പങ്കെടുക്കാന്‍ പറ്റാത്ത സാഹചര്യവും വരും. ബന്ധപ്പെട്ടവര്‍ അടിയന്തിരമായി ഇടപെടുമെന്നും ലീഗിന്റെ ക്യാമ്പയിനുമായി സഹകരിക്കുമെന്നും നമുക്ക് പ്രത്യാശിക്കാം.

Article, Marriage, Kerala, Kasaragod, Wedding days, Campaign, Youth, Shafeeque Thalangara

Also Read: 
വിവാഹ ചടങ്ങുകള്‍ വീണ്ടും കാട്ടാളന്മാരുടെ പിടിയില്‍

Keywords: Article, Marriage, Kerala, Kasaragod, Wedding days, Campaign, Youth, Shafeeque Thalangara. 
9:00 am | 0 comments

യുവാവിന് പോലീസ് കസ്റ്റഡിയില്‍ ക്രൂര മര്‍ദനം; 2 പല്ല് കൊഴിഞ്ഞു, മജിസ്‌ട്രേറ്റ് ആശുപത്രിയിലാക്കി

Written By kvartha delta on Tuesday, 30 September 2014 | 9:00 pm

കാസര്‍കോട്: (www.kasargodvartha.com 30.09.2014) കാസര്‍കോട്ട് യുവാവിന് പോലീസ് കസ്റ്റഡിയില്‍ ക്രൂര മര്‍ദനം. രണ്ട് പല്ല് കൊഴിഞ്ഞു. പോലീസ് യുവാവിനെ കോടതിയില്‍ ഹാജരാക്കിയെങ്കിലും മജിസ്‌ട്രേറ്റ് ചികിത്സനല്‍കാന്‍ കാസര്‍കോട് ജനറല്‍ ആശുപത്രിയില്‍ പ്രവേശിപ്പിക്കാന്‍ ഉത്തരവിട്ടു. ഉളിയത്തടുക്കയിലെ മണിയുടെ മകനും മരപണിക്കാരനുമായ സന്ദീപിനാണ് (23) മര്‍ദനമേറ്റത്.

തിങ്കളാഴ്ച രാത്രി സഹോദരിയുടെ വീട്ടിലേക്ക് പോവുകയായിരുന്ന സന്ദീപിനെ കുഡ്‌ലു ദുര്‍ഗാ പരമേശ്വരി ക്ഷേത്രത്തിന് സമീപം പട്രോളിംഗിലേര്‍പെട്ട പോലീസ് എവിടേയ്ക്ക് പോകുന്നുവെന്ന് ചോദിച്ച് തടയുകയായിരുന്നു. സഹോദരിയുടെ വീട്ടിലേക്ക് പോവുകയാണെന്ന് പറഞ്ഞപ്പോള്‍ താന്‍ മദ്യപിച്ചിട്ടില്ലേയെന്നും ചോദിച്ചു. മദ്യപിച്ചിട്ടുണ്ടെങ്കിലും താന്‍ വാഹനത്തിലല്ലാ പോകുന്നതെന്ന് സന്ദീപ് പോലീസിന് മറുപടിനല്‍കി.

തര്‍ക്കുത്തരം പറഞ്ഞുവെന്നാരോപിച്ച് പോലീസ് യുവാവിനെ തള്ളിമാറ്റുകയും കയ്യേറ്റത്തിന് മുതിരുകയും വാക്ക് തര്‍ക്കത്തില്‍ ഏര്‍പെടുകയും ചെയ്തു. പട്രോളിംഗ് സംഘം കണ്‍ട്രോള്‍ റൂമില്‍ വിവരം അറിയിച്ചതിനെ തുടര്‍ന്ന് കൂടുതല്‍ പോലീസെത്തി യുവാവിനെ ജീപ്പില്‍കയറ്റി കൊണ്ടുപോവുകയും കണ്‍ട്രോല്‍ റൂമില്‍വെച്ച് ക്രൂരമായി മര്‍ദിക്കുകയുമായിരുന്നുവെന്ന് യുവാവ് പറഞ്ഞു.

മര്‍ദനത്തില്‍ പല്ലുകൊഴിഞ്ഞ യുവാവിനെ പോലീസ് തന്നെ കാസര്‍കോട് ജനറല്‍ ആശുപത്രിയിലെത്തിച്ച് ചികിത്സനല്‍കി. ചൊവ്വാഴ്ച വൈകിട്ടോടെ കോടതിയില്‍ ഹാജരാക്കിയപ്പോള്‍ യുവാവിന്റെ രണ്ട് പല്ല് നഷ്ടപ്പെട്ടതും വായില്‍നിന്ന് ചോരവരുന്നതുംകണ്ട് മജിസ്‌ട്രേറ്റ് സംഭവം തിരക്കിയപ്പോഴാണ് പോലീസ് കസ്റ്റഡിയില്‍ ക്രൂരമര്‍ദനം ഏല്‍ക്കേണ്ടിവന്ന വിവരങ്ങള്‍ യുവാവ് മജിസ്‌ട്രേറ്റിനോട് വെളിപ്പെടുത്തിയത്. മര്‍ദനം സംബന്ധിച്ച വിവരം മജിസ്‌ട്രേറ്റിനോട്പറഞ്ഞാല്‍ പച്ച ഈര്‍ക്കില്‍ ജനനേന്ദ്രിയത്തില്‍ കയറ്റുമെന്നും പോലീസ് ഭീഷണിപ്പെടുത്തിയ കാര്യവും യുവാവ് അറിയിച്ചു.

ജനറല്‍ ആശുപത്രിയില്‍ ഡോക്ടര്‍ പരിശോധിച്ചുനല്‍കിയ റിപോര്‍ട്ടും പോലീസ് കോടതിയില്‍ ഹാജരാക്കിയിരുന്നു. ഒരു പല്ല് കൊഴിഞ്ഞതായാണ് കോടതിയില്‍ ഹാജരാക്കിയ മെഡിക്കല്‍ റിപോര്‍ട്ടില്‍ കാണിച്ചിരുന്നത്. യുവാവിന്റെ മൊഴിയുടെ അടിസ്ഥാനത്തില്‍ സന്ദീപിനെ മജിസ്‌ട്രേറ്റ് ആശുപത്രിയില്‍ ചികിത്സ നല്‍കാന്‍ അയക്കുകയായിരുന്നു.
 Police, Custody, Attack, Kasaragod, Kerala, Court, Hospital, Youth assaulted by police.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

9:00 pm | 0 comments

ഉച്ചക്കഞ്ഞി കൊണ്ടുവരാന്‍ ആവശ്യപ്പെട്ട് റാഗിംഗ്; പ്ലസ് വണ്‍ വിദ്യാര്‍ത്ഥി ആശുപത്രിയില്‍

കാസര്‍കോട്: (www.kasargodvartha.com 30.09.2014) പട് ള ഗവ. ഹയര്‍സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ത്ഥിയെ റാഗിംഗിന് വിധേയനാക്കിയതായി പരാതി. റാഗിംഗിന് വിധേയനായ പടഌകുന്നിലിലെ മൊയ്തീന്റെ മകന്‍ സബാഹുദ്ദീനെ (16) കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.

സീനിയര്‍ വിദ്യാര്‍ത്ഥികള്‍ ഉച്ചകഞ്ഞി കൊണ്ടുവരാന്‍ ആവശ്യപ്പെട്ടിരുന്നു. ഇത് അനുസരിക്കാത്തതിന്റെ പേരിലാണ് സബാഹുദ്ദീനെ ആളൊഴിഞ്ഞ സ്ഥലത്തുകൊണ്ടുപോയി അടിച്ചു പരിക്കേല്‍പിച്ചത്. പല കാരണങ്ങള്‍കൊണ്ടും സീനിയര്‍ വിദ്യാര്‍ത്ഥികള്‍ ദ്രോഹിക്കുന്നതായും ആശുപത്രിയില്‍ കഴിയുന്ന വിദ്യാര്‍ത്ഥി പരാതിപ്പെട്ടു.
Student, Kerala, Patla, Kasaragod, Hospital, Plus one student hospitalized after raging.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

8:11 pm | 0 comments

for MORE News select date here

KVARTHA: LATEST NEWS

Obituary

Read More Obituary News

Mangalore

Read More Mangalore News

കൂടുതൽ വായിച്ചത് | Most Read Stories