ഗുണ്ടാ ആക്ട് പ്രകാരം കൊലക്കേസടക്കം 6 ക്രമിനല്‍ കേസുകളിലെ പ്രതിയായ യുവാവ് അറസ്റ്റില്‍

കാസര്‍കോട്: ഗുണ്ടാ ആക്ട് പ്രകാരം കൊലക്കേസടക്കം ആറ് ക്രമിനല്‍ കേസുകളിലെ പ്രതിയായ യുവാവിനെ വിദ്യാനഗര്‍ പോലീസ് അറസ്റ്റ് ചെയ്തു. അണങ്കൂര്‍ കസബയിലെ ഫൈസല്‍ മന്‍സിലില്‍ എം. നൗഷാദിനെ (21) യാണ് ജില്ലാ കലക്ടറുടെ ഉത്തരവിന്റെ അടിസ്ഥാനത്തില്‍ വിദ്യാനഗര്‍ എസ്.ഐ ഉത്തംദാസും സംഘവും തിങ്കളാഴ്ച രാത്രി അറസ്റ്റ് ചെയ്തത്.

കരുതല്‍ തടങ്കലിനായി നൗഷാദിനെ കണ്ണൂര്‍ സെന്‍ട്രല്‍ ജയിലിലേക്ക് മാറ്റി. കാസര്‍കോട്, വിദ്യാനഗര്‍ പോലീസ് സ്‌റ്റേഷന്‍ പരിധികളിലായി കൊലക്കേസടക്കം ആറ് ക്രിമിനല്‍ കേസുകളിലെ പ്രതിയാണ് ഗുണ്ടാ ആക്ടില്‍ അറസ്റ്റിലായ നൗഷാദ്. 2010 ഏപ്രില്‍ 13 ന് അണങ്കൂര്‍ കസബയിലെ ഷൈന്‍ ഷാന്‍ എന്നയാളെ മാരകായുധങ്ങള്‍ കൊണ്ട് അക്രമിച്ച കേസിലും, 2010 ഏപ്രില്‍ 15 ന് സുജാഹുദ്ദീന്‍ എന്നയാളെ കത്തി കൊണ്ട് കുത്തി പരിക്കേല്‍പിക്കുകയും ഇരുമ്പ് വടി കൊണ്ട് തലക്കടിച്ച് കൊലപ്പെടുത്താന്‍ ശ്രമിക്കുകയും ചെയ്ത സംഭവത്തില്‍ 308 വകുപ്പ് പ്രകാരം വധശ്രമക്കേസിലും പ്രതിയാണ്.

കാസര്‍കോട് ടൗണ്‍ സ്‌റ്റേഷന്‍ പരിധിയില്‍ 2012 മാര്‍ച് 25 ന് സി.എ. സിദ്ദിഖിനെ തടഞ്ഞ് നിര്‍ത്തി തലയ്ക്ക് ഇരുമ്പു വടികൊണ്ട് അടിച്ച് കൊല്ലാന്‍ ശ്രമിച്ച കേസിലും, 2012 സെപ്റ്റംബര്‍ 19 ന് മുഹമ്മദ് ശാഫി എന്നയാളെ തടഞ്ഞി നിര്‍ത്തി മൂവി ക്യാമറ, എ.ടി.എം കാര്‍ഡ്. 18,300 രൂപ എന്നിവ പിടിച്ചു പറിച്ച് അക്രമിച്ച് പരിക്കേല്‍പിക്കുകയും ഇദ്ദേഹത്തിന്റെ ഇന്നോവ കാര്‍ തട്ടി കൊണ്ടു പോവുകയും ചെയ്ത കേസിലും നൗഷാദ് പ്രതിയാണ്.

2011 ജനിവരി 24 ന് വിദ്യാനഗര്‍ പോലീസ് സ്‌റ്റേഷന്‍ പരിധിയില്‍ പന്നിപ്പാറയില്‍ വെച്ച് കേളുഗുഡ്ഡെയിലെ ഓട്ടോ ഡ്രൈവര്‍ ഉപേന്ദ്രനെ കുത്തി കൊലപ്പെടുത്തിയ കേസിലും, 2013 ഫെബ്രുവരി അഞ്ചിന് വിദ്യാനഗറിലെ സി.പി.എം ജില്ലാ കമ്മിറ്റ് ഓഫീസ് കല്ലെറിഞ്ഞ് തകര്‍ത്ത് ഓഫീസ് സെക്രട്ടറി ലോകേഷിനെ അക്രമിക്കാന്‍ ശ്രമിച്ച സംഭവത്തിലും നൗഷാദ് പ്രതിയാണെന്ന് പോലീസ് പറഞ്ഞു.

Keywords: Murder-Case, Arrest, Youth, Vidya Nagar, Police, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

1:17 pm | 0 comments

വിവാഹം കഴിഞ്ഞയുടന്‍ വരന്‍ ഹൃദയാഘാതം മൂലം മരിച്ചു

മംഗലാപുരം: വിവാഹം കഴിഞ്ഞ് മണിക്കൂറുകള്‍ക്കകം വരന്‍ ഹൃദയാഘാതം മൂലം മരിച്ചു. തിങ്കളാഴ്ച ഗദക് ജില്ലയിലെ രാമഗിരി വില്ലേജ് ലക്ഷ്മീശ്വറിലാണ് സംഭവം. ശിവകുമാര്‍ പൂജാര (32) എന്നയാളാണ് നാട്ടുകാരിയായ വധുവിന് താലി ചാര്‍ത്തി അല്‍പ സമയത്തിനകം ഹൃദയാഘാതംമൂലം മരണപ്പെട്ടത്.

വിവാഹ ശേഷം ആളുകളെല്ലാം ഭക്ഷണം കഴിക്കാനായി പിരിഞ്ഞപ്പോള്‍ നാഗരാജയ്ക്ക് നെഞ്ച് വേദന അനുഭവപ്പെടുകയായിരുന്നു. ഉടന്‍ ഇയാളെ ഒരു ബൈക്കില്‍ ലക്ഷ്മീശ്വരറലെ ഒരു സ്വകാര്യ ആശുപത്രിയില്‍ എത്തിച്ചു. അപ്പോഴേക്കും നാഗരാജ അന്ത്യശ്വാസം വലിച്ചിരുന്നു.

വിവാഹ സ്ഥലം ക്ഷണ നേരം കൊണ്ട് മരണ വേദിയാവുകയും ആഹ്ലാദത്തിന് പകരം ദുഃഖം തളംകെട്ടി നില്‍ക്കുകയും ചെയ്തു. കോണ്‍ട്രാക്ടറായി ജോലി ചെയ്തു വരികയായിരുന്നു നാഗരാജ.

Keywords: Groom, Mangalore, Hospital, Marriage-house, Mangalore, Kerala News, International News, National News, Gulf News, Health News, Educational News, Business News, Stock News, Gold News.

Read More

1:00 pm | 0 comments

സ്വപനയുടെ തീരോധാനം: വി.എച്ച്.പി കുമ്പള പോലീസ് സ്‌റ്റേഷന്‍ ധര്‍ണ നടത്തി

കുമ്പള: കയ്യാര്‍ ജോഡ്ക്കലിലെ വിശ്വഹിന്ദ് പരിഷത്ത് ജില്ലാ ട്രഷറര്‍ നാരായണ ഷെട്ടിയുടെ മകള്‍ സ്വപ്‌നയെ (21) ദുരൂഹ സാഹചര്യത്തില്‍ കാണാതായ സംഭവത്തില്‍ അന്വേഷണം നടത്തി പെണ്‍കുട്ടിയെ ഉടന്‍ കണ്ടെത്തണമെന്നാവശ്യപ്പെട്ട് വി.എച്ച്.പി. യുടെ ആഭിമുഖ്യത്തില്‍ ചൊവ്വാഴ്ച രാവിലെ കുമ്പള പോലീസ് സ്‌റ്റേഷനു മുന്നില്‍ ധര്‍ണ നടത്തി.

മെയ് 15 നാണ് സ്വപ്നയെ കാണാതായത്. ഉപ്പള സോങ്കാലിലെ ഒരു യുവാവ് സ്വപ്നയെ കടത്തി കൊണ്ടു പോയതാണെന്നും പെണ്‍കുട്ടിയെ യുവാവ് വില്‍പന നടത്തുമെന്നും ആരോപിച്ചാണ് വി.എച്ച്.പിയുടെ പോലീസ് സ്റ്റേഷന്‍ ധര്‍ണ. വിശ്വഹിന്ദ് പരിഷത്ത് മംഗലാപുരം വിഭാഗ് പ്രസിഡന്റ് ബായാടി വെങ്കിട്ട രമണ ഭട്ട് ധര്‍ണ ഉദ്ഘാടനം ചെയ്തു.

നേതാക്കളായ മുരളീധരന്‍, മുരളീയാദവ് തുടങ്ങിയവര്‍ പ്രസംഗിച്ചു. അതേസമയം സ്വപ്‌നയും യുവാവും പ്രണയത്തിലായിരുന്നുവെന്നും ഇവര്‍ സ്വമേധയ വീടുവിട്ട് പോയതാണെന്നും പിതാവിന്റെ പരാതിയില്‍ മിസ്സിംഗിന് കേസെടുത്തിട്ടുണ്ടെന്ന് പോലീസ് അറിയിച്ചു. ഇവരെ കണ്ടെത്താന്‍ അന്വേഷണം ഊര്‍ജിതമായി നടക്കുകയാണെന്നും ഉടന്‍ കണ്ടെത്താന്‍ കഴിയുമെന്നും കുമ്പള പോലീസ് പറഞ്ഞു.

Related News:
ടൗണിലേക്ക് പോയ യുവതിയെ ദുരൂഹ സാഹചര്യത്തില്‍ കാണാതായി

Keywords: Missing, Police, Kumbala, Police-station, Uppala, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

12:59 pm | 0 comments

എന്‍.എ ട്രോഫി ഫുട്‌ബോള്‍: കെ.2 ബില്‍ഡേഴ്‌സ് ജേതാക്കള്‍

മേല്‍പറമ്പ്: തമ്പ് മേല്‍പറമ്പിന്റെ ആഭിമുഖ്യത്തിലുള്ള 22-ാമത് എന്‍.എ ട്രോഫി ഫുട്‌ബോള്‍ ടൂര്‍ണമെന്റിന്റെ ആവേശകരമായ ഫൈനല്‍ മത്സരത്തില്‍ കെ.2 ബില്‍ഡേഴ്‌സ് മാംഗ്ലൂര്‍ എതിരില്ലാത്ത ഒരു ഗോളിന് ബാച്ചിലേഴ്‌സ് പുത്തൂരിനെ പരാജയപ്പെടുത്തി. കെ.2 ബില്‍ഡേഴ്‌സിന് വേണ്ടി നൈജീരിയന്‍ താരം വിക്ടര്‍ ആയിരുന്നു ഗോള്‍ നേടിയത്.

ജില്ലാ കലക്ടര്‍ പി.എസ് മുഹമ്മദ് സഗീര്‍ മുഖ്യ അതിഥിയായിരുന്നു. ടൂര്‍ണമെന്റിലെ മികച്ച ഗോള്‍ കീപ്പര്‍ കെ.2 ബില്‍ഡേഴ്‌സിലെ ഡിങ്കനും മികച്ച കളിക്കാരനായി നൈജീരിയന്‍ താരം വിക്ടറും തെരഞ്ഞെടുക്കപ്പെട്ടു.

ടൂര്‍ണമെന്റിനോടനുബന്ധിച്ച് സാന്ത്വനം തമ്പ് എന്ന പേരില്‍ നിര്‍ദ്ധരരായ രോഗികള്‍ക്ക് മാസംതോറും ആയിരം രൂപയുടെ മരുന്നുകള്‍ സൗജന്യമായി വിതരണം ചെയ്യാന്‍ തീരുമാനിച്ചു.

അര്‍ഹരായ ആളുകള്‍ ടൂര്‍ണമെന്റ് കണ്‍വീനര്‍ സി.ബി. മുഹമ്മദ് ഹനീഫ് എന്നയാളുമായി ബന്ധപ്പെടണം. നമ്പര്‍ 9744703786. മേല്‍പറമ്പ്, ദേളി, ചട്ടഞ്ചാല്‍, കട്ടക്കാല്‍, കൈനോത്ത്, കീഴൂര്‍, ചെമ്പരിക്ക, കുവ്വത്തൊട്ടി എന്നീ സ്ഥലങ്ങളിലുള്ളവര്‍ക്ക് വേണ്ടിയാണ് പദ്ധതി.

Keywords: Football tournament, Winner, Melparamba, Deli, Chattanchal, Kizhur, Chembarika, kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

12:59 pm | 0 comments

കേന്ദ്ര സര്‍വകലാശാല രജിസ്ട്രാറെ രാഷ്ട്രപതി സസ്‌പെന്റ് ചെയ്തു

കാസര്‍കോട്: കേന്ദ്ര സര്‍വകലാശാല ജോയിന്റ് രജിസ്ട്രാര്‍ അബ്ദുര്‍ റഷീദിനെ അന്വേഷണ വിധേയമായി രാഷ്ട്രപതി പ്രണബ് മുഖര്‍ജി സസ്‌പെന്റ് ചെയ്തു. തിങ്കളാഴ്ച ഉച്ചയോടെയാണ് രജിസ്ട്രാറെ സസ്‌പെന്റ് ചെയ്തുകൊണ്ടുള്ള ഉത്തരവ് എത്തിയത്. സസ്‌പെന്‍ഷന്‍ ഉത്തരവ് രജിസ്ട്രാര്‍ അബ്ദുര്‍ റഷീദ് കൈപ്പറ്റിയിട്ടുണ്ട്. ഈ മാസം എട്ടിനാണ് സസ്‌പെന്റ് ചെയ്തുകൊണ്ടുള്ള ഉത്തരവില്‍ രാഷ്ട്രപതി ഒപ്പുവെച്ചിരിക്കുന്നത്. സസ്‌പെന്‍ഷന്‍ ഉത്തരവില്‍ അബ്ദുര്‍ റഷീദിന് ഷോക്കോസ് നോട്ടീസ് അയച്ചിട്ടുണ്ടെന്നും വ്യക്തമാക്കിയിട്ടുണ്ട്.

കേന്ദ്ര സര്‍വകലാശാലയിലെ ഒരു ജീവനക്കാരി രജിസ്ട്രാര്‍ക്കെതിരെ വൈസ് ചാന്‍സിലര്‍ ജാന്‍സി ജെയിംസിന് പരാതി നല്‍കിയതിനെ തുടര്‍ന്ന് കോളജിലെ എത്തിക്‌സ് കമ്മിറ്റി പരാതിയില്‍ അന്വേഷണം നടത്തുകയും പരാതിയില്‍ കഴമ്പുണ്ടെന്ന രീതിയില്‍ കേന്ദ്ര മാനവശേഷി വികസന മന്ത്രാലയത്തിന് റിപോര്‍ട്ട് നല്‍കുകയും ചെയ്തിരുന്നു.

മാനവശേഷി വികസന മന്ത്രാലയം റിപോര്‍ട്ട് പിന്നീട് രാഷ്ട്രപതിക്ക് കൈമാറുകയും ചെയ്യുകയായിരുന്നു. ഇതിന്റെ അടിസ്ഥാനത്തിലാണ് ഇപ്പോള്‍ രജിസ്ട്രാറെ സസ്‌പെന്റ് ചെയ്തുകൊണ്ടുള്ള ഉത്തരവ് പുറപ്പെടുവിച്ചത്. അതേസമയം രജിസ്ട്രാര്‍ക്കെതിരായ ആരോപണം കെട്ടിച്ചമച്ചതാണെന്ന ആക്ഷേപം നേരത്തെ തന്നെ ഉയര്‍ന്നിട്ടുണ്ട്.

Related News:
കേന്ദ്ര സര്‍വകലാശാല രജിസ്ട്രാര്‍ക്കെതിരായ ഗൂഢാലോചന പുറത്തുവരുന്നു; പരാതിക്കാരി പിന്മാറി

കേന്ദ്ര സര്‍വകലാശാല രജിസ്ട്രാറെ ഘരാവോ ചെയ്യാനെത്തിയ മഹിളാ പ്രവര്‍ത്തകരെ തടഞ്ഞു

കേന്ദ്ര സര്‍വകലാശാലയില്‍ പീഡന വിവാദം; പരാതി പോലീസിന് കൈമാറിയേക്കും

Keywords: Abdul Rasheed, Kasaragod, Central University, Registration, Suspension, Kerala, Central university registrar suspended,  Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

11:55 pm | 0 comments

കുഞ്ചത്തൂരില്‍ കുഴപ്പമുണ്ടാക്കുന്നവരെ പിടികൂടണം: മുസ്ലിം ലീഗ് പോലീസ് സ്‌റ്റേഷന്‍ ധര്‍ണ 22ന്

ഹൊസങ്കടി: മുസ്ലിം ലീഗ് മഞ്ചേശ്വരം പഞ്ചായത്ത് കമ്മിറ്റിയുടെ ആഭിമുഖ്യത്തില്‍ മെയ് 22ന് മഞ്ചേശ്വരം പോലീസ് സ്‌റ്റേഷനു മുന്നില്‍ ധര്‍ണ നടത്തുന്നു. കുഞ്ചത്തൂരില്‍ ഇടക്കിടെയുണ്ടാകുന്ന വര്‍ഗീയ സ്വഭാവമുള്ള സംഘര്‍ഷത്തെകുറിച്ച് സമഗ്ര അന്വേഷണം നടത്തുക. നിരപരാധികളായ യുവാക്കള്‍ക്കെതിരെ 153 A വകുപ്പ് പ്രകാരം എടുത്ത കേസ് പിന്‍വലിക്കുക, കര്‍ണാടകയില്‍ നിന്ന് നുഴഞ്ഞുകയറി കുഴപ്പമുണ്ടാക്കുന്നവരെ പിടികൂടുക, കുഞ്ചത്തൂരില്‍ ബൈക്ക് കത്തിച്ച പ്രതികളെ പിടികൂടുക, പോലീസുകാരുടെ പക്ഷപാത നിലപാട് അന്വേഷിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് ധര്‍ണ.

22ന് രാവിലെ 10 മണിക്ക് ആരംഭിക്കുന്ന ധര്‍ണ മുസ്ലിം ലീഗ് ജില്ലാ പ്രസിഡന്റ് ചെര്‍ക്കളം അബ്ദുല്ല ഉദ്ഘാടനം ചെയ്യും. എം.എല്‍.എമാരായ പി.ബി. അബ്ദുര്‍ റസാഖ്, എന്‍.എ. നെല്ലിക്കുന്ന്, മുസ്ലിം ലീഗ് നേതാക്കളായ ഗോള്‍ഡന്‍ അബ്ദുല്‍ ഖാദര്‍, എ.കെ.എം. അഷ്‌റഫ്, എം. അബ്ബാസ്, അബ്ദുല്ല മുഗു, ഹനീഫ് ഹാജി തുടങ്ങിയവര്‍ പ്രസംഗിക്കും.

Keywords: Kasaragod, Muslim-league, Hosangadi, Manjeshwaram, Clash, Police, March, Kerala, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

11:35 pm | 0 comments

എം.ഒ. വര്‍ഗീസിന്റെ 'കാണിയുടെ കാണാകാഴ്ച' പുസ്തക പ്രകാശനം 25ന്

കാഞ്ഞങ്ങാട്: എം.ഒ.വര്‍ഗീസിന്റെ 'കാണിയുടെ കാണാകാഴ്ച' പുസ്തക പ്രകാശനം 25ന് മൂന്നു മണിക്ക് കാഞ്ഞങ്ങാട് ഐ.എം.എ ഹാളില്‍ നടക്കും. പുസ്തക പ്രകാശനം ഇ.പി. ജയരാജന്‍ എം.എല്‍.എ നിര്‍വഹിക്കും.

സി.പി.എം ജില്ലാ സെക്രട്ടറി കെ.പി. സതീഷ്ചന്ദ്രന്‍ അധ്യക്ഷത വഹിക്കും. ഇ.പി. രാജഗോപാലന്‍ പുസ്തക പരിചയം നടത്തും. എ.കെ. നാരായണന്‍, അഡ്വ. കെ. പുരുഷോത്തമന്‍, എം. സുരേന്ദ്രന്‍, ഗോവിന്ദന്‍ പള്ളിക്കാപ്പില്‍, ഹരീഷ് ബി. നമ്പ്യാര്‍, എം. അനന്തന്‍ നമ്പ്യാര്‍, അഡ്വ. പി. അപ്പുക്കുട്ടന്‍, എം. പൊക്ലന്‍, പി.വി. കെ. പനയാല്‍, എ.വി. അനില്‍കുമാര്‍, വാസു ചോറോട്, പ്രൊഫ. കെ.പി. ജയരാജന്‍, ഇ. പത്മാവതി, കെ. മണികണ്ഠന്‍, സുമേഷ്(ഇന്‍സൈറ്റ് പബ്ലിക്കേഷന്‍, കോഴിക്കോട്) എന്നിവര്‍ ആശംസാ പ്രസംഗം നടത്തും.

ജയചന്ദ്രന്‍ കുട്ടമത്ത് സ്വാഗതവും, ടി.കെ. നാരായണന്‍ നന്ദിയും പറയും. എം.ഒ. വര്‍ഗീസ് മറുപടി പ്രസംഗം നടത്തും.

Keywords: M.O.Vargheese, Kaniyude Kanakazhcha, Book release, Kanhangad, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News

Read More

11:35 pm | 0 comments

ക്രിക്കറ്റ് കളിക്കിടെ തര്‍ക്കം: 3 പേര്‍ക്ക് അടിയേറ്റു

മഞ്ചേശ്വരം: ക്രിക്കറ്റ് കളിക്കിടെയുണ്ടായ ഏറ്റുമുട്ടലില്‍ മൂന്നു പേര്‍ക്ക് പരിക്കേറ്റു. ഞായറാഴ്ച മഞ്ചേശ്വരത്താണ് കളിക്കിടെ ഏറ്റുമുട്ടലുണ്ടായത്.

പരിക്കേറ്റ ഓട്ടോ ഡ്രൈവര്‍ ഗോവിന്ദ പൈ കോളജിനടുത്ത താരാ നാഥ് (21), ശിവപ്പ (19), അഭിനാഷ് (21) എന്നിവരെ കുമ്പള ഗവ. ആശുപത്രിയില്‍ പ്രവേശിപ്പിച്ചു. കളിക്കിടെ ഒരു സംഘം ഗ്രൗണ്ടിലിറങ്ങി മര്‍ദിക്കുകയായിരുന്നുവെന്ന് പരിക്കേറ്റവര്‍ പറഞ്ഞു.

Keywords: Attack, Hospital, Manjeshwaram, Kumbala, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

11:35 pm | 0 comments

മണല്‍ കടത്ത്: ഒളയത്ത് കൂട്ടത്തല്ലും ലാത്തിവീശലും

കുമ്പള: ഒളയത്ത് അനധികൃതമായി മണല്‍ കടത്തുകയായിരുന്ന സംഘത്തെ തഹസില്‍ദാറിന്റെ നേതൃത്വത്തില്‍ പിടിച്ചതിനെ തുടര്‍ന്നുണ്ടായ തര്‍ക്കം കൂട്ടത്തല്ലിലും ലാത്തിവീശലിലും കലാശിച്ചു.സംഭവത്തില്‍ രണ്ടുപേര്‍ക്ക് പരിക്കേറ്റു. ഒളയത്തെ മുഹമ്മദ്(28), അബ്ദുല്‍ മനാഫ്(20) എന്നിവര്‍ക്കാണ് പരിക്കേറ്റത്. ഇവരെ കുമ്പള ആശുപത്രിയില്‍ പ്രവേശിപ്പിച്ചിട്ടുണ്ട്.

തിങ്കളാഴ്ച രാവിലെ ഷിറിയ ഒളയങ്കടവിലാണ് സംഭവം. ഞായറാഴ്ച ഒളയങ്കടവില്‍ നിന്നും അനധികൃതമായി കടത്തുകയായിരുന്ന അഞ്ചലോഡു മണല്‍ തഹസില്‍ദാരുടെ നേതൃത്വത്തിലുള്ള റവന്യൂ സംഘം പിടികൂടുകയായിരുന്നു. പിന്നീട് ഇക്കാര്യം ഉന്നയിച്ചുകൊണ്ട് മണല്‍ കടത്തുകാരും പരിസരവാസികളും തമ്മില്‍ തര്‍ക്കമുണ്ടായി. തഹസില്‍ദാര്‍ക്ക് മണല്‍കടത്തുന്ന വിവരം ചോര്‍ത്തിക്കൊടുത്തെന്നാരോപിച്ചാണ് തര്‍ക്കമുണ്ടായത്.

തുടര്‍ന്ന് തിങ്കളാഴ്ച രാവിലെ നാട്ടുകാരും മണല്‍കടത്തുകാരും തമ്മില്‍ കൂട്ടത്തല്ല് ആരംഭിച്ചു. വിവരമറിഞ്ഞ് സ്ഥലത്തെത്തിയ ജൂനിയര്‍ എസ്.ഐ.കൃഷ്ണന്റെ നേതൃത്വത്തിലെത്തിയ  പോലീസ് ലാത്തി
വീശിയതിനെ തുടര്‍ന്നാണ് സംഘര്‍ഷത്തിന് അയവുണ്ടായത്.

Keywords: Sand mafia, Kumbala, Injured, Hospital, Natives, Police, Kerala, Kerala News, International News, National News, Gulf News, Health News, Educational News, Business News, Stock news, Gold News.

Read More

11:34 pm | 0 comments

കുരുന്നുകള്‍ക്ക് പുത്തനറിവുകള്‍ പകര്‍ന്ന് കളിക്കൂട്ടം

പായം: വേനലവധിക്കാലത്ത് കുരുന്നുകള്‍ക്ക് പുത്തനറിവുകള്‍ പകര്‍ന്ന് നടത്തിയ അവധിക്കാല കളിക്കൂട്ടം ശ്രദ്ധേയമായി. പായം എം.എന്‍. സ്മാരക വായനശാലയുടെ ദശവാര്‍ഷികാഘോഷങ്ങളുടെ ഭാഗമായി വായനശാലയും ബാലസംഘം ബീംബുങ്കാല്‍ മേഖലാ സമിതിയും ചേര്‍ന്നാണ് പരിപാടി സംഘടിപ്പിച്ചത്. പാട്ട്, കളി, നാടകം, നിര്‍മാണ പ്രവര്‍ത്തനങ്ങള്‍, ശാസ്ത്ര പരീക്ഷണങ്ങള്‍ തുടങ്ങിയവ രണ്ടുദിവസങ്ങളിലായി നടന്ന ക്യാമ്പില്‍ അരങ്ങേറി.

ബാലസംഘം ബേഡകം ഏരിയാ സെക്രട്ടറി വി. അഭിലാഷ് ഉദ്ഘാടനം ചെയ്തു. ബിപിന്‍രാജ് അധ്യക്ഷനായി. ഉദയന്‍ കുണ്ടംകുഴി, പി.കെ. ലോഹിതാക്ഷന്‍, നിര്‍മല്‍കുമാര്‍ കാറഡുക്ക എന്നിവര്‍ വിവിധ വിഷയങ്ങളില്‍ പരിശീലനം നല്‍കി. പുരോഗമന കലാസാഹിത്യ സംഘം ഏരിയാ സെക്രട്ടറി സി. രാമചന്ദ്രന്‍, നായനാര്‍ അനുസ്മരണ പ്രഭാഷണം നടത്തി. സി. പ്രശാന്ത് സ്വാഗതവും അനീഷ്‌രാജ് നന്ദിയും പറഞ്ഞു.

Keywords: Students, Vacation, Programme, Kalikoottam, Payam, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News

Read More

11:33 pm | 0 comments

ഡി.വൈ.എഫ്.ഐ. വിജയോത്സവം 2013 സംഘടിപ്പിച്ചു

കുണ്ടംകുഴി: എസ്.എസ്.എല്‍.സി, പ്ലസ്ടു വിജയികള്‍ക്ക് പുതിയ ദിശാബോധം പകര്‍ന്ന് ഡി.വൈ.എഫ്.ഐയുടെ വിജയോത്സവം. ഡി.വൈ.എഫ്.ഐ ബേഡകം ബ്ലോക്ക് കമ്മിറ്റിയാണ് എസ്.എസ്.എല്‍.സി, പ്ലസ് ടു പരീക്ഷകളില്‍ വിജയിച്ച കുട്ടികളെ പങ്കെടുപ്പിച്ച് വിജയോത്സവം 2013 എന്ന പേരില്‍ വിജയികളുടെ സംഗമം, അനുമോദന സദസ്, കരിയര്‍-കോഴ്‌സ് ഗൈഡന്‍സ് ക്ലാസ് എന്നിവ സംഘടിപ്പിച്ചത്.

കുണ്ടംകുഴി സാംസ്‌കാരിക നിലയത്തില്‍ ജില്ലാ സെക്രട്ടറി കെ. മണികണ്ഠന്‍ ഉദ്ഘാടനം ചെയ്തു. ബി.സി. പ്രകാശ് അധ്യക്ഷനായി. എസ്.എസ്.എല്‍.സിയില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ നിവേദ്യ ബാലകൃഷ്ണന്‍, കെ. കൃഷ്ണപ്രിയ, ഖദീജത്ത് റാഹില, എന്‍. ആര്‍. ബൈജേഷ്, അഞ്ജന നാരായണന്‍, വി. ആതിര, രാധിക എസ്. നായര്‍, എം. രജീഷ്, സി. എന്‍. അമൃത, കെ. കിഷോര്‍കുമാര്‍, മാളവിക, എം. സേതു കൃഷ്ണന്‍, ഇ. കാവ്യ, എ. അശ്വതി യാദവ്, പ്ലസ് ടു വില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ സി. ദിവ്യ, ജി. ഗായത്രി എന്നിവര്‍ക്ക് കെ. മണികണ്ഠന്‍ ഉപഹാരം നല്‍കി.

എസ്.എസ്.എല്‍.സി, പ്ലസ് ടു വിജയികള്‍ക്ക് എം. സ്വാതി കൃഷ്ണ, എ. ദാമോദരന്‍, സി. രാമചന്ദ്രന്‍ എന്നിവര്‍ ഉപഹാരം നല്‍കി. നിര്‍മല്‍കുമാര്‍ കാറഡുക്ക ക്ലാസെടുത്തു. ബേഡകം ബ്ലോക്ക് സെക്രട്ടറി ടി. കെ. മനോജ് സ്വാഗതവും എ. നാരായണന്‍ നന്ദിയും പറഞ്ഞു.

Keywords: DYFI, Vijayolsavam, Kundamkuzhi, Students, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News

Read More

11:33 pm | 0 comments

അധ്യാപകരെ ആവശ്യമുണ്ട്

നീലേശ്വരം: കോട്ടപ്പുറം ജമാഅത്ത് കമ്മറ്റിക്ക് കീഴില്‍ പ്രവര്‍ത്തിക്കുന്ന സ്‌ക്കൂളില്‍ പ്രീപ്രൈമറി മുതല്‍ ഏഴാം ക്ലാസ് വരെയുള്ള ക്ലാസുകളിലേക്ക് അധ്യാപകരെ നിയമിക്കുന്നു.

താത്പര്യമുള്ളവര്‍ യോഗ്യതാ സര്‍ട്ടിഫിക്കറ്റുകളും ബയോഡാറ്റയും സഹിതം 23 ന് വ്യാഴാഴച രാവിലെ 10 മണിക്ക് ജമാഅത്ത് സ്‌ക്കൂള്‍ ഓഫീസില്‍ ഹാജരാകണം.

Keywords: Teachers, Vacancy, School, Kottappuram, Jamaath committee, Nileshwaram, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News

Read More

11:32 pm | 0 comments

സ്ത്രീയെ പുഴയില്‍ മുങ്ങിമരിച്ച നിലയില്‍ കണ്ടെത്തി

രാജപുരം: കുളിക്കാന്‍ പുഴയില്‍ പോയ സ്ത്രീയെ മുങ്ങിമരിച്ച നിലയില്‍ കണ്ടെത്തി. കുടുംബൂര്‍ കോളനിയിലെ തോമസിന്റെ ഭാര്യ വെള്ളച്ചിയെയാണ് (50) തിങ്കളാഴ്ച രാവിലെ കുടുംബൂര്‍ പുഴയില്‍ മുങ്ങിമരിച്ചനിലയില്‍ കണ്ടെത്തിയത്.

രാജപുരം പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റ് മോര്‍ട്ടത്തിനായി ജില്ലാശുപത്രി മോര്‍ച്ചറിയിലേക്ക് മാറ്റി.

Keywords: Woman, Found dead, River, Rajapuram, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News

Read More

10:57 pm | 0 comments

ദുരന്ത സ്ഥലത്തെ രക്ഷാ പ്രവര്‍ത്തനം: ദുരന്ത നിവാരണ സേനയുടെ പ്രദര്‍ശനം കൗതുകമായി

കാസര്‍കോട്: ദേശീയ ദുരന്ത നിവാരണ സേന കാസര്‍കോട്ട് അവതരിപ്പിച്ച പ്രദര്‍ശനം കാണികളെ ആകാംക്ഷയുടെ മുള്‍മുനയില്‍ നിര്‍ത്തി. ഒപ്പം അറിവും ആനന്ദവും പകര്‍ന്നു. കാസര്‍കോട് പുതിയ ബസ് സ്റ്റാന്‍ഡ് പരിസരത്താണ് തിങ്കളാഴ്ച ദേശീയദുരന്ത നിവാരണ സേനയുടെ ആര്‍ക്കോണം ആസ്ഥാനമായ നാലാം ബറ്റാലിയന്‍ ആധുനിക സംവിധാനങ്ങള്‍ ഉപയോഗിച്ച് സമൂഹ ബോധവല്‍ക്കരണവും തയ്യാറെടുപ്പ് മാര്‍ഗങ്ങളും അവതരിപ്പിച്ചത്.

ദുരന്തത്തിനിരയായി ശ്വാസവും ഹൃദയമിടിപ്പും നിലച്ച ഒരാളെ ദുരന്തം നടന്ന് നിമിഷങ്ങള്‍ക്കകം കണ്ടെത്തുകയാണെങ്കില്‍ ആ വ്യക്തിയുടെ ജീവന്‍ രക്ഷിക്കാനാകുമെന്ന് ദുരന്ത നിവാരണസേന ബോധവല്‍ക്കരണത്തിലൂടെ തെളിയിച്ചു. ശരീര കോശങ്ങളില്‍ ഓക്‌സിജന്‍ സ്വീകരിക്കാനാവാതെ ക്ലിനിക്കല്‍ മരണം സംഭവിച്ചവരെ ജീവിതത്തിലേക്ക് മടക്കികൊണ്ടുവരാനാവുമെന്നും സേന പ്രദര്‍ശനത്തിലൂടെ ബോധ്യപ്പെടുത്തി.

ഹൃദയാഘാതം, വൈദ്യുതാഘാതം, ഇടിമിന്നല്‍ തുടങ്ങിയവയാല്‍ ജീവന്‍ അപകടമുണ്ടായാല്‍ കാര്‍ഡിയോ പള്‍മിനറി റസ്പിറേറ്ററി (സിപിആര്‍)മാര്‍ഗത്തിലൂടെ രക്ഷിക്കാനാവുമെന്ന് സേനയുടെ സബ് ഇന്‍സ്‌പെക്ടര്‍ റോജീഷ് തോമസ് ഉദാഹരണങ്ങള്‍ നിരത്തി വിശദീകരിച്ചു.

ദുരന്തത്തിനിരയായ ആളിന്റെ തോളില്‍തട്ടി പ്രതികരിക്കുന്നുണ്ടോയെന്ന് ഉറപ്പു വരുത്തണം. പ്രതികരിക്കുന്നില്ലെങ്കില്‍ നിവര്‍ത്തിക്കിടത്തി തല ഉയര്‍ത്തിയും താടിഭാഗം താഴ്ത്തിയും ശ്വാസതടസം നീക്കുക. ശ്വാസഗതി പരിശോധിക്കുക. തുടര്‍ന്ന് തൂവാല മുഖത്തുവച്ച് കൃത്രിമ ശ്വാസോഛ്വാസം നല്‍കണം. അഞ്ച് സെക്കന്റ് ശ്വാസോഛ്വാസം നല്‍കിയ ശേഷം വേണം അടുത്ത കൃത്രിമ ശ്വാസം നല്‍കേണ്ടത്. തുടര്‍ന്ന് നാഡിമിടിപ്പ് പരിശോധിക്കണം. ഹൃദയസ്ഥാനത്ത് കൈകൊണ്ട് 30 തവണ താളത്തില്‍ അമര്‍ത്തുക. ഈ പ്രക്രിയ തുടരുകയും ശ്വാസവും ഹൃദയസ്പന്ദനവും തിരിച്ചുകിട്ടിയാലുടന്‍ അടുത്തുളള ആശുപത്രിയില്‍ വൈദ്യചികിത്സ ഉറപ്പു വരുത്തുകയും വേണം - അദ്ദേഹം ഉദാഹരണസഹിതം ആള്‍ക്കൂട്ടത്തിന് ബോധ്യപ്പെടുത്തി.

വന്‍ദുരന്ത സ്ഥലങ്ങളില്‍ നിന്ന് രക്ഷാപ്രവര്‍ത്തകര്‍ പരിക്കേറ്റവരെ എടുത്തുമാറ്റേണ്ട മാര്‍ഗ്ഗങ്ങള്‍ സേനാംഗം എം.ആര്‍.സുധാകരന്‍ പരിചയപ്പെടുത്തി. പിക്ക് എ ബാഗ്, ഫയര്‍മാന്‍ ലിഫ്റ്റ്,ഡബ്ബിള്‍ റസ്‌ക്യൂര്‍, ത്രീ ഹാന്റ്‌സ് സീറ്റ് രീതികളാണ് പരിയചപ്പെടുത്തിയത്. ദുരന്തത്തിനിരയായി പരിക്കേറ്റവരെ ആശുപത്രിയിലേക്കു കൊണ്ടു പോകുന്നതിന് മുന്‍ഗണനാക്രമം സൂചിപ്പിക്കുന്ന ചുവപ്പ്, മഞ്ഞ, പച്ച, കറുപ്പ് റിബ്ബണ്‍ കെട്ടുന്ന െ്രെടജി രീതിയും അവതരിപ്പിച്ചു.

ഭക്ഷണമോ വസ്തുക്കളോ തൊണ്ടയില്‍ കുടുങ്ങിയാല്‍ കുട്ടികളേയും മുതിര്‍ന്നവരേയും രക്ഷിക്കാനുളള മാര്‍ഗങ്ങളും ദുരന്ത നിവാരണസേന പൊതുജനങ്ങള്‍ക്കും സ്റ്റുഡന്റ്‌സ് പോലീസിനും അഗ്‌നിശമന ജീവന്‍രക്ഷാ പ്രവര്‍ത്തകര്‍ക്കും പോലീസിനും പരിചയപ്പെടുത്തി.മുറിവില്‍ നിന്ന് രക്തം നിയന്തിക്കുന്നതിനുളള മാര്‍ഗങ്ങള്‍, അപകടത്തില്‍ വെളളത്തില്‍ മുങ്ങി താഴ്ന്നവരെ രക്ഷിക്കാനുളള രീതികള്‍ എന്നിവയും സേനാംഗങ്ങള്‍ പരിചയപ്പെടുത്തി.

മണ്ണിടിച്ചില്‍, സുനാമി, ഭൂകമ്പം, കൊടുങ്കാറ്റ്, പ്രളയം തുടങ്ങിയ ദുരന്തങ്ങളുണ്ടായാല്‍ നടത്തേണ്ട രക്ഷാ പ്രവര്‍ത്തനമാര്‍ഗങ്ങളും പ്രഥമ ചികിത്സാ സംവിധാനങ്ങളും പരിപാടിയില്‍ പ്രദര്‍ശിപ്പിച്ചു. ഇടിഞ്ഞുപൊളിഞ്ഞ കെട്ടിടത്തില്‍ രക്ഷാപ്രവര്‍ത്തനത്തിനുളള മാര്‍ഗങ്ങള്‍, കോണ്‍ക്രീറ്റും കട്ടികൂടിയ ലോഹങ്ങളും മുറിച്ചു മാറ്റുന്നതിനുളള ഉപകരണങ്ങള്‍ മുങ്ങല്‍ വിദഗ്ദ്ധര്‍ ഉപയോഗിക്കുന്ന സ്‌കൂബസെറ്റ്, ആണവരാസജൈവറേഡിയോ ആക്ടീവ് ദുരന്തങ്ങളുണ്ടായാല്‍ രക്ഷാപ്രവര്‍ത്തനം നടത്തുന്നതിനുളള സ്യൂട്ടുംപ്രത്യേക ഉപകരണങ്ങളും ഡിറ്റക്ടറുകളും സാമൂഹ്യ ബോധവല്‍ക്കരണത്തിന്റെ ഭാഗമായി സംഘം പ്രദര്‍ശിപ്പിച്ചു.

എന്‍ഡിഎഫ് ഇന്‍സ്‌പെക്ടര്‍ ടി ആര്‍ വര്‍മ്മയുടെ നേതൃത്വത്തിലുളള ഇരുപത്തി രണ്ടംഗ സേനയാണ് ജില്ലയില്‍ എത്തിയത്. പെരിയ നവോദയ സ്‌ക്കൂളില്‍ എന്‍സിസി ക്യാമ്പിനും പരിശീലനം നല്‍കി. മേയ്21 കാഞ്ഞങ്ങാട് മാന്തോപ്പ് മൈതാനത്ത് പ്രദര്‍ശന ബോധവല്‍ക്കരണ പരിപാടി നടത്തും.

ജില്ലാ ഇന്‍ഫര്‍മേഷന്‍ ഓഫീസര്‍ കെ. അബ്ദുര്‍ റഹിമാന്‍ ആമുഖപ്രഭാഷണം നടത്തി. എ.ഡി.എം. എച്ച്. ദിനേശന്‍, ഫിനാന്‍സ് ഓഫീസര്‍ ഇ.പി. രാജ്‌മോഹന്‍, തഹസില്‍ദാര്‍ കെ. ശിവകുമാര്‍, അഡീഷണല്‍ തഹസില്‍ദാര്‍ കെ. അംബുജാക്ഷന്‍ എന്‍.ഡി.ആര്‍.എഫ്. സബ് ഇന്‍സ്‌പെക്ടര്‍ ഉമാശങ്കര്‍ എന്നിവര്‍ സംബന്ധിച്ചു. എന്‍.ഡി.ആര്‍.എഫ് (ആര്‍ക്കോണം) ഫോണ്‍: 04177 246269.

Keywords: NDRF, Programme, New bus stand, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News

Read More

10:57 pm | 0 comments

കുഞ്ചത്തൂര്‍ സംഭവം: പ്രതികളെ അറസ്റ്റ് ചെയ്യണമെന്ന് പോപ്പുലര്‍ ഫ്രണ്ട്

മഞ്ചേശ്വരം: കുഞ്ചത്തൂരില്‍ ജുമുഅ പള്ളിക്ക് സമീപം ഇരിക്കുകയായിരുന്ന യുവാക്കളെയും മഗ്‌രിബ് നമസ്‌ക്കാരത്തിന് പോവുകയായിരുന്നവരെയും സംഘപരിവാറില്‍പെട്ട ഒരുസംഘം ആക്രമിച്ച സംഭവത്തില്‍ പോലീസ് സ്വീകരിച്ച വിവേചനപരമായ നടപടി അവസാനിപ്പിക്കണമെന്ന് പോപ്പുര്‍ ഫ്രണ്ട് മഞ്ചേശ്വരം ഏരിയാ കമ്മിറ്റി ആവശ്യപ്പെട്ടു.

ആവശ്യം ഉന്നയിച്ച് പോലീസ് സ്‌റ്റേഷന്‍ സ്തംഭിപ്പിക്കല്‍ അടക്കമുള്ള സമരപരിപാടികള്‍ നടത്താന്‍ തീരുമാനിച്ചു. സകരിയ്യ ഉദ്യാവരം, മുസ്തഫ മച്ചംപാടി, മുഹമ്മദ് മഞ്ചേശ്വരം , ഹാരിസ് ഉദ്യാവരം, നിയാസ് കുഞ്ഞത്തൂര്‍ എന്നിവര്‍ യോഗത്തില്‍ പ്രസംഗിച്ചു.

Keywords: Kasaragod, Manjeshwaram, Police, Popular front of India, Clash, Attack, Accuse, arrest, Kerala, Kunjathoor, Malayalam news, Kerala News, International News, National News, Gulf News, Health News, Educational News, Business News, Stock news, Gold News.

Read More

10:56 pm | 0 comments

ജില്ലാ സര്‍ഗലയത്തില്‍ എം.ഐ.സി. ദാറുല്‍ ഇര്‍ശാദ് വിദ്യാര്‍ത്ഥികള്‍ തിളങ്ങി

കാസര്‍കോട്: ജില്ലാ സര്‍ഗലയത്തില്‍ എം.ഐ.സി. ദാറുല്‍ ഇര്‍ശാദ് വിദ്യാര്‍ത്ഥികള്‍ തിളങ്ങി.
എസ്.കെ.എസ്.എസ്.എഫ്. സംസ്ഥാന വ്യാപകമായി നടത്തുന്ന കലാസാഹിത്യ പരിപാടിയായ സര്‍ഗലയത്തിന്റെ കാസര്‍കോട് ജില്ലാ പരിപാടിയിലാണ് മലബാര്‍ ഇസ്ലാമിക് കോംപ്ലക്‌സ് ദാറുല്‍ ഇര്‍ശാദ് അക്കാദമി വിദ്യാര്‍ത്ഥികള്‍ മികവ് പുലര്‍ത്തിയത്. അറബിക് കോളജ് വിഭാഗമായ കുല്ലിയ വിഭാഗത്തില്‍ എം.ഐ.സി. ദാറുല്‍ ഇര്‍ശാദ് ചട്ടഞ്ചാല്‍ വിദ്യാര്‍ത്ഥികള്‍ 170 പോയിന്റും എം.ഐ.സി. ദാറുല്‍ ഇര്‍ശാദ് ഉദുമ വിദ്യാര്‍ത്ഥികള്‍ 130 പോയിന്റും നേടി. അക്കാദമി വിദ്യാര്‍ത്ഥികള്‍ അവതരിപ്പിച്ച ബുര്‍ദ്ദ മജ്‌ലിസ് കാഴ്ചകാര്‍ക്ക് പുതിയ അനുഭൂതി പകര്‍ന്നു.

വിജയികളെ മലബാര്‍ ഇസ്ലാമിക് കോംപ്ലക്‌സ് ദാറുല്‍ ഇര്‍ശാദ് അക്കാദമി പ്രിന്‍സിപ്പാള്‍ അന്‍വറലി ഹുദവി മാവൂര്‍ ഇസ്ലാമിക് മൂവ്‌മെന്റ് ഫോര്‍ അലുമിനി ഓഫ് ദാറുല്‍ ഇര്‍ശാദ് (ഇമാദ്) ഭാരവാഹികളായി സയ്യിദ് ബുര്‍ഹാന്‍ ഇര്‍ശാദി ഹുദവി മാസ്തികുണ്ട്, മന്‍സൂര്‍ ഇര്‍ശാദി ഹുദവി കളനാട്, ബദ്‌റുദ്ദീന്‍ ഇര്‍ശാദി ഹുദവി തൊട്ടി, ദാറുല്‍ ഇര്‍ശാദ് സ്റ്റുഡന്റ് അസോസിയേഷന്‍ (ദിശ) ഭാരവാഹികളായ മന്‍സൂര്‍ ചെങ്കള, ശമ്മാസ് ശിറിയ, സയ്യിദ് ജലാലുദ്ദീന്‍ കുന്നുംകൈ, എസ്.കെ.എസ്.എസ്.എഫ് ഉദുമ മേഖല ഭാരവാഹികളായ അബ്ബാസലി ഹുദവി ബേക്കല്‍, യൂസുഫ് പൊടിക്കുന്ന് മഹ്മൂദ് മൗലവി ദേളി ചെര്‍ക്കള മേഖല ഭാരവാഹികളായ മൊയ്ദീന്‍ കുഞ്ഞി ചെര്‍ക്കള, ജമാലുദ്ദീന്‍ ദാരിമ എന്നിവര്‍ അഭിനന്ദിച്ചു.

എസ്.കെ.എസ്.എസ്.എഫ്. ജില്ലാ സര്‍ഗലയത്തില്‍ വിജയിച്ച മലബാര്‍ ഇസ്ലാമിക് കോംപ്ലക്‌സ് ദാറുല്‍ ഇര്‍ശാദ് വിദ്യാര്‍ത്ഥികള്‍

Keywords: Darul Irshad academy, Sargalayam, SKSSF, Programme, MIC, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News

Read More

10:21 pm | 0 comments

പടള സ്‌കൂളില്‍ സാമൂഹ്യ വിരുദ്ധര്‍ അഴിഞ്ഞാടി; 40,000 രൂപയുടെ നഷ്ടമുണ്ടാക്കി

കാസര്‍കോട്: മധൂര്‍ പഞ്ചായത്തിലെ പടള ഗവ. ഹയര്‍ സെക്കന്‍ഡറി സ്‌കൂളില്‍ സാമൂഹ്യ വിരുദ്ധര്‍ അഴിഞ്ഞാടി. ഞായറാഴ്ച രാത്രി നടത്തിയ അഴിഞ്ഞാട്ടത്തില്‍ സ്‌കൂളിലെ ജല വിതരണ ടാപ്പും ബെഞ്ചുകളും ഡസ്‌ക്കുകളും തകര്‍ത്തു.

ചുമരില്‍ പച്ചില കൊണ്ട് അശ്ലീലവും ഭീഷണിപ്പെടുത്തുന്ന തരത്തിലുള്ള വാക്കുകളും എഴുതി വെക്കുകയും ഓഫീസ് മുറിക്കകത്തേക്ക് വാതിലിലൂടെ ട്യൂബ് ലൈറ്റ് പെട്ടിച്ച് കടത്തുകയും ചെയ്തു. സംഭവത്തില്‍ ഹെഡ്മിസ്ട്രസ് കുമാരി റാണി നല്‍കിയ പരാതിയില്‍ വിദ്യാനഗര്‍ പോലീസ് കേസെടുത്ത് അന്വേഷിക്കുന്നു. ഒരാളെ കസ്റ്റഡിയിലെടുത്ത് ചോദ്യം ചെയ്യുകയാണ്.

സ്‌കൂളില്‍ സാമൂഹ്യ വിരുദ്ധരുടെ ശല്യം പതിവാണ്. നേരത്തെ രണ്ടു തവണ ഇത്തരത്തില്‍ ചുമരില്‍ അശ്ലീലം എഴുതി വെക്കുകയും പൈപ്പ് പൊട്ടിക്കുകയും ചെയ്ത സംഭവങ്ങള്‍ അരങ്ങേറിയിരുന്നു. അപ്പോഴെല്ലാം സ്‌കൂള്‍ അധികൃതര്‍ പോലീസില്‍ വിവരം അറിയിക്കുകയും വിദ്യാര്‍ത്ഥികള്‍ക്കിടയില്‍ ബോധവത്ക്കരണ പ്രവര്‍ത്തനം നടത്തുകയും ചെയ്തിരുന്നു. ഒരു കുട്ടിയെ താക്കീത് ചെയ്യുകയും ഉണ്ടായിരുന്നു. പുറമെ നിന്നുള്ള ആളുകളാണ് രാത്രികാലങ്ങളില്‍ സ്‌കൂള്‍ കോംപൗണ്ടില്‍ പ്രവേശിച്ച് ഇത്തരം സാമൂഹ്യ വിരുദ്ധ പ്രവര്‍ത്തനങ്ങള്‍ ചെയ്യുന്നതെന്നാണ് സംശയിക്കുന്നത്.

Keywords: School, Madhur, Case, Police, Custody, Vidya Nagar, Students, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.

Read More

5:55 pm | 0 comments