Hi guest ,  welcome  |  Visit Kvartha  |  Visit Keralaflash  |  Reading Problem? Download Font

കരിന്തളത്ത് പറമ്പില്‍ സൂക്ഷിച്ച 1400 ലിറ്റര്‍ വാഷ് പിടികൂടി

Written By kvarthakgd1 on Sunday, 19 April 2015 | 10:51 pm

നീലേശ്വരം: (www.kasargodvartha.com 19/04/2015) കരിന്തളം കയ്യേനിയില്‍ ആളൊഴിഞ്ഞ പറമ്പില്‍ കുറ്റിക്കാട്ടില്‍ സൂക്ഷിച്ച 1400 ലീറ്റര്‍ വാഷ് പിടികൂടി. രഹസ്യ വിവരം ലഭിച്ചതിന്റെ അടിസ്ഥാനത്തില്‍ എക്‌സൈസ് നടത്തിയ തിരച്ചിലിലാണ് 200 ലിറ്ററിന്റെയും 500 ലിറ്ററിന്റെയും ബാരലുകളിലായി സൂക്ഷിച്ചുവെച്ച വാഷ് പിടികൂടിയത്.

പ്രതിയെ കുറിച്ച് സൂചന ലഭിച്ചിട്ടുണ്ട്. പ്രിവന്റീവ് ഓഫീസര്‍മാരായ സി.കെ അഷ്‌റഫ്, രഘുനാഥന്‍ നായര്‍, സിവില്‍ ഓഫീസര്‍മാരായ ജോസഫ്  അഗസ്ത്യന്‍, സി.കെ.വി സുരേഷ്, പ്രഭാത് എന്നിവരാണ് സംഘത്തിലുണ്ടായത്.

ബാറുകള്‍ പൂട്ടിയതോടെ ജില്ലയില്‍ വ്യാജ മദ്യ വില്‍പനക്കാര്‍ വീണ്ടും സജീവമായിരിക്കുകയാണ്. മലയോരങ്ങള്‍ കേന്ദ്രീകരിച്ചാണ് പ്രധാനമായും ഇവരുടെ പ്രവര്‍ത്തനം നടക്കുന്നത്. ഇതോടെ പോലീസും എക്‌സൈസും പരിശോധന കൂടുതല്‍ കര്‍ശനമാക്കിയിരിക്കുകയാണ്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Kasaragod, Kerala, Nileshwaram, Karinthalam, 1400 liter fake liquor seized. 

10:51 pm | 0 comments

പുഴയില്‍ ഒഴുക്കില്‍ പെട്ട യുവാവിന്റെ മൃതദേഹം കണ്ടെത്തി

ബദിയഡുക്ക: (www.kasargodvartha.com 19/04/2015) സുഹൃത്തുക്കള്‍ക്കൊപ്പം പുഴയില്‍ കുളിക്കുന്നതിനിടെ ഒഴുക്കില്‍ പെട്ട് കാണാതായ യുവാവിന്റെ മൃതദേഹം കണ്ടെത്തി. ബദിയഡുക്ക പെര്‍ള കണ്ടിഗെയിലെ മദ്ദ - ബീയു ദമ്പതികളുടെ മകന്‍ സുന്ദര (55) യാണ് മരിച്ചത്. ഞായറാഴ്ച വൈകിട്ട് സുഹൃത്തുക്കള്‍ക്കൊപ്പം ബദിയഡുക്ക ബാത്തിലപ്പടവ് പുഴയില്‍ കുളിക്കാനിറങ്ങുന്നതിനിടെ ചുഴിയില്‍ പെടുകയായിരുന്നു.

കാസര്‍കോട് ഫയര്‍ഫോഴ്‌സ് സ്‌റ്റേഷന്‍ ഓഫീസര്‍ രവീന്ദ്രന്റെ നേതൃത്വത്തില്‍ മണിക്കൂറുകള്‍ നീണ്ട തിരിച്ചിലിനൊടുവില്‍ രാത്രി എട്ട് മണിയോടെയാണ് മൃതദേഹം കണ്ടെത്തിയത്. മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റും. കനത്ത മഴയും ഇടി മിന്നലും ഉണ്ടായത് തിരച്ചിലിന് വിഘാതം സൃഷ്ടിച്ചിരുന്നു.

അവിവാഹിതനാണ് സുന്ദര. സഹോദരങ്ങള്‍: ബാബു, സജീവ, നാഗപ്പ, ദേവകി, വാസന്തി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.



Keywords: Kasaragod, Kerala, Badiyadukka, River, Death, Obituary, Police, Fire force, Sundara, Man drowned to death.

8:13 pm | 0 comments

ബിജെപി ജില്ലാ പ്രസിഡണ്ട് പി. സുരേഷ്‌കുമാര്‍ ഷെട്ടി നയിക്കുന്ന രാഷ്ട്രീയ പ്രചരണ ജാഥ മെയ് 2ന്

കാസര്‍കോട്: (www.kasargodvartha.com 19/04/2015) ബി.ജെ.പി ജില്ലാ പ്രസിഡണ്ട് പി. സുരേഷ്‌കുമാര്‍ ഷെട്ടി നയിക്കുന്ന രാഷ്ട്രീയ പ്രചരണ ജാഥ മെയ് രണ്ടിനാരംഭിക്കും. കേരളത്തെ പിന്നോട്ട് നയിക്കുന്ന ഉമ്മന്‍ ചാണ്ടി സര്‍ക്കാര്‍ നടത്തുന്ന ഒത്തുതീര്‍പ്പ് രാഷ്ട്രീയം, അഴിമതി എന്നിവയില്‍ പ്രതിഷേധിച്ചാണ് രാഷ്ട്രീയ പ്രചരണ ജാഥ സംഘടിപ്പിക്കുന്നതെന്ന് ബിജെപി വ്യക്തമാക്കി.

ഭരണത്തിലിരിക്കുന്ന യു.ഡി.എഫ് സര്‍ക്കാരിലെ തമ്മിലടി മൂലം ജനങ്ങള്‍ പൊറുതി മുട്ടിയിരിക്കുകയാണ്. കോടികളുടെ അഴിമതിയാണ് സംസ്ഥാന സര്‍ക്കാര്‍ നടത്തിക്കൊണ്ടിരിക്കുന്നത്. പല അഴിമതിക്കഥകളുടെ സത്യം പുറത്തു വന്നിട്ടും പ്രതിപക്ഷത്തിരിക്കുന്ന സിപിഎം വേണ്ട വിധത്തില്‍ സമരത്തിനിറങ്ങാതെ ഒത്തുതീര്‍പ്പ് രാഷ്ട്രീയം കളിക്കുന്നതിന് എതിരെ കൂടിയാണ് പ്രചരണ ജാഥ സംഘടിപ്പിക്കുന്നതെന്ന് നേതാക്കള്‍ വ്യക്തമാക്കി.

നരേന്ദ്രമോദി സര്‍ക്കാര്‍ നടപ്പിലാക്കിക്കൊണ്ടിരിക്കുന്ന വികസന പദ്ധതികളോട് മുഖം തിരിഞ്ഞ് നില്‍ക്കുന്ന പ്രവണതയാണ് ഉമ്മന്‍ചാണ്ടി സര്‍ക്കാരിന്റേത്. സംസ്ഥാനത്ത് വികസനത്തിനായി മാറ്റിവെച്ച തുകകള്‍ വകമാറ്റി ചെലവഴിച്ചും പദ്ധതികള്‍ അട്ടിമറിച്ചും ഉമ്മന്‍ ചാണ്ടി സര്‍ക്കാര്‍ ജനങ്ങളെ വെല്ലുവിളിക്കുകയാണ്. ഇത്തരം സാഹചര്യത്തില്‍ ജില്ലയിലെ ജനങ്ങളെ വികസന സന്ദേശത്തിലൂടെ സംഘടിപ്പിക്കുക എന്നതാണ് രാഷ്ട്രീയ പ്രചരണ ജാഥ കൊണ്ട് ബിജെപി ഉദ്ദേശിക്കുന്നത്.

മെയ് രണ്ടിന് വൈകിട്ട് നാല് മണിക്ക് ഹൊസങ്കടിയില്‍ ബിജെപി മുന്‍ സംസ്ഥാന അധ്യക്ഷന്‍ സി.കെ പത്മനാഭന്‍ ജാഥ ഉദ്ഘാടനം ചെയ്യും. തുടര്‍ന്ന് പെര്‍ള, സീതാംഗോളി, നാരംമ്പാടി, മുള്ളേരിയ, ഉദുമ, ബന്തടുക്ക, പരപ്പ, നീലേശ്വരം, ചെറുവത്തൂര്‍, നടക്കാവ് തുടങ്ങി നിരവധി കേന്ദ്രങ്ങളില്‍ സ്വീകരണം ഏറ്റുവാങ്ങുന്ന ജാഥ മെയ് അഞ്ചിന് തൃക്കരിപ്പൂരില്‍ സമാപിക്കുമെന്ന് ജില്ലാ ജനറല്‍ സെക്രട്ടറി അഡ്വ. കെ.ശ്രീകാന്ത് അറിയിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.



Keywords: BJP, Kasaragod, Kerala, Oommen Chandy, CPM, Hosangadi, P. Suresh Kumar Shetty. 

Advertisement:
8:00 pm | 0 comments

കാലിച്ചാനടുക്കം ശാസ്താം പാറയില്‍ പുലിയിറങ്ങിയതായി അഭ്യൂഹം

രാജപുരം: (www.kasargodvartha.com 19/04/2015) കാലിച്ചാനടുക്കത്ത് പുലിയിറങ്ങിയതായി അഭ്യൂഹം. ശാസ്താം പാറ ധര്‍ണശാസ്ത ക്ഷേത്ര പരിസരത്ത് ശനിയാഴ്ച് രാത്രി രണ്ട് പുലികളെ കണ്ടുവെന്നാണ് നാട്ടുകാരില്‍ ചിലര്‍ പറയുന്നത്. ഇതില്‍ ഒന്നു പുലിക്കുട്ടിയാണെന്ന് സംശയമുണ്ട്.

ക്ഷേത്രത്തില്‍ നവീകരണ ചടങ്ങുകള്‍ നടന്നുവരികയാണ്. രാത്രി വൈദ്യുതി നിലച്ച സമയത്താണ് മതില്‍ ചാടി പുറത്തേക്ക് പോകുന്ന ശബ്ദം കേട്ടത് .സംഭവം ആദ്യം കാര്യമാക്കിയിരുന്നില്ലെങ്കിലും ഞായറാഴ്ച രാവിലെ സ്ഥലം പരിശോധിച്ചപ്പോഴാണ് കാല്‍പാടുകള്‍ കണ്ടത്. വനം വകുപ്പ് ഉദ്യോഗസ്ഥര്‍ സ്ഥലം സന്ദര്‍ശിച്ചു.
File Photo

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kasaragod, Kanhangad, Rajapuram, Leopard, Natives, Forest Department.  

7:35 pm | 0 comments

വഴി നല്‍കാത്തതിന്റെ പേരില്‍ അര്‍ധരാത്രി വീടുകയറി ആക്രമിച്ചതായി പരാതി

ചേറ്റുകുണ്ട്: (www.kasargodvartha.com 19/04/2015) വഴി നല്‍കാത്തതിന്റെ പേരില്‍ അര്‍ധരാത്രി വീടുകയറി ആക്രമിച്ചതായി പരാതി. കഴിഞ്ഞ ദിവസം രാത്രി ചേറ്റുകുണ്ടിലാണ് സംഭവം. കിഴക്കേ വീട്ടില്‍ ധനരാജിന്റെ വീട് ഒരു സംഘം ആക്രമിക്കുകയായിരുന്നു.

അപ്രതീക്ഷിതമായ ആക്രമണത്തില്‍ വീട്ടിലുള്ളവര്‍ക്ക് പരിക്കേറ്റിട്ടുണ്ട്. വീടിന്റെ പറമ്പിലൂടെയുള്ള വഴി വിട്ട് കിട്ടണമെന്ന് ഇവരുടെ അയല്‍വാസികളായ സത്യന്‍, വിജയന്‍ എന്നിവര്‍ ചേര്‍ന്ന് നേരത്തെ ആവശ്യപ്പെട്ടിരുന്നതായി ധനരാജന്‍ പറയുന്നു. എന്നാല്‍ വഴി വിട്ടുകൊടുക്കാന്‍ ഇവര്‍ തയ്യാറായിരുന്നില്ല. ഇതായിരിക്കാം ആക്രമണത്തിന് കാരണമെന്ന് വീട്ടുകാര്‍ പറഞ്ഞു.

ആക്രമിച്ചവരെ കണ്ടാല്‍ തിരിച്ചറിയുമെങ്കിലും പ്രദേശവാസികളോ മുമ്പ് കണ്ടിട്ടുള്ളവരോ അല്ലെന്ന് ധനരാജ് പറഞ്ഞു. 12 ഓളം പേരടങ്ങുന്ന സംഘം ആയിരുന്നു ആക്രമണത്തിന് പിന്നിലെന്ന് ഇവര്‍ പറയുന്നു. ബേക്കല്‍ പോലീസില്‍ പരാതി നല്‍കിയിട്ടുണ്ട്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kasaragod, Kerala, Attack, Assault, Complaint, Police, Danaraj. 

Advertisement:
7:00 pm | 0 comments

റിയല്‍ എസ്‌റ്റേറ്റ് വ്യാപാരി പുഴയില്‍ മരിച്ച നിലയില്‍

മംഗളൂരു: (www.kasargodvartha.com 19/04/2015) റിയല്‍ എസ്റ്റേറ്റ് വ്യാപാരിയെ പുഴയില്‍ മരിച്ച നിലയില്‍ കണ്ടെത്തി. പേരാ ജുമാ മസ്ജിദ് പ്രസിഡണ്ടും 313 അപ്പാര്‍ട്‌മെന്റ്‌സ് ഉടമയുമായ റഫീഖിനെ (60)യൊണ് ബജ്‌പെയ്ക്കടുത്തുള്ള മറവൂര്‍ ഗുരുപൂര്‍ പുഴയില്‍ മരിച്ച നിലയില്‍ കണ്ടെത്തിയത്.

ശനിയാഴ്ച ഉച്ചയ്ക്ക് 1.30 മണിയോടെ പേരാ പള്ളിയിലെത്തിയതായിരുന്നു റഫീഖ്. പള്ളിയില്‍ നടക്കുന്ന നിര്‍മാണ പ്രവര്‍ത്തികള്‍ വീക്ഷിക്കുകയായിരുന്ന റഫീഖ് വൈകുന്നേരം തന്നെ കൂട്ടാനെത്തണമെന്ന് പറഞ്ഞ് കാര്‍ ഡ്രൈവറെ പറഞ്ഞയച്ചിരുന്നു. വൈകുന്നേരം തിരിച്ചെത്തിയ ഡ്രൈവര്‍ റഫീഖിനെ അവിടെ കാണാത്തതിനെ തുടര്‍ന്ന് നാട്ടുകാരുമായി ചേര്‍ന്ന് നടത്തിയ തിരച്ചിലിലാണ് പുഴയില്‍ മൃതദേഹം കണ്ടെത്തിയത്.

മരണത്തില്‍ ദുരൂഹതയുള്ളതായി നാട്ടുകാര്‍ പറഞ്ഞു. നാട്ടിലെ പൗരപ്രമുഖന്റെ പെട്ടെന്നുള്ള വിയോഗം നാട്ടുകാരില്‍ ഞെട്ടലുളവാക്കി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Mangalore, National, Death, Obituary, Dead body, River, Real Estate Business Man. 

Advertisement:
6:30 pm | 0 comments

ബദിയഡുക്കയില്‍ സുഹൃത്തുക്കള്‍ക്കൊപ്പം പുഴയില്‍ കുളിക്കാനിറങ്ങിയയാളെ ഒഴുക്കില്‍പെട്ട് കാണാതായി

ബദിയഡുക്ക: (www.kasargodvartha.com 19/04/2015) സുഹൃത്തുക്കള്‍ക്കൊപ്പം പുഴയില്‍ കുളിക്കാനിറങ്ങിയയാള്‍ ഒഴുക്കില്‍പെട്ടു. ബദിയഡുക്ക പെര്‍ള കണ്ടിഗെയിലെ മദ്ദ - ബീയു ദമ്പതികളുടെ മകന്‍ സുന്ദര (35) യെയാണ് ഒഴുക്കില്‍ പെട്ട് കാണാതായത്.

ഞായറാഴ്ച വൈകിട്ട് സുഹൃത്തുക്കള്‍ക്കൊപ്പം ബദിയഡുക്ക ബാത്തിലപ്പടവ് പുഴയില്‍ കുളിക്കാനിറങ്ങിയതായിരുന്നു. ഇതിനിടയില്‍ സുന്ദരന്‍ ചുഴിയുള്ള ഭാഗത്ത് ഒഴുക്കില്‍ പെടുകയായിരുന്നു.
കൂടെയുണ്ടായിരുന്ന സുഹൃത്തുക്കള്‍ രക്ഷിക്കാന്‍ ശ്രമിച്ചെങ്കിലും സാധിച്ചില്ല. വിവരമറിയിച്ചതിന്റെ അടിസ്ഥാനത്തില്‍ കാസര്‍കോട് നിന്നെത്തിയ ഫയര്‍ഫോഴ്‌സ് സംഘം സുന്ദരയ്ക്ക് വേണ്ടി തിരച്ചില്‍ നടത്തിവരികയാണ്. ബദിയഡുക്ക പോലീസും സ്ഥലത്തെത്തി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Badiyadukka, Kasaragod, Drown, Death, Obituary, Kerala, River, Sundara. 

6:14 pm | 0 comments

ഉദുമയില്‍ പാളം മുറിച്ചു കടക്കുന്നതിനിടെ വീട്ടമ്മ ട്രെയിന്‍ തട്ടി മരിച്ചു; കൂടെയുണ്ടായിരുന്ന കുട്ടി അത്ഭുതകരമായി രക്ഷപ്പെട്ടു

ഉദുമ: (www.kasargodvartha.com 19/04/2015) ഉദുമ റെയില്‍വേ ഗേറ്റിന് സമീപം പാളം മുറിച്ചു കടക്കുന്നതിനിടെ വീട്ടമ്മ ട്രെയിന്‍ തട്ടി മരിച്ചു. കൂടെയുണ്ടായിരുന്ന പേരക്കുട്ടി അത്ഭുതകരമായി രക്ഷപ്പെട്ടു. ഉദുമ പാക്യാര ഹൗസിലെ പരേതാനായ മുഹമ്മദ് കുഞ്ഞിയുടെ ഭാര്യ കുല്‍സു (60) ആണ് മരിച്ചത്. ഞായറാഴ്ച ഉച്ചയ്ക്ക് ഒരു മണിയോടെയാണ് സംഭവം.

ഉദുമ ബസ് സ്റ്റോപ്പില്‍ ബസിറങ്ങി ബസ് സ്‌റ്റോപ്പിന് അരികിലുള്ള ഇടവഴിയിലൂടെ പാളം മുറിച്ചുകടക്കുമ്പോഴാണ് അപകടമുണ്ടായത്. കണ്ണൂര്‍ ഭാഗത്തേക്ക് പോവുകയായിരുന്ന ഇന്റര്‍സിറ്റി എക്‌സ്പ്രസ് ട്രെയിനാണ് ഇടിച്ചത്. കുട്ടിയെ പിന്നീട് ഓടിയെത്തിയ നാട്ടുകാര്‍ രക്ഷിക്കുകയായിരുന്നു. കുല്‍സു സംഭവസ്ഥലത്ത് വെച്ച് തന്നെ മരിച്ചു. ബേക്കല്‍ പ്രിന്‍സിപ്പല്‍ എസ്.ഐ. നാരയണന്റെ നേതൃത്വത്തില്‍ ഇന്‍ക്വസ്റ്റ് നടത്തിയ മൃതദേഹം പോസ്റ്റുമോര്‍ട്ടത്തിനായി കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി.

മക്കള്‍: ഹനീഫ, മൈമൂന.
 Kasaragod, Kerala, Uduma, died, Train, Woman dies after train hits while crossing railway track,

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kasaragod, Kerala, Uduma, died, Train, Woman dies after train hits while crossing railway track, 

Advertisement:
1:41 pm | 0 comments

പോലീസിനോട് തര്‍ക്കിച്ചതിന് 4 പേര്‍ പിടിയില്‍

ഉപ്പള: (www.kasargodvartha.com 19/04/2015) പരിശോധനക്ക് നില്‍ക്കുകയായിരുന്ന കുമ്പള സി.ഐ സുരേഷ് ബാബുവിനോട് തര്‍ക്കിച്ചതിന് നാലു പേരെ അറസ്റ്റ് ചെയ്തു. കന്നുകാലി പിടികൂടാനായി സ്വകാര്യ കാറിലെത്തിയതായിരുന്നു സി.ഐയും സംഘവും.

ഇതിനിടയില്‍ നാല്‍വര്‍ സംഘം കാറില്‍ ഒളിഞ്ഞു നോക്കുകയായിരുന്നു. ഇവര്‍ പോലീസുമായി വാക്കേറ്റത്തിലേര്‍പ്പെട്ടതോടെയാണ് കസ്റ്റഡിയിലെടുത്തത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
1:00 pm | 0 comments

തളങ്കര ഹാര്‍ബറില്‍ തീപിടുത്തം

തളങ്കര: (www.kasargodvartha.com 19/04/2015) തളങ്കര ഹാര്‍ബറില്‍ ഞായറാഴ്ച ഉച്ചയ്ക്ക് തീപിടുത്തമുണ്ടായി. ഹാര്‍ബറിന് സമീപത്തെ കുറ്റിക്കാടുകള്‍ക്കാണ് തീപിടിച്ചത്. വിവരമറിയിച്ചതിന്റെ അടിസ്ഥാനത്തില്‍ ഫയര്‍ഫോഴ്‌സെത്തി തീകെടുത്തിയതിനാല്‍ തൊട്ടടുത്ത സ്ഥലങ്ങളിലേക്ക് പടരുന്നത് തടയാന്‍ കഴിഞ്ഞു.

ഹാര്‍ബറിലെത്തിയ ആരെങ്കിലും കാടിന് തീയിട്ടതാണെന്നാണ് സംശയിക്കുന്നത്.

Kasaragod, Kerala, Thalangara, fire, fire force, Harbor, Information,

Kasaragod, Kerala, Thalangara, fire, fire force, Harbor, Information, Fire in Thalangra Harbor.

Kasaragod, Kerala, Thalangara, fire, fire force, Harbor, Information, Fire in Thalangra Harbor.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
നേതാക്കള്‍ അമിത് ഷായെ കണ്ടുപഠിക്കട്ടെ; റാലിയില്‍ പങ്കെടുക്കാന്‍ ഷാ യാത്ര ചെയ്തത് 5 മണിക്കൂര്‍

Keywords: Kasaragod, Kerala, Thalangara, fire, fire force, Harbor, Information, Fire in Thalangra Harbor.

Advertisement:
12:50 pm | 0 comments

ഗള്‍ഫില്‍ നിന്നും നാട്ടിലെത്തിയയാള്‍ ഹൃദയാഘാതംമൂലം മരിച്ചു

നെല്ലിക്കുന്ന്:(www.kasargodvartha.com 19/04/2015) നെല്ലിക്കുന്ന് സ്വദേശി ഹൃദയാഘാതത്തെ തുടര്‍ന്ന് മരിച്ചു. കടപ്പുറം ലൈറ്റ് ഹൗസിന് സമീപത്തെ പൈതല്‍ മോഹനന്‍ (60) ആണ് ഞായറാഴ്ച രാവിലെ കാസര്‍കോട്ടെ സ്വകാര്യാശുപത്രിയില്‍ വെച്ച് മരണപ്പെട്ടത്. ദുബൈയില്‍ സെയില്‍സ്മാനായി ജോലി ചെയ്തിരുന്ന മോഹനന്‍ ഒരാഴ്ച മുമ്പാണ് നാട്ടിലെത്തിയത്.
ഭാര്യ: വനലത. മക്കള്‍: മിഥുന്‍, മായ, മൃതുല്‍. മരുമക്കള്‍: നിമ്മി, അനില്‍. സഹോദരങ്ങള്‍: സാവിത്രി, വനജ, പരേതനായ വിജയന്‍.
 Kasaragod, Kerala, Nellikunnu, Death, Dubai, Light house, Sunday, Sails man, Waif, Paithal mohanan,

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
എനിക്ക് വധുവാകണ്ട; എന്നെ രക്ഷിക്കണം! സ്‌കൂള്‍ പ്രിന്‍സിപ്പാളിന് 13കാരിയുടെ കത്ത്

Keywords: Kasaragod, Kerala, Nellikunnu, Death, Dubai, Light house, Sunday, Sails man, Waif, Paithal mohanan, Nellikkunnu Mohanan passes away.

Advertisement:
12:36 pm | 0 comments

ഐ.എന്‍.എല്‍ ജില്ലാ കമ്മിറ്റി പുനഃസംഘടിപ്പിച്ചു: പി.എ മുഹമ്മദ്കുഞ്ഞി പ്രസിഡണ്ട്, അസീസ് കടപ്പുറം സെക്രട്ടറി, ഷറഫുല്ല ഹാജി ട്രഷറര്‍

കാസര്‍കോട്: (www.kasargodvartha.com 19/04/2015) ഐ.എന്‍.എല്‍ ജില്ലാ കമ്മിറ്റി പുനഃസംഘടിപ്പിച്ചു. പ്രസിഡണ്ടായി പി.എ മുഹമ്മദ് കുഞ്ഞി ഹാജി ചെമ്പരിക്കയും ജനറല്‍ സെക്രട്ടറിയായി അസീസ് കടപ്പുറവും തുടരും. ഷറഫുല്ല ഹാജി മഞ്ചേശ്വരത്തെ ട്രഷററായി തിരഞ്ഞെടുത്തു.

പ്രസിഡണ്ട് സ്ഥാനത്തേക്ക് മൊയ്തീന്‍കുഞ്ഞി കളനാട്, കെ.എസ് ഫക്രുദ്ദീന്‍, എം.എ ലത്വീഫ് എന്നിവരുടെ പേരും ഉണ്ടായിരുന്നു. എന്നാല്‍ തര്‍ക്കം ഒഴിവാക്കുന്നതിനായി മുന്‍ പ്രസിഡണ്ടിനെ തന്നെ നിലനിര്‍ത്തുകയായിരുന്നു. ജനറല്‍ സെക്രട്ടറി സ്ഥാനത്തേക്ക് വോട്ടെടുപ്പ് വേണ്ടിവന്നു. ജനറല്‍ സെക്രട്ടറി സ്ഥാനത്തേക്ക് അസീസ് കടപ്പുറത്തിനെതിരെ സുബൈര്‍ പടുപ്പാണ് മത്സര രംഗത്തെത്തിയത്. 11നെതിരെ 48 വോട്ടുകള്‍ക്കായിരുന്നു അസീസ് കടപ്പുറത്തിന്റെ വിജയം.

വൈസ് പ്രസിഡണ്ടുമാരായി എം.ടി.പി അബ്ദുല്‍ ഖാദര്‍ തൃക്കരിപ്പൂര്‍, മുസ്തഫ തോരവളപ്പ്, കപ്പണ മുഹമ്മദ്കുഞ്ഞി, ഇസ്മാഈല്‍ പടന്നക്കാട് എന്നിവരും ജോയിന്റ് സെക്രട്ടറിമാരായി ഇക്ബാല്‍ മാളിക, അബ്ദുല്‍ റഹ് മാന്‍ കളനാട്, എം.എ ഷഫീഖ് കാഞ്ഞങ്ങാട്, സി.എം.എ ജലീല്‍ എന്നിവരും തിരഞ്ഞെടുക്കപ്പെട്ടു.

റിട്ടേണിംഗ് ഓഫീസര്‍ ഹംസ ഹാജി തിരഞ്ഞെടുപ്പ് നിയന്ത്രിച്ചു. ഐ.എന്‍.എല്‍ സംസ്ഥാന സെക്രട്ടറി കെ.എസ് ഫക്രുദ്ദീന്‍ ഉദ്ഘാടനം ചെയ്തു. ശംസുദ്ദീന്‍ പി, മൊയ്തീന്‍കുഞ്ഞി കളനാട്, എ.എ ലത്വീഫ് സംസാരിച്ചു. ഹംസ മാസ്റ്റര്‍ അധ്യക്ഷത വഹിച്ചു. അസീസ് കടപ്പുറം സ്വാഗതം പറഞ്ഞു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Kasaragod, Kerala, INL, District, Committee, Election, PM Muhammed Kunhi Chemberika, Azeez Kadappuram, Sharafullah Haji.  

12:30 pm | 0 comments

കരാറുകാരനുള്ള അവാര്‍ഡ് അബ്ദുല്‍ റസാഖ് ബെദിര ഏറ്റുവാങ്ങി

(www.kasargodvartha.com 19/04/2015) കേരള പോലീസ് കണ്‍സ്ട്രക്ഷന്‍ കോര്‍പ്പറേഷന്റെ വര്‍ക്കുകള്‍ സമയബന്ധിതമായി പൂര്‍ത്തിയാക്കിയതിന് ഏറ്റവും നല്ല കരാറുകാരനുള്ള അവാര്‍ഡ് അബ്ദുല്‍ റസാഖ് ബെദിരക്ക് ആഭ്യന്തര മന്ത്രി രമേശ് ചെന്നിത്തല നല്‍കുന്നു.
പി.ബി. അബ്ദുര്‍ റസാഖ് എം.എല്‍.എ, അഡ്വ. സി.കെ ശ്രീധരന്‍, ഐ.ജി. ദിനേന്ദ്ര കശ്യപ് തുടങ്ങിയവര്‍ സമീപം.
Kasaragod, Kerala, Award, Police, Bedira, Constuction, Corporation, Work, Ramesh chennithala, Abdul  razaq, Chalanam,

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
12:24 pm | 0 comments

കമ്മ്യൂണിസ്റ്റ്, കോണ്‍ഗ്രസ് പാര്‍ട്ടികള്‍ ജനങ്ങളെ വഞ്ചിക്കുന്നു: കെ. സുരേന്ദ്രന്‍

പൊയിനാച്ചി: (www.kasargodvartha.com 19/04/2015) ജനങ്ങളില്‍ നിന്ന് ഒറ്റപ്പെട്ടുകൊണ്ടിരിക്കുന്ന കമ്മ്യൂണിസ്റ്റ്, കോണ്‍ഗ്രസ് പാര്‍ട്ടികള്‍ ജനങ്ങളെ വഞ്ചിച്ചുകൊണ്ട് ഒന്നിക്കുകയാണെന്ന് കെ.സുരേന്ദ്രന്‍ പറഞ്ഞു. ബിജെപി ഉദുമ പഞ്ചായത്ത് കമ്മിറ്റിയുടെ ആഭിമുഖ്യത്തില്‍ വിവിധ പാര്‍ട്ടികളില്‍ നിന്നും ബിജെപിയിലേക്ക് വന്നവര്‍ക്ക് ഞെക്ലിയില്‍ നല്‍കിയ സ്വീകരണയോഗത്തില്‍ സംസാരിക്കുകയായിരുന്നു അദ്ദേഹം.

ഹൈദരാബാദില്‍ നടന്ന സിപിഎം പാര്‍ട്ടി കോണ്‍ഗ്രസ് കോണ്‍ഗ്രസിനെതിരെ കുറ്റപ്പെടുത്തികൊണ്ട് ചര്‍ച്ചചെയ്യുകയോ പ്രമേയം പാസാക്കുകയോ ചെയ്തിട്ടില്ല. കോണ്‍ഗ്രസ് നടത്തുന്ന സമരങ്ങള്‍ക്ക് ഐക്യദാര്‍ഢ്യം പ്രകടിപ്പിച്ചുകൊണ്ട് സമരവും പൊതുയോഗവും നടത്തുന്ന പ്രവണതയാണ് സിപിഎമ്മില്‍ കണ്ടുവരുന്നത്. കഴിഞ്ഞ നിയമസഭാ ബജറ്റ് സമ്മേളനത്തില്‍ ബജറ്റ് അവതരിപ്പിക്കാന്‍ മാണിയെ അനുവദിക്കില്ലെന്ന് പറഞ്ഞ സിപിഎം മാണിക്ക് അവസരം നല്‍കിക്കൊണ്ട് രാഷ്ട്രീയ നാടകം കളിച്ച് ജനങ്ങളെ വിഡ്ഢികളാക്കുകയാണുണ്ടായത്. നിയമന നിരോധനം മൂലം തൊഴില്‍ നഷ്ടപ്പെട്ട യുവസമൂഹത്തിന് വേണ്ടി സമരം ചെയ്യാന്‍ സാധിക്കാത്ത ഡിവൈഎഫ്‌ഐ കേരളത്തില്‍ അങ്ങോളമിങ്ങോളം ബീഫ് ഫെസ്റ്റിവല്‍ നടത്തുന്നത് മുസ്ലിം സമുദായത്തെ പ്രീണിപ്പിക്കാന്‍ വേണ്ടിയാണെന്ന് അദ്ദേഹം പറഞ്ഞു. ചുംബന സമരത്തെക്കുറിച്ച് പ്രസ്താവന നടത്തിയ പിണറായി വിജയന് ബീഫ് ഫെസ്റ്റിവലിനെ കുറിച്ച് തിരുത്തിപ്പറയേണ്ടുന്ന അവസ്ഥയുണ്ടാകും.

തൊഴിലുറപ്പ് പദ്ധതി മോഡി സര്‍ക്കാര്‍ നിര്‍ത്തലാക്കുമെന്ന് പ്രചരിപ്പിച്ച കോണ്‍ഗ്രസിന് കേന്ദ്രസര്‍ക്കാര്‍ തൊഴിലുറപ്പ് വേതനം വര്‍ധിപ്പിച്ചത് തിരിച്ചടിയായി. മോഡി സര്‍ക്കാരിന്റെ ജനോപകാരപ്രദമായ പദ്ധതികളെ ജനങ്ങളില്‍ തെറ്റിദ്ധാരണ പരത്തുന്ന രീതിയില്‍ പ്രചരിപ്പിക്കുകയാണ് ഇടതു - വലതു മുന്നണികള്‍ ചെയ്യുന്നത്. ഉദുമ മണ്ഡലം പ്രസിഡണ്ട് പുല്ലൂര്‍ കുഞ്ഞിരാമന്‍ അധ്യക്ഷത വഹിച്ചു. ജില്ലാ പ്രസിഡണ്ട് പി. സുരേഷ് കുമാര്‍ ഷെട്ടി, ജില്ലാ ജനറല്‍ സെക്രട്ടറി അഡ്വ. കെ. ശ്രീകാന്ത്, ജില്ലാ വൈസ് പ്രസിഡണ്ട് നഞ്ചില്‍ കുഞ്ഞിരാമന്‍, ഉദുമ മണ്ഡലം ട്രഷറര്‍ എടപ്പണി ബാലകൃഷ്ണന്‍ സംബന്ധിച്ചു.

ഉദുമ പഞ്ചായത്ത് ജനറല്‍ സെക്രട്ടറി കെ. സുരേഷ് സ്വാഗതവും മണ്ഡലം ജനറല്‍ സെക്രട്ടറി നന്ദിയും പറഞ്ഞു. സ്വീകരണ യോഗത്തോടനുബന്ധിച്ച് ചൗക്കിയില്‍ നിന്നും ഞെക്ലിയിലേക്ക് നടന്ന പ്രകടനത്തില്‍ നൂറുകണക്കിനാളുകള്‍ പങ്കെടുത്തു. വിവിധ പാര്‍ട്ടികളില്‍ നിന്നും വന്ന 31 പേര്‍ക്ക് അംഗത്വം നല്‍കി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Poinachi, Kasaragod, Kerala, K. Surendran, Inauguration, BJP, Programme, Communist, Congress. 

Advertisement:
12:15 pm | 0 comments

നഗരത്തില്‍ അനധികൃത കമാനങ്ങള്‍ക്കെതിരെ പോലീസ് നടപടി; 30 പേര്‍ക്കെതിരെ കോടതിക്ക് റിപോര്‍ട്ട് നല്‍കി

കാസര്‍കോട്: (www.kasargodvartha.com 19/04/2015) നഗരത്തിലും പരിസരപ്രദേശങ്ങളിലും അനധികൃത കമാനങ്ങള്‍ സ്ഥാപിക്കുന്നതിനെതിരെ പോലീസ് ശക്തമായ നടപടി തുടങ്ങി. നഗരസഭയുടെയും അതാത് തദ്ദേശ സ്വയംവരണ സ്ഥാപനങ്ങളുടെയും പി.ഡബ്ല്യൂ.ഡിയുടേയും അനുമതിയില്ലാതെ കമാനങ്ങള്‍ സ്ഥാപിച്ച 30 ഓളം പേര്‍ക്കെതിരെ പോലീസ് കോടതിക്ക് റിപോര്‍ട്ട് നല്‍കി.

കമാനങ്ങള്‍ സ്ഥാപിക്കാന്‍ കലക്ടറുടെ കൂടി അനുമതി ആവശ്യമാണ്. അനുമതിയില്ലാതെ സ്ഥാപിച്ച കമാനങ്ങള്‍ക്കെതിരെ പോലീസ് നോട്ടീസ് നല്‍കിയെങ്കിലും മാറ്റാന്‍ കൂട്ടാക്കാത്തതിനെ തുടര്‍ന്നാണ് കോടതിക്ക് റിപോര്‍ട്ട് നല്‍കിയത്. കോടതി മുഖാന്തരം ഇവരില്‍ നിന്നും പിഴ ഈടാക്കണമെന്നാവശ്യപ്പെട്ടാണ് പോലീസ് റിപോര്‍ട്ട് നല്‍കിയത്. നഗരത്തില്‍ പലയിടത്തും വാഹനഗതാഗതങ്ങള്‍ക്ക് തടസമുണ്ടാക്കുന്ന രീതിയിലാണ് വ്യാപകമായി കമാനങ്ങള്‍ സ്ഥാപിച്ചിരുന്നത്.

വിവിധ സ്വകാര്യ സ്ഥാപനങ്ങളും വിവിധ സംഘടനകളും രാഷ്ട്രീയ പാര്‍ട്ടികളും ഉത്സവകമ്മിറ്റികളുമാണ് അവരുടെ പരിപാടികളുടെ പ്രചരണത്തിനായി അനുമതിയില്ലാതെ കമാനങ്ങള്‍ സ്ഥാപിച്ചു വരുന്നത്. കമാനങ്ങള്‍ വാഹനഗതാഗതത്തിന് പോലും തടസമായി മാറിയതോടെയാണ് പോലീസ് കര്‍ശന നടപടിയുമായി രംഗത്ത് വന്നത്. അനുമതിയില്ലാതെ കമാനങ്ങള്‍ സ്ഥാപിച്ചാല്‍ അതിനെതിരെ ശക്തമായ നടപടി സ്വീകരിക്കുമെന്നും കാസര്‍കോട് സി.ഐ. പി.കെ. സുധാകരന്‍ കാസര്‍കോട് വാര്‍ത്തയോട് വെളിപ്പെടുത്തി.



ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
12:10 pm | 0 comments

സ്‌കൂള്‍ വളപ്പില്‍ നിന്നും ആല്‍മരം മുറിച്ചതിനെതിരെ കേസെടുത്തു

കാസര്‍കോട്: (www.kasargodvartha.com 19/04/2015) കാസര്‍കോട് ബാങ്ക് റോഡില്‍ ബി.ഇ.എം സ്‌കൂളിന് സമീപത്തെ ആല്‍മരം മുറിച്ചു നീക്കിയതിനെതിരെ കേസെടുത്തു. സോഷ്യല്‍ ഫോറസ്റ്റ് റെയ്ഞ്ച് ഓഫീസര്‍ ഡെല്‍ടോ എല്‍മറോക്കിയാണ് കേസെടുത്തത്. അനുവാദമില്ലാതെ ആല്‍മരം മുറിച്ചുനീക്കിയതിനെതിരെയാണ് സോഷ്യല്‍ ഫോറസ്റ്റ് വിഭാഗം കേസെടുത്തിരിക്കുന്നത്.

ആല്‍മരം മുറിച്ചുനീക്കിയതിന് പിന്നില്‍ ആരാണെന്ന് കണ്ടെത്തുന്നതിനുള്ള അന്വേഷണം ആരംഭിച്ചിട്ടുണ്ട്. ആയിരങ്ങള്‍ക്ക് തണലേകിയിരുന്ന ആല്‍മരമാണ് ആരോരുമറിയാതെ വ്യാഴാഴ്ച രാത്രി മുറിച്ചുമാറ്റിയത്. തുടക്കത്തില്‍ ശിഖരം മാത്രമാണ് മുറിക്കുക എന്നാണ് ബന്ധപ്പെട്ടവര്‍ അറിയിച്ചത്. എന്നാല്‍ വനം വകുപ്പിന്റെയോ സ്‌കൂള്‍ അധികൃതരുടെയോ അനുവാദം കൂടാതെയാണ് മുറിച്ച് മാറ്റിയത്.

60 വര്‍ഷത്തോളം പ്രായമേറിയ മരം വര്‍ഷം തോറും ആയിരക്കണക്കിന് കുട്ടികള്‍ക്ക് തണലേകിയിരുന്നു. മരം മുറിച്ച തൊട്ടടുത്തുള്ള സ്ഥലങ്ങള്‍ ഉഴുതുമറിച്ച നിലയിലാണ്. റോഡരികിലെ സര്‍ക്കാര്‍ ഭൂമി കയ്യേറാനുള്ള ശ്രമമാണ് ഇതിന് പിന്നിലെന്നാണ് നിഗമനം. തണല്‍ മരങ്ങള്‍ മുറിച്ചുമാറ്റുന്നതിനെതിരെ പ്രകൃതി സ്‌നേഹികളും രംഗത്ത് വന്നിട്ടുണ്ട്.

Kasaragod, Kerala, case, school, Banyan tree, Forest Range officer,


ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
നേതാക്കള്‍ അമിത് ഷായെ കണ്ടുപഠിക്കട്ടെ; റാലിയില്‍ പങ്കെടുക്കാന്‍ ഷാ യാത്ര ചെയ്തത് 5 മണിക്കൂര്‍

Keywords: Kasaragod, Kerala, case, school, Banyan tree, Forest Range officer, Case registered for cut down Banyan tree.

Advertisement:
11:33 am | 0 comments

വധശ്രമമടക്കം നിരവധി കേസുകളില്‍ പ്രതിയായ രണ്ടു പേര്‍ കുമ്പളയിലും മഞ്ചേശ്വരത്തുമായി അറസ്റ്റില്‍

കുമ്പള: (www.kasargodvartha.com 19/04/2015)  വധശ്രമമടക്കം നിരവധി കേസുകളില്‍ പ്രതിയായ രണ്ടു പേരെ കുമ്പളയിലും മഞ്ചേശ്വരത്തുമായി പോലീസ് അറസ്റ്റു ചെയ്തു.  മിയാപ്പദവിലെ ഹുസൈന്‍ (29),  കുക്കാറിലെ അമ്മി എന്ന ടിക്കി ഹമീദ് (35) എന്നിവരെയാണ് കുമ്പള സി.ഐ. കെ.പി. സുരേഷ് ബാബുവിന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. ഇവരുടെ അറസ്റ്റ് ഞായറാഴ്ച വൈകിട്ടോടെ രേഖപ്പെടുത്തുമെന്ന് പോലീസ് പറഞ്ഞു.

ടിക്കി അമ്മിക്കെതിരെ 14 ഓളം കേസുകളും ഹുസൈനെതിരെ കന്നുകാലി മോഷണമടക്കം നിരവധി കേസുകളും നിലവിലുണ്ടെന്നും പോലീസ് പറഞ്ഞു. ടിക്കി അമ്മിക്കെതിരെ കാപ്പ നിയമം ചുമത്തുന്നതിനുള്ള നടപടികളും പോലീസ് ആരംഭിച്ചിട്ടുണ്ട്. മഞ്ചേശ്വരത്തും കുമ്പളയിലുമായി 3,000 ത്തോളം കന്നികാലികളെ കടത്തിക്കൊണ്ടു പോയി അറുത്ത് ഇറച്ചിയാക്കി വിറ്റിട്ടുണ്ടെന്ന് പോലീസ് പറയുന്നു. അമ്മിയുടെ പിതാവിനെതിരെയും മൂന്നു സഹോദരങ്ങള്‍ക്കെതിരെയും കേരളത്തിലും കര്‍ണാടകയിലുമായി നിരവധി കേസുകള്‍ നിലവിലുണ്ട്. ഇതിലൊരു സഹോദരന്‍ അസുഖം ബാധിച്ച് കിടപ്പിലാണ്.
Kasaragod, Kerala, arrest, Kumbala, case, Police, Manjeshwaram,


ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
11:08 am | 0 comments

ബ്ലൈസ് തളങ്കര ട്രാഫിക് ബോധവല്‍ക്കരണ ക്ലാസ്

(www.kasargodvartha.com 19/04/2015) കാസര്‍കോട് ട്രാഫിക് പോലീസിന്റെ സഹകരണത്തോടെ ബ്ലൈസ് തളങ്കര സംഘടിപ്പിച്ച ട്രാഫിക് ബോധവല്‍ക്കരണ ക്ലാസ് കാസര്‍കോട് പോലീസ് ചീഫ് ഡോ. എ. ശ്രീനിവാസ് ഉദ്ഘാടനം ചെയ്യുന്നു. മുനിസിപ്പല്‍ ചെയര്‍മാന്‍ ടി.ഇ അബ്ദുല്ല, കാസര്‍കോട് സി.ഐ പി.കെ സുധാകരന്‍ തുടങ്ങിയവര്‍ സമീപം.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.



Keywords: Kasaragod, Kerala, Sports, Club, SP, Inauguration, Traffic Class, SP Dr. A Sreenivas, Blaze Thalangara. 

11:00 am | 0 comments

for MORE News select date here

KVARTHA: LATEST NEWS

Obituary

Read More Obituary News

Mangalore

Read More Mangalore News

കൂടുതൽ വായിച്ചത് | Most Read Stories