Hi guest ,  welcome  |  Visit Kvartha  |  Visit Keralaflash  |  Reading Problem? Download Font

യു.ഡി.എഫ്. വടക്കന്‍ മേഖല ജാഥക്ക് ഉജ്ജ്വല സമാപനം

Written By kvartha delta on Monday, 25 May 2015 | 10:14 p.m.

കാസര്‍കോട്: (www.kasargodvartha.com 25/05/2015) യു.ഡി.എഫ്. സംസ്ഥാന കമ്മിറ്റിയുടെ ആഭിമുഖ്യത്തില്‍ മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ. മജീദ് നയിച്ച വടക്കന്‍ മേഖല ജാഥക്ക് ഉജ്ജ്വല സമാപനം. സംസ്ഥാനത്തെ സമഗ്ര വികസനം ലക്ഷ്യമാക്കി  ജനക്ഷേമകരമായ പ്രവര്‍ത്തനങ്ങളുമായി മുന്നോട്ടുപോകുന്ന യു.ഡി.എഫ്. സര്‍ക്കാറിന്റെ പിന്നിട്ട നാലുവര്‍ഷക്കാലത്തെ ഭരണ നേട്ടങ്ങള്‍ വിശദീകരിക്കുന്നതിനും സര്‍ക്കാറിനെതിരെ എല്‍.ഡി.എഫ്. നടത്തിക്കൊണ്ടിരിക്കുന്ന കള്ളപ്രചാരണം തുറന്നു  കാട്ടുന്നതിനും കേന്ദ്ര ജനവിരുദ്ധ നയങ്ങള്‍ക്കുമെതിരെ യുമാണ് ജാഥ സംഘടിപ്പിച്ചത്.

ചെര്‍ക്കളയില്‍ ആയിരങ്ങള്‍ പങ്കെടുത്ത പൊതു സമ്മേളനത്തോടെയാണ് ജാഥ സമാപിച്ചത്. തിങ്കളാഴ്ച രാവിലെ തൃക്കരിപ്പൂരില്‍നിന്നും തുടങ്ങിയ പര്യടനം കാഞ്ഞങ്ങാട്, ചട്ടഞ്ചാല്‍, കുമ്പള എന്നിവിടങ്ങളില്‍ ആയിരങ്ങളുടെ സ്വീകരണം ഏറ്റുവാങ്ങിയാണ് മുസ്‌ലിംലീഗിന്റെ ശക്തികേന്ദ്രമായ ചെര്‍ക്കളയില്‍ ജാഥ സമാപിച്ചത്. കാസര്‍കോട് ജില്ലയില്‍ യു.ഡി.എഫിന്റെ കരുത്തും സംഘടനാ ശേഷിയും തെളിയിക്കുന്നതായിരുന്നു ഓരോ സ്വീകരണവും.

ജാഥാ നായകന്‍ കെ.പി.എ. മജീദിനെയും ഉപനായകരായ വി. കുഞ്ഞാലി, കെ.പി. കുഞ്ഞിക്കണ്ണന്‍, സ്ഥിരാംഗങ്ങളായ സണ്ണി ജോസഫ് എം.എല്‍.എ, തോമസ് ചാഴിക്കാടന്‍, ടി.എസ്. വിജയന്‍, കെ.എ. ഫിലിപ്പ്,  സി.എ. അജീര്‍, കെ.എം. സുരേഷ് ബാബു എന്നിവരെ ബാന്റ് വാദ്യങ്ങളുടെയും മുദ്രാവാക്യങ്ങളുടെയും അകമ്പടിയോടെയാണ് സ്വീകരിച്ചത്.

തൃക്കരിപ്പൂരില്‍ നല്‍കിയ സ്വീകരണത്തില്‍ ചെയര്‍മാന്‍ കരിമ്പില്‍ കൃഷ്ണന്‍ അധ്യക്ഷത വഹിച്ചു. ജനറല്‍ കണ്‍വീനര്‍ വി.കെ.പി. ഹമീദലി സ്വാഗതം പറഞ്ഞു. കാഞ്ഞങ്ങാട്ട് സംഘാടകസമിതി ചെയര്‍മാന്‍ അഡ്വ. എം.സി. ജോസ് അധ്യക്ഷത വഹിച്ചു. സ്വീകരണ സമ്മേളനം മന്ത്രി കെ.പി. മോഹനന്‍ ഉദ്ഘാടനം ചെയ്തു. കണ്‍വീനര്‍ സി. മുഹമ്മദ്കുഞ്ഞി സ്വാഗതം പറഞ്ഞു. ഉദുമ മണ്ഡംലം കമ്മിറ്റി ചട്ടഞ്ചാലില്‍ നല്‍കിയ സ്വീകരണം മുസ്‌ലിം ലീഗ് സംസ്ഥാന വൈസ് പ്രസിഡണ്ട് സി.ടി. അഹ്മദലി ഉദ്ഘാടനം ചെയ്തു. യു.ഡി.എഫ്. ചെയര്‍മാന്‍ കരിച്ചേരി നാരായണന്‍ അധ്യക്ഷത വഹിച്ചു. കണ്‍വീനര്‍ എം.എസ്. മുഹമ്മദ്കുഞ്ഞി സ്വാഗതം പറഞ്ഞു. കുമ്പളയില്‍ നടന്ന സ്വീകരണ സമ്മേളനത്തില്‍ എം. അബ്ബാസ് അധ്യക്ഷത വഹിച്ചു. മഞ്ചുനാഥ ആള്‍വ സ്വാഗതം പറഞ്ഞു.

കാസര്‍കോട് മണ്ഡലം അതിര്‍ത്തിയായ മൊഗ്രാല്‍പുത്തൂരില്‍ യു.ഡി.എഫ്. നേതാക്കള്‍ ജാഥയെ സ്വീകരിച്ച് സമാപന കേന്ദ്രമായ ചെര്‍ക്കളയിലേക്ക് വാഹനങ്ങളുടെ അകമ്പടിയോടെ ആനയിച്ചു. സമാപന പൊതുയോഗത്തില്‍ യു.ഡി.എഫ്. ജില്ലാ ചെയര്‍മാന്‍ ചെര്‍ക്കളം അബ്ദുല്ല അധ്യക്ഷത വഹിച്ചു. കണ്‍വീനര്‍ പി. ഗംഗാധരന്‍ നായര്‍ സ്വാഗതം പറഞ്ഞു. മുസ്‌ലിംലീഗ് സംസ്ഥാന വൈസ് പ്രസിഡണ്ടുമാരായ വി.കെ. അബ്ദുല്‍ ഖാദര്‍ മൗലവി, സി.ടി. അഹ്മദലി, ജില്ലാ ജനറല്‍ സെക്രട്ടറി എം.സി. ഖമറുദ്ദീന്‍, കെ.പി.സി.സി. സെക്രട്ടറി കെ. നീലകണ്ഠന്‍, എന്‍.എ. നെല്ലിക്കുന്ന് എം.എല്‍.എ, ഡി.സി.സി. പ്രസിഡണ്ട് അഡ്വ. സി.കെ. ശ്രീധരന്‍, സണ്ണിജോസഫ് എം.എല്‍.എ, തോമസ് ചാഴിക്കാടന്‍, അഡ്വ. പി.വി. വിജയന്‍, അഡ്വ. കെ.എ. ഫിലിപ്പ്, സി.എ. അജീര്‍, വി.വി. പ്രകാശ്, കെ.എച്ച്. ഹംസ തുടങ്ങിയവര്‍ പ്രസംഗിച്ചു.
Kasaragod, UDF Northern Region Jadha ends, K.P.A. Majeed, Cherkkala, UDF, Muslim League.

Related News:
യു.ഡി.എഫിലേക്ക് എല്‍.ഡി.എഫിലെ കക്ഷി വരുമെന്ന തന്റെ പ്രവചനം ശരിയെന്ന് വൈകാതെ ബോധ്യപ്പെടും: കെ പി എ മജീദ്
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

10:14 p.m. | 0 comments

അങ്ങനെ കാസര്‍കോട്ടെ ഒരു മോഷണ കേസ് പോലീസ് തെളിയിച്ചു; അറസ്റ്റിലായത് കുപ്രസിദ്ധ മോഷ്ടാവ്

കാസര്‍കോട്: (www.kasargodvartha.com 25/05/2015) ജനങ്ങളെ ആശങ്കയിലും ഭീതിയിലുമാഴ്ത്തിയ കാസര്‍കോട്ടെ കവര്‍ച്ചാ പരമ്പരയ്ക്ക് തടയിട്ടു കൊണ്ട് ഒരു മോഷണക്കേസിലെ പ്രതിയെ പോലീസ് അറസ്റ്റു ചെയ്തു. ട്രാഫിക് ജംഗ്ഷന് സമീപത്തെ എക്‌സൈല്‍ മൊബൈല്‍ കടയില്‍ നിന്നും മൂന്നു മൊബൈലും ഒരു ലാപ്‌ടോപും കവര്‍ച്ച ചെയ്ത കേസിലെ പ്രതി പെരിയ ആയംപാറയിലെ ഇ. ഹബീബി (22)നെയാണ് പോലീസ് അറസ്റ്റു ചെയ്തത്.

തൊണ്ടിമുതല്‍ കാസര്‍കോട് പുതിയ ബസ് സ്റ്റാന്‍ഡിലെ ഒരു മൊബൈല്‍ കടയില്‍ നിന്നും കാഞ്ഞങ്ങാട്ടെ മറ്റൊരു മൊബൈല്‍ കടയില്‍ നിന്നും കണ്ടെടുത്തതായി പോലീസ് പറഞ്ഞു. കാസര്‍കോട് ടൗണില്‍ വെച്ചാണ് ഹബീബിനെ തിങ്കളാഴ്ച ഉച്ചയോടെ കാസര്‍കോട് സി.ഐ. പി.കെ സുധാകരന്‍, ടൗണ്‍ പ്രിന്‍സിപ്പല്‍ എസ്.ഐ. പി.വി രാജന്‍, അഡീ. എസ്.ഐമാരായ മോഹനന്‍, ആദം ഖാന്‍, വിപിന്‍ കുമാര്‍, സി.ഡി. പാര്‍ട്ടി അംഗങ്ങള്‍, എസ്.ഐ. ഫിലിപ്പ്, പോലീസ് ഓഫീസര്‍മാരായ അബൂബക്കര്‍, നാരായണന്‍, ബാലകൃഷ്ണന്‍, ലക്ഷ്മി നാരായണന്‍, എസ്.പിയുടെ ഷാഡോ പാര്‍ട്ടി അംഗങ്ങള്‍ എന്നിവര്‍ ചേര്‍ന്ന് അറസ്റ്റു ചെയ്തത്.

അറസ്റ്റിലായ ഹബീബ് എറണാകുളത്തും ഒറ്റപ്പാലത്തും രണ്ട് കവര്‍ച്ചാക്കേസുകളിലെ പ്രതിയാണെന്ന് പോലീസ് പറഞ്ഞു. എറണാകുളത്തെ മൊബൈല്‍ കടയില്‍ നടന്ന കവര്‍ച്ചാകേസില്‍ രണ്ടു വര്‍ഷം തടവ് ശിക്ഷ അനുഭവിച്ചിരുന്നു. ഒറ്റപ്പാലത്ത് സൗത്ത് ഇന്ത്യന്‍ ബാങ്കില്‍ ഒറ്റയ്ക്ക് അഴിമുറിച്ച് നടത്തിയ കവര്‍ച്ചാ കേസില്‍ വിചാരണ നേരിടുകയാണ്. ഇതിനിടയിലാണ് കാസര്‍കോട്ടെ മൊബൈല്‍ കടയില്‍ കവര്‍ച്ച നടത്തിയത്.

കൊറക്കോട് ബിലാല്‍ നഗറിലെ മുഹമ്മദ് സൂപ്പിയുടെ ഉടമസ്ഥതയിലുള്ള എക്‌സെല്‍ കടയില്‍ ഇക്കഴിഞ്ഞ ഏപ്രില്‍ 11 ന് രാത്രിയാണ് കവര്‍ച്ച നടന്നത്. ഓടുകള്‍ ഇളക്കിമാറ്റിയാണ് ഹബീബ് മോഷണം നടത്തിയത്. ഇതേ കടയില്‍ ഇതിനു മുമ്പും കവര്‍ച്ച നടന്നിരുന്നു.
Kasaragod, Kerala, arrest, Robbery, Robbery case, Police, Accuse, Junction, Excel Mobile Shop.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
5:04 p.m. | 0 comments

ബിജെപി ഓഫീസ് ശിലാസ്ഥാപനവും മോഡി സര്‍ക്കാരിന്റെ വാര്‍ഷികവും കേന്ദ്രമന്ത്രി പ്രകാശ് ജാവേദ്കര്‍ ഉദ്ഘാടനം ചെയ്യും

കാസര്‍കോട്: (www.kasargodvartha.com 25/05/2015) ബിജെപി പുതുതായി നിര്‍മ്മിക്കുന്ന കാസര്‍കോട് ജില്ലാ കമ്മറ്റി ഓഫീസിന്റെ ശിലാസ്ഥാപനം 28 ന് രാവിലെ 10 മണിക്ക് അടുക്കത്ത് വയല്‍ ശ്രീനാരായണ ഗുരു റോഡരികില്‍ അഭയ സംഘ കാര്യാലയത്തിന് എതിര്‍ വശത്ത് കേന്ദ്ര മന്ത്രി പ്രകാശ് ജാവേദ്കര്‍ നിര്‍വ്വഹിക്കും.

തുടര്‍ന്ന് 10.30 മണിക്ക് കാസര്‍കോട് പുതിയ ബസ് സ്റ്റാന്‍ഡ് പരിസരത്ത് നടക്കുന്ന ചടങ്ങില്‍ നരേന്ദ്ര മോഡി സര്‍ക്കാരിന്റെ ഒന്നാം വാര്‍ഷികാഘോഷ പരിപാടികളുടെ ജില്ലാ തല ഉദ്ഘാടനവും അദ്ദേഹം നിര്‍വ്വഹിക്കും. ജനസംഘം സ്ഥാപക അദ്ധ്യക്ഷനും സ്വതന്ത്ര ഭാരതത്തിന്റെ ആദ്യത്തെ രാഷ്ട്രീയ ബലിദാനിയുമായ ഡോ. ശ്രാമ പ്രകാശ് മുഖര്‍ജിയുടെ നാമധേയത്തിലാണ് ഓഫീസ് നിര്‍മ്മിക്കുന്നത്.

ചടങ്ങില്‍ ബിജെപി സംസ്ഥാന അദ്ധ്യക്ഷന്‍ വി. മുരളീധരന്‍, സംസ്ഥാന ജനറല്‍ സെക്രട്ടറി കെ. സുരേന്ദ്രന്‍, സെക്രട്ടറി വി.വി. രാജന്‍, വൈസ് പ്രസിഡണ്ട് പ്രമീള സി. നായ്ക്ക്, ദേശീയ സമിതിയംഗം മടിക്കൈ കമ്മാരന്‍, എം. സജ്ജീവ ഷെട്ടി, പി. രമേഷ് തുടങ്ങിയവര്‍ സംബന്ധിക്കും. ജില്ലാ അദ്ധ്യക്ഷന്‍ പി. സുരേഷ്‌കുമാര്‍ ഷെട്ടി അദ്ധ്യക്ഷത വഹിക്കുമെന്ന് ജനറല്‍ സെക്രട്ടറി അഡ്വ. കെ. ശ്രീകാന്ത് അറിയിച്ചു.
Minister Prakash Javadekar, Kasaragod, Kerala, BJP Office, Inauguration.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

4:49 p.m. | 0 comments

എംപി ഫണ്ടില്‍ എട്ട് റെയില്‍വേ സ്റ്റേഷനുകളില്‍ കസേരയും ബഞ്ചും അനുവദിച്ചു

കാസര്‍കോട്: (www.kasargodvartha.com 25/05/2015) പി. കരുണാകരന്‍ എംപിയുടെ പ്രാദേശിക വികസന ഫണ്ടില്‍ നിന്ന് കാസര്‍കോട്   ലോക്‌സഭാ മണ്ഡലത്തിലെ എട്ട് റെയില്‍വേ സ്റ്റേഷനുകളില്‍ സ്റ്റീല്‍ കസേരകളും ആര്‍സിസി ബഞ്ചുകളും  സ്ഥാപിക്കും.

11.80 ലക്ഷം രൂപയുടെ  പദ്ധതിക്ക്  ജില്ലാ കളക്ടര്‍ അനുമതി നല്‍കി. ഭരണാനുമതി പത്രം മേയ് 27ന്  രാവിലെ 10.30ന് ജില്ലാ കളക്ടര്‍ പി.എസ് മുഹമ്മദ് സഗീര്‍ ചെറുവത്തൂര്‍ റയില്‍വേ സ്റ്റേഷനില്‍ നടക്കുന്ന ചടങ്ങില്‍ ദക്ഷിണറെയില്‍വേ  എഡിആര്‍എമ്മിന് കൈമാറും.

കണ്ണപുരം, പഴയങ്ങാടി, പയ്യന്നൂര്‍, ചെറുവത്തൂര്‍, നീലേശ്വരം, കാഞ്ഞങ്ങാട്, കാസര്‍കോട് , കുമ്പള റയില്‍വേ സ്റ്റേഷനുകളിലാണ് പദ്ധതി നടപ്പാക്കുന്നത്.  സംസ്ഥാനത്ത് ആദ്യമായാണ്  ഇത്തരം പദ്ധതിനടപ്പാക്കുന്നത്.  എട്ട് റെയില്‍വേ സ്റ്റേഷനുകളിലായി ആകെ 40 സ്റ്റീല്‍ കസേരകളും 50 ആര്‍സിസി ബഞ്ചുകളുമാണ്  11.80 ലക്ഷം രൂപ ചെലവില്‍ സ്ഥാപിക്കുന്നത്.
Chairs and benches for railway stations, P. Karunakaran MP,  Kasaragod, Kerala, Railway Station.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

4:48 p.m. | 0 comments

മൊഗ്രാല്‍ യുനാനി ആശുപത്രിയില്‍ ചികിത്സയ്ക്ക് പ്രിയമേറുന്നു

മൊഗ്രാല്‍ പുത്തൂര്‍: (www.kasargodvartha.com 25/05/2015) കേരളത്തിലെ ആദ്യത്തെ യുനാനി ഗവണ്‍മെന്റ് ഡിസ്‌പെന്‍സറിയായ കുമ്പള പഞ്ചായത്തിലെ മൊഗ്രാല്‍ ഗവണ്മെന്റ് യുനാനി ഡിസ്‌പെന്‍സറിയില്‍ ചികിത്സയ്‌ക്കെത്തുന്നവരുടെ എണ്ണം വര്‍ദ്ധിച്ചുവരുന്നു. ജില്ലയ്ക്ക് പുറത്ത് നിന്നും സംസ്ഥാനത്തിന് പുറത്ത് നിന്നും നിരവധി പേരാണ് ഇവിടെ ചികിത്സ തേടിയെത്തുന്നവര്‍ക്ക് കണക്കുകള്‍ അനുസരിച്ച് ഓരോ വര്‍ഷവും പത്തായിരത്തോളം പേര്‍ ഇവിടെ ചികിത്സയ്ക്കായി എത്തുന്നു. പാര്‍ശ്വഫലങ്ങള്‍ ഒന്നും തന്നെയില്ല എന്നത് യുനാനി ചികിത്സയെ പ്രിയപ്പെട്ടതാക്കുന്നു.

1991 ലാണ് മൊഗ്രാല്‍ ഗവ. യുനാനി ഡിസ്‌പെന്‍സറി പ്രവര്‍ത്തനം ആരംഭിച്ചത്. ജില്ലാ പഞ്ചായത്ത് നിര്‍മ്മിച്ച് നല്‍കിയ കെട്ടിടത്തിലാണ് ഡിസ്‌പെന്‍സറി പ്രവര്‍ത്തിക്കുന്നത്. രാവിലെ ഒമ്പത് മണി മുതല്‍ ഉച്ചയ്ക്ക് മൂന്ന് മണിവരെയാണ്  ചികിത്സ നല്‍കുന്നത്. രോഗികള്‍ക്ക് മരുന്നും ഇവിടെ ലഭ്യമാണ്.  വെളളപാണ്ട്, ത്വക്ക് രോഗങ്ങള്‍, ജീവിതശൈലി രോഗങ്ങള്‍, മാനസിക വെല്ലുവിളി നേരിടുന്ന കുട്ടികള്‍ക്കുളള  ചികിത്സ, സ്ത്രീജന്യരോഗങ്ങള്‍ക്കുളള ചികിത്സ, മഞ്ഞപ്പിത്തം,കിഡ്‌നി സ്റ്റോണ്‍ തുടങ്ങിയവയ്ക്ക് വളരെ  ഫലപ്രദമായ മരുന്നുകളാണ് നല്‍കുന്നത്.  വെളളപാണ്ട് ചികിത്സയ്ക്ക്  ഇവിടെയെത്തുന്നവര്‍ക്ക,് തുടര്‍ചികിത്സ ആവശ്യമെങ്കില്‍ കേന്ദ്ര ഗവണ്‍മെന്റിന് കീഴിലുളള ഹൈദ്രബാദ്  യുനാനി ചികിത്സാലയത്തിലേക്ക് റഫര്‍ ചെയ്യും. 

പച്ചമരുന്നുകള്‍ തന്നെയാണ്  യുനാനി ചികിത്സയിലും ഉപയോഗിക്കുന്നത്. പക്ഷേ ഇവ അറിയപ്പെടുന്നത് വ്യത്യസ്ത പേരുകളിലാണ്. അരിഷ്ടം പോലുളള  സിറപ്പുകള്‍ ഷര്‍ബത് എന്ന പേരിലും ഗുളികകള്‍ ക്യുര്‍സ്, ലേഹ്യങ്ങള്‍ ജബാരിഷ് തുടങ്ങിയ പേരിലുമാണ്  അറിയപ്പെടുന്നത്.  മരുന്ന് വാങ്ങിക്കുന്നതിന്  സംസ്ഥാന സര്‍ക്കാര്‍ വര്‍ഷത്തേക്ക് 50000 രൂപയും കുമ്പള പഞ്ചായത്ത് അഞ്ച് ലക്ഷം രൂപയും വകയിരുത്തുന്നു. നടപ്പ് സാമ്പത്തിക വര്‍ഷം മരുന്ന് വാങ്ങിക്കുന്നതിന് കുമ്പള പഞ്ചായത്ത് വകയിരുത്തുന്നത് 6 ലക്ഷം രൂപയാണ്. കാസര്‍കോട് വികസനപാക്കേജിന്റെ ഭാഗമായി  50 ലക്ഷം രൂപയുടെ പ്രൊപ്പോസല്‍ ഡിസ്‌പെന്‍സറി അധികൃതര്‍ സമര്‍പ്പിച്ചിരുന്നു. തുക അനുവദിച്ച് കിട്ടിയാല്‍ 30 കിടക്കകളുളള  കിടത്തി ചികിത്സ സൗകര്യമുളള ആശുപത്രിയായി ഉയര്‍ത്തുക എന്നതാണ് അധികൃതരുടെ ആഗ്രഹം. 
Unani treatment in Mogral,  Mogral Puthur, kasaragod, Mogral, Hospital, Treatment, Kerala.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

4:28 p.m. | 0 comments

രാജപുരത്ത് 101 പേര്‍ ഒത്തുകൂടി... ഓര്‍മ്മയുടെ ദീപം തെളിച്ചു

രാജപുരം: (www.kasargodvartha.com 25/05/2015) അവര്‍ 101 പേര്‍ ഒത്തുകൂടി… എല്ലാവരും ഓര്‍മ്മയുടെ ദീപം തെളിച്ചു. രാജപുരം ഹോളി ഫാമിലി ഹൈസ്‌കൂളിലെ 1978 എസ്.എസ്.എല്‍.സി. ബാച്ചിന്റെ ഒത്തുചേരല്‍ 'ഓര്‍മ്മക്കൂട്ട് -78' ന്റെ വേദിയിലാണ് അത്തരമൊരു ഉദ്ഘാടന പരിപാടി നടന്നത്. തുടര്‍ന്ന് തങ്ങളെ വിട്ടുപിരിഞ്ഞ അധ്യാപകരേയും, സതീര്‍ത്ഥ്യരേയും ഓര്‍മ്മിച്ച് ഒരു നിമിഷം മൗനം ആചരിച്ചു.

പിന്നീട് സ്വയം പരിചയം പുതുക്കുകയും വേദിയില്‍ സ്ഥാപിച്ച 78- ലെ കൂറ്റന്‍ ഗ്രൂപ്പ് ഫോട്ടോയില്‍ അവരവരെ തൊട്ടുകാണിച്ചു, ഓര്‍മ്മകള്‍ അയവിറക്കി. സ്‌കൂള്‍ വളപ്പില്‍ ഓര്‍മ്മയുടെ പൂമരം നട്ടു. പാട്ടുകള്‍ പാടി. അങ്ങനെ അവര്‍ പഴയ 15 വയസ്സുകാരായി.

മുന്‍കാല അധ്യാപകരായ എം.ടി ചാക്കോ, എ.എല്‍. തോമസ്സ്, ചാക്കോ, പി.ടി. കുര്യന്‍, ശ്രീധരന്‍, എല്‍സമ്മ, ത്രേസ്യാമ്മ, പി.ടി. ചാക്കോ എന്നിവരെ യഥാക്രമം, ടി.യു ജോസഫ്, കെ.കെ. കുമാരന്‍, എ. രാഘവന്‍, സി. ദാമോദരന്‍, എ. കമലാക്ഷി, ഗ്രേസി, സി. ബാലന്‍, കെ. സുലൈമാന്‍ എന്നിവര്‍ പൊന്നാടയണിയിച്ച് ഗുരുവന്ദനം നടത്തി.

ചടങ്ങില്‍ സംഘാടക സമിതി ചെയര്‍മാന്‍ എം.എസ്. വാസുദേവന്‍ അദ്ധ്യക്ഷത വഹിച്ചു. എ.കെ. സ്റ്റീഫന്‍, സെന്റിമോന്‍ മാത്യു, ടി.വി. അശോക് കുമാര്‍, സി. വിനോദ് കുമാര്‍, എന്‍. ഭാരതി, പി.എം വത്സമ്മ എന്നിവര്‍ പ്രസംഗിച്ചു. ജന: കണ്‍വീനര്‍ സി.ജെ. അബ്രഹാം സ്വാഗതം പറഞ്ഞു.
Rajapuram, Old student, Kerala, Felicitated, Rajapuram Holy Family High School, Ormakkootu.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

4:17 p.m. | 0 comments

ഓപ്പറേഷന്‍ അനന്ത കാസര്‍കോട്ടും

കാസര്‍കോട്: (www.kasargodvartha.com 25/05/2015) ജലാശയങ്ങളും നീരൊഴുക്കുകളും  സംരക്ഷിക്കാനും വെളളക്കെട്ട് തടയാനും  ലക്ഷ്യമിട്ട് ജില്ലയില്‍ നടപ്പാക്കേണ്ട പദ്ധിതകളുടെ നിര്‍ദ്ദേശം സമര്‍പ്പിക്കാന്‍ ജില്ലാ കളക്ടര്‍ പി.എസ് മുഹമ്മദ് സഗീര്‍ തഹസില്‍ദാര്‍മാര്‍ക്ക് നിര്‍ദ്ദേശം നല്‍കി.

ചീഫ് സെക്രട്ടറി ജിജി തോംസണ്‍ കണ്ണൂരില്‍ നടത്തിയ ജില്ലാ കളക്ടര്‍മാരുടെ യോഗത്തിന്റെയും  വീഡിയോ കോണ്‍ഫറന്‍സിന്റെയും  അടിസ്ഥാനത്തിലാണ്  ഓപ്പറേഷന്‍ അനന്ത മാതൃകയില്‍ ജില്ലയില്‍  നടപടികള്‍ സ്വീകരിക്കാന്‍ തീരുമാനിച്ചത്. നീരൊഴുക്ക് തടസ്സപ്പെടുത്തുന്ന  പ്രവര്‍ത്തനങ്ങള്‍ തടയും. നെല്ലിക്കുന്ന്- പളളം പാലത്തിന്റെ നിര്‍മ്മാണ അവശിഷ്ടങ്ങള്‍ തോടില്‍ കുന്നു കൂടി കിടക്കുന്നതിനാല്‍ പളളം റോഡില്‍ നീരൊഴുക്ക് തടസ്സപ്പെടുന്നതായി യോഗത്തില്‍  ഉദ്യോഗസ്ഥര്‍ ചൂണ്ടിക്കാട്ടി.  

കാഞ്ഞങ്ങാട് കോട്ടച്ചേരി മത്സ്യമാര്‍ക്കറ്റില്‍ നിന്നുളള മലിനജലത്തിന്റെ ഒഴുക്കും തടസ്സപ്പെട്ടിട്ടുണ്ട്. താഴ്ന്ന പ്രദേശങ്ങളില്‍ കാലവര്‍ഷത്തില്‍  വെളളക്കെട്ട്  മൂലമുണ്ടാകുന്ന അത്യാഹിതങ്ങള്‍  ഒഴിവാക്കാന്‍ നടപടിയെടുക്കണമെന്ന ജില്ലാ കളക്ടര്‍ നിര്‍ദ്ദേശം നല്‍കി. മഞ്ചേശ്വരം , കാസര്‍കോട്, കാഞ്ഞങ്ങാട്, വെളളരിക്കുണ്ട് താലൂക്കുകളില്‍ സംരക്ഷിക്കപ്പെടേണ്ട കുളങ്ങളുടെയും  ജലാശയങ്ങളുടെയും പട്ടിക ലഭ്യമാക്കാന്‍ തഹസില്‍ദാര്‍മാര്‍ക്ക്  ജില്ലാ കളക്ടര്‍ നിര്‍ദ്ദേശം നല്‍കി. 

Operation Ananda in Kasaragod, Kasaragod District Collector P.S. Muhammed Sageer, Kerala, Kasaragod.എഡിഎം എച്ച് ദിനേശന്‍ തഹസില്‍ദാര്‍മാരായ എം. ശശിധരഷെട്ടി (മഞ്ചേശ്വരം) കെ അംബുജാക്ഷന്‍ (കാസര്‍കോട്),  വൈഎം.സി സുകുമാരന്‍ (കാഞ്ഞങ്ങാട്), പി.കെ. ശോഭ (വെളളരിക്കുണ്ട്) കാസര്‍കോട് മുനിസിപ്പല്‍ സെക്രട്ടറി വിനയന്‍ തുടങ്ങിയവര്‍ യോഗത്തില്‍ സംസാരിച്ചു.  

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

4:14 p.m. | 0 comments

ചൂരി മീപ്പുഗിരിയിലെ സി.കെ നാസര്‍ നിര്യാതനായി

കാസര്‍കോട്: (www.kasargodvartha.com 25/05/2015) ചൂരി മീപ്പുഗിരിയിലെ സമീര്‍ ഹൗസില്‍ പരേതനായ മഹമൂദ്- ഫാത്വിമ ദമ്പതികളുടെ മകന്‍ സി.കെ നാസര്‍ (47) നിര്യാതനായി. ഭാര്യ: ഫരീദ. മക്കള്‍: ഡാനിഷ്, ഷെറിന്‍, സിനാന്‍, ഷാഹിദ്.

മരുമക്കള്‍: നിസാര്‍ ഉദുമ. സഹോദരങ്ങള്‍: ആരിഫ് പിക് ഓണ്‍, സാഹിറ ബാനു. ഖബറടക്കം തിങ്കളാഴ്ച വൈകിട്ട് അഞ്ച് മണിയ്ക്ക് ചൂരി ഹൈദ്രോസ് ജുമാമസ്ജിദ് ഖബര്‍സ്ഥാനില്‍. ഫര്‍ണിച്ചര്‍ മൊത്തവിതരണക്കാരനായിരുന്നു നാസര്‍.
Kasaragod, Kerala, Death, Obituary, Choori, C.K Nasar, Choori C.K. Nasar passes away

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
4:04 p.m. | 0 comments

ജഗനീഷിനും രഞ്ജിത്തിനും സാന്ത്വനമായി ആര്‍ എം വൈ സി ബൈത്തുര്‍ റഹ് മ

രാമന്തളി: (www.kasargodvartha.com 25/05/2015) പ്രതിവിധിയും പരിഹാരവുമില്ലാത്ത അപൂര്‍വ്വ രോഗത്തിന്റെ പിടിയിലകപ്പെട്ടു നിത്യദുരിതം പേറുന്ന രഞ്ജിത്തിനും ജഗനീഷിനും സാന്ത്വനവുമായി ബൈത്തുര്‍ റഹ് മ. കാരുണ്യ കേദാരമായിരുന്ന സ്‌നേഹക്കടല്‍ പാണക്കാട് സയ്യിദ് മുഹമ്മദലി ശിഹാബ് തങ്ങളുടെ നാമധേയത്തില്‍ അബുദാബി രാമന്തളി മുസ്‌ലിം യൂത്ത് സെന്ററും മുസ്‌ലിം ലീഗ് ശാഖാ കമ്മിറ്റിയും ചേര്‍ന്ന് നിര്‍മ്മിക്കുന്ന ബൈത്തുര്‍ റഹ് മയില്‍  ആദ്യത്തേത് നാടിന്റെ തീരാനൊമ്പരമായി മാറിയ ഈ സഹോദരങ്ങള്‍ക്ക് തണലാകുന്നു.

പതിനൊന്നു വയസു വരെ സാധാരണ ജീവിതം നയിച്ച രഞ്ജിത്തും ജഗനീഷും ആറാം ക്ലാസ്സില്‍ പഠിക്കുമ്പോഴാണ് മസ്‌കുലര്‍ ഡിസ്‌ട്രോഫി എന്ന ഇതുവരെ ചികിത്സയില്ലാത്ത രോഗം പിടിപെടുന്നത്. ഏറെനേരം കിടക്കാനോ, നില്‍ക്കാനോ, ഇരിക്കാനോ കഴിയാത്ത ദൈന്യാവസ്ഥ. ചുമരും ചാരി അധികസമയവും നില്‍പ്പാണ്. ഭക്ഷണം കഴിക്കാനും പ്രാഥമികകര്‍മ്മങ്ങള്‍ നിര്‍വ്വഹിക്കാനും പരസഹായം വേണം.

തകര്‍ന്നു വീഴാറായ വീടിന്റെ നാല് ചുമരുകള്‍ക്കുള്ളില്‍ നിന്ന് മാത്രം പുറംലോകം കാണാന്‍ വിധിക്കപ്പെട്ട യൗവനങ്ങള്‍. കാണുന്നവരില്‍ മുഴുവന്‍ സങ്കടക്കടല്‍ തീര്‍ക്കുന്ന ഇവര്‍ രോഗിയായ പള്ളിപ്രത്ത് ഗംഗാധരന്റെയും കൂലിവേല ചെയ്തു കുടുംബം പുലര്‍ത്താന്‍ നെട്ടോട്ടമോടുന്ന ജാനകിയുടെയും മക്കളാണ്. ഉള്ള സമ്പാദ്യം മുഴുവന്‍ ഇവരുടെ ചികിത്സക്കായി ചെലവായി. കിട്ടാവുന്നിടത്തോളം വാങ്ങിക്കൂട്ടിയ കടബാധ്യത ഈ കുടുംബത്തിന്റെ സാസ്ഥ്യംകെടുത്തുന്നു. ദൈന്യവും ആലംബഹീനവും നിസ്സഹായവും ആയ ഈ നിസ്വതയിലേക്കാണ് മഹാനായ ശിഹാബ് തങ്ങളുടെ പേരിലുള്ള ബൈത്തുര്‍ റഹ് മ നിറസ്‌നേഹമായും സമാശ്വാസവുമായി പെയ്തിറങ്ങുന്നത്. കാറ്റും വെളിച്ചവും കടക്കുന്ന സുരക്ഷിതമായ കിടപ്പാടമെന്ന അവരുടെ വലിയ സ്വപ്നം സാക്ഷാത്കരിക്കപ്പെടുമ്പോള്‍ ഒരു നാടിന്റെ മുഴുവന്‍ പ്രാര്‍ഥനയും സ്‌നേഹവും അവരോടോപ്പമുണ്ട്.

ആറാം ക്ലാസില്‍ സ്‌കൂള്‍ പഠനം അവസാനിച്ചുവെങ്കിലും ഇരുവരും പത്താം ക്ലാസ് പരീക്ഷ എഴുതിയിട്ടുണ്ട്. എന്നെങ്കിലും മറ്റുള്ളവരുടെത് പോലുള്ള ഒരു ജീവിതം ലഭിക്കുമെന്ന നിറപ്രതീക്ഷയില്‍ കഴിയുന്ന ഇവര്‍ക്ക് തിളക്കമുള്ള സ്വപ്നങ്ങളുടെ കെടാവിളക്ക് സമ്മാനിക്കുന്ന ബൈത്തുര്‍ റഹ് മയുടെ തറക്കല്ലിടല്‍ ജൂണ്‍ നാലിന് പാണക്കാട് സയ്യിദ് മുനവ്വറലി ശിഹാബു തങ്ങള്‍ നിര്‍വ്വഹിക്കും.

ദുരിതജീവിതത്തിന്റെ കൊടുംചൂടില്‍ വെന്തുരുകുന്ന ഇവര്‍ക്ക് ആദ്യത്തെ സാന്ത്വനത്തണല്‍ ഏകാന്‍ ആകുന്നതിന്റെ ചാരിതാര്‍ത്ഥ്യത്തിലാണ് ഇതിന്റെ അണിയറ പ്രവര്‍ത്തകര്‍. നാലു ബൈത്തു റഹ് മയ്ക്കാണ് കുറ്റി അടിക്കല്‍ കര്‍മം നടക്കുന്നത്. കൂടാതെ മൂന്ന് ബൈത്തു റഹ് മയുടെ അടുത്തായി പൊതു കിണര്‍ സമര്‍പണവും ജൂണ്‍ നാലിന് നടക്കും.
Kasaragod, Kerala, Baithu Rahma, RMYC, Baithu Rahma to Jaganeesh and Ranjith.


Kasaragod, Kerala, Baithu Rahma, RMYC, Baithu Rahma to Jaganeesh and Ranjith.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
4:00 p.m. | 0 comments

ആവേശത്തിരയിളക്കി യു ഡി എഫ് വടക്കന്‍ മേഖലാ ജാഥക്ക് വന്‍ സ്വീകരണം

ജില്ലാ അതിര്‍ത്തിയായ ഒളവറയില്‍ യു ഡി എഫ് നേതാക്കള്‍ ജാഥയെ സ്വീകരിച്ചു

തൃക്കരിപ്പൂര്‍: (www.kasargodvartha.com 25/05/2015) മലബാറിലെ വിവിധ ജില്ലകളില്‍ ആവേശം വിതച്ച് മുന്നേറുന്ന യു ഡി എഫ് വടക്കന്‍ മേഖലാ ജാഥക്ക് സപ്തഭാഷാ സംഗമ ഭൂമിയായ കാസര്‍കോടിന്റെ മണ്ണില്‍ ഉജ്ജ്വല സ്വീകരണം. യു ഡിഎഫ് സര്‍ക്കാരിനും നേതാക്കള്‍ക്കുമെതിരെ സി പി എം നേതൃത്വം നല്‍കുന്ന പ്രതിപക്ഷ രാഷ്ട്രീയ കക്ഷികള്‍ നടത്തുന്ന കുപ്രചാരണങ്ങള്‍ ജനസമക്ഷം തുറന്നു കാട്ടുവാനും ഉമ്മന്‍ ചാണ്ടി നയിക്കുന്ന യു ഡി എഫ് നടപ്പാക്കുന്ന ജനക്ഷേമ പരിപാടികള്‍ പ്രചരിപ്പിക്കുവാനും കേന്ദ്രത്തിലെ നരേന്ദ്ര മോഡിയുടെ ജനവിരുദ്ധ നയങ്ങള്‍ക്കെതിരെ പ്രചാരണം നടത്തുന്നതിനുമായി സംസ്ഥാനത്തെ വിവിധ ജില്ലകളില്‍ നടത്തിവരുന്ന മേഖലാ ജാഥകളെ ജനങ്ങള്‍ നെഞ്ചേറ്റിയതിന്റെ തെളിവാണ് വിവിധ കേന്ദ്രങ്ങളിലെ വന്‍ ജനപങ്കാളിത്തം കാട്ടുന്നത്.

രാവിലെ 11 മണിയോടെ ഒളവറ പാലത്തിന് സമീപം വെച്ച് ജില്ലയിലെ മുതിര്‍ന്ന യു ഡി എഫ് നേതാക്കള്‍ ഷാളണിയിച്ച് മേഖലാ ജാഥാ അംഗങ്ങളെ ബാന്‍ഡ് വാദ്യത്തിന്റെ അകമ്പടികളോടെ സ്വീകരിച്ചു. തൃക്കരിപ്പൂരിലെ യു ഡി എഫ് ഓട്ടോ തൊഴിലാളി സംയുക്ത യൂണിയന്‍ നേതൃത്വത്തില്‍ ഇളമ്പച്ചിയില്‍ നിന്നും നൂറില്‍പ്പരം ഓട്ടോകള്‍ ജാഥയെ സ്വീകരിച്ച് ആനയിച്ചു. ബൈക്കുകളില്‍ യു ഡി എഫ് പ്രവര്‍ത്തകര്‍ ജാഥയ്ക്ക് അകമ്പടി നല്‍കി. ടൗണിലെ സ്വീകരണ യോഗത്തില്‍ കരിമ്പില്‍ കൃഷ്ണന്‍ അധ്യക്ഷനായിരുന്നു.

മുസ്ലീം ലീഗ് സംസ്ഥാന സെക്രട്ടറിയും ജാഥാ നായകനുമായ കെ പി എ മജീദ്, ജാഥയുടെ ഉപനായകരായ കെ പി സി സി ജനറല്‍ സെക്രട്ടറി കെ പി കുഞ്ഞിക്കണ്ണന്‍, ജനതാദള്‍(യു) നേതാവ് വി കുഞ്ഞാലി, സണ്ണി ജോസഫ് എം എല്‍ എ, ജാഥാ കോ ഓഡിനേറ്ററും കെ പി സി സി ജനറല്‍ സെക്രട്ടറിയുമായ വി വി പ്രകാശ്, ഡി സി സി പ്രസിഡണ്ട് അഡ്വ. സി കെ ശ്രീധരന്‍, യു ഡി എഫ് ചെയര്‍മാന്‍ ചെര്‍ക്കളം അബ്ദുല്ല, കണ്‍വീനര്‍ പി. ഗംഗാധരന്‍ നായര്‍, സംസ്ഥാന നേതാക്കളായ തോമസ് ചാഴിക്കാടന്‍, അഡ്വ. കെ എ ഫിലിപ്പ്, സി എ അജീര്‍,കെ എം സുരേഷ് ബാബു, അഡ്വ. ടി സി വിജയന്‍, കെ പി സി സി ജനറല്‍ സെക്രട്ടറി സതീശന്‍ പാച്ചേനി, സെക്രട്ടറി കെ നീലകണ്ഠന്‍, കെ പി സി സി നിര്‍വാഹക സമിതി അംഗം കെ വെളുത്തമ്പു, മുന്‍ മന്ത്രി സി ടി അഹമ്മദലി, വി കെ അബ്ദുല്‍ ഖാദര്‍ മൗലവി, പി കോരന്‍ മാസ്റ്റര്‍, അബ്ദുര്‍ റഹ് മാന്‍ കല്ലായി, എം സി ഖമറുദ്ദീന്‍, അഡ്വ. കെ കെ രാജേന്ദ്രന്‍, പി കെ ഫൈസല്‍, ഹക്കീം കുന്നില്‍, സി പി കൃഷ്ണന്‍, സൈമണ്‍ പള്ളത്ത് കുഴി, വിനോദ് കുമാര്‍ പള്ളയില്‍ വീട്,വി കെ പി ഹമീദലി,  ടി വി ബാലകൃഷ്ണന്‍,  പി കുഞ്ഞിക്കണ്ണന്‍, എം രാധാകൃഷണന്‍ നായര്‍, എ സി ജോസ്, വി കെ രവീന്ദ്രന്‍, പി സി രാജേന്ദ്രന്‍, കെ എം ഷംസുദ്ദീന്‍, സി എ കരീം ചന്തേര തുടങ്ങിയവര്‍ പങ്കെടുത്തു.

Photo: Urumees Trikaripur


 Kasaragod, Kerala, UDF, Leaders, CPM, Chief Minister Oommen Chandy, Narendra Modi, reception to UDF north region Jadha

Kasaragod, Kerala, UDF, Leaders, CPM, Chief Minister Oommen Chandy, Narendra Modi,

Kasaragod, Kerala, UDF, Leaders, CPM, Chief Minister Oommen Chandy, Narendra Modi,

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
3:56 p.m. | 0 comments

എംപി ഫണ്ട് പദ്ധതികള്‍ സമയബന്ധിതമായി പൂര്‍ത്തീകരിക്കണം - പി കരുണാകരന്‍ എം.പി

കാസര്‍കോട്: (www.kasargodvartha.com 25/05/2015)   പാര്‍ലമെന്റംഗങ്ങളുടെ പ്രാദേശിക വികസന ഫണ്ടില്‍ നടപ്പാക്കുന്ന പദ്ധതികള്‍  സമയബന്ധിതമായി പൂര്‍ത്തീകരിക്കണമെന്ന് പി. കരുണാകരന്‍ എംപി നിര്‍വ്വഹണ ഉദ്യോഗസ്ഥര്‍ക്ക് കര്‍ശന നിര്‍ദ്ദേശം നല്‍കി. ജില്ലാ ആസൂത്രണ സമിതി ഹാളില്‍ എംപി ഫണ്ട് അവലോകന യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

പാര്‍ലമെന്റംഗങ്ങളുടെ  പ്രാദേശിക വികസനഫണ്ട് വിനിയോഗത്തിനുളള മാര്‍ഗ്ഗ നിര്‍ദ്ദേശങ്ങള്‍ കൃത്യമായി  പാലിക്കണം. പദ്ധതികള്‍ക്ക്  ഭരണാനുമതിയും സാങ്കേതികാനുമതിയും കൃത്യസമയത്ത് നേടണം.  എസ്റ്റിമേറ്റ് സമര്‍പ്പിക്കുന്നതിനും പൂര്‍ത്തിയായ പദ്ധതികളുടെ  ബില്ലുകള്‍ നല്‍കുന്നതിലുമുണ്ടാകുന്ന കാലതാമസമാണ് എംപി ഫണ്ട്  ചെലവഴിക്കുന്നതില്‍ കാലതാമസമുണ്ടാകുന്നത്.  15-ാം ലോകസഭയില്‍ 278 പദ്ധതികളില്‍ 276 പദ്ധതികളും പൂര്‍ത്തിയായി.  ഇതില്‍ 18 പദ്ധതികളുടെ   ബില്ലുകള്‍ സമര്‍പ്പിക്കാന്‍ അവശേഷിക്കുന്നു.  രണ്ടാഴ്ചയ്ക്കകം  ബില്ലുകള്‍ സമര്‍പ്പിക്കാന്‍ നിര്‍ദ്ദേശം നല്‍കി. ഭരണാനുമതി  ലഭിച്ചാല്‍ 45ദിവസത്തിനകം  പദ്ധതി നിര്‍വ്വഹണമാരംഭിക്കണമെന്ന് മാര്‍ഗ്ഗനിര്‍ദ്ദേശങ്ങളില്‍ വ്യക്തമാക്കിയിട്ടുളളത്. ഇതു പാലിക്കാത്ത ഉദ്യോഗസ്ഥര്‍ വിശദീകരണം നല്‍കണം.  

P. Karunakaran MP Statement,  Fund, MP, P. Karunakaran-MP, Kerala, Kasaragod. 16-ാം ലോക്‌സഭയില്‍  2014-15 വര്‍ഷത്തില്‍ 106ഉം 2015-16 വര്‍ഷത്തില്‍ 59 പദ്ധതികളും ഉള്‍പ്പെടെ 165 പദ്ധതികളാണ് നിര്‍ദ്ദേശിച്ചത്.  ഇതില്‍ 72 പദ്ധതികള്‍ക്ക് അനുമതിയായി. ഇതില്‍ 30 ലക്ഷം  രൂപയുടെ  ആറു പ്രവര്‍ത്തികള്‍ പൂര്‍ത്തീകരിച്ചു. 36.75 ശതമാനം തുക ചെലവഴിച്ചു. സി.പി നാരായണന്‍, എംപി അച്യുതന്‍, ഡോ. ജയശ്രീ എന്‌നീ രാജ്യസഭാ എംപിമാരുടെ പ്രവര്‍ത്തികളും അവലോകനം ചെയ്തു. യോഗത്തില്‍ ജില്ലാ കളക്ടര്‍ പി.എസ് മുഹമ്മദ് സഗീര്‍ പദ്ധതി പുരോഗതി വിലയിരുത്തി.  ജില്ലാ പ്ലാനിംഗ് ഓഫീസറുടെ  ചുമതല വഹിക്കുന്ന കെ. ഗിരീഷ് കുമാര്‍  റിപ്പോര്‍ട്ട് അവതരിപ്പിച്ചു. ഫിനാന്‍സ് ഓഫീസര്‍ കെ കുഞ്ഞമ്പുനായര്‍ വിവിധ വകുപ്പുകളുടെ നിര്‍വ്വഹണ ഉദ്യോഗ്സ്ഥര്‍ സംബന്ധിച്ചു. 

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

3:38 p.m. | 0 comments

ബൈന്ദൂര്‍ പാസഞ്ചറിന് ബേക്കലില്‍ സ്റ്റോപ്പ് അനുവദിച്ചു


ബേക്കല്‍: (www.kasargodvartha.com 25/05/2015) കണ്ണൂര്‍-ബൈന്ദൂര്‍ പാസഞ്ചറിന് ബേക്കലില്‍ സ്റ്റോപ്പ് അനുവദിച്ചതായി റെയില്‍വേ അധികൃതര്‍ പി. കരുണാകരന്‍ എം.പി യെ അറിയിച്ചു. എം.പി. ഇക്കാര്യം കെ. കുഞ്ഞിരാമന്‍ എം.എല്‍.എ. മുഖാന്തരം റെയില്‍വേ പാസഞ്ചേഴ്‌സ് അസോസിയേഷന്‍ ഭാരവാഹികളെ അറിയിച്ചു.

അന്താരാഷ്ട്ര ടൂറിസം കേന്ദ്രമായ ബേക്കലില്‍ ബൈന്ദൂര്‍ പാസഞ്ചറിന് സ്റ്റോപ്പ് അനുവദിക്കാത്തതിനെതിരെ റെയില്‍വേ പാസഞ്ചേഴ്‌സ് അസോസിയേഷനും നാട്ടുകാരും ശക്തമായ പ്രതിഷേധം ഉന്നയിച്ച സാഹചര്യത്തിലാണ് അധികൃതര്‍ സ്റ്റോപ്പ് അനുവദിക്കാന്‍ തീരുമാനിച്ചിരിക്കുന്നത്. ഇതു സംബന്ധിച്ചുള്ള ഉത്തരവ് രണ്ടു ദിവസത്തിനുള്ളില്‍ തന്നെ ഉണ്ടാകുമെന്നാണ് സൂചന.

ഇതു സംബന്ധിച്ച് പി. കരുണാകരന്‍ എം.പിക്കും റെയില്‍വേ അധികൃതര്‍ക്കും റെയില്‍വേ പാസഞ്ചേഴ്‌സ് അസോസിയേഷന്‍ നിവേദനവും നല്‍കിയിരുന്നു. സ്റ്റോപ്പ് അനുവദിക്കാന്‍ ഇടപെടല്‍ നടത്തിയ എം.പിയെയും കെ.കുഞ്ഞിരാമന്‍ എം.എല്‍.എ യെയും റെയില്‍വേ പാസഞ്ചേഴ്‌സ് അസോസിയേഷന്‍ പ്രസിഡണ്ട് മൗവ്വല്‍ മുഹമ്മദ് മാമു, സെക്രട്ടറി അബ്ദുര്‍ റഹ് മാന്‍ ഹദ്ദാദ്, ഭാരവാഹികളായ സുബൈര്‍ കുന്നില്‍, വി.എം അന്‍സാരി, എം.എ. കുഞ്ഞബ്ദുല്ല, കെ.എ. അബ്ബാസ്, കെ.കെ. അബ്ബാസ്, മുഹമ്മദ് കുഞ്ഞി ഇല്യാസ്, അബ്ദുല്ല കടപ്പുറം, ഹക്കീം ബേക്കല്‍ തുടങ്ങിയവര്‍ അഭിനന്ദിച്ചു.

\സ്റ്റോപ്പ് അനുവദിക്കുന്ന ദിവസം തന്നെ ബൈന്ദൂര്‍ പാസഞ്ചറിന് ബേക്കലില്‍ സ്വീകരണം ഏര്‍പെടുത്താനും പാസഞ്ചേഴ്‌സ് അസോസിയേഷന്‍ തീരുമാനിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
2:37 p.m. | 0 comments

കാമുകനോടൊപ്പം ഭാര്യ ഒളിച്ചോടി; ഭര്‍ത്താവ് പോലീസില്‍ പരാതി നല്‍കി

കാഞ്ഞങ്ങാട്: (www.kasargodvartha.com 25/05/2015) കാമുകനോടൊപ്പം ഭാര്യ ഒളിച്ചോടി. സംഭവവുമായി ബന്ധപ്പെട്ട് ഭര്‍ത്താവ് പോലീസില്‍ പരാതി നല്‍കി. നീലേശ്വരം മൂലപ്പള്ളിയിലെ ഭാസ്‌കരന്റെ മകള്‍ ബിന്ദുവാണ് കാമുകനോടൊപ്പം ഒളിച്ചോടിയത്. സംഭവത്തില്‍ ബിന്ദുവിന്റെ ഭര്‍ത്താവ് പനത്തടി കുറിഞ്ഞിയിലെ നാരായണന്റെ മകന്‍ എം വിനു(35) വാണ് ഹൊസ്ദുര്‍ഗ് പോലീസില്‍ പരാതി നല്‍കിയത്.

പടന്നക്കാട്ടെ മോഹനന്റെ കൂടെയാണ് ബിന്ദു ഒളിച്ചോടിയതെന്നാണ് പരാതിയില്‍ പറയുന്നത്. പടന്നക്കാട്ടെ ചൂരല്‍ കമ്പനിയില്‍ ജോലി ചെയ്തുവരികയായിരുന്നു ബിന്ദു. കഴിഞ്ഞ ദിവസം രാവിലെ പതിവുപോലെ ബിന്ദു ചൂരല്‍ കമ്പനിയില്‍ ജോലിക്ക് പോവുകയും തിരിച്ചുവരാത്തതിനെ തുടര്‍ന്ന് അന്വേഷിച്ചപ്പോള്‍ മോഹനന്റെ കൂടെ ഒളിച്ചോടുകയായിരുന്നുവെന്നും അറിയുകയായിരുന്നു.

Kanhangad, Kerala, Kasaragod, complaint, Police, wife, husband, Investigation, Neeleshwaram,6 വര്‍ഷം മുമ്പാണ് വിനുവിന്റെയും ബിന്ദുവിന്റെയും വിവാഹം കഴിഞ്ഞത്. കൂലിത്തൊഴിലാളിയാണ് വിനു. ഇവര്‍ക്ക് കുട്ടികളൊന്നുമില്ല. മിക്ക ദിവസങ്ങളിലും സ്വന്തം വീട്ടിലാണ് ബിന്ദു താമസിച്ചിരുന്നതെന്നും തന്റെ വീട്ടിലേക്ക് വല്ലപ്പോഴും മാത്രമേ വരാറുള്ളൂവെന്നും വിനു പോലീസില്‍ നല്‍കിയ പരാതിയില്‍ പറയുന്നു. തന്നെ അനുസരിക്കുന്നുണ്ടായിരുന്നില്ലെന്നും പരാതിയില്‍ പറയുന്നു. പോലീസ് അന്വേഷണം ആരംഭിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
2:17 p.m. | 0 comments

പട്ടിക വര്‍ഗ്ഗക്കാര്‍ക്ക് 459 വീടുകള്‍ നല്‍കി

കാസര്‍കോട്: (www.kasargodvartha.com 25/05/2015)  കഴിഞ്ഞ നാല് വര്‍ഷത്തിനുള്ളില്‍ ജില്ലയിലെ പട്ടിക വര്‍ഗ്ഗക്കാര്‍ക്ക് 459 വീടുകള്‍ നിര്‍മ്മിക്കുന്നതിന് ജില്ലാ പട്ടികവര്‍ഗ്ഗ വികസന വകുപ്പ് സാമ്പത്തിക സഹായം നല്‍കി. ഓരോ വീടിനും രണ്ടര ലക്ഷം രൂപ വീതമാണ് അനുവദിച്ചത്. ഈ ഏപ്രില്‍ മുതല്‍ അനുവദിക്കുന്ന ഓരോ വീടിനും മൂന്നര ലക്ഷം രൂപവീതം നല്‍കും.

ദാരിദ്ര്യ രേഖക്ക് താഴെയുള്ള കുടുംബങ്ങള്‍, ഭവന നിര്‍മ്മാണത്തിന് മുമ്പ് സാമ്പത്തിക സഹായം ലഭിച്ചിട്ടില്ലാത്തവര്‍, വിധവകള്‍, വിവാഹ പ്രായമെത്തിയ പെണ്‍കുട്ടികളുള്ള കുടുംബങ്ങള്‍ എന്നിവര്‍ക്കാണ് വീട് നിര്‍മ്മിക്കുന്നതിന് സാമ്പത്തിക സഹായം അനുവദിക്കുമ്പോള്‍ മുന്‍ഗണന നല്‍കിയത്. ഊരുകൂട്ടങ്ങള്‍ വഴി ഗ്രാമ പഞ്ചായത്ത് മുഖേനയാണ് ഗുണഭോക്താക്കളെ തെരഞ്ഞെടുക്കുന്നത്. നാല് ഘട്ടങ്ങളിലായിട്ടാണ് ഭവന നിര്‍മ്മാണത്തിനുള്ള സാമ്പത്തിക സഹായം ഗുണഭോക്താക്കള്‍ക്ക് കൈമാറുന്നത്. 

2011-12 വര്‍ഷത്തില്‍ 100 വീടിനും, 2012-13 ല്‍ 63 വീടിനും, 2013-14 ല്‍ 75 വീടിനും 2014-15 ല്‍ 221 വീടിനും സാമ്പത്തിക സഹായം നല്‍കി. ജില്ലാ പട്ടികവര്‍ഗ്ഗ വികസന വകുപ്പ്, ഇങ്ങനെ ഭവന രഹിതരായ നിരവധി പട്ടികവര്‍ഗ്ഗക്കാരുടെ വീടെന്ന സ്വപ്നമാണ് കഴിഞ്ഞ നാല് വര്‍ഷത്തിനുള്ളില്‍ യാഥാര്‍ത്ഥ്യമാക്കിയത്. 

ജില്ലയിലെ പ്രാക്തന ഗോത്ര വിഭാഗക്കാരുടെ വിദ്യാഭ്യാസം പ്രോത്സാഹിപ്പിക്കുന്നതിനും അടിസ്ഥാന സൗകര്യ വികസനത്തിനും ആവിഷ്‌കരിച്ച പ്രാക്തന ഗോത്ര പാക്കേജ് അനുസരിച്ച് 1402 പേര്‍ക്ക് കഴിഞ്ഞ നാല് വര്‍ഷത്തിനുള്ളില്‍ പ്രയോജനം ലഭിച്ചു. 2011-12 ല്‍ 404 പേര്‍ക്കും, 2012-13 ല്‍ 318, 2013-14 ല്‍ 376, 2014-15 ല്‍ 304 പേര്‍ എന്നിങ്ങനെയാണ് പാക്കേജ് പ്രകാരം സഹായം ലഭിച്ച ഗുണഭോക്താക്കള്‍. 

File Photo
മാതാപിതാക്കളെ നഷ്ടപ്പെട്ട 18 വയസ്സിന് താഴെയുള്ള പട്ടികവര്‍ഗ്ഗ കുട്ടികള്‍ക്ക് സഹായ ഹസ്തമേകുന്ന ബന്ധുക്കള്‍ക്ക് പ്രതിമാസം 1000 രൂപ വീതം നല്‍കുന്ന കൈത്താങ്ങ് പദ്ധതിയും പട്ടികവര്‍ഗ്ഗ വികസന വകുപ്പ് ജില്ലയില്‍ നടപ്പിലാക്കിവരുന്നു. 2013-14 ല്‍ 44 പേര്‍ക്കും, 2014-15 ല്‍ 61 പേര്‍ക്കുമാണ് പദ്ധതിയുടെ പ്രയോജനം ലഭിച്ചത്. 

നിര്‍ദ്ധനരായ പട്ടികവര്‍ഗ്ഗ പെണ്‍കുട്ടികള്‍ക്ക് 50000 രൂപ വീതം വിവാഹ ധനസഹായം പട്ടികവര്‍ഗ്ഗ വികസന വകുപ്പ് നല്‍കുന്നു. കഴിഞ്ഞ നാല് വര്‍ഷത്തിനുള്ളില്‍ 300 പെണ്‍കുട്ടികള്‍ക്കാണ് ധനസഹായം ലഭിച്ചത്. 

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

2:14 p.m. | 0 comments

കളിക്കുകയായിരുന്ന 11 കാരിയെ പിടിച്ചുകൊണ്ടുപോയി പീഡിപ്പിക്കാന്‍ ശ്രമിച്ച സംഭവം; പെണ്‍കുട്ടിയുടെ രഹസ്യ മൊഴിയെടുക്കും

രാജപുരം: (www.kasargodvartha.com 25/05/2015) കളിച്ചുകൊണ്ടിരിക്കുകയായിരുന്ന 11 കാരിയെ ബലമായി പിടിച്ചുകൊണ്ടുപോയി പീഡിപ്പിക്കാന്‍ ശ്രമിച്ച കേസില്‍ പെണ്‍കുട്ടിയുടെ മൊഴിയെടുക്കും. കള്ളാറിലെ 11 കാരിയുടെ രഹസ്യ മൊഴിയാണ് ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് (രണ്ട്) കോടതി രേഖപ്പെടുത്തുന്നത്. 11 കാരിയുടെ രഹസ്യമൊഴി  രേഖപ്പെടുത്തണമെന്നാവശ്യപ്പെട്ട് രാജപുരം എസ് ഐ രാജീവന്‍ വാചാല്‍ കോടതിയില്‍ നല്‍കിയ റിപ്പോര്‍ട്ടിന്റെ അടിസ്ഥാനത്തിലാണിത്.

സംഭവത്തില്‍ കള്ളാറിലെ കണ്ണനെ (38) പോലീസ് അറസ്റ്റു ചെയ്തിരുന്നു. പെണ്‍കുട്ടിയുടെ മാതാവ് നല്‍കിയ പരാതിയില്‍ പോലീസ് കേസെടുക്കുകയായിരുന്നു.

Kasaragod, Kerala, Rajapuram, Kanhangad, Police, arrest, court, Molestation-attempt, Youth, വീടിന് തൊട്ടടുത്തുള്ള വീട്ടില്‍ കളിച്ചുകൊണ്ടിരിക്കുകയായിരുന്ന പെണ്‍കുട്ടിയെ കണ്ണന്റെ ബന്ധുവീട്ടിലേക്ക് ബലമായി പിടിച്ചുകൊണ്ടുപോയി പീഡിപ്പിക്കാന്‍ ശ്രമിക്കുകയായിരുന്നു. കുതറിയോടിയ പെണ്‍കുട്ടിയുടെ വിവരം വീട്ടുകാരെ അറിയിക്കുകയും വീട്ടുകാര്‍ പോലീസില്‍ പരാതി നല്‍കുകയുമായിരുന്നു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Related News:
കളിച്ചുകൊണ്ടിരിക്കുകയായിരുന്ന 11 കാരിയെ ബലമായി പിടിച്ചുകൊണ്ടുപോയി പീഡിപ്പിക്കാന്‍ ശ്രമം; യുവാവ് അറസ്റ്റില്‍
Keywords: Kasaragod, Kerala, Rajapuram, Kanhangad, Police, arrest, court, Molestation-attempt, Youth, Molestation case; police to record victims confidential statement.

Advertisement:
1:08 p.m. | 0 comments

ഡി.വൈ.എഫ്.ഐ. പ്രവര്‍ത്തകനെ ഓട്ടോ തടഞ്ഞ് വധിക്കാന്‍ ശ്രമം; കൊലക്കേസ് പ്രതിയടക്കം 3 പേര്‍ക്കെതിരെ കേസ്

കുമ്പള: (www.kasargodvartha.com 25/05/2015) ഡി.വൈ.എഫ്.ഐ. പ്രവര്‍ത്തകനെ ഓട്ടോ തടഞ്ഞ് വധിക്കാന്‍ ശ്രമിച്ചു. സംഭവത്തില്‍ കൊലക്കേസ് പ്രതിയടക്കം മൂന്നു പേര്‍ക്കെതിരെ കുമ്പള പോലീസ് കേസെടുത്തു. ഡി.വൈ.എഫ്.ഐ. പ്രവര്‍ത്തകന്‍ കൊടിയമ്മ പുതിയകൂരയില്‍ അബ്ദുര്‍ റഹ് മാനെ (30) യാണ് ഓട്ടോയില്‍ സഞ്ചരിക്കുന്നതിനിടെ നായ്ക്കാപ്പില്‍ വെച്ച് ബൈക്കിലെത്തിയ മൂന്നംഗ സംഘം ഓട്ടോ തടഞ്ഞ് വധിക്കാന്‍ ശ്രമിച്ചത്.

മൂന്നംഗ അക്രമി സംഘം അബ്ദുര്‍ റഹ്മാനെ അക്രമിക്കാന്‍ ശ്രമിക്കുന്നതിനിടെ ഇവരുടെ പിടിയില്‍ നിന്നും കുതറിയോടിയ അബ്ദുര്‍ റഹ് മാന്‍ ഓടിക്കൊണ്ടിരിക്കുകയായിരുന്ന ബസില്‍ ചാടിക്കയറിയാണ് രക്ഷപ്പെട്ടത്. സി.പി.എം. പ്രവര്‍ത്തകന്‍ മുരളി വധക്കേസിലെ പ്രതി ശരത്ത് സംഘത്തിലുണ്ടായിരുന്നതായി അബ്ദുര്‍ റഹ് മാന്‍ പോലീസിന് മൊഴി നല്‍കി. ഞായറാഴ്ച വൈകിട്ട് അഞ്ച് മണിയോടെയായിരുന്നു സംഭവം.

അബ്ദുര്‍ റഹ് മാനെ വധിക്കാന്‍ ശ്രമിച്ച സംഭവത്തില്‍ ശരത്തിനും കണ്ടാലറിയാവുന്ന മറ്റു രണ്ടു പേര്‍ക്കെതിരെയുമാണ് പോലീസ് കേസെടുത്തത്. പ്രതികള്‍ക്ക് വേണ്ടി അന്വേഷണം വ്യാപിപ്പിച്ചു. മുരളി വധക്കേസില്‍ ദിവസങ്ങള്‍ക്ക് മുമ്പാണ് ശരത്ത് ജാമ്യത്തില്‍ പുറത്തിറങ്ങിയത്.
Kasaragod, Kerala, Kumbala, case, Police, DYFI, Murder-attempt, Accuse, Case against 3 for murder attempting of DYFI worker.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
11:59 a.m. | 0 comments

ഹനീഫ് ഹുദവിക്ക് മതപഠനത്തോടൊപ്പം അഭിഭാഷക ബിരുദവും; മലയോരത്തിന് ആഹ്ലാദം

കാസര്‍കോട്: (www.kasargodvartha.com 25/05/2015) അഭിഭാഷകനായി ഹൈക്കോടതിയില്‍ എന്‍ട്രോള്‍ ചെയ്ത ദേലംപാടി സ്വദേശി ഹനീഫ് ഹുദവി ഇര്‍ഷാദിയുടെ നേട്ടത്തില്‍ മലയോരത്തിന് ആഹ്ലാദ നിമിഷം. ആദ്യമായാണ് ഒരു ഹുദവി അഭിഭാഷക പട്ടം സ്വന്തമാക്കുന്നത്. ദേലംപാടിയില്‍ ജനിച്ച ഹനീഫിന്റെ പ്രാഥമിക വിദ്യാഭ്യാസം ദേലംപാടി ജി.വി.എച്ച്.എസ് സ്‌കൂളിലായിരുന്നു. ദേലംപാടി സ്വദേശി എം.എച്ച് അബ്ദുറഹ്്മാന്‍ ഹാജിയുടെയും ബീഫാത്തിമയുടെയും അഞ്ചാമത്തെ മകനാണ് ഹനീഫ് ഹുദവി.

ചട്ടഞ്ചാല്‍ മലബാര്‍ ഇസ്്‌ലാമിക് കോംപ്ലക്‌സിലെ ദാറുല്‍ ഇര്‍ഷാദ് അക്കാദമിയില്‍ നിന്ന് മതപഠനത്തില്‍ ബിരുദം നേടിയ ഹനീഫ് ചെമ്മാട് ദാറുല്‍ ഹുദാ ഇസ്്‌ലാമിക് യൂണിവേഴ്‌സിറ്റിയില്‍ നിന്നാണ് ബിരുദാന്തര ബിരുദം നേടിയത്. ഭൗതിക തലത്തില്‍ കാലിക്കറ്റ് യൂണിവേഴ്‌സിറ്റിയില്‍ നിന്ന് സോഷ്യോളജിയില്‍ ബിരുദവും അണ്ണാമലൈ യൂണിവേഴ്‌സിറ്റിയില്‍ നിന്ന് ചരിത്രത്തില്‍ പി.ജിയുമെടുത്തു. കണ്ണൂര്‍ യൂണിവേഴ്‌സിറ്റിയുടെ കൗണ്‍സിലിംഗ് സൈക്കോളജി ഡിപ്ലോമയും സ്വന്തമാക്കിയ ഹനീഫ് 2011-14 ബാച്ചിലാണ് കോഴിക്കോട് ലോ കോളജില്‍ എല്‍.എല്‍.ബിക്കു ചേര്‍ന്നത്.

പിന്നീട് ചട്ടഞ്ചാല്‍ മലബാര്‍ ഇസ്്‌ലാമിക് കോംപ്ലക്‌സില്‍ ദാറുല്‍ ഇര്‍ഷാദ് അക്കാദമിയില്‍ ചേര്‍ന്നു. പഠനത്തില്‍ മികവു കാട്ടിയ ഹനീഫ് ഒരു നിമിഷവും വെറുതെ കളഞ്ഞില്ല. ദാറുല്‍ ഹുദാ യൂണിവേഴ്‌സിറ്റിയിലും ലോ കോളജിലും പഠിക്കുന്നതിനിടയില്‍ സോഷ്യോളജിയില്‍ ബിരുദവും ചരിത്രത്തില്‍ പി.ജിയും സ്വന്തമാക്കി.

പ്രമുഖ മതപണ്ഡിതനായിരുന്ന സി.എം അബ്ദുല്ല മൗലവി, ചെറുശ്ശേരി സൈനുദ്ദീന്‍ മുസ്്‌ലിയാര്‍, ഡോ. ബഹാവുദ്ദീന്‍ നദ്‌വി എന്നിവരുടെ ശിഷ്യത്വം സ്വീകരിച്ച ഹനീഫ് പ്രമുഖ പ്രാസംഗികന്‍ കൂടിയാണ്. ഗള്‍ഫ് രാഷ്ട്രങ്ങളിലും നാട്ടിലും നിരവധി പ്രസംഗ വേദികളില്‍ ഇതിനകം ശ്രദ്ധ പിടിച്ചുപറ്റിയിട്ടുണ്ട്.

ഹനീഫ് ഹുദവിയുടെ നേട്ടത്തില്‍ സമസ്ത ജില്ലാ പ്രസിഡന്റ് ത്വാഖ അഹ്മദ് മുസ്്‌ലിയാര്‍, ജനറല്‍ സെക്രട്ടറി യു.എം അബ്ദുര്‍ റഹ് മാന്‍ മുസ്്‌ലിയാര്‍, എസ്.വൈ.എസ് ജില്ലാ പ്രസിഡന്റ് എം.എ ഖാസിം മുസ്്‌ലിയാര്‍, ജനറല്‍ സെക്രട്ടറി അബ്ബാസ് ഫൈസി പുത്തിഗെ, സംസ്ഥാന വൈസ് പ്രസിഡന്റ് മെട്രോ മുഹമ്മദ് ഹാജി, എസ്.എം.എഫ് ജില്ലാ പ്രസിഡന്റ് ചെര്‍ക്കളം അബ്ദുല്ല, ജനറല്‍ സെക്രട്ടറി ഡോ. ഖത്തര്‍ ഇബ്രാഹിം ഹാജി കളനാട്, എസ്.കെ.എസ്.എസ്.എഫ് സംസ്ഥാന സെക്രട്ടറി ഇബ്രാഹിം ഫൈസി ജെഡിയാര്‍, ജില്ലാ പ്രസിഡന്റ് താജുദ്ദീന്‍ ദാരിമി പടന്ന, ജനറല്‍ സെക്രട്ടറി ഹാരിസ് ദാരിമി ബെദിര തുടങ്ങിയവര്‍ അഭിനന്ദിച്ചു.

ഹനീഫ് ഹുദവിയെ കൂടാതെ ദാറുല്‍ ഹുദയിലെ സഹപാഠിയായ തൃശൂര്‍ സ്വദേശി ഫൈസലും തൃശൂര്‍ ലോകോളജില്‍ നിന്നും നിയമബിരുദം നേടിയിട്ടുണ്ട്. ദാറുല്‍ഹുദയിലെ വിദ്യാര്‍ത്ഥികളില്‍ ആദ്യമായാണ് ഈ രണ്ടുപേരും നിയമ ബിരുദം നേടുന്നത്.

Kasaragod, Kerala, College, Winner, MIC, Student, Education, Haneef Hudavi Delampady, Law College, LLB.
              ഫൈസല്‍ ഹുദവി


Kasaragod, Kerala, College, Winner, MIC, Student, Education, Haneef Hudavi Delampady, Law College, LLB.
ഹനീഫ് ഹുദവി

Kasaragod, Kerala, College, Winner, MIC, Student, Education, Haneef Hudavi Delampady, Law College, LLB.
Kasaragod, Kerala, College, Winner, MIC, Student, Education, Haneef Hudavi Delampady, Law College, LLB.
Kasaragod, Kerala, College, Winner, MIC, Student, Education, Haneef Hudavi Delampady, Law College, LLB.
Kasaragod, Kerala, College, Winner, MIC, Student, Education, Haneef Hudavi Delampady, Law College, LLB.
Kasaragod, Kerala, College, Winner, MIC, Student, Education, Haneef Hudavi Delampady, Law College, LLB.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Advertisement:
11:38 a.m. | 0 comments

ബീട്ടിയടുക്കത്ത് വീട്ടമ്മ ഉറക്കത്തില്‍ മരിച്ചു

പൈക്ക: (www.kasargodvartha.com 25/05/2015) വീട്ടമ്മ ഉറക്കത്തില്‍ മരിച്ചു. പൈക്കയിലെ മുസ്ലിം ലീഗ് നേതാവും ചാത്തപ്പാടി ജമാഅത്ത് കമ്മിറ്റി ട്രഷററുമായ ബീട്ടിയടുക്കത്തെ അബ്ദുല്ലക്കുഞ്ഞിയുടെ ഭാര്യ നഫീസ (56)യാണ് തിങ്കളാഴ്ച രാവിലെ മരിച്ചത്.

ഞായറാഴ്ച രാത്രി ഭക്ഷണം കഴിച്ച് ഉറങ്ങാന്‍ കിടന്നതായിരുന്നു. രാവിലെ ഉണരാത്തതിനാല്‍ പരിശോധിച്ചപ്പോഴാണ് മരിച്ചതായി വ്യക്തമായത്. മക്കള്‍: സുഹറ, നൗഷാദ് (ദുബായ്), മിസ്രിയ, ആസിഫ്, സിദ്ദീഖ് (സൗദി), നംഷീദ, സാജിദ. മരുമക്കള്‍: അബ്ബാസ്, ഷമീമ, അഷ്‌റഫ്, ഹഫ്‌സ, അഷ്‌റഫ്, നവാസ്.

മൃതദേഹം ചാത്തപ്പാടി ജുമാമസ്ജിദ് ഖബര്‍സ്ഥാനില്‍ ഖബറടക്കി.

Kasaragod, Kerala, Death, Obituary, Muslim-league, Nafeesa.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
11:09 a.m. | 0 comments

for MORE News select date here

KVARTHA: LATEST NEWS

Obituary

Read More Obituary News

Mangalore

Read More Mangalore News

കൂടുതൽ വായിച്ചത് | Most Read Stories