Hi guest ,  welcome  |  Visit Kvartha  |  Visit Keralaflash  |  Reading Problem? Download Font

ഡോ. അബൂബക്കര്‍, അനാഥനായി സഅദിയയുടെ മുറ്റത്തെത്തി, ഇപ്പോള്‍ വീണ്ടും അനാഥനായി

Written By kvarthakgd1 on Saturday, 28 February 2015 | 9:39 pm

'നഷ്ടപ്പെട്ടത് സ്‌നേഹ നിധിയായ ഉപ്പയെ......'

(www.kasargodvartha.com 28/02/2015)  9 ാം വയസില്‍ സഅദിയയില്‍ എത്തി പിന്നെ എം എ ഉസ്താദിന്റെ ആശിര്‍വാദത്തോടെ ഡോക്ടറായി പ്രാക്ടീസ് നടത്തുന്ന ഡോ. അബൂബക്കര്‍ മനസ് തുറക്കുന്നു.

എം.എ ഉസ്താദിന്റെ മരണം തന്നെ വീണ്ടും അനാഥനാക്കിയെന്ന് സഅദിയ അനാഥാലയത്തില്‍ വളര്‍ന്ന് എംബിബിഎസ് പഠിച്ച് ആതുരസേവനം നടത്തുന്ന ഡോ. അബൂബക്കര്‍ പറയുന്നു. 5 ാം വയസിലായിരുന്നു സ്വന്തം ഉപ്പയുടെ മരണം.

അന്ന് അനാഥത്വത്തിന്റെ വേദന അറിഞ്ഞിരുന്നില്ല. ഇന്ന് തന്നെ താനാക്കിയ എം.എ ഉസ്താദിന്റെ മരണം താങ്ങാനാവുന്നില്ലെന്ന് പറയുമ്പോള്‍ ഡോക്ടറുടെ കണ്ണു നിറയുന്നു. തന്റെ 9ാം വയസിലാണ് സഅദിയ അനാഥാലയത്തില്‍ അബൂബക്കര്‍ എത്തിയത്. അന്ന് മുതല്‍ ഉസ്താദായിരുന്നു എല്ലാം. പഠനത്തില്‍ മുന്നേറാന്‍ പ്രചോദനം നല്‍കിയതും ഉസ്താദ് തന്നെ. തന്റെ ജീവിതത്തെ കുറിച്ച് ഡോക്ടര്‍ കാസര്‍കോട്‌വാര്‍ത്തയോട് ഉള്ളുതുറന്നു.

മുട്ടത്തൊടിയിലെ ബീരാന്‍ മൊയ്തീന്റെയും സൈനബയുടെയും മകന്‍ ഇന്ന് സ്വപ്‌നം കാണാനാവുന്നതിലും മേലെയാണ്. ഭര്‍ത്താവിന്റെ മരണത്തോടെ ഏഴും അഞ്ചും, മൂന്നും, ഒന്നരയും വയസുള്ള നാല് മക്കളുമായി പിന്നീട് മാതാവ് സൈനബയുടെ ജീവിതം ഏറെ പ്രയാസം നിറഞ്ഞതായിരുന്നു.  മത പഠനത്തോടുള്ള താല്‍പര്യം കണ്ട് ബന്ധുക്കള്‍ അബൂബക്കറിനെ സഅദിയയില്‍ എത്തിക്കുകയായിരുന്നു.

മതപഠനത്തിനായി സഅദിയ അനാഥാലയത്തില്‍ ചേര്‍ന്ന അബൂബക്കറിനെ എം.എ ഉസ്താദിന്റെ പ്രത്യേക താല്‍പര്യ പ്രകാരം ഇംഗ്ലീഷ് മീഡിയം സ്‌കൂളില്‍ നാലാം ക്ലാസില്‍ ചേര്‍ത്തു. അന്ന് 10 അനാഥ കുട്ടികളെയാണ് ഇംഗ്ലീഷ് മീഡിയം സ്‌കൂളില്‍ ചേര്‍ത്തിരുന്നത്. ആ ബാച്ചില്‍ അബൂബക്കര്‍ മാത്രമാണ് പ്ലസ്ടു പൂര്‍ത്തിയാക്കിയത്. ഉസ്താദിന്റെ നിരന്തര ശ്രദ്ധയും ഉപദേശവുമാണ് പഠനത്തില്‍ മുന്നേറുന്നതിന് കരുത്ത് പകര്‍ന്നത്. ഒന്നിലും നിരാശ പാടില്ലെന്നും അല്ലാഹുവിലുള്ള വിശ്വാസം മുറുകെ പിടിച്ച് ഏറെ പ്രതീക്ഷ പുലര്‍ത്തണമെന്നുമുള്ള പാഠമാണ് ഉസ്താദ് പഠിപ്പിച്ചത്.

യോനപ്പോയ മെഡിക്കല്‍ കോളജ് ചെയര്‍മാന്‍ വൈ. അബ്ദുല്ലക്കുഞ്ഞി ഹാജി കുമ്പോല്‍ തങ്ങളുടെ താല്‍പര്യപ്രകാരം നല്‍കിയ ഒരു എം.ബി.ബി.എസ് സീറ്റ് തങ്ങള്‍ സഅദിയക്ക് നല്‍കി. എം.എ ഉസ്താദ് ആ സീറ്റിലേക്ക് അബൂബക്കറിനെ പറഞ്ഞയച്ചു. മിടുക്കാനായി വരണമെന്ന് ഉപദേശിച്ചു. അങ്ങനെ അനാഥനായി സഅദിയയുടെ പടികയറിയ ദരിദ്രകുടുംബത്തിലെ അബൂബക്കര്‍ ഡോക്ടര്‍ അബൂബക്കറായി.

അബൂബക്കര്‍ എംബിബിഎസിന് പഠിക്കുന്ന സമയത്താണ് എം.എ ഉസ്താദിന് കാര്യമായ അസൂഖം ബാധിച്ച് മംഗളൂരുവിലെ സ്വകാര്യ ആശുപത്രിയില്‍ പ്രവേശിപ്പിച്ചത്. ആ സമയത്ത് ഉസ്താദിനെ ചെറുതായെങ്കിലും പരിചരിക്കാന്‍ സാധിച്ചതാണ് എക്കാലത്തേയും വലിയ ഭാഗ്യം. എംബിബിഎസ് പൂര്‍ത്തിയാക്കി ആറ് മാസത്തെ പരിശീലനവും നേടി സഅദിയ ഹോസ്പിറ്റലില്‍ ഉസ്താദിന്റെ നിര്‍ദേശപ്രകാരം ചര്‍ജെടുത്തു. ഉസ്താദ് ഏറെ വിഷമിച്ച കാര്യങ്ങളിലൊന്ന് താന്‍ ആരംഭിച്ച സഅദിയ ഹോസ്പിറ്റല്‍ വിജയിപ്പിക്കാനാവാത്തതിലായിരുന്നു. എല്ലാവരുടെയും കൂട്ടായ പരിശ്രമം കാരണം ഹോസ്പിറ്റല്‍ ഇന്ന് ഏറെ വളര്‍ന്നിട്ടുണ്ട്. എംഎ ഉസ്താദ് സഅദിയ ഹോസ്പിറ്റലിന്റെ വളര്‍ച്ച കണ്ട് സന്തോഷത്തോടെയാണ് മടങ്ങിയത്.

ഉന്നത പഠനത്തിനായി പോവണമെന്ന ഉപദേശം കൂടി എം.എ ഉസ്താദ് അവസാന നിമിഷങ്ങളില്‍ ഡോക്ടറിന് നല്‍കിയിരുന്നു. അതിനായുള്ള തയ്യാറെടുപ്പുകള്‍ നടത്താന്‍ അബൂബക്കറിനോട് ആവശ്യപ്പെടുകയും ചെയ്തിരുന്നു. എംഡിക്ക് പഠിക്കുന്നതിന് ആവശ്യമായ സൗകര്യം ചെയ്തു കൊടുക്കണമെന്ന് അഭ്യര്‍ത്ഥിച്ചു കൊണ്ട് യേനപ്പോയ മെഡിക്കല്‍ കോളജ് ചെയര്‍മാന് ഉസ്താദ് നല്‍കിയ കത്ത് നിധിപോലെ സൂക്ഷിക്കുകയാണ് ഇന്ന് ഡോക്ടര്‍. തയ്യാറെടുപ്പുകള്‍ പൂര്‍ത്തിയായാല്‍ മാത്രമേ തുടര്‍ പഠനത്തിന് പോകാന്‍ സാധിക്കുമെന്ന് ഡോക്ടര്‍ പറഞ്ഞു.

എടുത്തുവളര്‍ത്തി ജീവിക്കാനുള്ള വഴികാട്ടിയ ഉസ്താദ് തന്നെയാണ് ഡോക്ടര്‍ക്ക് ജീവിത പങ്കാളിയെ കാട്ടികൊടുത്തത്. ഉസ്താദിന്റെ കാര്യങ്ങള്‍ നോക്കാന്‍ എന്നും കൂടെയുണ്ടായിരുന്ന സഅദിയയുടെ പ്രവര്‍ത്തകനും എസ്.എസ്.എഫ് മുന്‍ സംസ്ഥാന സെക്രട്ടറി അഹമ്മദ് കെ. മാണിയൂരിന്റെ മകളെയാണ് ഡോക്ടര്‍ ജീവിത പങ്കാളിയാക്കിയത്. ഇന്ന് ഡോക്ടറും ഭാര്യയും നാല് കുട്ടികളും മേല്‍പറമ്പ് ലുലു അപാര്‍ട്‌മെന്റിലാണ് താമസിക്കുന്നത്.

കാസര്‍കോട്‌വാര്‍ത്തയ്ക്ക് വേണ്ടി ഡോ. അബൂബക്കര്‍ പഴയ കഥകള്‍ ഒരോന്ന് ഓര്‍ത്തെടുക്കുമ്പോഴും അറിയാതെ കരയുന്നുണ്ടായിരുന്നു. കണ്ണുനിറയുന്നത് ഞങ്ങള്‍ കാണാതിരിക്കാന്‍ ഡോക്ടര്‍ ഞങ്ങള്‍ക്കരികില്‍ കളിച്ചു കൊണ്ടിരുന്ന ഇളയ കുട്ടിയെ ഇടക്കിടെ ചേര്‍ത്ത് പിടിച്ച് ഉമ്മവെക്കും. അതിനിടയില്‍ ഞങ്ങള്‍ കാണാതെ കണ്ണുതുടക്കുന്നുണ്ടാവും...

തന്റെ ജീവിതത്തില്‍ ഇതുവരെയുള്ള പ്രയാണത്തില്‍ എം.എ ഉസ്താദിനൊപ്പം തന്നെ കുമ്പോല്‍ തങ്ങള്‍മാരും വലിയ പിന്തുണയാണ് നല്‍കിയത്. യതീംഖാന മാനേജര്‍ എസ്.എ അബ്ദുല്‍ ഹമീദ് ഉസ്താദിനോടും (ആലംപാടി), സഅദിയയിലെ മറ്റു സ്ഥാപന മേധാവികളോടും സഅദിയ ഭാരവാഹികളോടും യേനപ്പോയ അധികൃതരോടും തനിക്ക് വേണ്ടി എന്നും നിലകൊണ്ട സുഹൃദ് വലയങ്ങളോടുമുള്ള നന്ദിയും കടപ്പാടും അറിയിക്കന്‍ ഡോ. അബൂബക്കറിന് നൂറുനാവാണ്.

ഇറങ്ങുന്നതിന് തൊട്ടുമുമ്പായി ഡോക്ടറോട് ചോദിച്ചു: ഉസ്താദിന്റെ മരണത്തോടെ സഅദിയയില്‍ നികത്താനാവാത്ത ഒരു വിടാവായി നിലനില്‍ക്കില്ലെ...

ചോദിച്ച് തീരുംമുമ്പേ ഡോക്ടര്‍ പറഞ്ഞു. ഉസ്താദ് എന്നും സഅദിയയില്‍ തന്നെയല്ലേ... പിന്നെ എങ്ങനെ വിടവുണ്ടാവും... ഇപ്പോള്‍ എന്നും ഉസ്താദിനെ കാണാനാവുന്നു. സഅദിയയുടെ മുറ്റത്ത് സന്തോഷത്തോടെ ഉസ്താദുണ്ട്... അതാണ്, അതുമാത്രമാണ് ഏക പ്രതീക്ഷയും സന്തോഷവും...

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kasaragod, Kerala, Noorul-Ulama-M.A.Abdul-Khader-Musliyar, Doctor, Deli, Jamia-Sa-adiya-Arabiya, Student, Dr. Aboobacker. 

9:39 pm | 0 comments

വിദ്യാര്‍ത്ഥിനികളെ വീഴ്ത്താന്‍ ലൗലെറ്ററിന് പകരം എറിഞ്ഞുകൊടുക്കുന്നത് 'ലൗ സിം'

കാസര്‍കോട്: (www.kasargodvartha.com 28/02/2015) സ്‌കൂളുകളിലും കോളജുകളിലും കേന്ദ്രീകരിച്ച് 'ലൗ സിം' നല്‍കുന്ന സംഘം സജീവമായി. മുമ്പ് പെണ്‍കുട്ടികള്‍ക്ക് ലൗ ലെറ്റര്‍ നല്‍കി വീഴ്ത്തുന്ന പൂവാലന്മാര്‍ ഇപ്പോള്‍ പുതിയ വിദ്യയാണ് പയറ്റുന്നത്. കുട്ടികള്‍ സ്‌കൂളിലേക്ക് പോകുമ്പോഴും തിരിച്ച് വീട്ടിലേക്ക് വരുമ്പോഴും സിം കാര്‍ഡാണ് എറിഞ്ഞുകൊടുക്കുന്നത്.

ഭൂരിഭാഗം കുട്ടികളും ഇപ്പോള്‍ മൊബൈല്‍ ഉപയോഗിക്കുന്നുണ്ടെന്ന് തിരിച്ചറിഞ്ഞതോടെയാണ് ലൗ സിംകാര്‍ഡുകള്‍ വ്യാപകമായി നല്‍കുന്നത്. വീടുകളിലെത്തി ഫോണില്‍ സിം കാര്‍ഡ് മാറ്റിയിട്ട് വിളിക്കുന്ന വിദ്യാര്‍ത്ഥിനിളെ പ്രലോഭിപ്പിക്കുന്ന പൂവാലന്മാര്‍ ഇവരെ വിവാഹ വാഗ്ദ്ധാനം നല്‍കി തട്ടിക്കൊണ്ടുപോകുന്ന കേസുകള്‍ അടുത്തകാലത്തായി വര്‍ധിച്ചുവരികയാണെന്ന് പോലീസ് കേന്ദ്രങ്ങള്‍ സൂചിപ്പിച്ചു. അടുത്തിടെ ഒരു സ്വകാര്യ കോളജിലെ പെണ്‍കുട്ടിയെ മൊബൈല്‍ ഫോണുമായി അധ്യാപിക പിടികൂടിയപ്പോള്‍ ആ പെണ്‍കുട്ടിയുടെ കൈവശമുണ്ടായിരുന്നത് അഞ്ച് സിം കാര്‍ഡായിരുന്നു.

ഇതില്‍ ഒരു സിം കാര്‍ഡ് മാത്രമാണ് പെണ്‍കുട്ടിയുടെ പേരിലുള്ളത്. പെണ്‍കുട്ടിയുടെ പേരിലുള്ള മൊബൈല്‍ നമ്പറിലേക്ക് കോളുകള്‍ വരുന്നത് ഒഴിവാക്കുന്നതിനും രാത്രികാലങ്ങളില്‍ പാതിരാവോളം സല്ലപിക്കുന്നതിനുമാണ് കാമുകന്മാര്‍ നല്‍കുന്ന സിംകാര്‍ഡുകള്‍ ഉപയോഗിക്കുന്നതെന്ന് കുട്ടികള്‍ തന്നെ പറയുന്നു. ഇതുസംബന്ധിച്ച് സ്‌കൂളുകളും കോളജുകളും കേന്ദ്രീകരിച്ച് നടത്തിയ അന്വേഷണത്തില്‍ ഞെട്ടിക്കുന്ന വിവരങ്ങളാണ് വിദ്യാര്‍ത്ഥികളും അധ്യാപകരും ചില രക്ഷിതാക്കളും കാസര്‍കോട് വാര്‍ത്തയുമായി പങ്കുവെച്ചത്.

ഒന്നിലധികം കാമുകന്മാരുള്ള പെണ്‍കുട്ടികള്‍ കാമുകന്മാര്‍ക്ക് വിളിക്കാനുള്ള പ്രത്യേക ദിവസം തന്നെ തിരഞ്ഞെടുത്ത് വെക്കുന്നുണ്ട്. ഒരാളുടെ സിം ഒരു ദിവസം ഫോണില്‍ ഇട്ടാല്‍ അടുത്ത ദിവസം മറ്റൊരാളുടെ സിം കാര്‍ഡാണ് ഫോണില്‍ ഉപയോഗിക്കുന്നത്. മറ്റു ദിവസങ്ങളില്‍ ഫോണ്‍ ഓഫായതിന്റെ കാരണം കാമുകന്‍മാര്‍ തിരക്കിയാല്‍ വീട്ടിലെ അസൗകര്യങ്ങളായിരിക്കും കാരണമായി പറയുക.

കാസര്‍കോട്ട് നടക്കുന്ന മിക്ക ഒളിച്ചോട്ടങ്ങള്‍ക്കും പിന്നിലും ലൗ സിംകാര്‍ഡ് പെണ്‍കുട്ടികളുടെ കൈവശം എത്തിപ്പെടുന്നതാണെന്ന് കേസുകളുടെ അന്വേഷണങ്ങളിലും പോലീസിനും ബോധ്യപ്പെട്ടിട്ടുണ്ട്. സ്‌കൂളുകളിലും കോളജുകളിലും മൊബൈല്‍ ഫോണ്‍ ഉപയോഗിക്കുന്നത് നിരോധിച്ചിട്ടുണ്ടെങ്കിലും ഒട്ടുമിക്ക പെണ്‍കുട്ടികളും ആണ്‍കുട്ടികളില്‍ ഭൂരിഭാഗവും മൊബൈല്‍ ഫോണുമായി തന്നെയാണ് കലാലയങ്ങളിലേക്ക് പോകുന്നത്. കര്‍ശന നിരോധനമുള്ള സ്‌കൂളുകളിലും സ്വകാര്യ കോളജുകളിലും ഫോണ്‍ തൊട്ടടുത്ത പെട്ടിക്കടകളിലും മറ്റുമാണ് ഏല്‍പിക്കുന്നത്. ചില കോളജുകളില്‍ ആണ്‍കുട്ടികളെ മാത്രം ഫോണ്‍കൊണ്ടുവരാന്‍ അനുവദിക്കുന്നുണ്ട്. ഇത് മുതലെടുത്ത് ആണ്‍കുട്ടികളെ തങ്ങളുടെ ഫോണ്‍ ഏല്‍പിക്കുന്ന പെണ്‍കുട്ടികളുമുണ്ട്. ഇന്റര്‍വെല്‍ സമയങ്ങളിലും മറ്റും അവര്‍ക്ക് ഫോണ്‍ നല്‍കുകയും ചെയ്യുന്നു.

ചില പെണ്‍കുട്ടികള്‍ ദൂരെസ്ഥലങ്ങളില്‍നിന്നും വരുന്നവരാണെന്നും വീട്ടുകാരെ വിവരങ്ങള്‍ അറിയിക്കാന്‍ ഫോണ്‍ കൊണ്ടുവരാന്‍ അനുവദിക്കണമെന്നും കലാലയ അധികൃതരോട് നിര്‍ബന്ധം പിടിക്കുന്നുണ്ട്. ഇവരുടെ ദയനീയാവസ്ഥകണ്ട് ചില സ്‌കൂള്‍ അധികൃതര്‍ ഇതിന് മൗനാനുവാദം നല്‍കുന്നുണ്ട്. ഇത് ചില പെണ്‍കുട്ടികള്‍ മുതലെടുക്കുകയും ചെയ്യുന്നുണ്ട്. ഇത്തരം പെണ്‍കുട്ടികള്‍ കാമുകന്‍മാരെ തിരിച്ചറിയാതിരിക്കാന്‍ ഫോണില്‍ നമ്പര്‍ സേവ് ചെയ്യുന്നതുപോലും അതിവിദഗ്ദ്ധമായാണ്. ഹൗസ്, ഫാദര്‍, മദര്‍ തുടങ്ങിയ പേരുകളിലാണ് സംശയിക്കാതിരിക്കാന്‍ കാമുകന്മാരുടെ നമ്പര്‍ സേവ് ചെയ്യുന്നത്. പലപ്പോഴും വീട്ടില്‍നിന്നാണെന്ന് പറഞ്ഞ് ക്ലാസ് സമയത്തുപോലും ഫോണ്‍ വരികയും ഇതറിയാതെ സ്‌കൂള്‍ ഓഫീസില്‍ സൂക്ഷിക്കുന്ന ഫോണ്‍ പെണ്‍കുട്ടികള്‍ക്ക് കലാലയ അധികൃതര്‍ തന്നെ എടുത്തുകൊടുക്കുന്നുണ്ട്. ഭംഗിയായി അധ്യാപകരെ കബളിപ്പിക്കുകയാണ് ഇതിലൂടെ ചെയ്യുന്നത്.

കലാലയങ്ങളിലെ സഹപാഠികള്‍വഴി അവരുടെ സുഹൃത്തുക്കളും വഴിയില്‍വെച്ച് പെണ്‍കുട്ടികളെ പരിചയപ്പെടുകയും സിംകാര്‍ഡുകള്‍ കൈമാറുകയും ചെയ്യുന്നുണ്ട്. വാട്‌സ് ആപ്പിലാണ് പലരുടേയും ചാറ്റിംഗ് നടക്കുന്നത്. സ്ഥിരമായി പെണ്‍കുട്ടികളുടെ പിറകെ ബൈക്കിലും കാറുകളിലും ചുറ്റിത്തിരിയുന്നവർ സിമ്മിനൊപ്പം വിലപിടിപ്പുള്ള സ്മാര്‍ട്ട് ഫോണും നല്‍കുന്നു.
സ്‌കൂള്‍ അധികൃതരുടേയും രക്ഷിതാക്കളുടേയും ശ്രദ്ധ അടിയന്തിരമായി പതിഞ്ഞില്ലെങ്കില്‍ പെണ്‍കുട്ടികളുടെ ജീവിതം തന്നെ തകരുമെന്നാണ് അധ്യാപകര്‍തന്നെ പറയുന്നത്.

വിദ്യാര്‍ത്ഥിനികള്‍ക്കിടയില്‍ ബോധവല്‍ക്കരണം നടത്തേണ്ടതിന്റെ ആവശ്യകതയാണ് സാമൂഹ്യപ്രവര്‍ത്തകര്‍ ഇക്കാര്യത്തില്‍ പരിഹാരമായി ചൂണ്ടിക്കാട്ടുന്നത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Kasaragod, Kerala, College, Students, Love, Mobile Phone, Love letter, School, Teacher, Sim card, Love SIM cards trap college students.

Advertisement:
8:00 pm | 0 comments

വിദ്യാനഗര്‍ ഇനി ജനമൈത്രി പോലീസ് സ്റ്റേഷന്‍

കാസര്‍കോട്: (www.kasargodvartha.com 28/02/2015) വിദ്യാനഗര്‍ ഇനി മുതല്‍ ജനമൈത്രി പോലീസ്‌സ്റ്റേഷന്‍. ചെര്‍ക്കള ഖുവ്വത്തുല്‍ ഇസ്ലാം മദ്രസ്സ ഓഡിറ്റോറിയത്തില്‍ നടന്ന ചടങ്ങില്‍ കാസര്‍കോട് മുനിസിപ്പാലിറ്റി ചെയര്‍മാന്‍ ടി.ഇ അബ്ദുളള, ജനമൈത്രി പോലീസ് സ്റ്റേഷന്‍ പ്രഖ്യാപനം നടത്തുകയും ജില്ലാതല സെമിനാര്‍ ഉദ്ഘാടനം ചെയ്യുകയും ചെയ്തു. പോലീസും ജനങ്ങളും കൈകോര്‍ത്ത് പിടിച്ചാല്‍ മാത്രമേ പ്രശ്‌നങ്ങള്‍ പരിഹരിക്കാന്‍ സാധിക്കുകയുളളൂ എന്ന് അദ്ദേഹം പറഞ്ഞു. ജനമൈത്രി പദ്ധതിയിലൂടെ കേരളത്തിന്റെ നിയമവ്യവസ്ഥ രാജ്യത്തിന് തന്നെ മാതൃകയാകണമെന്ന് അദ്ദേഹം പറഞ്ഞു. . ചടങ്ങില്‍ ജില്ലാ പോലീസ് മേധാവി ഡോ.എ ശ്രീനിവാസ അധ്യക്ഷത വഹിച്ചു.

ജനമൈത്രി പദ്ധതിയിലൂടെ  കുറ്റകൃത്യങ്ങളും ഗുണ്ടാവിളയാട്ടവും വര്‍ഗ്ഗീയതയും ഇല്ലാതാക്കാന്‍ കഴിയുമെന്ന് അദ്ദേഹം പറഞ്ഞു.  ജനങ്ങളും നേതാക്കന്‍മാരും ഇതിന്വേണ്ടി സഹകരിക്കണമെന്നും എസ് പി പറഞ്ഞു. ബ്ലോക്ക് പഞ്ചായത്ത് പ്രസിഡണ്ട് അഡ്വ. മുംതാസ് ഷുക്കൂര്‍,  ബ്ലോക്ക് പഞ്ചായത്ത് വൈസ് പ്രസിഡണ്ട് മൂസ. ബി. ചെര്‍ക്കള, ഗ്രാമപഞ്ചായത്ത് പ്രസിഡണ്ടുമാരായ സി.ബി അബ്ദുളള ഹാജി, ആയിഷ സഹദുളള, ജില്ലാ പഞ്ചായത്തംഗം പാദൂര്‍ കുഞ്ഞാമു ഹാജി, ചെങ്കള ഗ്രാമപഞ്ചായത്ത് വൈസ് പ്രസിഡണ്ട്  ഖദീജ, എസ്  ഷംസുദ്ദീന്‍, മുഹമ്മദ് കുഞ്ഞി, ഷാഹിന സലിം, റിട്ടയേര്‍ഡ് ആര്‍ടിഒ ചന്ദ്രശേഖര്‍,  ഡിവൈഎസ്പി (ഡിസിആര്‍ബി) കെ. ദാമോദരന്‍, ഇന്‍സ്‌പെക്ടര്‍ ഓഫ് പോലീസ് സി.കെ സുനില്‍കുമാര്‍ തുടങ്ങിയവര്‍ സംബന്ധിച്ചു.

പോലീസും ജനങ്ങളും  സൗഹൃദമുണ്ടാക്കുകയും  അതു വഴി  സമൂഹത്തിനും രാജ്യത്തിനും മെച്ചപ്പെട്ട സേവനം ലഭ്യമാക്കുകയാണ് ജനമൈത്രി പോലീസ് സ്റ്റേഷന്‍ കൊണ്ടുദ്ദേശിക്കുന്നത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Kasaragod, Kerala, Vidya Nagar, Police, Janamaitry. 

5:49 pm | 0 comments

ഏ.സി കമ്പാര്‍ട്ട്‌മെന്റില്‍ തീപ്പൊരി: മംഗളൂരു - തിരുവനന്തപുരം എക്‌സ്പ്രസ് കോട്ടിക്കുളത്ത് നിര്‍ത്തിയിട്ടു

പാലക്കുന്ന്: (www.kasargodvartha.com 28/02/2015) മംഗളൂരു - തിരുവനന്തപുരം എക്‌സ്പ്രസിന്റെ ഏ.സി കമ്പാര്‍ട്ട്‌മെന്റില്‍ ഷോര്‍ട്ട് സര്‍ക്യൂട്ടിനെ തുടര്‍ന്ന് തീപ്പൊരിയും പുകയും കണ്ടെത്തി. ഇതേതുടര്‍ന്ന് ട്രെയിന്‍ അരമണിക്കൂറോളം കോട്ടിക്കുളം റെയില്‍വെ സ്‌റ്റേഷനില്‍ നിര്‍ത്തിയിടേണ്ടിവന്നു.

ശനിയാഴ്ച വൈകിട്ടാണ് സംഭവം. ട്രെയിന്‍ കോട്ടിക്കുളം റെയില്‍വെ സ്റ്റേഷനില്‍ എത്തുന്നതിന് തൊട്ടുമുമ്പാണ് എസി കമ്പാര്‍ട്ട്‌മെന്റിന്റെ ബോഗിയുടെ അടിയില്‍ നിന്നും തീപ്പൊരിയും പുകയും കണ്ടത്. യാത്രക്കാര്‍ വിവരം നല്‍കിയതിന്റെ അടിസ്ഥാനത്തില്‍ 3.15 മണിയോടെ നിര്‍ത്തിയിട്ട ട്രെയിന്‍ തകരാര്‍ പരിഹരിച്ച ശേഷം 3.45 മണിയോടെയാണ് യാത്ര പുനരാരംഭിച്ചത്.

അതേസമയം വലിയ തകരാറല്ല ഉണ്ടായതെന്നും ട്രെയിനിന്റെ ലോക്കോ പൈലറ്റ് തന്നെ തകരാര്‍ പരിഹരിക്കുകയായിരുന്നുവെന്നും റെയില്‍വെ സ്റ്റേഷന്‍ ഉദ്യോഗസ്ഥര്‍ വിശദീകരിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Palakunnu, Udma, Train, Railway Station, Kasaragod, Kerala, Kottikulam, Mangalore, Thiruvananthapuram. 

Advertisement:
4:36 pm | 0 comments

പുസ്തക വായന എനിക്കിഷ്ടം: നഗരസഭാ ചെയര്‍മാന്‍ ടി.ഇ അബ്ദുല്ല

കാസര്‍കോട്: (www.kasargodvartha.com 28/02/2015) പുസ്തക വായന ഏറെ ഇഷ്ടപ്പെടുന്ന രാഷ്ട്രീയക്കാരനാണ് താനെന്ന് നഗരസഭാ ചെയര്‍മാന്‍ ടി.ഇ. അബ്ദുല്ല പറഞ്ഞു. കുട്ടിയാനം മുഹമ്മദ് കുഞ്ഞിയുടെ പ്രവാസത്തിന്റെ കാണാകഥകള്‍ എന്ന പുസ്തകപ്രകാശന പരിപാടിയുടെ ഉദ്ഘാടനം നിര്‍വ്വഹിച്ചു സംസാരിക്കുകയായിരുന്നു അദ്ദേഹം.

താന്‍ ഏകാന്തത ഇഷ്ടപ്പെടുന്നു. അതുകൊണ്ടുതന്നെ വായനയാണ് ഏറെ ഇഷ്ടം. ജോലിത്തിരക്കിനിടയില്‍ വിചാരിച്ച പോലെ വായിക്കാന്‍ സമയം കിട്ടാറില്ല. ഇപ്പോള്‍ അസുഖം ഏകാഗ്രത നഷ്ടപ്പെടുത്തുന്നുവെന്നും ചെയര്‍മാന്‍ കൂട്ടിച്ചേര്‍ത്തു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Kasaragod, Kerala, Book, Release, TE Abdulla, Kuttiyanam Muhammed Kunhi. 

4:00 pm | 0 comments

പ്രവാസത്തിന്റെ കാണാകഥകള്‍ പ്രകാശനം ചെയ്തു

കാസര്‍കോട്: (www.kasargodvartha.com 28/02/2015) കുട്ടിയാനം മുഹമ്മദ് കുഞ്ഞി എഴുതിയ പ്രവാസികളുടെ കാണാകഥകള്‍ എന്ന പുസ്തകം ശനിയാഴ്ച വൈകുന്നേരം കാസര്‍കോട് സിറ്റി ഹാളില്‍ നടന്ന ചടങ്ങില്‍ പ്രൊഫ. എം.എ. റഹ്മാന്‍, കെ.കെ. നായര്‍ സുള്ള്യയ്ക്കു നല്‍കി പ്രകാശനം ചെയ്തു. പുസ്തകം പ്രസിദ്ധീകരിച്ച വചനം ബുക്‌സിന്റെ ഡയരക്ടര്‍ അബ്ദുല്ലക്കോയ കണ്ണംകടവ് അധ്യക്ഷത വഹിച്ചു. പി.വി.കെ. പനയാല്‍ പുസ്തകം പരിചയപ്പെടുത്തി. ചടങ്ങ് നഗരസഭാ ചെയര്‍മാന്‍ ടി.ഇ.അബ്ദുല്ല ഉദ്ഘാടനം ചെയ്തു.

നാരായണന്‍ പേരിയ, ആറ്റൂര്‍ ശരത് ചന്ദ്രന്‍, ഉണ്ണികൃഷ്ണന്‍ പുഷ്പഗിരി, എ.എസ്. മുഹമ്മദ്കുഞ്ഞി, സി.എല്‍. ഹമീദ്, രാഘവന്‍ ബെള്ളിപ്പാടി എന്നിവര്‍ പ്രസംഗിച്ചു. കുട്ടിയാനം മുഹമ്മദ്കുഞ്ഞി മറുപടി പ്രസംഗം നടത്തി. സീതാദേവി കരിയാട്ട് സ്വാഗതവും ഇബ്രാഹിം ചെര്‍ക്കള നന്ദിയും പറഞ്ഞു. രാധാമണി കൊടകര, ഷീബ മലാക്ക എന്നിവര്‍ കവിതകള്‍ ആലപിച്ചു.

പ്രവാസജീവിതാനുഭവങ്ങളുടെ നേര്‍ വിവരണങ്ങളാണ് ഈ പുസ്തകമെന്നു പുസ്തകം പ്രകാശനം ചെയ്ത എം.എ. റഹ്മാനും പരിചയപ്പെടുത്തിയ പി.വികെ. പനയാലും പറഞ്ഞു.

വായനക്കാര്‍ക്കും കേള്‍വിക്കാര്‍ക്കും അവിശ്വസനീയമെന്നു തോന്നുന്ന ധാരാളം അനുഭവങ്ങള്‍ പേറിനടക്കുന്നവരാണ് പ്രവാസികള്‍. സ്വയം കഷ്ടപ്പെട്ടുകൊണ്ട് മറ്റുള്ളവരെ സഹായിക്കാനുള്ള മനസാണ് പ്രവാസികള്‍ക്കുള്ളത്.  പ്രവാസിയുടെ അനുഭവങ്ങളുടെ നേര്‍ വിവരണങ്ങളെ പ്രവാസാനുഭവമില്ലാത്തവര്‍ അവിശ്വസിക്കുകയും കഥകയായോ, നോവലായോ എഴുതിയാല്‍ അതിനെ കേവലം ഭാവനയായി മാത്രം  കാണുകയും ചെയ്യുന്നുവെന്നും  പ്രാസംഗികര്‍ പറഞ്ഞു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Pravasathinde Kanakadakal book released

Keywords: Book-release, Kasaragod, Kerala, Kuttiyanam Muhammed Kunhi, Pravasathinde Kanakadakal, MA Rahman. 

Advertisement:
3:15 pm | 0 comments

മുസ്ലീം യൂത്ത് ലീഗ് യുവ കേരള യാത്ര, മുനിസിപ്പല്‍ കണ്‍വെന്‍ഷന്‍

(www.kasargodvartha.com 28/02/2015) മുസ്ലീം യൂത്ത് ലീഗ് യുവ കേരള യാത്രയോടനുബന്ധിച്ചുള്ള കാസര്‍കോട് മുനിസിപ്പല്‍ കണ്‍വെന്‍ഷന്‍ എന്‍.എ. നെല്ലിക്കുന്ന് എം.എല്‍.എ. ഉദ്ഘാടനം ചെയ്യുന്നു.

Kasaragod, Kerala, Muslim Youth League, N.A.Nellikunnu, MLA, inauguration, Chalanam,

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
3:00 pm | 0 comments

16 കാരന്‍ ബൈക്കോടിച്ചതിനു ബൈക്കുടമയ്‌ക്കെതിരെ കേസ്

കാസര്‍കോട്: (www.kasargodvartha.com 28/02/2015) അപകടമുണ്ടാക്കും വിധം 16 കാരന്‍ ബൈക്കോടിച്ചതിനു ബൈക്കുടമയ്‌ക്കെതിരെ കേസ്. മുളിയാര്‍ കോലാച്ചിയടുക്കത്തെ അബ്ദുര്‍ റഹ്മാനെതിരെയാണ് ടൗണ്‍ പോലീസ് കേസെടുത്തത്.

വെള്ളിയാഴ്ച ഉച്ചയ്ക്ക് 12.30 മണിയോടെ കാസര്‍കോട് പഴയ ബസ് സ്റ്റാന്‍ഡ് പരിസരത്തു നിന്നാണ് കെ.എല്‍. 14 എന്‍. 3018 നമ്പര്‍ ബൈക്കു പിടികൂടിയത്. മധൂര്‍ ചേനക്കോട് സ്വദേശിയാണ് ബൈക്കോടിച്ച 16കാരന്‍.

പരിചയമുള്ളതിനാലാണ് ബൈക്ക് ഓടിക്കാന്‍ നല്‍കിയതെന്നാണ് അബ്ദുര്‍ റഹ്മാന്‍ പറയുന്നത്.
Kasaragod, Kerala, case, Bike, Police, Abdul Rahman, Town Police,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
2:06 pm | 0 comments

ഗള്‍ഫുകാരന്റെ ഭാര്യയുടെ കിടപ്പറയില്‍ നിന്നും പിടികൂടിയ വാഹനബ്രോക്കര്‍ക്ക് നാട്ടുകാരുടെ ക്രൂരമര്‍ദനം

കാഞ്ഞങ്ങാട്: (www.kasargodvartha.com 28/02/2015) ഗള്‍ഫുകാരന്റെ ഭാര്യയുടെ കിടപ്പറയില്‍ നിന്നും പിടികൂടിയ വാഹനബ്രോക്കര്‍ക്ക് നാട്ടുകാരുടെ ക്രൂരമര്‍ദനം. അതിഞ്ഞാല്‍ സ്വദേശിയും കുശാല്‍ നഗറില്‍ താമസക്കാരനുമായ 40 കാരനായ വാഹനബ്രോക്കറെയാണ് നാട്ടുകാര്‍ ക്രൂരമായി മര്‍ദിച്ചത്. ഇയാളെ പരിക്കുകളോടെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചു.

വെള്ളിയാഴ്ച അര്‍ദ്ധരാത്രിയോടെയാണ് മീനാപ്പീസിലെ ഗള്‍ഫുകാരന്റെ ഭാര്യയുടെ കിടപ്പറയില്‍ നിന്നും വാഹനബ്രോക്കറെ നാട്ടുകാര്‍ പിടികൂടിയത്. വാഹനബ്രോക്കറുടെ പീഡനത്തെ തുടര്‍ന്ന് ഭാര്യ രണ്ട് മക്കളെയും കൂട്ടി പിണങ്ങി വീട്ടില്‍ കഴിയുകയാണ്. നേരത്തെ കല്ലൂരാവിയില്‍ താമസിച്ചിരുന്ന വാഹനബ്രോക്കര്‍ അടുത്തിടെയാണ് വീടും സ്ഥലവും വിറ്റ് കുശാല്‍ നഗറിലേക്ക് താമസം മാറിയത്.

അതേ സമയം വാഹനബ്രോക്കറുടെ ശല്യം കാരണം നാട്ടുകാര്‍ ഒപ്പു ശേഖരിച്ച് ഹൊസ്ദുര്‍ഗ് പോലീസില്‍ പരാതിയും നല്‍കിയിട്ടുണ്ട്. നേരത്തെ ഖത്തറില്‍ ബിസിനസ് ചെയ്തിരുന്ന ഇയാള്‍ ബിസിനസ് പൊളിഞ്ഞതിനെ തുടര്‍ന്നാണ് നാട്ടിലെത്തി വാഹനബ്രോക്കറായി ജോലി ആരംഭിച്ചത്.
Kanhangad, Kerala, kasaragod, Assault, Attack, Vehicle Broker, Natives, Business, Qatar, Fail,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

2:06 pm | 0 comments

ടെമ്പോയും കാറും കൂട്ടിയിടിച്ച് മൂന്നു പേര്‍ക്ക് പരിക്ക്

ചീമേനി: (www.kasargodvartha.com 28/02/2015) ടെമ്പോയും കാറും കൂട്ടിയിടിച്ച് കാര്‍ യാത്രക്കാരായ മൂന്നു പേര്‍ക്ക് പരിക്കേറ്റു. പെരിങ്ങോത്തെ രാഹുല്‍ (29), സജി (41), സജീഷ് (37) എന്നിവര്‍ക്കാണ് പരിക്കേറ്റത്. ഇവരെ ചെറുവത്തൂരിലെ കെ.എ.എച്ച്. ആശുപത്രിയില്‍ പ്രവേശിപ്പിച്ചു. ശനിയാഴ്ച രാവിലെ 9.30 മണിയോടെയാണ് അപകടം.

അമിതവേഗതയില്‍ വന്ന ടെമ്പോ കാറിലിടിക്കുകയായിരുന്നു.
Kasaragod, Kerala, Car-Accident, Accident, cheemeni, Injured, hospital,

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
2:00 pm | 0 comments

തലപ്പാടി സംഘര്‍ഷം: 2 പേർ അറസ്റ്റില്‍

മംഗളൂരു: (www.kasargodvartha.com 28/02/2015) തലപ്പാടി കെ.സി.റോഡില്‍ ബുധനാഴ്ച ഇരു വിഭാഗങ്ങള്‍ തമ്മിലുണ്ടായ സംഘര്‍ഷവുമായി ബന്ധപ്പെട്ടു പോലീസ് രണ്ടു പേരെ അറസ്റ്റു ചെയ്തു. കിന്യ വാട്ടര്‍ ടാങ്കിനടുത്ത ഷഫീഖ് (31), തലപ്പാടിയിലെ അസ്ലം (28) എന്നിവരാണ് അറസ്റ്റിലായത്.

Mangalore, arrest, Police, In connection with the group clashes at K C Road near Talapady relating to dispute over hanging of buntings and banners, the police have taken into custody several people. Two have been arrested for their involvement in the disturbances. In the meanwhile, prohibitory orders issued within the limits of Ullal and Konaje police stations have been extended till March 2.റോഡരികില്‍ ഒരു ആരാധനാലയത്തിനു മുന്നില്‍ തോരണങ്ങളും ബാനറുകളും കെട്ടിയതിനെ ചൊല്ലിയാണ് സംഘര്‍മുണ്ടായത്. സംഘര്‍ഷത്തെ തുടര്‍ന്നു ഉള്ളാള്‍, കൊണാജെ പോലീസ് സ്‌റ്റേഷന്‍ പരിധികളില്‍ നിലനില്‍ക്കുന്ന നിരോധനാജ്ഞ മാര്‍ച്ച് രണ്ടുവരെ നീട്ടിയിട്ടുണ്ട്. സംഘര്‍ഷവുമായി ബന്ധപ്പെട്ടു നിരവധി പേര്‍ പോലീസിന്റെ കസ്റ്റഡിയിലാണ്. സംഘര്‍ഷത്തിനിടെയുണ്ടായ കല്ലേറിലും തീവെപ്പിലും നിരവധി കടകളും  വാഹനങ്ങളും നശിച്ചിരുന്നു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Mangalore, arrest, Police, In connection with the group clashes at K C Road near Talapady relating to dispute over hanging of buntings and banners, the police have taken into custody several people. Two have been arrested for their involvement in the disturbances. In the meanwhile, prohibitory orders issued within the limits of Ullal and Konaje police stations have been extended till March 2.

Advertisement:
1:52 pm | 0 comments

പശു പറമ്പില്‍ കയറിയതിനെ ചൊല്ലി ഗൃഹനാഥന് അയല്‍വാസിയുടെ മര്‍ദനം

രാജപുരം: (www.kasargodvartha.com 28/02/2015) പശു പറമ്പില്‍ കയറിയതിനെ ചൊല്ലി ഗൃഹനാഥന് അയല്‍വാസിയുടെ മര്‍ദനം. രാജപുരം ആടകത്തെ തോമസിനാണ് (58) അക്രമത്തില്‍ പരിക്കേറ്റത്.

വെള്ളിയാഴ്ച വൈകുന്നേരം അയല്‍വാസിയായ കുഞ്ഞിരാമനാണ് മര്‍ദിച്ചതെന്ന് ആശുപത്രിയില്‍ കഴിയുന്ന തോമസ് പറഞ്ഞു. സംഭവവുമായി ബന്ധപ്പെട്ട് കുഞ്ഞിരാമനെതിരെ രാജപുരം പോലീസ് കേസെടുത്തു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
മോഡി സര്‍ക്കാര്‍ ആര്‍.എസ്.എസ് സര്‍ക്കാര്‍: സീതാറാം യെച്ചൂരി

Keywords: Cow, Hospital, Police, Case, Rajapuram, Kasaragod, Kerala, Enter, Guardian, Attack.

Advertisement:
1:50 pm | 0 comments

അനധികൃത കമാനങ്ങള്‍ക്കെതിരെ പോലീസ് നടപടി വരുന്നു

കാസര്‍കോട്: (www.kasargodvartha.com 28/02/2015) റോഡിനു കുറുകെ അനധികൃത കമാനങ്ങള്‍ സ്ഥാപിക്കുന്നതിനെതിരെ പോലീസ് നടപടി. ആദ്യപടിയായി 5000 രൂപ പിഴയീടാക്കുമെന്ന് കാസര്‍കോട് ടൗണ്‍ സി.ഐ. പി.കെ. സുധാകരന്‍ പറഞ്ഞു. കമാനങ്ങള്‍ സ്ഥാപിക്കണമെങ്കില്‍ ദേശീയ പാതാ അധികൃതര്‍, ജില്ലാ കലക്ടര്‍, ജില്ലാ പോലീസ് മേധാവി എന്നിവരില്‍ നിന്നു അനുമതി വാങ്ങണമെന്നാണു ചട്ടം.

എന്നാല്‍ പലരും അത് പാലിക്കുന്നില്ല. പരിപാടി കഴിഞ്ഞാലും പല സംഘടനകളും കമാനങ്ങള്‍ ദിവസങ്ങളോളം അഴിച്ചു മാറ്റാത്ത സ്ഥിതിയുമുണ്ട്. റോഡരികില്‍ തോരണങ്ങള്‍, ഫല്‍ക്‌സ് ബോര്‍ഡുകള്‍, കൊടികള്‍ എന്നിവ സ്ഥാപിക്കുന്നതിനും പോലീസ് കര്‍ശന നിയന്ത്രണം ഏര്‍പെടുത്തിയിട്ടുണ്ട്. ക്രമസമാധാന പാലനത്തിന്റെ ഭാഗമായാണ് നടപടിയെന്നു സി.ഐ. പറഞ്ഞു.

റോഡരികുകളിലെ അനധികൃത പെട്ടിക്കടകള്‍, സ്റ്റാളുകള്‍, മത്സ്യവില്‍പനയ്ക്കുള്ള പന്തലുകള്‍ എന്നിവ ഒഴിപ്പിക്കും. ഇതിനു മുന്നോടിയായി കട നടത്തിപ്പുകാര്‍ക്കു പോലീസ് നോട്ടീസ് നല്‍കിയിട്ടുണ്ട്.
Kasaragod, Kerala, Police, Arches in roads, District Collector,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
1:47 pm | 0 comments

7 വയസുകാരിയെ പീഡിപ്പിച്ച 40 കാരനെ അറസ്റ്റ് ചെയ്തു

നീലേശ്വരം: (www.kasargodvartha.com 28/02/2015) ഏഴ് വയസുകാരിയെ പീഡിപ്പിച്ച സംഭവത്തില്‍ 40 കാരനെ പോലീസ് അറസ്റ്റ് ചെയ്തു. കരിന്തളം ഓമച്ചേരിയിലെ സദാശിവനെ (40) യാണ് നീലേശ്വരം പോലീസ് അറസ്റ്റ് ചെയ്തത്. പ്രതിയെ ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് (രണ്ട്) കോടതി രണ്ടാഴ്ചത്തേക്ക് റിമാന്‍ഡ് ചെയ്തു.

വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന കുട്ടിയെ പ്രലോഭിപ്പിച്ച് സ്വന്തം വീട്ടിലേക്ക് കൊണ്ടുപോയി ലൈംഗികമായി പീഡിപ്പിച്ചുവെന്നാണ് കേസ്. ഫെബ്രുവരി 22ന് വൈകുന്നേരമായിരുന്നു സംഭവം. കുട്ടി താമസ സ്ഥലത്തെത്തി അസ്വസ്ഥത പ്രകടിപ്പിച്ചപ്പോഴാണ് വിവരം പുറത്തായത്.

ജില്ലാ ആശുപത്രിയില്‍ നടത്തിയ പരിശോധനയില്‍ കുട്ടി പീഡനത്തിനിരയായതായി തെളിഞ്ഞിരുന്നു. ഇതേതുടര്‍ന്ന് കുട്ടിയുടെ മുത്തച്ഛന്‍ നല്‍കിയ പരാതിയിലാണ് സദാശിവനെതിരെ കേസെടുത്തതും പിന്നീട് അറസ്റ്റ് ചെയ്തതും.

ഇതിനിടെ ഇരയുടെ മൊഴിയെടുക്കമെന്ന് ആവശ്യപ്പെട്ട് പോലീസ് ഹൊസ്ദുര്‍ഗ് കോടതിയില്‍ റിപ്പോര്‍ട്ട് നല്‍കി. ഇതിന്റെ അടിസ്ഥാനത്തില്‍ വെള്ളിയാഴ്ച വൈകുന്നേരം ഹൊസ്ദുര്‍ഗ് കോടതി കുട്ടിയുടെ രഹസ്യമൊഴി രേഖപ്പെടുത്തി. പ്രതിയെ കോടതി റിമാന്‍ഡ് ചെയ്തു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Related News: 
7 വയസ്സുകാരിയെ ബന്ധുവായ 40 കാരന്‍ പീഡിപ്പിച്ചു
Keywords: Nileshwaram, Molestation, Accuse, Arrest, Kasaragod, Kanhangad, Police, Complaint, Sadasivan. 

Advertisement:
1:40 pm | 0 comments

നാട്ടുകാരെ ഭീതിയിലാഴ്ത്തിയ പുള്ളിപ്പുലി കെണിയില്‍ കുടുങ്ങി

മംഗളൂരു: (www.kasargodvartha.com 28/02/2015) 18 മാസമായി മുള്‍ക്കി പ്രദേശവാസികളുടെ ഉറക്കം നഷ്ടപ്പെടുത്തിയ പുള്ളിപ്പുലി ഒടുവില്‍ കെണിയില്‍ കുടുങ്ങി. കിന്നിഗോളി എളിഞ്ചെ ഷുണ്ടിപ്പാടി കുന്നിലാണ് പുലി കെണിയില്‍ കുടുങ്ങിയത്. വെള്ളിയാഴ്ച രാവിലെ അണ്ണു മൂല്യ എന്നയാളാണ് പുലിയെ കെണിയില്‍ കുടുങ്ങി പിടയുന്നതു കണ്ടത്. ശരത് ഷെട്ടി എന്നയാളുടെ വീട്ടിനടുത്ത കുന്നിന്‍ ചെരിവില്‍ വെച്ച കെണിയിലാണ് പുലി കുടുങ്ങിയത്.

വിവരമറിഞ്ഞു നിരവധി നാട്ടുകാരും വനം വകുപ്പുദ്യോഗസ്ഥരും സ്ഥലത്തെത്തി. പുലിയെ തന്ത്രപരമായി പ്രത്യേക കൂട്ടിലാക്കിയ ശേഷം പിലിക്കുള വനത്തില്‍ തുറന്നുവിട്ടു. ഉളേപ്പാടിയിലാണ് ആദ്യം പുലിയെ നാട്ടുകാര്‍ കണ്ടത്. രണ്ടു കുട്ടികളും അന്നു പുലിക്കൊപ്പമുണ്ടായിരുന്നു. തുടര്‍ന്നു നിരവധി വളര്‍ത്തു മൃഗങ്ങള്‍ പുലിയുടെ ഇരയായി. നാട്ടുകാരൊന്നടങ്കം ഭീതിയില്‍ കഴിയുന്നതിനിടെയാണ് പുലി പിടിയിലായത്. പുലിയുടെ കുട്ടികള്‍ ഇപ്പോള്‍ വലുതായിട്ടുണ്ടാകാമെന്നും അവ ഈ പ്രദേശത്തു തന്നെ ഉണ്ടാകുമെന്നും വനം വകുപ്പുദ്യോഗസ്ഥരും നാട്ടുകാരും കരുതുന്നു.
Mangalore, Natives, House, Leopard, The leopard that had been giving sleepless nights to the people living in Mulky revenue division in the taluk for the last nearly 18 months was finally found to have been stuck in a trap at Elinje Shuntipady hillock near Kinnigoli, Leopard that had harassed people for 18 months finally caught.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Mangalore, Natives, House, Leopard, The leopard that had been giving sleepless nights to the people living in Mulky revenue division in the taluk for the last nearly 18 months was finally found to have been stuck in a trap at Elinje Shuntipady hillock near Kinnigoli, Leopard that had harassed people for 18 months finally caught.

Advertisement:
1:34 pm | 0 comments

വീട്ടമ്മയ്ക്ക് ഗുരുതരമായി പൊള്ളലേറ്റു

തൃക്കരിപ്പൂര്‍: (www.kasargodvartha.com 28/02/2015) വീട്ടമ്മയ്ക്ക് ഗുരുതരമായി പൊള്ളലേറ്റു. തൃക്കരിപ്പൂര്‍ കടപ്പുറത്തെ എ.കെ.വി കുഞ്ഞാത (75) യ്ക്കാണ് വീട്ടില്‍ വെച്ച് പൊള്ളലേറ്റത്. ശനിയാഴ്ച പുലര്‍ച്ചെയാണ് സംഭവം. ദേഹത്ത് മണ്ണെണ്ണയൊഴിച്ച് തീകൊളുത്തുകയായിരുന്നുവെന്നാണ് പറയപ്പെടുന്നത്.

Trikaripur, Housewife, fire, Burned, House, Hospital, Injured, നിലവിളി കേട്ടെത്തിയ വീട്ടുകാരും നാട്ടുകാരും ചേര്‍ന്ന് തീകെടുത്തി ഉടന്‍ തന്നെ പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയായിരുന്നു. ഇവര്‍ക്ക് 80 ശതമാനത്തിലധികം പൊള്ളലേറ്റിട്ടുണ്ട്. സംഭവത്തെ കുറിച്ച് ചന്തേര പോലീസ് അന്വേഷണം ആരംഭിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
1:06 pm | 0 comments

ക്ഷേത്ര വളപ്പില്‍ തീപിടുത്തം

പൊയ്‌നാച്ചി: (www.kasargodvartha.com 28/02/2015) ക്ഷേത്രവളപ്പില്‍ തീപിടുത്തം. മൈലാട്ടി പൂക്കുന്നത്ത് ശാസ്താ ഭഗവതി ക്ഷേത്ര വളപ്പിലാണ് വെള്ളിയാഴ്ച ഉച്ചയ്ക്ക് തീപിടുത്തമുണ്ടായത്. കശുമാവുകളും കുറ്റിച്ചെടികളും പുല്ലും കത്തിനശിച്ചു. ക്ഷേത്രവളപ്പില്‍ ഒരു മാസത്തിനിടെ ഇത് രണ്ടാം തവണയാണ് അഗ്നിബാധയുണ്ടാകുന്നത്.

നാട്ടുകാരും ഫയര്‍ഫോഴ്‌സും മണിക്കൂറുകളോളം ശ്രമിച്ചാണ് തീയണച്ചത്. വൈദ്യുതി ലൈനില്‍ നിന്ന് തീപ്പൊരി വീണാണ് അഗ്നിബാധയുണ്ടായതെന്ന് സംശയിക്കുന്നു. ക്ഷേത്രപരിസരം വരെ തീ പടര്‍ന്നെത്തിയെങ്കിലും ക്ഷേത്ര ചുറ്റുമതിലിനോട് ചേര്‍ന്ന് ഒഴിഞ്ഞ സ്ഥലമായതിനാലാണ് തീ ക്ഷേത്രത്തിലേക്ക് പടരാതിരുന്നത്.
 Poinachi, Temple, fire, Temple compound, Wall,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
1:04 pm | 0 comments

പാണത്തൂരിലെ ഗുണ്ടാ ആക്രമണം; 3 പേര്‍ക്കെതിരെ കേസ്

കാഞ്ഞങ്ങാട്: (www.kasargodvartha.com 28/02/2015) കഴിഞ്ഞ ദിവസം പാണത്തൂരില്‍ ഗുണ്ടാസംഘങ്ങള്‍ തമ്മിലുണ്ടായ ഏറ്റുമുട്ടലില്‍ ഒരാള്‍ക്ക് വെട്ടേറ്റ സംഭവത്തില്‍ മൂന്നു പേര്‍ക്കെതിരെ രാജപുരം പോലീസ് കേസെടുത്തു. പാണത്തൂര്‍ പരിയാരം സ്വദേശികളായ സലാം, ദിനേശ്, ഡെയ്‌നി എന്നിവര്‍ക്കെതിരെയാണ് കേസ്. സംഘര്‍ഷത്തില്‍ ജോബ് എന്നയാള്‍ക്കാണ് വെട്ടേറ്റത്.

സലാമും കൂട്ടരും സഞ്ചരിച്ച കാറിനെ ജോബും സുഹൃത്തുക്കളും മറ്റൊരു കാറിലെത്തി തടഞ്ഞതിനെ തുടര്‍ന്നാണ് സംഘര്‍ഷമുണ്ടായത്. മുന്‍ വൈരാഗ്യമാണ് അക്രമത്തിന് കാരണമായതെന്ന് പോലീസ് പറഞ്ഞു.
Kasaragod, Kerala, case, Kanhangad, Accuse, Attack, Assault,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
12:57 pm | 0 comments

for MORE News select date here

KVARTHA: LATEST NEWS

Obituary

Read More Obituary News

Mangalore

Read More Mangalore News

കൂടുതൽ വായിച്ചത് | Most Read Stories