Hi guest ,  welcome  |  Visit Kvartha  |  Visit Keralaflash  |  Reading Problem? Download Font

ചെറുവത്തൂരില്‍ മോഷണ കുറ്റം ആരോപിച്ച് യുവതികളെ നാട്ടുകാര്‍ തല്ലിച്ചതച്ചു

Written By kvarthakgd1 on Saturday, 4 July 2015 | 10:41 p.m.

ചെറുവത്തൂര്‍: (www.kasargodvartha.com 04/07/2015) മാല മോഷണം നടത്തിയെന്നാരോപിച്ച് യുവതികളെ നാട്ടുകാര്‍ തല്ലിച്ചതച്ചു. പിന്നീട് ഇവരെ ചന്തേര പോലീസിന് കൈമാറി. ശനിയാഴ്ച വൈകിട്ടാണ് സംഭവം.

ഒരു വീട്ടില്‍ നിന്ന് മാല മോഷ്ടിച്ചുവെന്നാരോപിച്ചാണ് നാട്ടുകാരില്‍ ചിലര്‍ ഇവരെ തല്ലിച്ചതച്ചത്. പിന്നീട് ചന്തേര പോലീസിന് കൈമാറുകയായിരുന്നു. അടിയേറ്റ് ഇരുവര്‍ക്കും പരിക്കേറ്റിട്ടുണ്ട്.

പോലീസ് സംഭവത്തെ കുറിച്ച് വിശദമായ അന്വേഷണം ആരംഭിച്ചിട്ടുണ്ട്. കസ്റ്റഡിയിലെടുത്ത യുവതികളെ ചോദ്യം ചെയ്തുവരികയാണ്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Cheruvathur, Kanhangad, Assault, Woman, Robbery, Natives, Police, Gold chain, Chandera, Advertisement SARA apartments

Keywords: Cheruvathur, Kanhangad, Assault, Woman, Robbery, Natives, Police, Gold chain, Chandera, Advertisement SARA apartments. 

10:41 p.m. | 0 comments

ചെര്‍ക്കളയിലെ യുവാവിന്റെ കൊല: സഹോദരന്റെ മകന്‍ അറസ്റ്റില്‍

ചെര്‍ക്കള: (www.kasargodvartha.com 04/07/2015) ചെര്‍ക്കള കെ.കെ. പുറത്തെ കൂലിത്തൊഴിലാളിയായ ശ്രീധരന്‍ (45) കുത്തേറ്റ് മരിച്ച സംഭവത്തില്‍ സഹോദരന്‍ പരേതനായ സഞ്ജീവന്റെ മകന്‍ അശോകന്‍നെ (18) കാസര്‍കോട് സി.ഐ പി.കെ സുധാകരന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തു. പ്രതിയെ പോലീസ് വിശദമായി ചോദ്യം ചെയ്തുവരികയാണ്.

വെള്ളിയാഴ്ച വൈകിട്ട് ആറ് മണിയോടെയാണ് ശ്രീധരനെ കുത്തേറ്റ് ഗുരുതര നിലയില്‍ വീട്ടിനുള്ളില്‍ കണ്ടെത്തിയത്. ശ്രീധരനെ ആദ്യം കാസര്‍കോട്ടെ സ്വകാര്യ ആശുപത്രിയിലും പിന്നീട് മംഗളൂരുവിലെ വെന്റ് ലോക്ക് ആശുപത്രിയിലും എത്തിച്ചു. ഇവിടെവെച്ചാണ് ശനിയാഴ്ച പുലര്‍ച്ചെ ശ്രീധരന്‍ മരിച്ചത്.

കൊലനടന്ന വീട്ടിലെ ചോരപുരണ്ട ചിരവ ഒടിഞ്ഞനിലയില്‍ കണ്ടെത്തിയിരുന്നു. സഹോദരന്‍ പരേതനായ സഞ്ജീവന്റെ ഭാര്യ ലളിതയെ ശ്രീധരന്‍ വഴക്ക് പറഞ്ഞതിലും ശ്രീധരന്റെ കൈവശമുണ്ടായിരുന്ന പണം ചോദിച്ചപ്പോള്‍ നല്‍കാത്തതിലുമുള്ള വിരോധത്തിലാണ് അശോകന്‍ കൊല നടത്തിയത്. അശോകന്‍ തന്നെയാണ് കുത്തേറ്റ് കുടല്‍മാല പുറത്തുചാടിയ ശ്രീധരനെ ആശുപത്രിയില്‍ എത്തിച്ചതും, വിവരം പോലീസില്‍ അറിയിച്ചതും. വിശദമായ ചോദ്യം ചെയ്യലിലാണ് അശോകന്‍ കുറ്റം സമ്മതിച്ചത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Murder case: Youth arrested

Related News: 

ചെര്‍ക്കളയിലെ കൊലപാതകത്തില്‍ ദുരൂഹത; ചോരപുരണ്ട ചിരവ ഒടിഞ്ഞനിലയില്‍ കണ്ടെത്തി

8:24 p.m. | 0 comments

ജില്ലാശുപത്രിയില്‍ വീട്ടമ്മയ്ക്ക് ചികില്‍സാ നിഷേധം: എം.എല്‍.എ വിശദീകരണം തേടി

കാസര്‍കോട്: (www.kasargodvartha.com 04/07/2015) മാവുങ്കാല്‍ പുതിയകണ്ടം സ്വദേശിനി ലക്ഷം വീട് കോളനിയിലെ വീട്ടമ്മയ്ക്ക് കാഞ്ഞങ്ങാട് ജില്ലാ ആശുപത്രിയില്‍ ചികിത്സ നിഷേധിച്ച സംഭവത്തില്‍ ഇ. ചന്ദ്രശേഖരന്‍ എം.എല്‍.എ ജില്ലാ മെഡിക്കല്‍ ഓഫീസറോട് വിശദീകരണം ആവശ്യപ്പട്ടു. സൗജന്യ ചികിത്സ ലഭ്യമാക്കേണ്ട സര്‍ക്കാര്‍ ആശുപത്രിയിലെത്തിയ സ്ത്രീക്ക് ആവശ്യമായ ചികിത്സ ലഭിക്കാതെ സ്വകാര്യ ആശുപത്രിയെ സമീപിക്കേണ്ട ഗതികേടുണ്ടായത് നീതീകരിക്കാനാകാത്ത സംഭവമാണെന്ന് എം.എല്‍.എ പറഞ്ഞു.

ഇതുസംബന്ധിച്ച് അന്വേഷണം നടത്തി കുറ്റക്കാരായവര്‍ക്കെതിരെ നടപടി സ്വീകരിക്കാന്‍ ജില്ലാ മെഡിക്കല്‍ ഓഫീസറോട് ആവശ്യപ്പെട്ടിട്ടുണ്ടെന്നും എംഎല്‍എ വ്യക്തമാക്കി. വീട്ടമ്മയ്ക്ക് ജില്ലാ ആശുപത്രിയിലുണ്ടായ ദുരനുഭവം കാസര്‍കോട് വാര്‍ത്ത നേരത്തെ റിപോര്‍ട്ട് ചെയ്തിരുന്നു.

കഴിഞ്ഞ മാസം അ്ഞ്ചിന് കുളിമുറിയില്‍ നിന്ന് കാല്‍ വഴുതി വീണ് കൈക്ക് പരുക്ക് പറ്റിയാണ് ലക്ഷം വീട് കോളനിയിലെ ജയയെ പരിശോധിച്ച ഓര്‍ത്തോ വിഭാഗം ഡോക്ടര്‍ എക്‌സറേ എടുത്ത് എല്ലുപൊട്ടിയതായി കണ്ടെത്തുകയും പിന്നീട് പ്ലാസ്റ്റര്‍ ഇടാതെ ബാന്റേജ് മാത്രം കെട്ടി ഒരാഴ്ചകഴിഞ്ഞ് വരാന്‍ പറയുകയുമായിരുന്നു. എന്നാല്‍ ഒരാഴ്ച കഴിഞ്ഞ് ജില്ലാ ആശുപത്രിയിലെത്തിയ വീട്ടമ്മയെ ഡോക്ടര്‍ പരിശോധിക്കാനോ പ്ലാസ്റ്റര്‍ ഇടാനോ തയ്യാറായില്ല.

വീട്ടില്‍ നിന്നും ഭക്ഷണം പോലുംകഴിക്കാതെ നീര് വന്ന കൈയ്യുമായി ആശുപത്രിയിലെത്തിയ വീട്ടമ്മ പരിശോനയ്ക്കായി ഉച്ചവരെ ആശുപത്രിയില്‍ കാത്തുനിന്നെങ്കിലും ഡോക്ടര്‍ പരിശോധിക്കാന്‍ തയ്യാറായില്ലെന്നും കയര്‍ത്തുസംസാരിച്ചതായും ഇതുസംബന്ധിച്ച് നല്‍കിയ പരാതിയില്‍ പറയുന്നു. ഒരു രക്ഷയുമില്ലാതെ സഹായത്തിന് ആരുമില്ലാത്ത വീട്ടമ്മ പിന്നീട് വേദന സഹിക്കാനാകാതെ വീട്ടിലേക്ക് തിരിച്ചുവന്ന് അയല്‍വാസിയുടെ സഹായത്തോടെ സ്വകാര്യ ആശുപത്രിയില്‍ ചികിത്സ തേടുകയായിരുന്നു.

സംഭവം വാര്‍ത്തയായതോടെ ജില്ലാ ആശുപത്രിയില്‍ രോഗികള്‍ പലരും ജീവനക്കാരില്‍ നിന്നും അനുഭവിക്കുന്ന ബുദ്ധിമുട്ടുകള്‍ തുറന്ന് പറയാന്‍ തയ്യാറായിട്ടുണ്ട്. കൈമടക്ക് നല്‍കിയാലേ ചികിത്സ ലഭ്യമാകു എന്ന സ്ഥിതിയാണ് പാവങ്ങളുടെ ധര്‍മാശുപത്രിയെന്നറിയപ്പെടുന്ന ജില്ലാ ആശുപത്രിയിലെ സ്ഥിതിയെന്ന് ചികിത്സ തേടിയവര്‍ പറയുന്നു. സംഭവത്തില്‍ ഉത്തരവാദികളായവര്‍ക്കെതിരെ നടപടിയെടുക്കണമെന്നാവശ്യപ്പെട്ട് ജില്ലാ മെഡിക്കല്‍ ഓഫീസര്‍, ആശുപത്രി സൂപ്രണ്ട്, പിന്നോക്ക വിഭാഗം അധികൃതര്‍, മനുഷ്യാവകാശ കമ്മീഷന്‍ എന്നിവര്‍ക്ക് വീട്ടമ്മ പരാതി നല്‍കിയിട്ടുണ്ട്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Housewife denied treatment in district hospital; MLA asks explanation

Related News: 
ജില്ലാ ആശുപത്രിയില്‍ വീട്ടമ്മയ്ക്ക് ചികിത്സ നിഷേധിച്ചതായി പരാതി
Keywords: Kasaragod, Kanhangad, Hospital, MLA, E. Chandrashekharan-MLA, Treatment, District Hospital, Housewife denied treatment in district hospital; MLA asks explanation, Advertisement Baby Camp.


Kasargodvartha Android App, Kasaragod Vartha, Kasaragodvartha.com, Kasaragod News

Advertisement:
8:00 p.m. | 0 comments

ആയിരം പേര്‍ക്ക് സൗജന്യ ഡയാലിസിസ് പദ്ധതിയുമായി ദുബൈ കെ.എം.സി.സി കാസര്‍കോട് ജില്ലാ കമ്മിറ്റി

ദുബൈ: (www.kasargodvartha.com 04/07/2015) സാമ്പത്തിക പ്രയാസം ചികിത്സയ്ക്ക് തടസമാവുകയും രോഗം കൊണ്ട് വിഷമിക്കുകയും ചെയ്യുന്ന പാവപ്പെട്ട വൃക്ക രോഗികള്‍ക്കായി ദുബൈ കെ.എം.സി.സി കാസര്‍കോട് ജില്ലാ കമ്മിറ്റി റമദാന്‍ റിലീഫിന്റെ ഭാഗമായി സൗജന്യ ഡയലിസിസ് സൗകര്യം ഒരുക്കുവാന്‍ തീരുമാനിച്ചു. ജില്ലയിലെ അഞ്ച് മണ്ഡലങ്ങളിലെ നിര്‍ധരരായ ആയിരം വൃക്ക രോഗികള്‍ക്കാണ് ഷിഫ2015 എന്ന് പേരിട്ടിരിക്കുന്ന പദ്ധതി പ്രയോജനം ചെയ്യുക. ജില്ലാ കമ്മിറ്റി ഭാരവാഹികളുടെ യോഗമാണ് ഇതുസംബന്ധിച്ച തീരുമാനമെടുത്തത്. പ്രസിഡണ്ട് ഹംസ തൊട്ടി അധ്യക്ഷത വഹിച്ചു.

വൃക്ക രോഗികളുടെ എണ്ണം ആശങ്കയുളവാക്കുന്ന വിധത്തില്‍ ദിനേനയെന്നോണം വര്‍ധിച്ച് കൊണ്ടിരിക്കുമ്പോള്‍ നിര്‍ധരരായ ആയിരം വൃക്ക രോഗികള്‍ക്ക് സാന്ത്വനമായി ജില്ലാ മുസ്ലിം ലീഗ് കമ്മിറ്റിയുമായി സഹകരിച്ച് ജില്ലയിലെ തിരഞ്ഞെടുക്കപ്പെട്ട ആശുപത്രികളും, സി.എച്ച് സെന്ററുകളും കേന്ദ്രീകരിച്ചാണ് സൗജന്യ ഡയാലിസിസ് സംവിധാനത്തിന് കെ.എം.സി.സി തീരുമാനിച്ചിരിക്കുന്നത്. കൂടാതെ വിദ്യാനഗറില്‍ പ്രവര്‍ത്തിക്കുന്ന അന്ധ വിദ്യാലയത്തിലെ വിദ്യാര്‍ത്ഥികള്‍ക്ക് റമദാനില്‍ സാമ്പത്തിക സഹായം നല്‍കുവാനും, ജില്ലാ എം.എസ്.എഫ് കമ്മിറ്റിയും ജില്ലാ കെ.എം.സി.സിയും സംയുക്തമായി നടത്തുന്ന 'മെസ്റ്റ് 2015' വിജയികളാവുന്ന വിദ്യാര്‍ത്ഥികള്‍ക്ക് സ്‌കോളര്‍ഷിപ്പ് നല്‍കുവാനും യോഗം തീരുമാനിച്ചു.

അഫ്‌സല്‍ മെട്ടമ്മല്‍, ടി.ആര്‍ ഹനീഫ മേല്‍പറമ്പ്, ഖാദര്‍ ബെണ്ടിച്ചാല്‍, മുഹമ്മദലി തൃക്കരിപ്പൂര്‍, സി.എച്ച് നൂറുദ്ദീന്‍, ഹസൈനാര്‍ ബീജന്തടുക്കം, ശരീഫ് പൈക്കം, അഡ്വ. ഇബ്രാഹിം ഖലീല്‍, ഷാഫി ഹാജി പൈവളികെ, ഇസ്മാഈല്‍ നാലാംവാതുക്കല്‍, വി.കെ ഖാലിദ് പടന്ന എന്നിവര്‍ സംസാരിച്ചു. ജില്ലാ ജനറല്‍ സെക്രട്ടറി അബ്ദുല്ല ആറങ്ങാടി സ്വാഗതവും ട്രഷറര്‍ മുനീര്‍ ചെര്‍ക്കളം നന്ദിയും പറഞ്ഞു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Kasaragod, Kerala, KMCC, Dubai, Gulf, Hospital, Treatment, Health, Dialysis, Advertisement Beegum Pardha, KMCC Kasargod District committee free dialysis project for poor.

7:53 p.m. | 0 comments

റമദാന്‍ നന്മ - അബ്ദുല്‍ റസാഖ് (റോസ്സി റൊമാനി)

(www.kasargodvartha.com 04/07/2015) റമദാന്‍ തിരിച്ചറിവാണ്. സ്വാര്‍ത്ഥതയില്‍ അഭിരമിച്ച് സുഖങ്ങളില്‍ ആറാടി ജീവിക്കുന്ന ആധുനിക മനുഷ്യന് വിശപ്പ് എന്ന ഭയാനകമായ അവസ്ഥയെക്കുറിച്ച് ഓര്‍മപ്പെടുത്തി സഹജീവികളുടെ നൊമ്പരം ബോധ്യപ്പെടുത്തുന്ന മാസം, മനുഷ്യന്റെ ജീവിത ലക്ഷ്യം ഓര്‍മപ്പെടുത്തി അവനെ സംസ്‌ക്കരിച്ചെടുക്കുന്ന മാസം. ജീവിതത്തിന്റെ പച്ചയായ യാഥാര്‍ത്ഥ്യങ്ങളെ ബോധ്യപ്പെടുത്തി അവനെ കൂടുതല്‍ അര്‍ത്ഥവത്തായ ജീവിതം നയിക്കുന്നതിനുള്ള പരിശീലനമാണ് ഒരു മാസക്കാലത്തെ വ്രതാനുഷ്ടാനം.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Kasaragod, Kerala,  Ramadan  Message 2105,  Abdul  Razak  Rossi  Romani,  Ramadan Nanma 2015


Keywords:  Kasaragod, Kerala,  Ramadan  Message 2105,  Abdul  Razak  Rossi  Romani,  Ramadan Nanma 2015- Abdul Razak Rossi Romani.

7:51 p.m. | 0 comments

മൊഗ്രാല്‍ പുത്തൂരിലെ ദുരിത ബാധിതരെ അമേരിക്കന്‍ യൂണിവേഴ്‌സിറ്റി മേധാവി സന്ദര്‍ശിച്ചു

മൊഗ്രാല്‍ പുത്തൂര്‍: (www.kasargodvartha.com 04/07/2015) പഞ്ചായത്തിലെ വിവിധ പ്രദേശങ്ങളിലുള്ള ദുരിതബാധിതരെ അമേരിക്കയിലെ മിസോട്ടാ യൂണിവേഴ്‌സിറ്റി സ്‌പെഷല്‍ എജുക്കേഷന്‍ മേധാവിയും കോയമ്പത്തൂര്‍ അവിനാശ് യൂണിവേഴ്‌സിറ്റി വിസിറ്റിംഗ് പ്രൊഫസറുമായ ഡോ. റെനാറ്റൊ ടിക്കെ സന്ദര്‍ശിച്ചു. മൊഗ്രാല്‍ പുത്തൂര്‍ ഗവ ഹയര്‍സെക്കന്‍ഡറി സ്‌കൂളില്‍ ആദ്യം സന്ദര്‍ശനം നടത്തിയ അവര്‍ സ്‌കൂള്‍ അധികൃതരുമായി ചര്‍ച്ച നടത്തി.

സ്‌കൂളിലെ റിസോഴ്‌സ് അധ്യാപകനായ സി. രാമകൃഷ്ണന്റെ അഭ്യര്‍ത്ഥന പ്രകാരമാണ് അമേരിക്കന്‍ വിദഗ്ധയുടെ സന്ദര്‍ശനം. പിന്നീട് മൊഗ്രാല്‍ പുത്തൂര്‍ ഗ്രാമപഞ്ചായത്തിലെത്തിയ അവര്‍ ജനപ്രതിനിധികള്‍, ഉദ്യോഗസ്ഥര്‍, സാമൂഹ്യ പ്രവര്‍ത്തകര്‍ എന്നിവരുമായി ചര്‍ച്ച നടത്തി.

ഗ്രാമപഞ്ചായത്ത് പ്രസിഡണ്ട് നജ്മ ഖാദര്‍, വൈസ് പ്രസിഡണ്ട് ഗഫൂര്‍ ചേരങ്കൈ, സ്ഥിരം സമിതി ചെയര്‍പേഴ്‌സണ്‍ ആഇശ ഷാന, ഗ്രാമപഞ്ചായത്ത് അംഗം മുജീബ് കമ്പാര്‍, ഹെഡ്മാസ്റ്റര്‍ കെ. അബ്ദുല്‍ ഹമീദ് മാസ്റ്റര്‍, സി. രാമകൃഷ്ണന്‍ മാസ്റ്റര്‍, മാഹിന്‍ കുന്നില്‍, പി.ടി.എ. പ്രസിഡണ്ട് പി.ബി അബ്ദുര്‍ റഹ് മാന്‍ ഹാജി, എച്ച്.സി സാഹിറ, ഉദ്യോഗസ്ഥരായ പവിത്രന്‍, രാജീവന്‍, സുപ്രിയ തുടങ്ങിയവരുമായി റെനാറ്റൊ ടിക്കെ ചര്‍ച്ച നടത്തി. ദുരിതബാധിതരുടെ ചില വീടുകളും അവര്‍ സന്ദര്‍ശിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

American University head visits Mogral Puthur

Keywords: Mogral Puthur, Panchayath, School, Visit, Kasaragod, Kerala, America, American University head visits Mogral Puthur, Advertisement Zaitooni. 

7:44 p.m. | 0 comments

കാലവര്‍ഷം: ജില്ലയില്‍ മരണം അഞ്ചായി

1.65 കോടിയുടെ നാശനഷ്ടം 
 
കാസര്‍കോട്: (www.kasargodvartha.com 04/07/2015) ജില്ലയില്‍ കാലവര്‍ഷത്തില്‍ ഒരാള്‍കൂടി മരിച്ചു. മഞ്ചേശ്വരം കൊഡലമൊഗരു പാത്തൂര്‍ വില്ലേജ് കുണ്ടിയൂര്‍ പ്രവീണിന്റെ ഭാര്യ മമത (22) ആണ് വീടിനടുത്തുളള കുളത്തില്‍ മുങ്ങിമരിച്ചത്.

ഇതോടെ തെക്കുപടിഞ്ഞാറന്‍ മണ്‍സൂണ്‍ ആരംഭിച്ചതിനുശേഷം ജില്ലയില്‍ മഴക്കെടുതിയില്‍ മരിച്ചവരുടെ എണ്ണം അഞ്ചായി. കാലവര്‍ഷത്തില്‍ ഇതുവരെ 1,65, 45, 745 രൂപയുടെ നാശനഷ്ടമുണ്ടായി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.



Keywords:  Kasaragod, Kerala, Rain, Death,  Manjeshwaram,  Advertisement  India gate. 

5:20 p.m. | 0 comments

ഉദുമ നിയമസഭ സീറ്റില്‍ മത്സരിക്കാനുള്ള ചര്‍ച്ചകള്‍ ഇപ്പോഴെ തുടങ്ങി; മണികണ്ഠനും പത്മാവതിയും പരിഗണനയില്‍

ഉദുമ: (www.kasargodvartha.com 04/07/2015) ഉദുമ നിയമസഭ സീറ്റില്‍ മത്സരിക്കാനുള്ള ചര്‍ച്ചകള്‍ സി.പി.എം. ഇപ്പോഴെ തുടങ്ങി. പുതിയ സ്ഥാനാര്‍ത്ഥിയെ കണ്ടെത്താന്‍ സിപിഎമ്മില്‍ ധാരണയായി. നിലവിലുള്ള എം.എല്‍.എ. കെ. കുഞ്ഞിരാമന് രണ്ടാമൂഴം ലഭിക്കില്ലെന്നാണ് സി.പി.എം. കേന്ദ്രങ്ങളില്‍ നിന്ന് ലഭിക്കുന്ന സൂചന. പാര്‍ട്ടി ജില്ലാ കമ്മിറ്റി അംഗവും ഡി.വൈ.എഫ്.ഐ. ജില്ലാ സെക്രട്ടറിയുമായ കെ. മണികണ്ഠന്‍, പാര്‍ട്ടിയുടെ  മറ്റൊരു ജില്ലാ കമ്മിറ്റി അംഗമായ ഇ. പത്മാവതി എന്നിവരാണ് സ്ഥാനാര്‍ത്ഥിത്വത്തിന് പരിഗണിക്കപ്പെടുന്നത്.

പാര്‍ട്ടിക്കകത്ത് ഇത് സംബന്ധിച്ച ചില ചര്‍ച്ചകള്‍ ശക്തമായിട്ടുണ്ട്. പള്ളിക്കര സര്‍വീസ് സഹകരണ ബാങ്ക് ജീവനക്കാരനായിരുന്ന കെ. മണികണ്ഠന്‍ മുഴുവന്‍ സമയ പാര്‍ട്ടി പ്രവര്‍ത്തനത്തിന് വേണ്ടി ബാങ്കിലെ ജോലി കഴിഞ്ഞ ദിവസം രാജിവെച്ചത് ഇതിന്റെ ഭാഗമായാണെന്നാണ് സംശയിക്കപ്പെടുന്നത്.  

എം.എല്‍.എ. സ്ഥാനാര്‍ത്ഥിയെക്കുറിച്ചുള്ള ചര്‍ച്ചകള്‍ സജീവമായി നില്‍ക്കുന്നതിനിടയില്‍ മണികണ്ഠന്‍ ബാങ്ക് ജോലി ഉപേക്ഷിച്ചത് ശ്രദ്ധേയമാണ്. ഉദുമയില്‍ ഒരു യുവ സ്ഥാനാര്‍ത്ഥിയെയാണ് സി.പി.എം. ലക്ഷ്യമിടുന്നത്. കഴിഞ്ഞ ലോകസഭാ തെരഞ്ഞെടുപ്പില്‍ ഉദുമ നിയോജക മണ്ഡലത്തില്‍ കോണ്‍ഗ്രസിന്റെ യുവനേതാവ് ടി. സിദ്ദിഖ് ഭൂരിപക്ഷം നേടിയത് സി.പി.എമ്മില്‍ ഞെട്ടലുളവാക്കിയിരുന്നു.

ബാല സംഘം ജില്ലാ സെക്രട്ടറി, എസ്.എഫ്.ഐ. ജില്ലാ സെക്രട്ടറി, സംസ്ഥാന ജോയിന്റ് സെക്രട്ടറി, കേന്ദ്ര കമ്മിറ്റി അംഗം എന്നീ നിലകളില്‍ പ്രവര്‍ത്തിച്ച മണികണ്ഠന്‍ നിലവില്‍ ഡി.വൈ.എഫ്. ജില്ലാ സെക്രട്ടറിക്കു പുറമേ സംസ്ഥാന സെക്രട്ടറിയേറ്റ് അംഗവും കൂടിയാണ്. മണികണ്ഠന് നറുക്ക് വീണില്ലെങ്കില്‍ മുന്‍ ജില്ലാ പഞ്ചായത്ത് പ്രസിഡണ്ട് കൂടിയായ ഇ പത്മാവതിയെ സി.പി.എം. കളത്തിലിറക്കുമെന്നാണ് കരുതുന്നത്. ഇത് സംബന്ധിച്ചും ചര്‍ച്ചകള്‍ നടന്നുവവരുന്നു. അതേ സമയം കെ. കുഞ്ഞിരാമന് വീണ്ടുമൊരു അവസരം നല്‍കണമെന്ന ആവശ്യവും പാര്‍ട്ടിക്കുള്ളില്‍ ശക്തമാണ്. സാധാരണ ഗതിയില്‍ രണ്ട് ടേം കാലാവധിയാണ് എം എല്‍ എ മാര്‍ക്ക് സി പി എം നല്‍കി വന്നിരുന്നത്. മുമ്പ് രണ്ട് ടേം കാലാവധി പൂര്‍ത്തിയാക്കിയ ശേഷമാണ് ഉദുമയില്‍ നിന്ന് കെ.വി. കുഞ്ഞിരാമനെ മാറ്റി കെ. കുഞ്ഞിരാമനെ സി.പി.എം. സ്ഥാനാര്‍ത്ഥിയാക്കിയത്. 

ജില്ലാ നേതൃത്വത്തെ തെരുവില്‍ വെല്ലുവിളിച്ച ബേഡകം വിഭാഗീയതയില്‍ വിമതര്‍ക്ക് അനുകൂലമായ സമീപനം സ്വീകരിച്ചു എന്ന ആക്ഷേപമാണ് കെ കുഞ്ഞിരാമന്റെ രണ്ടാം ഊഴം തടയപ്പെടുന്നത് എന്നാണ് പാര്‍ട്ടി കേന്ദ്രങ്ങളില്‍ നിന്ന് ലഭിക്കുന്ന സൂചന. 2011 ലെ തിരഞ്ഞെടുപ്പില്‍ പതിനായിരത്തിലേറെ വോട്ടിന്റെ ഭൂരിപക്ഷത്തിലാണ് ഉദുമയില്‍നിന്നും കെ. കുഞ്ഞിരാമന്‍ തിരഞ്ഞെടുക്കപ്പെട്ടത്. ഇതേ സമയം കുഞ്ഞിരാമനെ ഒഴിവാക്കി ഉദുമയില്‍ പുതുമുഖങ്ങളെ പരീക്ഷിച്ചാല്‍ ബേഡകത്തെ സമാന്തര വിഭാഗം ഏത് രീതിയില്‍ പ്രതികരിക്കുമെന്ന് പാര്‍ട്ടി കേന്ദ്രങ്ങള്‍ ഉറ്റു നോക്കുന്നുണ്ട്. 
Udma, election, MLA, Kerala, Kasaragod, Discussion over Udma assembly seat in CPM.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Udma, election, MLA, Kerala, Kasaragod, Discussion over Udma assembly seat in CPM.

4:43 p.m. | 0 comments

നഗരവാസികള്‍ ആവശ്യപ്പെടുന്നു 22 പോലീസ് ക്യാമറകളെ നിരീക്ഷിക്കാനും ക്യാമറകള്‍ വേണം

കാഞ്ഞങ്ങാട്: (www.kasargodvartha.com 04/07/2015) നഗരത്തിലെ ക്രമസമാധാനപാലനം സൂക്ഷ്മമായി നിരീക്ഷിക്കാനും സംശയിക്കുന്ന വാഹനങ്ങളെ കണ്ടെത്താനും കവര്‍ച്ചകളും മോഷണങ്ങളും തടയാനും ലക്ഷ്യമാക്കി ഹൊസ്ദുര്‍ഗ് പോലീസ് സ്റ്റേഷന്‍ പരിധിയിലെ തന്ത്ര പ്രധാന മേഖലയില്‍ സ്ഥാപിച്ച 22 ക്യാമറകളും മിഴിചിമ്മി. കാസര്‍കോട്ടും സ്ഥിതി വ്യത്യസ്ഥമല്ല. പ്രവര്‍ത്തന രഹിതമായ ക്യാമറകളെ നിരീക്ഷിക്കാന്‍ വേറൊരു ക്യാമറ സ്ഥാപിക്കേണ്ട സ്ഥിതിയാണെന്നാണ് നഗരവാസികള്‍ പറയുന്നത്.
32 ക്യാമറകളാണ് കെല്‍ട്രോണ്‍ കാഞ്ഞങ്ങാട്ട് പോലീസിന് വേണ്ടി സ്ഥാപിച്ചത്. ഈ ക്യാമറ ഘടിപ്പിച്ച പരിധികളിലെ മുഴുവന്‍ ദൃശ്യങ്ങളും ഹൊസ്ദുര്‍ഗ് പോലീസ് സ്റ്റേഷന്‍ കോമ്പൗണ്ടില്‍ പ്രവര്‍ത്തിക്കുന്ന കണ്‍ട്രോള്‍ റൂമില്‍ ലഭിച്ചുകൊണ്ടിരുന്നു. പല ക്രിമിനല്‍ കേസുകള്‍ക്കും തുമ്പുണ്ടാക്കാന്‍ ക്യാമയിലെ ദൃശ്യങ്ങള്‍ പോലീസിന് സഹായകമായിരുന്നു.

കോട്ടച്ചേരി ബസ്സ്റ്റാന്റ്, അലാമിപ്പള്ളി ബസ് സ്റ്റാന്‍ഡ്, റെയില്‍വേ സ്റ്റേഷന്‍, മാവുങ്കാല്‍ തുടങ്ങിയ പ്രധാന കേന്ദ്രങ്ങളിലെ ക്യാമറകളാണ് മാസങ്ങളായി പ്രവര്‍ത്തന രഹിതമായത്. അറ്റകുറ്റപ്പണി നടത്തുന്നതിന് കെല്‍ട്രോണ്‍ അധികൃതര്‍ 22 ക്യാമറുകളും ഊരിയെടുത്തു കൊണ്ടു പോയെങ്കിലും ഇതുവരെ പുനസ്ഥാപിച്ചിട്ടില്ല. ക്യാമറകള്‍ പ്രവര്‍ത്തന രഹിതമായത് അട്ടിമറിയാണോ എന്ന സംശയവും ഉയര്‍ന്നിട്ടുണ്ട്. എന്നാല്‍ ശക്തമായ ഇടി മിന്നലിലും നിശ്ചലമാകാന്‍ സാധ്യതയുണ്ടെന്നാണ് അധികൃതര്‍ വിലയിരുത്തുന്നത്.
Kanhangad, Kerala, CCTV, Kerala, Camera, 22 Police CCTV's went blind.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kanhangad, Kerala, CCTV, Kerala, Camera, 22 Police CCTV's went blind.
4:17 p.m. | 0 comments

ജില്ലാ ആശുപത്രിയില്‍ വീട്ടമ്മയ്ക്ക് ചികിത്സ നിഷേധിച്ചതായി പരാതി

കാഞ്ഞങ്ങാട്: (www.kasargodvartha.com 04/07/2015) വീട്ടമ്മയ്ക്ക് കാഞ്ഞങ്ങാട് ജില്ലാ ആശുപത്രിയില്‍ ചികിത്സ നിഷേധിച്ചതായി പരാതി. മാവുങ്കാല്‍ പുതിയകണ്ടം ലക്ഷംവീട് കോളനിയിലെ കെ. ജയ എന്ന വീട്ടമ്മക്കാണ് ജില്ലാ ആശുപത്രിയില്‍ ചികിത്സ നിഷേധിക്കപ്പെട്ടത്.

ജൂണ്‍ അഞ്ചിന് കുളിമുറിയില്‍ നിന്ന് കാല്‍ വഴുതി വീണ് കൈയ്യെല്ലുപൊട്ടിയ ജയ ജില്ലാ ആശുപത്രിയിലെത്തുന്നത്. ഇവരെ പരിശോധിച്ച ഡോക്ടര്‍ എക്‌സറേ എടുക്കാന്‍ നിര്‍ദേശിക്കുകയും എല്ല് പൊട്ടിയതായി കണ്ടെത്തുകയും ചെയ്തു. 

എന്നാല്‍ എല്ല് പൊട്ടിയതിന് പ്ലാസ്റ്റര്‍ ഇടാതെ ബാന്റേജ് മാത്രം കെട്ടി ഒരാഴ്ചകഴിഞ്ഞ് വരാന്‍ പറയുകയും ചെയ്തു. ഒരാഴ്ച കഴിഞ്ഞ് വീട്ടമ്മ ജില്ലാ ആശുപത്രിയിലെത്തിയെങ്കിലും ഡോക്ടര്‍ തന്നെ പരിശോധിക്കാനോ പ്ലാസ്റ്റര്‍ ഇടാനോ തയ്യറായില്ലെന്ന് വീട്ടമ്മ പറയുന്നു. ഒരാഴ്ച കഴിയുമ്പോഴേയ്ക്കും പൊട്ടിയ കൈ നീരുവന്ന് വേദന അസഹ്യമായിരുന്നു. ഡോക്ടറെ കാണിച്ചപ്പോള്‍ ഒരു മണി കഴിഞ്ഞ ശേഷം നോക്കാമെന്നായിരുന്നു മറുപടി. വീട്ടില്‍ നിന്നും ഭക്ഷണം പോലും കഴിക്കാതെ ആശുപത്രിയിലെത്തിയ വീട്ടമ്മ പരിശോനയ്ക്കായി ഉച്ചവരെ ആശുപത്രിയില്‍ കാത്തുനിന്നു. ഒരുമണി ആയപ്പോള്‍ വീണ്ടും ഡോക്ടറെ സമീപിച്ചെങ്കിലും ഇപ്പോള്‍ നോക്കാന്‍ സമയമില്ലെന്ന് പറഞ്ഞ് ഡോക്ടര്‍ ഇവരോട് കയര്‍ക്കുകയായിരുന്നു.

ഡോക്ടര്‍ പരിശോധിക്കുന്നില്ലെന്ന് കണ്ടപ്പോള്‍ അവിടെതന്നെയുള്ള മറ്റൊരു ലേഡി ഡോക്ടറെ എക്‌സറെയും കുറിപ്പും കാണിച്ചു. എന്നാല്‍ ആദ്യം പരിശോധിച്ച ഡോക്ടര്‍ തന്നെ നോക്കണമെന്ന നിര്‍ദേശമാണ് ലേഡി ഡോക്ടറില്‍നിന്നുമുണ്ടായത്. സഹായത്തിന് ആരുമില്ലാത്ത വീട്ടമ്മ പിന്നീട് വേദന സഹിക്കാനാകാതെ വീട്ടിലേക്ക് തിരിച്ചുവന്ന് അയല്‍വാസിയോട് 1,500 രൂപ കടം വാങ്ങി സ്വകാര്യ ആശുപത്രിയില്‍ ചെന്നാണ് കൈക്ക് പ്ലാസ്റ്ററിട്ടത്. എല്ലൊടിഞ്ഞ് ഒരാഴ്ച കഴിഞ്ഞതിനാല്‍ പൊട്ടിയ എല്ലിന് സ്ഥാനമാറ്റം സംഭവിച്ചതായി ഡോക്ടര്‍ അറിയിച്ചിരുന്നു. പാവപ്പെട്ടവര്‍ക്കായി നിലകൊള്ളേണ്ട സര്‍ക്കാര്‍ ആശുപത്രിയിലെ ഡോക്ടര്‍മാര്‍ ചികിത്സ നിഷേധിക്കുന്ന നിലപാടാണ് പലപ്പോഴുമുള്ളതെന്നും ജയ കുറ്റപ്പെടുത്തുന്നു. ഡോക്ടറെ പ്രത്യേകം കാണാത്തതിനാലാണ് ചികിത്സ നല്‍കാതിരിക്കുന്നതെന്നാണ് ആശുപത്രിയിലെ മറ്റുരോഗികള്‍ പറഞ്ഞതെന്ന് ഇവര്‍ വ്യക്തമാക്കി.
Housewife denied treatment in District hospital, District-Hospital, Kanhangad, Treatment, Doctor, Complaint, Kerala,

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Housewife denied treatment in District hospital, District-Hospital, Kanhangad, Treatment, Doctor, Complaint, Kerala, 

3:50 p.m. | 0 comments

കാസര്‍കോട് നഗരത്തിലെ ഗതാഗതകുരുക്ക് ഒഴിവാക്കാന്‍ ജില്ലാ ജനകീയ വികസന സമിതിയുടെ 7 നിര്‍ദേശങ്ങള്‍

കാസര്‍കോട്: (www.kasargodvartha.com 04/07/2015) കാസര്‍കോട് നഗരത്തിലെ ഗതാഗത കുരുക്ക് അവസാനിപ്പിക്കണമെന്ന് ജില്ലാ ജനകീയ വികസന സമിതി ആവശ്യപ്പെട്ടു. വര്‍ധിച്ച് വരുന്ന വാഹനങ്ങള്‍ക്ക് അനുസൃതമായി റോഡ് വികസനമോ, പാര്‍ക്കിംഗ് സൗകര്യമോ വികസിച്ചിട്ടില്ലെന്ന് മാത്രമല്ല, പാര്‍ക്കിംഗ് സൗകര്യത്തിന് വേണ്ടി സ്വകാര്യ കെട്ടിട ഉടമകള്‍ നീക്കി വെച്ച സ്ഥലം പോലും കൈയ്യേറി അനധികൃത പെട്ടിക്കടകള്‍ വയ്ക്കുകയും മറ്റും ചെയ്യുമ്പോള്‍ ഉത്തരവാദിത്തപ്പെട്ട വകുപ്പ് അധികൃതരുടെ നിസംഗതയും ഗതാഗത കുരുക്കിന് നിമിത്തമാകുന്നുവെന്നും വികസന സമിതി കുറ്റപ്പെടുത്തി.

ഓരോ ആഘോഷ വേളകളിലും കാസര്‍കോട് നഗരത്തില്‍ ഗതാഗത കുരുക്കും ജനബാഹുല്യവും കൊണ്ട് യാത്ര പോലും നടത്താന്‍ കഴിയാത്ത അവസ്ഥയാണ്. ഇതിന് ഉടന്‍പരിഹാരം കാണമെന്നാവശ്യപ്പെട്ട് ജില്ലാ ജനകീയ വികസന സമിതി നിര്‍ദേശങ്ങള്‍ മുന്നോട്ടുവെച്ചു.

1. എം.ജി. റോഡില്‍ നിലവില്‍ പുതിയ ബസ് സ്റ്റാന്‍ഡിന് സമീപമുളള ടൂറിസ്റ്റ് ടാക്‌സിസ്റ്റാന്‍ഡ് അവിടെ നിന്നും മാറ്റി, പ്രസ്‌ക്ലബ് ജംഗ്ഷനു സമീപം, ആലുക്കാസ് ജ്വല്ലറി മുതല്‍ കൃഷ്ണ ട്രേഡേര്‍സ് വരെയുളള റോഡിന്റെ സൈഡില്‍ പാര്‍ക്ക് ചെയ്യാന്‍ സൗകര്യമേര്‍പെടുത്തുക. നിലവിലെ ടാക്‌സിസ്റ്റാന്‍ഡ്  പൊതുജനങ്ങള്‍ക്ക് പേ പാര്‍ക്കിംഗ് സൗകര്യത്തോടെ സജ്ജീകരിക്കുക.

2. എം.ജി റോഡില്‍ മാര്‍ക്കറ്റിന് സമീപവും മറ്റ് ഭാഗങ്ങളിലും കയറ്റിറക്ക് സമയം രാവിലെ എട്ട് മുതല്‍ 10 വരെ മാത്രമായും വൈകുന്നേരം മൂന്ന് മുതല്‍ നാല് വരെയായും മാത്രം നിശ്ചയിക്കുക.

3. എം.ജി. റോഡില്‍ അനധികൃതമായി പാര്‍ക്കിംഗ് നടത്തുന്ന റിക്ഷാസ്റ്റാന്‍ഡുകള്‍ ഒഴിവാക്കുക.
പഴയ ബസ് സ്റ്റാന്‍ഡ് ക്രോസ് റോഡില്‍ ബൈക്കുകളും, കാറുകളും അലക്ഷ്യമായി വച്ച് മാര്‍ഗതടസ മുണ്ടാകുന്നത് ഒഴിവാക്കാന്‍ കാറുകള്‍ പാര്‍ക്ക് ചെയ്യുന്നത് പൂര്‍ണമായും ഒഴിവാക്കുകയും, ബൈക്കുകള്‍ പാര്‍ക്ക് ചെയ്യാന്‍ രേഖയുണ്ടാക്കി അതിനുളളില്‍ മാത്രം പാര്‍ക്ക് ചെയ്യുക.

4. നിലവില്‍ എം.ജി റോഡില്‍ സ്റ്റേറ്റ് ഹോട്ടലിന് സമീപമുള്ളതും ജനറല്‍ ആശുപത്രിക്ക് മുന്നിലുളളതുമായ ഓട്ടോസ്റ്റാന്‍ഡ് നിലനിര്‍ത്തുക.

5. പഴയ ബസ് സ്റ്റാന്‍ഡിന് മുന്‍വശത്ത് വ്യാപാര ഭവനു മുന്‍വശത്തായി ഏറെ അപകട സാധ്യതയുള്ള സ്ഥലത്തുള്ള ഓട്ടോസ്റ്റാന്‍ഡ് ഒഴിവാക്കുക.

6. കെ.പി.ആര്‍ റാവു റോഡില്‍, റോഡിന്റെ ചില ഭാഗങ്ങള്‍ സ്വകാര്യ വ്യക്തികള്‍ കയ്യടക്കി അലങ്കാര പുഷ്പ ചട്ടികള്‍ വെച്ച് പാര്‍ക്കിംഗ് അനുവദിക്കുന്നില്ല. അലങ്കാര പുഷ്പ ചട്ടികള്‍ എടുത്തു മാറ്റി പാര്‍ക്കിംഗ് സൗകര്യം ഏര്‍പെടുത്തുകയും കൂടുതല്‍ ട്രാഫിക്ക് പോലീസിനെ നിയോഗിക്കുകയും ചെയ്യുക.

7. തായലങ്ങാടിയില്‍ പൊതുജനത്തിന് വാഹനങ്ങള്‍ പാര്‍ക്ക് ചെയ്യാന്‍ ഒരിടം പോലും ഇല്ലാത്ത ഒരവസ്ഥയാണ്. താലൂക്ക് ഓഫീസ് മുതല്‍ മല്ലികാര്‍ജുന ക്ഷേത്ര കവാടം വരെ ടൂറിസ്റ്റ് ടാക്‌സികളും റിക്ഷാസ്റ്റാന്‍ഡുകളുമാണ്. ഇതിനു മാറ്റം വരുത്താന്‍ നടപടികള്‍ ആവിഷ്‌കരിക്കുക.
   
ഈ നിര്‍ദേശങ്ങള്‍ നടപ്പിലാക്കണമെന്ന് ആവശ്യപ്പെട്ട് ജില്ലാ കളക്ടര്‍, ജില്ലാ പോലീസ് മേധാവി, സര്‍ക്കിള്‍ ഇന്‍സ്‌പെക്ടര്‍ ട്രാഫിക് കാസര്‍കോട് എന്നിവര്‍ക്ക് ജില്ലാ ജനകീയ വികസന സമിതി പ്രസിഡണ്ട് സൈഫുദ്ദീന്‍ കെ. മാക്കോട്, ജനറല്‍ സെക്രട്ടറി അബ്ദുര്‍ റഹ് മാന്‍ തെരുവത്ത് എന്നിവര്‍ നിവേദനം നല്‍കി.
Kasaragod, Kerala, Traffic-block, Natives,  Old  Bus  Stand,  Road.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords:  Kasaragod, Kerala, Traffic-block, Natives,  Old  Bus  Stand,  Road. 

3:30 p.m. | 0 comments

'ഉദുമയിലെ പഞ്ചായത്ത് വിഭജനവും വികസനവും വോട്ടര്‍മാര്‍ നിശ്ചയിക്കട്ടെ'

പ്രതിഭാ രാജന്‍

(www.kasargodvartha.com 04/07/2015) ഉദുമാ പഞ്ചായത്തിന്റെ വാട്ടര്‍ ടാങ്ക്. അതാണ് മുതിയക്കാല്‍ വയല്‍. മുല്ലച്ചേരി മുതല്‍ ആറാട്ടു കടവു വഴി ബേക്കലില്‍ വെച്ച് കടലില്‍ പതിക്കുന്ന പുഴയ്ക്കിടതുവശം പുതുതായി നിര്‍മ്മിക്കുന്ന പനയാല്‍ ഗ്രാമ പഞ്ചായത്തില്‍ പെടുകയാണ്. അശ്‌സ്ത്രീയമാണ് പഞ്ചായത്ത് വിഭജനമെന്നാരോപിച്ച് ബോര്‍ഡില്‍ പ്രമേയങ്ങളുയര്‍ന്നു. പള്ളിക്കരയിലും ഉദുമയിലും അതു പാസ്സായി. എം.പി.യും എംഎല്‍എയും ഉള്‍പ്പെടെ പ്രകടനവും ധര്‍ണയും നടത്തി. കാല്‍നട പ്രചരണ ജാഥകളുണ്ടായി. ഫലം നാസ്തി.

ഇപ്പോള്‍ വിഷയം ഹൈകോടതിയുടെ മുമ്പില്‍. അന്ന് പ്രമേയത്തിനെ ഏതിര്‍ത്ത് വോട്ടു ചെയ്ത യുഡിഎഫുകാര്‍ ഇന്നു പഞ്ചായത്ത് സെക്രട്ടറിക്കെതിരെ കൊമ്പു കോര്‍ക്കുന്നു. എല്‍ഡിഎഫിന് താങ്ങായി പുനര്‍ നിര്‍ണയം ചെയ്യുന്നു പുതു വാര്‍ഡുകളെന്നാണ് പരാതി. പ്രകടനമായി, ധര്‍ണയായി. കയ്യാങ്കള്ളിയോടൊപ്പമെത്തി കാര്യം.

പഞ്ചായത്തിലെ ഏറ്റവും ഫലഭുയിഷ്ടമായ മണ്ണ്, സംസ്‌കാരം, ഉറവിടങ്ങളൊന്നൊന്നായി ചേക്കേറുകയാണ് പനയാലിലേക്ക്. കോട്ടേയവര്‍ എന്ന കന്നട ന്യൂനപക്ഷം പുര്‍ണമായും ഉദുമയില്‍ നിന്നും തുടച്ചു മാറ്റപ്പെടുകയാണ്. ഉദുമയും പള്ളിക്കരയും ഇടതുനിന്നും വലത്തോട്ടും, പുതു പനയാല്‍ ഇടതിലുമെന്ന ലാഭനഷ്ടക്കച്ചവടത്തെ ചെറുത്തും അനുകൂലിച്ചുമുള്ള രാഷ്ട്രീയമാണ് ഇവിടെ ജനങ്ങളില്‍ ആടിത്തിമിര്‍ക്കുന്നത്. അധികാര സ്വപ്ന സോപാനത്തില്‍ നിന്നും താഴെ ഇറങ്ങാന്‍ കൂട്ടാക്കത്തവര്‍ ചിലര്‍ രണ്ടു പോയാലും വേണ്ടില്ല ഒന്നു കിട്ടിയാല്‍ മതിയെന്ന ക്ഷുദ്രരാഷ്ട്രീയക്കാരാണ്. അവരേയും പേടിക്കണം ജനം. ഈ രാഷ്ട്രീയ സാഹചര്യങ്ങളുടെ അകത്തു നിന്നുകൊണ്ടാണ് ഉദുമയയിലെ വികസനം സമ്പന്ധിച്ചുള്ള വിശകലനത്തിനു വേണ്ടി ഗ്രാമപഞ്ചായത്ത് പ്രസിഡണ്ട്് കസ്തൂരി ടീച്ചറെ കാണാന്‍ ശ്രമിച്ചത്.

തുടക്കത്തില്‍ തന്നെ ക്ഷോഭത്തിലായിരുന്നു ടിച്ചര്‍. ഇതാണോ ധര്‍ണ്ണാ സമരം. പോലീസില്ലായിരുന്നെങ്കില്‍ യുഡിഎഫുകാര്‍അകം കേറി എല്ലാമേ നശിപ്പിച്ചേനെ. ഭീഷണിയും വെല്ലുവിളിയും മാത്രമായിരുന്നു ഉടനീളം. മുന്‍ പഞ്ചായത്ത് പ്രസിഡണ്ട് എം. ലക്ഷ്മിയുടെ വികസന പദ്ധതികളുടെ തുടര്‍ച്ചയുമായിരുന്നു ഈ ബോര്‍ഡെന്ന് ടീച്ചര്‍. എന്നാല്‍ 2010ഓടെ സ്ഥിതി ആകെ മാറി. പഞ്ചായത്തുകള്‍ക്ക് കൂടുതല്‍ ചുമതലകളും അവസരങ്ങളും കൈവന്നു. ഞാനൂം സഹപ്രവര്‍ത്തകരും വികസനം മുന്‍ നിര്‍ത്തി നടത്തിയ കൂട്ടായ്മ വിജയം കണ്ടു. പടിയിറങ്ങിപ്പോരുമ്പോള്‍ അതിന്റെ ചാരിദാര്‍ത്ഥ്യമുണ്ട്.
Prathibha-Rajan, Article, Udma, Panchayath, Udma Panchayath President Kasthuri Teacher, Dividing and development of Udma Panchayath.

സാമൂഹ്യം, ആരോഗ്യം, കാര്‍ഷികം മറ്റു പശ്ചാത്തല മേഖലകളിലെല്ലാം മുന്നേറാന്‍ കഴിഞ്ഞു. എങ്കിലും ഒരു അദ്ധ്യാപിക എന്ന നിലയില്‍ വിദ്യാഭ്യാസ രംഗത്ത് സ്വപ്‌നതുല്യമായ പരിക്ഷാരങ്ങള്‍ ആഗ്രഹിച്ചതാണ്. പക്ഷെ അവ വേണ്ടത്ര നടപ്പിലായില്ലഎന്ന വേദനയുണ്ട് മനസ്സില്‍.

ഇന്‍ഡോര്‍ സ്‌റ്റേഡിയം അടക്കമുള്ള സ്വകാര്യ സ്‌കൂളുകള്‍ പ്രവര്‍ത്തിക്കുന്ന പഞ്ചായത്താണിത്. ഏത്ര പാവപ്പെട്ടവനുമാകട്ടെ, തന്റെ മക്കളെ ഏറ്റവും മികച്ച സ്‌കളില്‍ ചേര്‍ക്കണമെന്ന ആഗ്രഹം സ്വാഭാവികം. പ്രൈവറ്റിലേക്ക് കുട്ടികള്‍ ഒഴുകാന്‍ കാരണമതാണ്. അതു കണ്ടറിഞ്ഞ് സര്‍ക്കാര്‍ സ്‌കുളുകളെ സ്വപ്‌ന തുല്യ മികവിലേക്ക്് കൊണ്ടു വരുമെന്ന മോഹം പൊലിഞ്ഞു. ചുറ്റുമതിലുകളും ശൗചാലയങ്ങളിലും മറ്റും ഒതുങ്ങിനിന്നു സര്‍ക്കാര്‍ സ്‌കൂളുകളിലെ വികസനം. ഏങ്കിലും സാദ്ധ്യമായത്രയും ചെയ്തിട്ടുണ്ട് എന്ന ആശ്വാസപ്പെടലിനോടൊപ്പം, സ്‌കൂളുകളിലെ പ്രീ-പ്രൈമറി വിദ്യാഭ്യാസം ഇംഗ്ലീഷും ഒക്കെ അടിസ്ഥാനപരമായ അംഗണ്‍വാടികളെ ദോഷകരമായി ബാധിച്ചുവെന്ന് ടീച്ചര്‍ സമ്മതിക്കുന്നു.

ചെറുപ്പത്തില്‍ കളിച്ചു പഠിക്കേണ്ട കുട്ടികള്‍ മൂന്നു വയസ്സു മുതല്‍ തന്നെ നിര്‍ബന്ധിത പഠനത്തിനു വിധേയരാകുന്നു. വേദങ്ങളിലേക്ക് മടങ്ങു എന്ന ആചാര്യന്മാരുടെ ആഹ്വാനങ്ങള്‍ ദിനം പ്രതി പ്രസക്തമായിക്കൊണ്ടിരിക്കുന്നു. അംഗണ്‍വാടികള്‍ക്കു വേണ്ടി പ്രതിവര്‍ഷം 25 ലക്ഷം രൂപ നീക്കിവെക്കുന്നത് ചിലവാക്കാന്‍ സാധിക്കാത്ത വിധം അംഗണ്‍വാടി സംവിധാനം മെലിഞ്ഞു വരികയാണ്. അടിസ്ഥാനാരോഗ്യ രംഗത്ത് പോക്ഷകാഹാരം നല്‍കാനും ഉപഭോക്താക്കളും കുറഞ്ഞുവരുന്നു. സ്വന്തമായി സ്ഥലമില്ലാത്തതു കാരണം രണ്ടിടങ്ങള്‍ ഒഴിച്ചാല്‍ മറ്റെല്ലായിടത്തും ശിശുപ്രിയ പദ്ധതികള്‍ കൂടി ചേര്‍ന്ന് എല്ലായിടത്തും അംഗണ്‍വാടി കെട്ടിടം. പ്രീ-പ്രൈ്മറിയും അംഗണ്‍വാടിയും ഒരു നാണയത്തിന്റെ ഇരുവശങ്ങളാണ്.

അംഗണ്‍വാടികള്‍ അടക്കം പൊതു ആരോഗ്യ ശുചിത്വ പദ്ധതികള്‍ക്ക് ഫണ്ട് മാത്രം പോരെന്ന് പറയുന്നു ടീച്ചര്‍. നിര്‍വ്വഹണത്തില്‍ സുതാര്യത ജില്ലാപഞ്ചാത്തിന്റെ നിശിതമായ പരിശോധന, വിമര്‍ശനം, നിരീക്ഷണം അവയിലെപോരായ്മകള്‍ കാരണം പല ഫണ്ടും പദ്ധതികളും ജനോദ്ധാരണമാകുന്നില്ലെന്ന് ടീച്ചര്‍ നിരീക്ഷിക്കുന്നു. വ്യാപാരി വ്യവസായികളും, കുടുംബശ്രീകളും മറ്റും സഹകരിക്കാന്‍ മുന്നോട്ടു വരുന്നുവെങ്കിലും ഭരണ നിര്‍വ്വഹണങ്ങളുടെ, ഇടപെടലുകളുടെ പോരായ്മകള്‍ വികസനത്തിന്റെ വികാസത്തെ ബാധിക്കുന്നു. ഇത് ജനങ്ങളെ മനംമടുപ്പിക്കുന്നു. ശൗചാലയങ്ങളും മറ്റും കാര്യക്ഷമമാക്കാനുള്ള ആഗ്രഹങ്ങളില്‍ പലേയിടത്തും പി.ടി.എ പോലും പുറം തിരിഞ്ഞു നില്‍ക്കുന്നു.

വ്യാവസായികാടിസ്ഥാനത്തില്‍് നിര്‍മ്മിക്കുകയും, വിഷം ചേര്‍ത്തു വരുന്ന ഇറക്കുമതി ഭക്ഷ്യ വസ്തുക്കള്‍ നമ്മേത്തന്നെ തിന്നു തീര്‍ക്കുകയാണ്. ഇതില്‍ ആശങ്കപ്പെടുന്ന ഏതാനും കുടുംബശ്രികള്‍ മുന്നോട്ടു വെച്ച പദ്ധതിയില്‍ നിന്നുമാണ് കതിര്‍റൈസ്സ് എന്ന നാടന്‍ കുത്തരി ഉണ്ടാകുന്നത്. ഇതു വ്യാപകമാക്കേണ്ടതുണ്ട്.  പഞ്ചായത്തിനോടൊപ്പം നില്‍ക്കാന്‍ പുരുഷ സഹായ സംഘങ്ങളും കുടുംബശ്രീകളും മുന്നോട്ടു വരണം.

തൊഴില്‍ ഉറപ്പു മേഖലകളില്‍ 1,27,46,000 രൂപ ചിലവാക്കാന്‍ കഴിഞ്ഞു. മെററീരിയലുകള്‍ വാങ്ങാതെ തികച്ചും കൂലി ഇനത്തില്‍ മാത്രമാണ് ഇത്രയും തുക ചിലവഴിച്ചത്. പലേടങ്ങളിലും ജലസംഭരണികള്‍, കുളങ്ങള്‍ അടക്കം തൊഴിലുറപ്പുകളില്‍ ചെയ്തു തീര്‍ക്കാന്‍ സാധിച്ചിട്ടുണ്ട്.

ജാഗ്രതാ സമിതികള്‍ സജീവങ്ങളായിരുന്നു. കോടതിയില്‍ പോകാതെ പല കേസുകള്‍ക്കും തീര്‍പ്പ് കല്‍പ്പിക്കുവാന്‍ കഴിഞ്ഞിട്ടുണ്ട്. ബേക്കല്‍വാര്‍ഡിലെ സിന്ധുവിന്റെ പ്രശ്‌നം ഇതിലേറ്റവും വലിയ ഉദാഹരണങ്ങില്‍ ഒന്നാണ്.

നിയമങ്ങളുടെ വിലക്കുകള്‍ ഉണ്ടായിട്ടും, തെരുവു നായ്ക്കളുടെ ശല്യം ഒരു പരിധിവരെ കുറക്കാനും കാര്യക്ഷമമാക്കാനും കുടുംബശ്രികളെ പുതു സംരംഭങ്ങളിലേക്ക് സജ്ജരാക്കാനും കഴിഞ്ഞിട്ടുണ്ട്. ആരോഗ്യ വിദ്യാഭ്യാസ രംഗത്ത്, തരിശു ഭൂമി കൃഷിയോഗ്യമാക്കാന്‍, സംഘകൃഷിക്കായ് നിന്തരമായി ഇടപെടാന്‍ ബോര്‍ഡിന്റെ കെട്ടുറപ്പിനു സാധിച്ചുണ്ട്. 400ല്‍പ്പരം പേര്‍ക്ക് 100 മുഴുവന്‍ തൊഴില്‍ ദിനങ്ങളും സമ്മാനിക്കാന്‍ കഴിഞ്ഞു.വാര്‍ഡുകള്‍ തോറുമുള്ള ടൈലറിങ്ങ് ഷോപ്പുകളും, തയ്യല്‍ പരിശീലനവും പ്രകൃതിദത്തമായ പാരിജാതം സോപ്പും ഏറെ ശ്രദ്ധ പിടിച്ചു പററിയവയാണ്. ഇങ്ങനെ സര്‍വ്വോന്‍മുകങ്ങളായ പദ്ധതികളുമായി മുന്നോട്ടു പോകാന്‍ ബോര്‍ഡിനു സാധിച്ചുവെന്ന ചാരിതാര്‍ത്ഥ്യത്തിലാണ് കസ്തൂരിടീച്ചര്‍.

പഞ്ചായത്തിലേക്ക് ലക്ഷണക്കണക്കിനു രൂപ നികുതി ലഭ്യമാകുന്നു ഇവിടുങ്ങളിലെ റിസോര്‍ട്ടുകളില്‍ നിന്നും.  അവ പുറത്തു വിടുന്ന മാലിന്യങ്ങള്‍ പരിസരവാസികളുടെ കിണറും ടോയ്‌ലറ്റുകളും മലിനപ്പെടുത്തുന്നു. ഇതു തടയാന്‍ തനതു ഫണ്ടു വേണ്ട, ബിആര്‍ഡിസി നല്‍കുന്ന അഞ്ചു ലക്ഷം രൂപാ പോലും ചിലവഴിക്കാതെ ജനങ്ങളെ കഷ്ട്ടപ്പെടുത്തുകയാണ് ബോര്‍ഡ്. ചോദിച്ചപ്പോള്‍ ഉത്തരം ഇനിയും ഏസ്റ്റിമേറ്റ് റിവൈസ് ചെയ്യപ്പെട്ടു കഴിഞ്ഞിട്ടില്ലെത്രെ.

സാംസ്‌കാരിക മേഖല തളര്‍ന്നു കിടക്കുന്നു. മുതിയക്കാലില്‍, പഞ്ചായത്ത് ഓഫീസില്‍, ഉദുമയില്‍, മററിടങ്ങളിലായി പ്രവര്‍ത്തിക്കുന്ന വായനശാലകള്‍ മരണശ്വാസം വലിക്കുന്നു. നാലും അഞ്ചും പത്രങ്ങള്‍, മാസികകള്‍ വന്നുചേര്‍ന്നിടങ്ങള്‍ വരണ്ടുണങ്ങി കിടക്കുന്നു. പലയിടത്തും പുസ്തകങ്ങള്‍ ചിതല്‍ തിന്നു തീര്‍ത്തു. ആരു നോക്കാന്‍ ആരു പറയാന്‍? ബേക്കല്‍ സ്‌ററേഷനരികില്‍ മനോഹരമായ ഒരു വായനശാലയുണ്ടായിരുന്നു. അവ വാല്‍മീകമെന്ന പോലെ കാടുമുടിക്കിടക്കുന്നത് കണ്ട് സ്വയം സഹിച്ചും തപിച്ചും കഴിഞ്ഞു കൂടിയ സാംസകാരിക പ്രവര്‍ത്തകരുടെ മനം വെളുക്കാനായിരിക്കണം അവിടം കാടു വെട്ടിത്തെളിച്ച് വയോജനങ്ങള്‍ക്കായി ഒരു സത്രമൊരുക്കി. അതിനു മനോഹരമായി നാമകരണം ചെയ്തു. പേര് പകല്‍ വീട്. അതിന്റെ പണി പൂര്‍ത്തിയായപ്പോള്‍ മാത്രമാണ് ഉദ്യോഗസ്ഥര്‍ക്ക് മനസ്സിലായത് അവിടം ശൗചാലയങ്ങളില്ലെന്ന്. വയസ്സായവര്‍ അവിടെ എങ്ങനെ വിശ്രമിക്കുമെന്നു പോലും ചിന്തിക്കാന്‍ കെല്‍പ്പില്ലാത്ത ഉദ്യോഗ വര്‍ഗം നാടിന് നാണക്കേടാണ്. പാതി വഴിയില്‍ ഇഴയുകയാണ് ടീച്ചറുടെ ഈ സ്വപ്‌ന പദ്ധതി. തങ്ങളുടെ ഭരണ കാലത്തു തന്നെ ഉല്‍ഘാടനം നിര്‍വ്വഹിക്കണമെന്ന ടീച്ചറുടെ മോഹമാണ്  സഹപ്രവര്‍ത്തകര്‍ തല്ലിക്കെടുത്തിയത്.

Prathibha Rajan
(Writer)
നാടു നീളെ ജാതി തിരിച്ചുളള ശ്മശാനങ്ങള്‍. പഞ്ചായത്തുകളുടെ കൈവശമുളള മുച്ചിലോട്ടെ ശ്മശാനം അടക്കം വിവാദത്തിന്റെ ശവപ്പറമ്പില്‍ ഏങ്ങിവലിഞ്ഞു കിടക്കുന്നു. യഥേഷ്ടം ഫണ്ടുണ്ടായിട്ടും മുതിയക്കാലിലെ പട്ടത്താനത്ത് പുറമ്പോക്ക് ഭുമിയുണ്ടായിട്ടും ഈ മതേതര ബോര്‍ഡിനു ജനങ്ങളുടെ ആഗ്രഹം, മതേതര ശ്മശനമെന്ന സ്വപ്‌നത്തിന് ചിറകു വിരിയിക്കാന്‍ കഴിഞ്ഞില്ല. കാരണം ചോദിച്ചപ്പോള്‍ സ്ഥിരം പല്ലവി. കടലാസു പണികളൊന്നുമായിട്ടില്ല. മുതിയക്കാല്‍ വയലില്‍ ഏതോ സഹൃദയന്‍ രണ്ടു സെന്റ് ദാനമായി നല്‍കിയത് കുളം കുത്താനാണത്രെ. പ്രഖ്യാപനം ഗ്രാമസഭയിലേക്ക് വന്ന് 10 വര്‍ഷം കഴിഞ്ഞു. കുപ്പി മാറിയെങ്കിലും ഭരണത്തില്‍ പഴയ വീഞ്ഞു തന്നെ. ഇപ്പോള്‍ മുദിയക്കാല്‍ വയല്‍ കുളം പദ്ധതി കുളമായിക്കിടക്കുകയാണ്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Prathibha-Rajan, Article, Udma, Panchayath, Udma Panchayath President Kasthuri Teacher, Dividing and development of Udma Panchayath.


3:11 p.m. | 0 comments

ചെര്‍ക്കളയിലെ കൊലപാതകത്തില്‍ ദുരൂഹത; ചോരപുരണ്ട ചിരവ ഒടിഞ്ഞനിലയില്‍ കണ്ടെത്തി

കാസര്‍കോട്: (www.kasargodvartha.com 04/07/2015) ചെര്‍ക്കള കെ.കെ. പുറത്ത് കൂലിത്തൊഴിലാളിയായ ശ്രീധരന്‍ (45) എന്ന യുവാവ് കുത്തേറ്റ് മരിച്ച സംഭവത്തില്‍ ദുരൂഹത. കൊലനടന്ന വീട്ടിലെ ചോരപുരണ്ട ചിരവ ഒടിഞ്ഞനിലയില്‍ കണ്ടെത്തിയിട്ടുണ്ട്. ഈവീട്ടില്‍ അവിവാഹിതനായ ശ്രീധരന് പുറമെ ശ്രീധരന്റെ പിതാവ് കൂലിത്തൊഴിലാളിയായ അംഗാര, 80 വയസ്സുള്ള മാതാവ് ഉമ്പിച്ചി, സഹോദരന്‍ പരേതനായ സഞ്ജീവയുടെ ഭാര്യ കൂലിത്തൊഴിലാളിയായ ലളിത, ലളിതയുടെ 18 വയസുള്ള മകന്‍ അശോകന്‍ എന്നിവരാണ് താമസം.

10 വര്‍ഷം മുമ്പ് കൊല്ലപ്പെട്ട ശ്രീധരന്റെ സഹോദരന്‍ സഞ്ജീവനെ പിതാവ് പണവുമായി ബന്ധപ്പെട്ട തര്‍ക്കത്തിന്റെ പേരില്‍ കുത്തികൊലപ്പെടുത്തിയിരുന്നു. ഈകേസില്‍ പിതാവ് അംഗാര ജയില്‍ ശിക്ഷ അനുഭവിച്ചിരുന്നു. പിതാവിന്റെ പേരിലുണ്ടായിരുന്ന പെട്ടിക്കട നടത്തിയിരുന്നത് സഞ്ജീവനായിരുന്നു. ഈ പെട്ടിക്കടയ്ക്ക് ബാങ്ക്‌ലോണുണ്ടായിരുന്നു. ലോണടയ്ക്കാത്തതിന്റെ പേരില്‍ ഇവര്‍തമ്മില്‍ തര്‍ക്കമുണ്ടാവുകയും പിതാവ് മകനെ കുത്തികൊലപ്പെടുത്തുകയുമായിരുന്നു. ജയില്‍ശിക്ഷ കഴിഞ്ഞുവന്ന അംഗാര കൂലിപ്പണിയെടുത്താണ് ജീവിച്ചുവരുന്നത്. ഇതിനിടയില്‍ ഇദ്ദേഹത്തിന്റെ പേരിലുള്ള 75 സെന്റ് സ്ഥലത്തുനിന്നും 10 സെന്റ് സ്ഥലം ഒരാള്‍ക്ക് വില്‍പന നടത്തിയിരുന്നു. ഇതിന്റെ പണം സംബന്ധിച്ച് മരിച്ച ശ്രീധരന്‍ വീട്ടില്‍ കുഴപ്പമുണ്ടാക്കിയിരുന്നതായി വിവരമുണ്ട്.

വെള്ളിയാഴ്ച വൈകിട്ട് ആറ് മണിക്ക് ശേഷമാണ് ശ്രീധരനെ കുത്തേറ്റ് കുടല്‍മാല പുറത്തുചാടിയനിലയില്‍ അശോകന്‍ കണ്ടെത്തിയത്. മാതാവുമാത്രമാണ് സംഭവം നടക്കുമ്പോള്‍ വീട്ടില്‍ ഉണ്ടായിരുന്നത്. ചാണകം മെഴുകിയ സ്ഥലത്ത് രക്തംതളംകെട്ടികിടന്നിരുന്നു. അശോകന്‍ വിവരം അറിയിച്ചതിന്റെ അടിസ്ഥാനത്തില്‍ മറ്റുബന്ധുക്കള്‍ എത്തിയശേഷം കസേരയില്‍ഇരുത്തിയാണ് സഞ്ജീവനെ ആദ്യം കാസര്‍കോട്ടെ സ്വകാര്യ ആശുപത്രിയിലും പിന്നീട് മംഗളൂരുവിലെ വെന്റ് ലോക്ക് ആശുപത്രിയിലും എത്തിച്ചത്. ഇവിടെവെച്ചാണ് ശനിയാഴ്ചപുലര്‍ച്ചെ ശ്രീധരന്‍ മരിച്ചത്.

കൊലപാതകം നടന്ന മുറി പോലീസ് പൂട്ടി കാവല്‍ ഏര്‍പെടുത്തിയിട്ടുണ്ട്. വൈകിട്ട് മകന്റെ നിലവിളി കേട്ടതായി കേള്‍വിക്കുറവുള്ള മാതാവ് ഉമ്പിച്ചി പറയുന്നുണ്ട്. സംഭവത്തിലെ ദുരൂഹത പുറത്തുകൊണ്ടുവരുന്നതിനായി പോലീസ് പിതാവ് അംഗാരയേയും സഹോദരന്റെ ഭാര്യ ലളിതയേയും മകന്‍ അശോകനേയും ചോദ്യംചെയ്തുവരുന്നുണ്ട്. സംഭവം നടന്നഉടനെ വിവരം പോലീസില്‍ അറിയിച്ചിരുന്നില്ല.

ശനിയാഴ്ച രാവിലെയോടെ അശോകനാണ് പോലീസിലെത്തി ശ്രീധരന്‍ മരിച്ചവിവരം പറഞ്ഞത്. സംഭവത്തെകുറിച്ച് വിശദമായ അന്വേഷണം നടത്തിവരികയാണെന്നാണ് വിദ്യാനഗര്‍ പോലീസ് പറയുന്നത്. പോലീസ് ഇന്‍ക്വസ്റ്റ് നടപടികള്‍ക്കായി മംഗലാപുരം ആശുപത്രിയിലേക്ക് പോയിരിക്കുകയാണ്. കാസര്‍കോട് സി.ഐ. പി.കെ. സുധാകരന്റെ നേതൃത്വത്തിലാണ് അന്വേഷണം നടക്കുന്നത്.

മറ്റു സഹോദരങ്ങളായ രവി ചെറുവത്തൂരിലും ശശി മാങ്ങാടും സരോജിനി ഉദുമ ബാരയിലുമാണ് താമസം. സംഭവം നടന്ന വീട് ജില്ലാ പോലീസ് ചീഫ് എ. ശ്രീനിവാസും സന്ദര്‍ശിച്ചു.
Kasaragod, Kerala, Murder, Assault, Attack, Police, Dead body, Cherkala, Murder-case, Postmortem, Advertisement Gents Image.








ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Keywords: Kasaragod, Kerala, Murder, Assault, Attack, Police, Dead body, Cherkala, Murder-case, Postmortem, Conspiracy in murder of Sridharan, Advertisement Gents Image.


2:27 p.m. | 0 comments

വീടുവിട്ട ബേക്കല്‍ ബീച്ചിലെ ജീവനക്കാരിയെ കോടതി സ്വന്തം ഇഷ്ടത്തിന് വിട്ടു; യുവതി പിതാവിനോടൊപ്പം പോയി

കാഞ്ഞങ്ങാട്: (www.kasargodvartha.com 04/07/2015) വീടുവിട്ട ബേക്കല്‍ ബീച്ചിലെ ജീവനക്കാരിയെ കോടതി സ്വന്തം ഇഷ്ടത്തിന് വിട്ടു. യുവതി പിതാവിനോടൊപ്പം പോയി. പിലിക്കോട് മടിവയലിലെ വിനോദിന്റെ ഭാര്യ രജനി (40), മകന്‍ സഞ്ജു എന്ന സങ്കീര്‍ത്ത് (അഞ്ച്) എന്നിവരാണ് പിതാവിനൊപ്പം പോയത്.

രജനി മകനെയും കൂട്ടി ജൂണ്‍ 29 ന് കാമുകന്‍ കൂത്തുപറമ്പ് സ്വദേശി അഖിലേഷിനൊപ്പം വീടുവിടുകയായിരുന്നു. തുടര്‍ന്ന് കഴിഞ്ഞ ദിവസം ചന്തേര പോലീസില്‍ ഹാജരാവുകയും പോലീസ് കോടതിയില്‍ ഹാജരാക്കുകയുമായിരുന്നു. ഭര്‍ത്താവ് വിനോദ് ഭാര്യയേയും മകനേയും കാണാനില്ലെന്ന് കാണിച്ച് നല്‍കിയ പരാതിയില്‍ പോലീസ് അന്വേഷിച്ചു വരുന്നതിനിടെയാണ് ഇരുവരും പോലീസില്‍ ഹാജരായത്.
Kasaragod, Kerala, Kanhangad, court, Love, House-wife, Eloped house wife went with father.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Advertisement:
2:13 p.m. | 0 comments

ചെമ്പിരിക്കയിലെ ചൂണ്ടക്കാര്‍ക്ക് സ്രാവ് ചാകര; കിട്ടിയവയില്‍ 25 കിലോ തൂക്കം വരുന്ന ഭീമന്‍ സ്രാവും

മേല്‍പറമ്പ്: (www.kasargodvartha.com 04/07/2015) ചെമ്പിരിക്കയില്‍ ചൂണ്ടയിടുന്നവര്‍ക്ക് സ്രാവ് ചാകര. കിട്ടിയവയില്‍ 25 കിലോ തൂക്കം വരുന്ന ഭീമന്‍ സ്രാവും. 20 ഓളം സ്രാവുകളാണ് ചൂണ്ടയിടുന്നവര്‍ക്ക് വെള്ളിയാഴ്ച വൈകിട്ട് ലഭിച്ചത്. ചെമ്പിരിക്ക സ്വദേശികളായ അബ്ദുര്‍ റഹ് മാന്‍, ചിന്തു, ചിന്നു, സാന, ഹംസ, പ്രദീപ് തുടങ്ങിയവരാണ് കൂട്ടമായി ഇവിടെ ചൂണ്ടയിടുന്നത്.

നിരവധി പേര്‍ ചാകരയില്‍ ലഭിച്ച സ്രാവുകളെ കാണാന്‍ ചെമ്പിരിക്കയിലെത്തിയിരുന്നു. നാലര അടി നീളവും 25 കിലോ തൂക്കം വരുന്ന സ്രാവിനെ പിടിച്ചത് അതിസാഹസികമായാണെന്നാണ് ചൂണ്ടക്കാര്‍ പറയുന്നത്.

Kasaragod, Kerala, Melparamba, Shark, Chembirika, Sea, Seamen, Fish, Shark harvest in Chembirika.
Kasaragod, Kerala, Melparamba, Shark, Chembirika, Sea, Seamen, Fish, Shark harvest in Chembirika.

Kasaragod, Kerala, Melparamba, Shark, Chembirika, Sea, Seamen, Fish, Shark harvest in Chembirika.
Kasaragod, Kerala, Melparamba, Shark, Chembirika, Sea, Seamen, Fish, Shark harvest in Chembirika.
Kasaragod, Kerala, Melparamba, Shark, Chembirika, Sea, Seamen, Fish, Shark harvest in Chembirika.
Kasaragod, Kerala, Melparamba, Shark, Chembirika, Sea, Seamen, Fish, Shark harvest in Chembirika.
Kasaragod, Kerala, Melparamba, Shark, Chembirika, Sea, Seamen, Fish, Shark harvest in Chembirika.
Kasaragod, Kerala, Melparamba, Shark, Chembirika, Sea, Seamen, Fish, Shark harvest in Chembirika.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
12:39 p.m. | 0 comments

കാസര്‍കോട് ജില്ലാ സ്‌പോര്‍ട്‌സ് കൗണ്‍സില്‍ വീണ്ടും അംഗീകാരത്തിന്റെ നിറവില്‍

കാസര്‍കോട്: (www.kasargodvartha.com 04/07/2015) ജില്ലാ സ്‌പോര്‍ട്‌സ് കൗണ്‍സിലിന് തുടര്‍ച്ചയായി മൂന്നാം തവണയും സംസ്ഥാനത്തെ മികച്ച സ്‌പോര്‍ട്‌സ് കൗണ്‍സിലിനുള്ള അവാര്‍ഡ്. കേരളത്തിലെ വിദ്യാലയങ്ങളില്‍ അഞ്ച് മുതല്‍ പത്തുവരെയുളള ക്ലാസ്സുകളിലെ കുട്ടികളില്‍ നടത്തിയ സമ്പൂര്‍ണ കായികാക്ഷമതാ പരിശോധനയില്‍ മികച്ച പ്രകടനം കാഴ്ചവെച്ചതിനാണ് ഈ പുരസ്‌കാരം മൂന്നാം തവണയും സ്വന്തമാക്കിയത്.

ജൂലൈ ഏഴിന് തിരുവനന്തപുരത്ത്  നടക്കുന്ന ചടങ്ങില്‍ സ്‌പോര്‍ട്‌സ് കൗണ്‍സില്‍ ജില്ലാ ഭാരവാഹികള്‍ അവാര്‍ഡ് ഏറ്റുവാങ്ങും. അടിസ്ഥാന സൗകര്യവികസനത്തിലും ശ്രദ്ധേയമായ നേട്ടമാണ് സ്‌പോര്‍ട്‌സ് കൗണ്‍സില്‍  കൈവരിച്ചത്. പാലാവയല്‍ സ്വിമ്മിംഗ് പൂള്‍, തൃക്കരിപ്പൂര്‍ പഞ്ചായത്തില്‍ പൂര്‍ത്തിയാകുന്ന സിന്തറ്റിക് ട്രാക്, കാഞ്ഞങ്ങാട് സൗത്ത് ഗവ. ഹയര്‍ സെക്കന്‍ഡറി സ്‌കൂളിലെ മള്‍ട്ടിപര്‍പ്പസ് കോര്‍ട്ട്, കാസര്‍കോട് സെന്‍ട്രല്‍ സ്‌പോര്‍ട്‌സ് ഹോസ്റ്റല്‍ നവീകരണം, പൈക്ക പദ്ധതിയിലുള്‍പെടുത്തി ജില്ലയിലെ 35 ഗ്രാമപഞ്ചായത്തുകളില്‍  ഗ്രൗണ്ട് നവീകരണം എന്നിവയും ജില്ലാ സ്‌പോര്‍ട്‌സ് കൗണ്‍സിലിന്റെ നേട്ടങ്ങളാണ്.

കായികക്ഷമതാ പ്രവര്‍ത്തനത്തില്‍ ജില്ലയിലെ ഏറ്റവും മികച്ച നേട്ടം കൈവരിച്ച വിദ്യാലയത്തിനുള്ള  ആണ്‍കുട്ടികളുടെയും പെണ്‍കുട്ടികളുടെയും അവാര്‍ഡ് ഉദിനൂര്‍ സെന്‍ട്രല്‍ യു.പി സ്‌കൂളിനാണ്. 20000 രൂപയുടെ  പുരസ്‌കാരത്തിന്  ഈ വിദ്യാലയം അര്‍ഹമായി. കായികാധ്യാപകന്‍ അശോകന്‍ ധര്‍മത്തടുക്കയാണ് ഏറ്റവും മികച്ച കോഡിനേറ്റര്‍ക്കുള്ള അവാര്‍ഡ് നേടിയത്.

ജില്ലയിലെ മികച്ച കായികാധ്യാപകനായി ഉദിനൂര്‍ സെന്‍ട്രല്‍ യു.പി സ്‌കൂളിലെ പി. ജയകുമാറിനെ തെരഞ്ഞെടുത്തു. തുടര്‍ച്ചയായി മൂന്നാം തവണയും അവാര്‍ഡ് കരസ്ഥമാക്കാന്‍ സഹകരിച്ചതിന് ജില്ലയിലെ മുഴുവന്‍ കായികപ്രേമികളോടുമുളള നന്ദി ജില്ലാ സ്‌പോര്‍ട്‌സ് കൗണ്‍സില്‍ അറിയിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords:  Kasaragod, Kerala, Sports,  District  Sports  Council,  Award,  New achievement for Kasargod District Sports Council.

12:14 p.m. | 0 comments

ചേരൂറിലെ കടേക്കാല്‍ അബ്ദുല്ല നിര്യാതനായി

ചെര്‍ക്കള: (www.kasargodvartha.com 04/07/2015) ചേരൂര്‍ കടേക്കാല്‍ അബ്ദുല്ല (60) നിര്യാതനായി. ഭാര്യ: സഫിയ. മക്കള്‍: മുഹമ്മദ്, അബ്ദുര്‍ റഹ്മാന്‍, നസീര്‍, സാബിറ, തശ്രീഫ, സറീന, തബ്ഷീറ, നഷ്ഫര്‍. മരുമക്കള്‍: ഹാരിസ്, നൗഷാദ്, സലാം, റൈഹാന.

ഖബറടക്കം ചോറൂര്‍കോട്ട രിഫായി ജുമാ മസ്ജിദ് ഖബര്‍സ്ഥാനില്‍.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Cheroor, Kasaragod, Kerala, Obituary, Cheroor Kadekkal Abdulla passes away.

12:02 p.m. | 0 comments

ഗൃഹനാഥന്‍ കിണറ്റില്‍ മരിച്ച നിലയില്‍

കാസര്‍കോട്: (www.kasargodvartha.com 04/07/2015) ഗൃഹനാഥനെ കിണറ്റില്‍ മരിച്ച നിലയില്‍ കണ്ടെത്തി. കുഡ്‌ലു ആര്‍.ഡി. നഗറിലെ നാരായണ ആചാര്യ (63)യെയാണ് കിണറ്റില്‍ മരിച്ച നിലയില്‍ കണ്ടെത്തിയത്. വീടിന് തൊട്ടടുത്ത കിണറ്റിലാണ് മരിച്ച നിലയില്‍ കണ്ടെത്തിയത്.

വിവരമറിഞ്ഞ് പോലീസും ഫയര്‍ഫോഴ്‌സും സ്ഥലത്തെത്തിയാണ് മൃതദേഹം പുറപ്പെടുത്തത്. ഇന്‍ക്വസ്റ്റിന് പോസ്റ്റുമോര്‍ട്ടത്തിന് കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി.
Kasaragod, Kerala, Well, Police, Deadbody, Death, Man found dead in well.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
11:51 a.m. | 0 comments

for MORE News select date here

KVARTHA: LATEST NEWS

Obituary

Read More Obituary News

Mangalore

Read More Mangalore News

കൂടുതൽ വായിച്ചത് | Most Read Stories