Hi guest ,  welcome  |  Visit Kvartha  |  Visit Keralaflash  |  Reading Problem? Download Font

കാസര്‍കോട് സ്വദേശിയെ തൊക്കോട്ട് കൊള്ളയടിച്ചു; ഒരാള്‍ പിടിയില്‍

Written By kvarthakgd1 on Sunday, 20 April 2014 | 10:00 pm

കാസര്‍കോട്: (www.kasargodvartha.com 20.04.2014) കാസര്‍കോട് സ്വദേശിയായ ബ്രോക്കറെ പ്രലോഭിപ്പിച്ച് കൂട്ടിക്കൊണ്ടുപോയി തൊക്കോട്ട് വെച്ച് ഒരു സംഘം കൊള്ളയടിച്ചു. സംഭവത്തില്‍ ഒരാളെ ഉള്ളാള്‍ പോലീസ് പിടികൂടി. വെള്ളിയാഴ്ചയാണ് കേസിനാസ്പദമായ സംഭവം. ഒരു സ്ത്രീയെ കാട്ടി പ്രലോഭിപ്പിച്ചാണ് തളങ്കര സ്വദേശിയായ സ്വത്ത് - വാഹന ബ്രോക്കറെ നാലംഗ സംഘം തൊക്കോട്ട് കൊണ്ടുപോയി കൊള്ളയടിച്ചത്.

അതിന് ശേഷം പാതിരാത്രി റോഡരികില്‍ ഉപേക്ഷിക്കുകയായിരുന്നു. പണം, വാച്ച്, സ്വര്‍ണ മോതിരം, എ.ടി.എം കാര്‍ഡ്, എന്നിവയടക്കം 60,000 രൂപയോളമാണ് കൊള്ളയടിച്ചതെന്നാണ് വിവരം. സംഭവത്തില്‍ അഷ്ഫാഖ് എന്നയാളാണ് ഉള്ളാള്‍ പോലീസിന്റെ പിടിയിലായത്. ഇയാളുടെ കൂട്ടാളികള്‍ക്ക് വേണ്ടി പോലീസ് തിരച്ചില്‍ നടത്തിവരികയാണ്. ആസൂത്രിതമായി പദ്ധതി തയ്യാറാക്കിയാണ് കൊള്ള നടത്തിയതെന്ന് വ്യക്തമായിട്ടുണ്ട്.

Kasaragod, Thalangara, Kerala, Arrest, Case, Ullal, Police, Thekkod, Ashfaq, Looted.പിടിയിലായ അഷ്ഫാഖിനെ പോലീസ് കൂടുതല്‍ ചോദ്യംചെയ്തു വരികയാണ്. മറ്റുള്ളവര്‍ക്ക് വേണ്ടി തിരച്ചില്‍ ഊര്‍ജിതമാക്കിയിട്ടുണ്ട്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kasaragod, Thalangara, Kerala, Arrest, Case, Ullal, Police, Thekkod, Ashfaq, Looted. 

Advertisement:
10:00 pm | 0 comments

യുവാവ് വെടിയേറ്റ് മരിച്ച സംഭവം: സി.ഐ.ഡി അന്വേഷണം പ്രഖ്യാപിച്ചു

മംഗലാപുരം: (www.kasargodvartha.com 20.04.2014) നക്‌സല്‍ വിരുദ്ധ സേനയുടെ വെടിയേറ്റ് യുവാവ് മരിക്കാനിടയായ സംഭവത്തില്‍ ഏറെ പ്രതിഷേധങ്ങള്‍ നിലനില്‍ക്കെ കര്‍ണാടക സര്‍ക്കാര്‍ സി.ഐ.ഡി അന്വേഷണം പ്രഖ്യാപിച്ചു. മംഗലാപുരം കൃഷ്ണപുരം സ്വദേശിയായ കബീര്‍ ആണ് കാസര്‍കോട്ടേക്ക് കന്നുകാലികളെ കടത്തുന്നതിനിടെ ചെക്ക്‌പോസ്റ്റില്‍ വെച്ച് നക്‌സല്‍ വിരുദ്ധ സേനയുടെ വെടിയേറ്റ് മരിച്ചത്.

ചെക്ക്‌പോസ്റ്റില്‍ കൈകാണിച്ചിട്ടും നിര്‍ത്താതെ പോയ വാഹനത്തിന് നേരെ നക്‌സലുകളെന്ന് കരുതി വെടുയുതിര്‍ക്കുകയായിരുന്നുവെന്നാണ് സേനയുടെ വാദം. എന്നാല്‍ കൈകാണിച്ച് നിര്‍ത്തി വാഹനത്തില്‍ നിന്നും പുറത്തിറങ്ങിയപ്പോള്‍ വെടിവെക്കുകയായിരുന്നുവെന്നും കബീറിന് വെടിയേറ്റപ്പോള്‍ തങ്ങള്‍ ഓടിപ്പോവുകയായിരുന്നുവെന്നുമാണ് കബീറിനൊപ്പമുണ്ടായിരുന്നവര്‍ മൊഴി നല്‍കിയിരിക്കുന്നത്. ശനിയാഴ്ച താനികോടു ശ്രിംഗേരിയിലായിരുന്നു സംഭവം.

Mangalore, Karnataka, Investigation, National, Kasaragod, Check-post, Kabeer, Minister, CID probe ordered into Kabeer's killing.
കബീര്‍
ഇതിനിടയില്‍ മയ്യത്ത് ഖബറടക്കാനായി കൊണ്ടുപോകുന്നതിനിടെ കബീറിന്റെ സഹോദരനെ ബജ്‌റംഗ്ദള്‍ പ്രവര്‍ത്തകന്‍ ആക്രമിച്ചിരുന്നു. ഈ സംഭവത്തിലും വിശദമായ അന്വേഷണം നടത്തി കുറ്റക്കാര്‍ക്കെതിരെ ശക്തമായ നടപടിയെടുക്കുമെന്നും മന്ത്രി യു.ടി ഖാദര്‍ വ്യക്തമാക്കി.

കൊല്ലപ്പെട്ട കബീറിന്റെ കുടുംബത്തിന് കര്‍ണാടക സര്‍ക്കാര്‍ അഞ്ച് ലക്ഷം രൂപ നഷ്ടപരിഹാരം പ്രഖ്യാപിച്ചതായി യു.ടി. ഖാദര്‍ അറിയിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Related News:
യുവാവ് നക്‌സല്‍ വിരുദ്ധ സേനയുടെ വെടിയേറ്റ് മരിച്ച സംഭവം: ദുരൂഹതയേറുന്നു

Keywords: Mangalore, Karnataka, Investigation, National, Kasaragod, Check-post, Kabeer, Minister, CID probe ordered into Kabeer's killing

Advertisement:
9:59 pm | 0 comments

പുത്തൂരില്‍ ഉത്സവത്തിനെത്തിയ രണ്ട് വിദ്യാര്‍ത്ഥികള്‍ പുഴയില്‍ മുങ്ങി മരിച്ചു

മുള്ളേരിയ: (www.kasargodvartha.com 20.04.2014) കര്‍ണാടക പുത്തൂര്‍ വീരമംഗലയില്‍ കുമാരധാര നദിയില്‍ ഒഴുക്കില്‍ പെട്ട് മുള്ളേരിയ സ്വദേശിയടക്കം രണ്ട് വിദ്യാര്‍ത്ഥികള്‍ മരിച്ചു. മുള്ളേരിയ ബീരംഗോളുവിലെ ബാലകൃഷ്ണ മണിയാണിയുടെ മകനും പുത്തൂരിലെ സ്വകാര്യ കോളജില്‍ രണ്ടാം വര്‍ഷ വിദ്യാര്‍ത്ഥിയുമായ മഹേഷ് (18), സഹപാഠിയും പുത്തൂരിലെ യശോദയുടെ മകനുമായ അജിത്(18) എന്നിവരാണ് മരിച്ചത്.

ശനിയാഴ്ച പുത്തൂര്‍ മഹാലിംഗേശ്വര ക്ഷേത്ര ഉത്സവത്തിനു ശേഷം കുമാരധാര നദിയില്‍ നടന്ന ആറാട്ടു കാണാന്‍ എത്തിയതായിരുന്നു വിദ്യാര്‍ത്ഥികള്‍. ആറാട്ടിനു ശേഷം ഇരുവരും പുഴയില്‍ കുളിക്കാനിറങ്ങി. അതിനിടയില്‍ പുഴയില്‍ മുങ്ങിയ ശരണ്‍ എന്ന കുട്ടിയെ രക്ഷിക്കാനുള്ള ശ്രമത്തിനിടെയാണ് മഹേഷും അജിത്തും മരിച്ചത്. ശരണ്‍ രക്ഷപ്പെടുകയും ചെയ്തു.

Mulleria, River, Drown, Death, Obituary, Kasaragod, Kerala, Puthur, Students, Mahesh, Ajith,Two PUC students drown in Kumaradhara during temple fest.
അജിത്
Mulleria, River, Drown, Death, Obituary, Kasaragod, Kerala, Puthur, Students, Mahesh, Ajith,Two PUC students drown in Kumaradhara during temple fest.
മഹേഷ്
മംഗലാപുരത്തു നിന്നെത്തിയ മുങ്ങല്‍ വിദഗ്ധരാണ് മൃതദേഹങ്ങള്‍ പുറത്തെടുത്തത്. ബാലകൃഷ്ണ മണിയാണി - ചന്ദ്രാവതി ദമ്പതികളുടെ ഏക മകനാണ് മഹേഷ്. അജിത്തും കുടുംബവും നേരത്തെ കിന്നിംഗാറിലായിരുന്നു താമസം. പോസ്റ്റു മോര്‍ട്ടത്തിനു ശേഷം മൃതദേഹങ്ങള്‍ ഞായറാഴ്ച രാവിലെ സംസ്‌ക്കരിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Mulleria, River, Drown, Death, Obituary, Kasaragod, Kerala, Puthur, Students, Mahesh, Ajith,Two PUC students drown in Kumaradhara during temple fest. 

Advertisement:
9:27 pm | 0 comments

സീതി ഹാജി മെമ്മോറിയല്‍ ഫുട്‌ബോള്‍ ടൂര്‍ണമെന്റ്‌ മെയ് 9ന്

ദുബൈ: (www.kasargodvartha.com 20.04.2014) കെ.എം.സി.സി നേതാവും മന്ത്രി മഞ്ഞളാംകുഴി അലിയുടെ മകനുമായ അംജദ് മഞ്ഞളാംകുഴിയുടെ നിര്യാണത്തെ തുടര്‍ന്ന് മാറ്റിവെച്ച ദുബൈ മലപ്പുറം ജില്ലാ കെ.എം.സി.സി സംഘടിപ്പിക്കുന്ന എട്ടാമത് സീതിഹാജി മെമ്മോറിയല്‍ ഫുട്‌ബോള്‍ ടൂര്‍ണമെന്റ് മെയ് ഒമ്പത് വെള്ളിയാഴ്ച മുതല്‍ അല്‍ വസല്‍ സ്‌പോര്‍ട്‌സ് ക്ലബ് ഗ്രൗണ്ടില്‍ നടക്കും.

യു.എ.ഇ യിലെ പ്രമുഖരായ മലയാളി താരങ്ങള്‍ അണിനിരക്കുന്ന ടീമുകളാണ് ടൂര്‍ണമെന്റില്‍ മാറ്റുരക്കുന്നത്. കഴിഞ്ഞ ഏഴു വര്‍ഷങ്ങളിലായി വന്‍ ജന പങ്കാളിത്തത്തോടെ ആണ് ടൂര്‍ണമെന്റ് നടന്നിരുന്നത്. കാണികള്‍ക്ക് വിരുന്നായി കെ.എം.സി.സി സംസ്ഥാന ജില്ലാ ഭാരവാഹികളുടെ പ്രദര്‍ശന മത്സരവും ഒരുക്കിയിട്ടുണ്ട്. കൂടുതല്‍ വിവരങ്ങള്‍ക്ക്: 050 5283336 എന്ന നമ്പറില്‍ ബന്ധപ്പെടുക.

Gulf, Dubai, Dubai-KMCC, KMCC, Football, Football tournament, Footballer, ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Malayalam News, Gulf, Dubai, Dubai-KMCC, KMCC, Football, Football tournament, Footballer, .

Advertisement:
9:26 pm | 0 comments

കാസര്‍കോട് ജില്ലാ മുസ്ലിം ലീഗ് ജില്ലാ ജനറല്‍ സെക്രട്ടറി എം.സി. ഖമറുദ്ദീന് സ്വീകരണം നല്‍കും

ദുബൈ: (www.kasargodvartha.com 20.04.2014) ഹ്രസ സന്ദര്‍ശനാര്‍ത്ഥം ദുബൈയില്‍ എത്തിയ കാസര്‍കോട് ജില്ലാ മുസ്ലിം ലീഗ് ജനറല്‍ സെക്രട്ടറി എംസി. ഖമറുദ്ദീന് ദുബൈ കാസര്‍കോട് ജില്ലാ കെഎംസിസി ഏപ്രില്‍ നാലിന് രാത്രി ഒമ്പത് മണിക്ക് അല്‍ ബഹറ കെഎംസിസി ആസ്ഥാനത്ത് വെച്ച് സ്വീകരണം നല്‍കും.

കേന്ദ്ര സ്റ്റേറ്റ് നേതാക്കള്‍ പങ്കെടുക്കുന്ന പരിപാടിയില്‍ ജില്ലയിലെ മുഴുവന്‍ മണ്ഡലം, പഞ്ചായത്ത് ഭാരവാഹികളും പ്രവര്‍ത്തകരും കൃത്യ സമയത്ത് എത്തിച്ചേരണമെന്ന് ജില്ലാ പ്രസിഡന്റ് ഹംസ തൊട്ടിയും ജനറല്‍ സെക്രട്ടറി അബ്ദുല്ല ആറങ്ങാടിയും ആറിയിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Malayalam News, Gulf, Dubai, Dubai-KMCC.

Advertisement:
9:25 pm | 0 comments

ട്രോഫി നിര്‍മ്മാണം: യുവശില്‍പികള്‍ ശ്രദ്ധേയരാകുന്നു

നീലേശ്വരം: (www.kasargodvartha.com) കലാകായിക മത്സര വിജയികള്‍ക്ക് നല്‍കാന്‍ പൊതുവെ ഉത്തരേന്ത്യയില്‍ നിര്‍മ്മികുന്ന പതിവ് ട്രോഫികളും ഷീല്‍ഡുകളും ഒഴിവാക്കി തടിയില്‍ നിമ്മിക്കുന്ന ചാതുരിയാത്ത ട്രോഫികള്‍ സാര്‍വ്വത്രികമാവുകയാണ്.

ശില്‍പങ്ങള്‍ തിര്‍ക്കാന്‍ ഉപയോഗിക്കുന്ന കുമുദ്, തേക്ക്, വീട്ടി (ഈട്ടി) തുടങ്ങിയ മരത്തടികളില്‍ വ്യത്യസ്ഥ മാതൃകയില്‍ ട്രാഫികളും ശില്‍പങ്ങളും തിര്‍ത്ത് നിലേശ്വരത്തുകാരന്‍ ടി.വി.സുജിത്തും രാവണേശ്വരം പടിക്കനം സ്വദേശി കെ. ഉണ്ണികൃഷ്ണനും ശ്രദ്ധേയരാവുന്നു.

കര്‍ണാടകത്തിലെ ക്ഷേത്രശില്‍പിയായ ഉണ്ണികൃഷ്ണന്‍ അപൂര്‍വ്വമായി ലഭിക്കുന്ന ഒഴിവ് സമയങ്ങള്‍ സുഹൃത്തും ബന്ധുമായ സുജിത്തുമായി ചേര്‍ന്നാണ് ട്രോഫികള്‍ നിര്‍മ്മികുന്നത്. ശില്‍പങ്ങള്‍ പോളിഷ് ചേയ്ത് മികവുറ്റതാകാന്‍ വിദഗ്ധനാണ് സുജിത്ത്. കേരളത്തിനകത്തും പുറത്തുമായി ഒട്ടേറെ ശില്‍പങ്ങള്‍ ഇവര്‍ നിര്‍മ്മിച്ചിട്ടുണ്ട്. നീലേശ്വരത്ത് നടക്കുന്ന ഇന്റര്‍സ്‌റ്റേറ്റ് ഇന്‍വിറ്റേഷന്‍ കബടിഫെസ്റ്റില്‍ വിജയികള്‍ക്ക് സമ്മാനിക്കാന്‍ ഇരുപതിനായിരത്തോളം രുപ ചെലവില്‍ നിര്‍മ്മിച്ച ട്രോഫികള്‍ ഇതിനകം തന്നെ ജനശ്രദ്ധയാകര്‍ഷിക്കുന്നുണ്ട്.


Kasaragod, Nileshwaram, Trophy, Tournament, Karnataka.


ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Kasaragod, Nileshwaram, Trophy, Tournament, Karnataka.

Advertisement:
9:25 pm | 0 comments

'എങ്ങിനെ ഒരു എന്‍ജിനീയര്‍ ആകാം': വിദ്യാര്‍ഥികള്‍ക്ക് ബോധവല്‍ക്കരണ ക്ലാസ്

ദമ്മാം: (www.kasargodvartha.com 20.04.2014) പ്രായോഗിക വിദ്യാഭ്യാസത്തിന്റെ വിവിധ മേഖലകളിലേക്ക് തിരിയുന്ന വിദ്യാര്‍ഥികള്‍ക്കായി വ്യത്യസ്ത എന്‍ജിനീയറിങ് ശാഖകളെകുറിച്ച് മനസ്സിലാക്കുന്നതിനായി ബോധവല്‍ക്കരണ ക്ലാസ് സംഘടിപ്പിക്കുന്നു. 26ന് ശനിയാഴ്ച ദമ്മാം നെസ്‌റ്റോ ഹാളില്‍ ഇന്ത്യ ഫ്രറ്റേണിറ്റി ഫോറമാണ് മാര്‍ഗനിര്‍ദേശ പരിപാടി ഒരുക്കിയിട്ടുള്ളത്.

ഇന്ത്യയിലും ഗള്‍ഫ് മേഖലയിലും മറ്റു വിദേശ രാജ്യങ്ങളിലുമുള്ള എന്‍ജിനീയറിങ് കോളേജുകളെ കുറിച്ചും പഠന വിഷയങ്ങളും ഫീസ് ഘടനയും വിദ്യാര്‍ത്ഥികള്‍ക്കും രക്ഷിതാക്കള്‍ക്കും മനസ്സിലാക്കുവാനും സംശയങ്ങള്‍ ദൂരീകരിക്കുവാനും ഇതിലൂടെ അവസരം ലഭിക്കും. എട്ടാം തരം മുതല്‍ പന്ത്രണ്ട് വരെയുള്ള ക്ലാസ്സുകളിലെ വിദ്യാര്‍ത്ഥികള്‍ക്കും രക്ഷിതാക്കള്‍ക്കും പരിപാടിയില്‍ പങ്കെടുക്കാം.

വിദ്യാഭ്യാസ രംഗം കച്ചവടവല്‍ക്കരിക്കപ്പെട്ട വര്‍ത്തമാന കാലത്ത് വന്‍തുക നല്‍കി നേടിയെടുക്കുന്ന പ്രഫഷണല്‍ സീറ്റുകള്‍ പോലും പ്രതീക്ഷിച്ച നിലവാരമോ മാനദണ്ഡങ്ങളോ പാലിക്കുന്നില്ലെന്ന് ഏറെ വൈകിയാണ് മനസ്സിലാക്കുവാന്‍ സാധിക്കുന്നത്. ഇത്തരം ചതിക്കുഴികളില്‍ നിന്നും വിദ്യാര്‍ഥികള്‍ക്കും രക്ഷിതാക്കള്‍ക്കും മാര്‍ഗനിര്‍ദേശങ്ങള്‍ നല്‍കുക എന്ന ഉദ്ദേശത്തോടെയാണ് ഇത്തരമൊരു ബോധവല്‍ക്കരണ പരിപാടി സംഘടിപ്പിക്കുന്നതെന്ന് ഫ്രറ്റേണിറ്റി ഫോറം ഭാരവാഹികള്‍ അറിയിച്ചു. ഇംഗ്ലീഷ് മീഡിയത്തില്‍ നടക്കുന്ന ബോധവല്‍ക്കരണ പരിപാടി തികച്ചും സൗജന്യമാണ്. പങ്കെടുക്കുവാന്‍ ആഗ്രഹിക്കുന്നവര്‍ iffdam@gmail.com എന്ന ഇ-മെയില്‍ വിലാസത്തിലോ 0507383097 എന്ന നമ്പറിലോ ബന്ധപ്പടണം.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Malayalam News, Gulf, Damam, class, Training, Training Class, Education, Education-camp, How to Become an Engineer: Coaching for students 

Advertisement:
9:24 pm | 0 comments

വീട്ടിന്റെ അടുക്കള ഭാഗത്തു കണ്ട പോലീസുകാരനെ നാട്ടുകാര്‍ കൈകാര്യം ചെയ്തു

മഞ്ചേശ്വരം: (www.kasargodvartha.com 20.04.2014) വീട്ടിന്റെ അടുക്കള ഭാഗത്ത് സംശയ സാഹചര്യത്തില്‍ കാണപ്പെട്ട പോലീസുകാരനെ നാട്ടുകാര്‍ പിടികൂടി കൈകാര്യം ചെയ്തു. കള്ളനെ പിടിക്കാന്‍ കാത്തിരുന്ന നാട്ടുകാരുടെ പിടിയിലാണ് ഡി.സി.ആര്‍.ബി.യിലെ ഹെഡ്‌കോണ്‍സ്റ്റബിള്‍ പെട്ടത്. ശനിയാഴ്ച രാത്രി പത്തരമണിയോടെ വാമഞ്ചൂര്‍ ചെക്ക് പോസ്റ്റിനടുത്താണ് നാടകീയ രംഗം അരങ്ങേറിയത്.

മഞ്ചേശ്വരം, ഹൊസങ്കടി ഭാഗങ്ങളില്‍ മോഷണം കൂടിവരുന്നതിനാല്‍ നാട്ടുകാര്‍ ഉറക്കമിളച്ച് ഇവിടെ കാവല്‍ നില്‍ക്കുകയായിരുന്നു. ഒരാള്‍ സന്ധ്യക്ക് ഏഴ് മണിയോടെ ബൈക്കില്‍ കറങ്ങുന്നതു നാട്ടുകാരുടെ ശ്രദ്ധയില്‍ പെട്ടു.  സംശയം  തോന്നിയ നാട്ടുകാര്‍ രാത്രി കാവലിരുന്നു. പത്തരമണിയോടെ ഒരു വീടിന്റെ അടുക്കള ഭാഗത്തു കണ്ട് പിടികൂടുകയായിരുന്നു.ഇയാളുടെ  കയ്യില്‍ സ്‌ക്രൂ്രൈഡവറും മറ്റു ഉപകരണങ്ങളും ഉണ്ടായിരുന്നു.

Kasaragod, Manjeshwaram, Police, Kitchen, House, Robber, Constable, Check post, Security, Bike, Kumbala, Police Station, Petrol, Cash,കുമ്പള സ്‌റ്റേഷനിലെ ഹെഡ്‌കോണ്‍സ്റ്റബിളാണെന്നും പൂഴി പിടിക്കാന്‍ വന്നതാണെന്നുമാണ് ആദ്യം നാട്ടുകാരോടു പറഞ്ഞത്. സംശയം തോന്നിയ നാട്ടുകാര്‍ കുമ്പളസ്‌റ്റേഷനില്‍ അന്വേഷിച്ചപ്പോള്‍ അങ്ങനെയൊരു പോലീസുകാരന്‍ അവിടെ ഇല്ലെന്നായിരുന്നു മറുപടി.
അതോടെ താന്‍ ഡി.സി.ആര്‍.ബിയിലാണെന്ന് പോലീസുകാരന്‍ മാറ്റിപ്പറയുകയായിരുന്നു. അതിനിടെ നാട്ടുകാരുടെ കൈച്ചൂടറിഞ്ഞ പോലീസുകാരനെ  മഞ്ചേശ്വരം പോലീസ് സ്‌റ്റേഷനില്‍ ഏല്‍പ്പിക്കുകയും ചെയ്തു.

പൊയിനാച്ചിയിലെ പെട്രോള്‍ ബങ്കില്‍  ലോറി ഡ്രൈവറുടെ പണം തട്ടിപ്പറിക്കുവാന്‍ ശ്രമിച്ചെന്ന സംഭവത്തില്‍ ഇതേ പോലീസുകാരനെതിരെ നേരത്തേ ആരോപണം ഉയര്‍ന്നിരുന്നു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
തിരഞ്ഞെടുപ്പിന് ശേഷം മോഡിയെ വാരാണസിയില്‍ കാണില്ല: കെജരിവാള്‍

Keywords: Kasaragod, Manjeshwaram, Police, Kitchen, House, Robber, Constable, Check post, Security, Bike, Kumbala, Police Station, Petrol, Cash.

Advertisement:
4:07 pm | 0 comments

പ്ലാറ്റ് ഫോമില്‍ മദ്യപാനം: രണ്ടു പേര്‍ അറസ്റ്റില്‍

കാസര്‍കോട്: (www.kasargodvartha.com 20.04.2014) റെയില്‍വെ സ്‌റ്റേഷനിലെ പ്ലാറ്റ് ഫോമിലിരുന്ന് മദ്യപിച്ച രണ്ടുപേരെ റെയില്‍വെ പോലീസ് അറസ്റ്റ് ചെയ്തു.

Kasaragod, Railway Station, Arrest, Plat Form, Railway Police, Kishor Khrishnan, Vijayan, കൊല്ലം സ്വദേശി കിഷോര്‍ കൃഷ്ണന്‍ (26), കാഞ്ഞങ്ങാട്ടെ വിജയന്‍ (42) എന്നിവരെയാണ് ശനിയാഴ്ച വൈകിട്ട് കാഞ്ഞങ്ങാട് റെയില്‍വെ പ്ലാറ്റ് ഫോമില്‍ മദ്യപിക്കുന്നതിനിടെ റെയില്‍വെ എസ്.ഐ കെ. സുകുമാരനും സംഘവും അറസ്റ്റ് ചെയ്തത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
തിരഞ്ഞെടുപ്പിന് ശേഷം മോഡിയെ വാരാണസിയില്‍ കാണില്ല: കെജരിവാള്‍

Keywords: Kasaragod, Railway Station, Arrest, Plat Form, Railway Police, Kishor Khrishnan, Vijayan, 

Advertisement:
3:35 pm | 0 comments

ദേളിയില്‍ വീട്ടില്‍ നിന്ന് 80,000 രൂപയും മൊബൈലുകളും കവര്‍ന്നു

ദേളി: (www.kasargodvartha.com 20.04.2014) കുന്നുപാറ ദേളിയില്‍ വീട്ടില്‍ നിന്ന് 80,000 രൂപയും രണ്ട് മൊബൈല്‍ ഫോണുകളും കവര്‍ന്നു. ദേളിയില്‍ ഓട്ടോ മൊബൈല്‍ പാര്‍ട്ട്‌സ് കട നടത്തുന്ന ശങ്കരന്റെ വീട്ടിലാണ് കവര്‍ച്ച.

ശനിയാഴ്ച രാവിലെയാണ് മോഷണം വീട്ടുകാര്‍ അറിഞ്ഞത്. അലമാരയില്‍ സൂക്ഷിച്ചതായിരുന്നു പണവും ഫോണുകളും. വിരലടയാള വിദഗ്ധരും പോലീസും വീട്ടിലെത്തി പരിശോധന നടത്തി. സംഭവത്തെ കുറിച്ച് പോലീസ് അന്വേഷിക്കുന്നു.

Kasaragod, Deli, Mobile Phones, Auto Mobile Shop, House, Police, Cash, Shankaran, Robbery,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
തിരഞ്ഞെടുപ്പിന് ശേഷം മോഡിയെ വാരാണസിയില്‍ കാണില്ല: കെജരിവാള്‍

Keywords: Kasaragod, Deli, Mobile Phones, Auto Mobile Shop, House, Police, Cash, Shankaran, Robbery, 

Advertisement:
3:00 pm | 0 comments

മദ്യപിച്ച് വാഹനമോടിച്ച അഞ്ച് പേര്‍ അറസ്റ്റില്‍

കാസര്‍കോട്: (www.kasargodvartha.com 20.04.2014) ജില്ലാ പോലീസ് സൂപ്രണ്ടിന്റെ നിര്‍ദ്ദേശത്തെ തുടര്‍ന്ന് ശനിയാഴ്ച കാസര്‍കോട്ടും പരിസരങ്ങളിലും ഷാഡോ പോലീസ് നടത്തിയ വാഹന പരിശോധനയില്‍ മദ്യപിച്ച് വാഹനം ഓടിച്ച അഞ്ച് പേരെ അറസ്റ്റ് ചെയ്തു. ഇവരെ പിന്നീട് ജാമ്യത്തില്‍ വിട്ടയച്ചു. കൈകാണിച്ച് നിര്‍ത്താതെ ഓടിച്ചുപോയ ബൈക്ക് യാത്രക്കാരനെതിരെ കേസെടുക്കുകയും ചെയ്തു.

Kasaragod, Arrest, Police, Inspection, Vehicles, Bike, Case, Ashraf, Sajju, Divakaran, പാണലത്തെ അഷറഫ് (42), പട്‌ളയിലെ സജ്ജു (36), അടുക്കത്ത് ബയലിലെ ഹരീഷ (27), പരവനടുക്കത്തെ ദിവാകരന്‍ (37), ഹിദായത്ത് നഗറിലെ ശ്രീജിത് (32) എന്നിവരാണ് അറസ്റ്റിലായത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
ദക്ഷിണ കൊറിയന്‍ കപ്പല്‍ ദുരന്തം: 46 മൃതദേഹങ്ങള്‍ കണ്ടെത്തി, ബന്ധുക്കളുടെ പ്രതിഷേധം
Keywords: Kasaragod, Arrest, Police, Inspection, Vehicles, Bike, Case, Ashraf, Sajju, Divakaran, 

Advertisement:
2:30 pm | 0 comments

തെരുവത്ത് ഹാഷിം സ്ട്രീറ്റിലെ ഇബ്രാഹിം നിര്യാതനായി

തളങ്കര: (www.kasargodvartha.com 20.04.2014) തെരുവത്ത് ഹാഷിം സ്ട്രീറ്റ് ടി.എം ഹൗസിലെ ഇബ്രാഹിം (85) നിര്യാതനായി. ഭാര്യ: നഫീസ. മക്കള്‍: ഇഖ്ബാല്‍, അന്‍സാരി, സുബൈദ, ആബിദ, നഫിയ, ഖൈറുന്നിസ.

മരുമക്കള്‍: അബൂബക്കര്‍ അണങ്കൂര്‍, മുഹമ്മദ്കുഞ്ഞി ചെട്ടുംകുഴി, അബ്ദുല്ല പന്നിപ്പാറ, സെറീന ചെറുവത്തൂര്‍, നസീമ തെരുവത്ത്, പരേതനായ ബി.എസ് അബ്ദുല്ല. സഹോദരങ്ങള്‍: ഹുസൈന്‍, ബീഫാത്വിമ. ഖബറടക്കം ഞായറാഴ്ച വൈകുന്നേരം അഞ്ച് മണിയോടെ മാലിക് ദീനര്‍ ജുമാമസ്ജിദ് ഖബര്‍സ്ഥാനില്‍.
Thalangara, Obituary, Kasaragod, Theruvath, Kerala, Ibrahim, Hashim Street

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Thalangara, Obituary, Kasaragod, Theruvath, Kerala, Ibrahim, Hashim Street.  

Advertisement:
2:15 pm | 0 comments

ബസിടിച്ച് ബൈക്ക് യാത്രക്കാരനായ യുവാവ് മരിച്ചു, സഹയാത്രികനു ഗുരുതരം

മംഗലാപുരം: (www.kasargodvartha.com 20.04.2014) ബസിടിച്ച് ബൈക്ക് യാത്രികനായ യുവാവ് മരിച്ചു. സഹയാത്രികന് ഗുരുതരമായി പരിക്കേറ്റു. ഞായറാഴ്ച രാവിലെ എട്ട് മണിയോടെ മല്ലിക്കട്ടയിലാണ് അപകടമുണ്ടായത്.

Man, died, Accident, Mangalore, Bus, Bike, Obituary, National, Bus rams into bike at Mallikatta, one dead, another critical
മനോജ് 
മറോളിയിലെ നാരായണ നായിക്കിന്റെ മകന്‍ മനോജ് നായിക്ക് (21) ആണ് മരിച്ചത്. സഹയാത്രികനായ രക്ഷിത് ഷേണായി (20) ക്കാണ് ഗുരുതരമായി പരിക്കേറ്റത്. രക്ഷിത് മംഗലാപുരത്തെ സ്വകാര്യാശുപത്രിയില്‍ ചികിത്സയിലാണ്. ബജാജ് പള്‍സര്‍ ബൈക്കില്‍ അമിത വേഗതയില്‍ വന്ന സ്വകാര്യ ബസ് ഇടിക്കുകയായിരുന്നു.

Man, died, Accident, Mangalore, Bus, Bike, Obituary, National, Bus rams into bike at Mallikatta, one dead, another criticalഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Man, died, Accident, Mangalore, Bus, Bike, Obituary, National, Bus rams into bike at Mallikatta, one dead, another critical.

Advertisement:
2:01 pm | 0 comments

ഫോണ്‍ ശല്യം: ഓട്ടോഡ്രൈവറെ അയല്‍വാസികള്‍ അടിച്ചു കൊന്നു

ജാല്‍സൂര്‍: (www.kasargodvartha.com 20.04.2014) ഭര്‍തൃമതിയായ യുവതിയെ ഫോണ്‍ വിളിച്ച് ശല്യം ചെയ്യുന്നുവെന്നാരോപിച്ച് ഓട്ടോഡ്രൈവറെ അയല്‍ക്കാരായ രണ്ടുപേര്‍ ചേര്‍ന്ന് അടിച്ചു കൊന്നു. ജാല്‍സൂര്‍ കടിയടുക്കയിലെ അബ്ദുര്‍ റസാഖ്(38) ആണ് കൊല്ലപ്പെട്ടത്.

സംഭവത്തില്‍ അയല്‍ക്കാരായ ബാപ്പുഞ്ജ എന്ന ബച്ചപ്പ (46), സുലൈമാന്‍ (57) എന്നിവരെ സുള്ള്യ പോലീസ് അറസ്റ്റു ചെയ്തു. വെള്ളിയാഴ്ച രാത്രി കടിയടുക്കയില്‍ വെച്ച് ഇരുവരും ചേര്‍ന്ന് അബ്ദുര്‍ റസാഖിനെ വടികൊണ്ട് തലയ്ക്കടിച്ചു കൊന്നുവെന്നാണ് കേസ്.

Sullia, Death, Obituary, National, Karnataka, 38-year-old man beaten to death after alleged misbehaviour
അറസ്റ്റിലായ ബച്ചപ്പയും സുലൈമാനും
അബ്ദുര്‍ റസാഖ്, ബച്ചപ്പയുടെ ഭാര്യയെ ഫോണ്‍ വിളിച്ച് ശല്യം ചെയ്യുന്നത് പതിവാണെന്നു പറയുന്നു. രാത്രികാലത്തു പോലും പതിവായി ഫോണ്‍ വിളിക്കാറുണ്ടത്രേ. ഇതാണ് കൊലയിലേക്കു നയിച്ചതെന്നു പോലീസ് പറഞ്ഞു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Sullia, Death, Obituary, National, Karnataka, 38-year-old man beaten to death after alleged misbehaviour. 

Advertisement:
11:58 am | 0 comments

എസ്.വൈ.എസ് സാന്ത്വനം ശില്‍പശാലകള്‍ ജില്ലയില്‍ രണ്ടിടത്ത്

കാസര്‍കോട്: (www.kasargodvartha.com 20.04.2014) എസ്.വൈ.എസ് ജില്ലയിലെ രണ്ട് കേന്ദ്രങ്ങളില്‍ സാന്ത്വനം ശില്‍പശാലകള്‍ സംഘടിപ്പിക്കുന്നു. ഏപ്രില്‍ 30 ന് ചെറുവത്തൂര്‍ സുന്നി സെന്റര്‍ ഓഡിറ്റോറിയത്തിലും കാസര്‍കോട് സുന്നി സെന്റര്‍ ഓഡിറ്റോറിയത്തിലും സംഘടിപ്പിക്കുന്ന ശില്‍പശാലക്ക് സംസ്ഥാന പ്രതിനിധികള്‍ നേതൃത്വം നല്‍കും.

എസ്.വൈ.എസ് ആചരിച്ചുവരുന്ന ആരോഗ്യ ബോധവത്കരണ-സ്ത്രീ-യുവജന ശാക്തീകരണ പദ്ധതിയായ മിഷന്‍-2014 ന്റെ ഭാഗമായാണ് സോണ്‍ തലങ്ങളില്‍ സാന്ത്വന സംഗമങ്ങളും ശില്‍പശാലയും സംഘടിപ്പിക്കുന്നത്. തൃക്കരിപ്പൂര്‍, പരപ്പ, ചെറുവത്തൂര്‍, ഹൊസ്ദുര്‍ഗ് എന്നീ സോണുകളിലെ യൂണിറ്റുകളില്‍ നിന്ന് തിരഞ്ഞെടുത്ത സാന്ത്വനം വളണ്ടിയര്‍മാര്‍ ചെറുവത്തൂര്‍ സുന്നി സെന്ററില്‍ നടക്കുന്ന ശില്‍പശാലയില്‍ സംബന്ധിക്കും.

Kasaragod, SYS, Cheruvathur, Auditorium, Leadership, mission 2014, Hosdurg, Units, volunteers,  Kumbala, മഞ്ചേശ്വരം, കുമ്പള, മുള്ളേരിയ, കാസര്‍കോട്, ഉദുമ എന്നീ സോണുകളിലെ യൂണിറ്റുകളില്‍ നിന്ന് തിരഞ്ഞെടുത്ത സാന്ത്വനം വളണ്ടിയര്‍മാര്‍ കാസര്‍കോട്ടെ ശില്‍പശാലയിലും പങ്കാളികളാകും.

സംസ്ഥാന എസ്.വൈ.എസ് സാമൂഹ്യ ക്ഷേമ വിഭാഗം ട്രെയിനര്‍മാരായ സ്വാദിഖ് വെളിമുക്ക്, ജഅ്ഫര്‍ ചേലക്കര, നാസര്‍ ചെറുവാടി എന്നിവര്‍ ശില്‍പശാലയില്‍ പരിശീലനം നല്‍കും.

മിഷന്‍ 2014 ന്റെ ഭാഗമായി യൂണിറ്റുകള്‍ സംഘടിപ്പിച്ച ഹെല്‍ത്ത് സ്‌കൂളുകളില്‍നിന്നാണ് സാന്ത്വനം വളണ്ടിയര്‍മാരെ തിരഞ്ഞെടുക്കുന്നത്. പദ്ധതി ഭാഗമായുള്ള ഹെല്‍ത്ത് സ്‌കൂള്‍, ഫാമിലി സ്‌കൂള്‍, മാതൃസംഗമം, സഹോദരീ സംഗമം, സാന്ത്വനം ക്ലബ്, സാന്ത്വനം കേന്ദ്രങ്ങള്‍, പാലിയേറ്റീവ് കെയര്‍ യൂണിറ്റ്, സൗജന്യ മെഡിക്കല്‍ ക്യാമ്പുകള്‍, തുടര്‍ ചികിത്സാ പദ്ധതികള്‍, മെഡിക്കല്‍ കാര്‍ഡ് വിതരണം, മെഡിക്കല്‍ എക്വിപ്‌മെന്റ്‌സ് വിതരണം, സാന്ത്വനം പരിചരണ വാര്‍ഡുകള്‍ തുടങ്ങിയവ സംഘടിപ്പിച്ചുവരുന്നു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
ദക്ഷിണ കൊറിയന്‍ കപ്പല്‍ ദുരന്തം: 46 മൃതദേഹങ്ങള്‍ കണ്ടെത്തി, ബന്ധുക്കളുടെ പ്രതിഷേധം

Keywords: Kasaragod, SYS, Cheruvathur, Auditorium, Leadership, mission 2014, Hosdurg, Units, volunteers,  Kumbala, 

Advertisement:
10:40 am | 0 comments

ബൈത്തുസ്സകാത്ത് കേരള: സകാത്ത് സെമിനാര്‍ തലശ്ശേരിയില്‍

കണ്ണൂര്‍: (www.kasargodvartha.com 20.04.2014) ബൈത്തുസ്സകാത്ത് കേരള ഏപ്രില്‍ 25 മുതല്‍ മെയ് ഒമ്പത് വരെ നടത്തുന്ന സകാത്ത് സന്ദേശ യാത്രയുടെ ഭാഗമായി ഏപ്രില്‍ 26 ന് വൈകിട്ട് 4.30 ന് തലശ്ശേരി ഇസ്‌ലാമിക് സെന്ററില്‍ സക്കാത്ത് സെമിനാര്‍ സംഘടിപ്പിക്കും. കണ്ണൂര്‍ കാംബസാര്‍ ജുമാ മസ്ജിദ് ഖത്തീബ് ഹാഫിസ് അനസ് മൗലവി സെമിനാര്‍ ഉദ്ഘാടനം ചെയ്യും.

ബൈത്തുസ്സകാത്ത് കേരള ചെയര്‍മാന്‍ എം.കെ. മുഹമ്മദലി അധ്യക്ഷത വഹിക്കും. പി.സി ബഷീര്‍, യു.പി. സിദ്ദീഖ് മാസ്റ്റര്‍, ഡോ.സി.പി. നിസാമുദ്ദീന്‍, ടി.എ. റഹീം, പി.പി. അലി എന്നിവര്‍ സംസാരിക്കും.

Kerala, Kannur, Baithu Sakath, Islamic Centre, Juma Masjid, Anas Moulavi, Debate, Documentary, Mahamood Hajiബാലിയില്‍ മഹമൂദ് ഹാജി, വി.എന്‍.കെ അഹമ്മദ് ഹാജി, അഡ്വ. സി.ഒ.ടി. ഉമ്മര്‍ എന്നിവര്‍ ബൈത്തുസ്സകാത്ത് കേരളയുടെ വിവിധ പദ്ധതികളുടെ വിതരണം നിര്‍വ്വഹിക്കും. ബൈത്തുസ്സകാത്ത് കേരളയെ കുറിച്ചുള്ള ഡോക്യുമെന്ററി പ്രദര്‍ശനവും
സകാത്തും സാമൂഹ്യ പുരോഗതിയും എന്ന തലക്കെട്ടില്‍ പൊതു ചര്‍ച്ചയും നടക്കും.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
അമീര്‍ ഖാന്റെ ടിവി ഷോയ്‌ക്കെതിരെ ഫേസ്ബുക്കില്‍ അപവാദം; മുന്‍ നേവി ഉദ്യോഗസ്ഥന്‍ അറസ്റ്റില്‍

Keywords: Kerala, Kannur, Baithu Sakath, Islamic Centre, Juma Masjid, Anas Moulavi, Debate, Documentary, Mahamood Haji, 

Advertisement:
10:28 am | 0 comments

ഭാര്യയുടെ മരണത്തില്‍ മനംനൊന്ത യുവാവ് തൂങ്ങിമരിച്ച നിലയില്‍

മംഗലാപുരം: (www.kasargodvartha.com 20.04.2014) ഭാര്യ മരിച്ചതില്‍ മനംനൊന്ത യുവാവിനെ കിടപ്പു മുറിയില്‍ തൂങ്ങി മരിച്ച നിലയില്‍ കണ്ടെത്തി. ബെല്‍ത്തങ്ങാടി ധനഞ്ജയ നഗറിലെ ശ്രീനാഥ് ഷെട്ടി(30)യാണ് മരിച്ചത്. ഇയാളുടെ ഭാര്യ വിനുത(26) അസുഖത്തെ തുടര്‍ന്ന് വെള്ളിയാഴ്ച മംഗലാപുരത്തെ ആശുപത്രിയില്‍ മരിച്ചിരുന്നു.

വിനുതയുടെ സംസ്‌ക്കാരം കഴിഞ്ഞശേഷം വീട്ടിലെത്തിയ ശ്രീനാഥ് ഷെട്ടി കുട്ടികള്‍ ഉറങ്ങിയതിനു ശേഷം കിടപ്പു മുറിയില്‍ തൂങ്ങിമരിക്കുകയായിരുന്നു.ശനിയാഴ്ച രാവിലെയാണ് മരണം മറ്റുള്ളവര്‍ അറിഞ്ഞത്. ഇവര്‍ക്ക് ആറ്, രണ്ട് വയസ് പ്രായമുള്ള രണ്ടു ആണ്‍ കുട്ടികളുണ്ട്.

Mangalore, Wife, Death, Husband, Dead body, suicide, Obituary, National, Sreenath Shetty, Vinuthaഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Mangalore, Wife, Death, Husband, Dead body, suicide, Obituary, National, Sreenath Shetty, Vinutha. 

Advertisement:
10:00 am | 0 comments

ഷാര്‍ജ കെ.എം.സി.സി. അഹ്‌ലാമു ശിഹാബ് കുടിവെള്ള പദ്ധതി പ്രവൃത്തി ഉദ്ഘാടനം ചെയ്തു

ബദിയഡുക്ക: (www.kasargodvartha.com 20.04.2014) ഷാര്‍ജ കെ.എം.സി.സി. കാസര്‍കോട് ജില്ലാ കമ്മിറ്റി പാണക്കാട് സയ്യിദ് മുഹമ്മദലി ശിഹാബ് തങ്ങളുടെ സ്മരണക്കായി നടപ്പിലാക്കുന്ന അഹ്‌ലാമു ശിഹാബ് ജനകീയ കുടിവെള്ള പദ്ധതിയുടെ പ്രവൃത്തി ഉദ്ഘാടനം ബദിയഡുക്ക പഞ്ചായത്തിലെ കോട്ട ഗ്രാമത്തില്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. ചടങ്ങില്‍ യഹ്‌യ തളങ്കര അധ്യക്ഷത വഹിച്ചു.
Sharjah, Kasaragod, Drinking Water, Inauguration, Badiyadukka, K.M.C.C, Committee, Yahya Thalangara, Panakkad Sayyid Hameedali Shihab Thangal,
മാഹിന്‍ കേളോട്ട് സ്വാഗതം പറഞ്ഞു. മുസ്‌ലിം ലീഗ് ജില്ലാ ട്രഷറര്‍ എ. അബ്ദുല്‍ റഹ്മാന്‍, സെക്രട്ടറി എം. അബ്ദുല്ല മുഗു, എന്‍.എ. നെല്ലിക്കുന്ന് എം.എല്‍.എ, എം.പി. മുഹമ്മദ്കുഞ്ഞി, ബി.എച്ച്. അബ്ദുല്ലക്കുഞ്ഞി, അറഫാത്ത് മാസ്തഗുഡ്ഡ, എ.ബി. ഹനീഫ, എ.ആര്‍. അസീസ്, മുഹമ്മദ് പിലാങ്കട്ട, ജോണി ക്രാസ്ത, റഫീഖ് കേളോട്ട്, അന്‍വര്‍ ഓസോണ്‍, അബ്ദുര്‍ റഹ്മാന്‍ കോട്ട, എം. അബ്ബാസ്, ശുഐബ്, ബദറുദ്ദീന്‍ താസിം, യൂസുഫ് ഹാജി അരിയില്‍ പ്രസംഗിച്ചു.

പദ്ധതി പൂര്‍ത്തിയാകുന്നതോടെ 50 കുടുംബങ്ങള്‍ക്ക് കുടിവെള്ള ലഭിക്കും.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
അമീര്‍ ഖാന്റെ ടിവി ഷോയ്‌ക്കെതിരെ ഫേസ്ബുക്കില്‍ അപവാദം; മുന്‍ നേവി ഉദ്യോഗസ്ഥന്‍ അറസ്റ്റില്‍

Keywords: Sharjah, Kasaragod, Drinking Water, Inauguration, Badiyadukka, K.M.C.C, Committee, Yahya Thalangara, Panakkad Sayyid Hameedali Shihab Thangal, 

Advertisement:
9:35 am | 0 comments

for MORE News select date here

Obituary

Read More Obituary News

KVARTHA: LATEST NEWS

Mangalore

Read More Mangalore News

കൂടുതൽ വായിച്ചത് | Most Read Stories