City Gold
news portal
» » » » » » » » ക്രിസ്മസിന് മെഗാ ഓഫറുകളും ഇളവുകളുമായി കല്യാണ്‍ ജൂവലേഴ്‌സ്

കൊച്ചി: (www.kasargodvartha.com 04.12.2019) ഇന്ത്യയിലെ ഏറ്റവും വിശ്വാസ്യതയാര്‍ന്ന ആഭരണ ബ്രാന്‍ഡുകളിലൊന്നായ കല്യാണ്‍ ജൂവലേഴ്‌സ് ക്രിസ്മസ് കാലത്ത് ആകര്‍ഷകമായ സമ്മാനങ്ങളും ഇളവുകളും നല്‍കുന്നു. പതിനയ്യായിരം രൂപയ്ക്ക് മുകളില്‍ ആഭരണങ്ങള്‍ വാങ്ങുന്നവര്‍ക്ക് ഉറപ്പായ സമ്മാനങ്ങളും പണിക്കൂലിയില്‍ 30 ശതമാനം വരെ ഇളവും ലഭിക്കും. സമ്മാനമായി ഹോം അപ്ലയന്‍സുകള്‍, മൊബൈല്‍ഫോണുകള്‍ എന്നിവ മുതല്‍ കൂടുതല്‍ തുകയ്ക്ക് ആഭരണങ്ങള്‍ വാങ്ങുന്നവര്‍ക്ക് ബമ്പര്‍ സമ്മാനമായി റഫ്രിജറേറ്ററുകളും ടെലിവിഷനുകളും ലഭിക്കും.

ക്രിസ്മസ് കാലത്ത് ആഭരണങ്ങള്‍ക്ക് മൂന്നു ശതമാനം മുതല്‍ ആയിരിക്കും പണിക്കൂലി തുടങ്ങുക. കേരളത്തിലെ കല്യാണ്‍ ജൂവലേഴ്‌സ് ഷോറൂമുകളില്‍ 2020 ജനുവരി 31 വരെയായിരിക്കും ക്രിസ്മസ് ഓഫര്‍ കാലാവധി. പരസ്പരം സമ്മാനങ്ങള്‍ കൈമാറുന്ന ക്രിസ്മസ് കാലത്ത് ആഭരണങ്ങള്‍ വാങ്ങുമ്പോള്‍ ഉപയോക്താക്കള്‍ക്ക് പരമാവധി നേട്ടം നല്‍കുന്നതിനാണ് ലക്ഷ്യമിടുന്നതെന്ന് കല്യാണ്‍ ജൂവലേഴ്‌സ് ചെയര്‍മാനും മാനേജിംഗ് ഡയറക്ടറുമായ ടി എസ് കല്യാണരാമന്‍ പറഞ്ഞു. ഇതോടൊപ്പം മാര്‍ച്ച് വരെയുള്ള കാലയളവില്‍ ഇന്ത്യയില്‍ ഒട്ടേറെ സ്ഥലങ്ങളില്‍ വിവാഹനാളുകളാണ്. ഇതുകൂടി മനസില്‍ കണ്ടാണ് ഒട്ടേറെ ഇളവുകളും സമ്മാനങ്ങളും നല്‍കുന്നത്. ഈ സവിശേഷമായ മള്‍ട്ടി-ഓഫര്‍ ക്രിസ്മസ്, വിവാഹ ഷോപ്പിംഗ് നടത്തുന്നവര്‍ക്ക് പ്രയോജനകരമായിരിക്കുമെന്ന് അദ്ദേഹം ചൂണ്ടിക്കാട്ടി.

കൂടാതെ, സ്വര്‍ണാഭരണങ്ങള്‍ വാങ്ങുമ്പോള്‍ കല്യാണിന്റെ നാല് തലത്തിലുള്ള അഷ്വറന്‍സ് സാക്ഷ്യപത്രത്തിന്റെ പ്രയോജനങ്ങളും ലഭിക്കും. വിശ്വസ്തരായ ഉപയോക്താക്കള്‍ക്ക് ഏറ്റവും മികച്ചത് നല്‍കുക എന്ന ബ്രാന്‍ഡിന്റെ പ്രതിബദ്ധതയുടെ ഭാഗമാണിത്. കല്യാണ്‍ ജൂവലേഴ്‌സിന്റെ സ്വര്‍ണാഭരണങ്ങള്‍ ഒട്ടേറെ ശുദ്ധി പരിശോധനകള്‍ക്ക് വിധേയമാകുന്നവയും എല്ലാം ബിഐഎസ് ഹാള്‍മാര്‍ക്ക് ചെയ്തവയുമാണ്. നാല് തലത്തിലുള്ള അഷ്വറന്‍സ് സാക്ഷ്യപത്രത്തിലൂടെ ഉപയോക്താക്കള്‍ക്ക് ഇന്‍വോയ്‌സില്‍ നല്‍കിയിരിക്കുന്ന പരിശുദ്ധിയുടെ മൂല്യം വില്‍പനയിലും കൈമാറ്റത്തിലും ലഭിക്കും. കൂടാതെ ആഭരണങ്ങള്‍ക്ക് കല്യാണ്‍ ബ്രാന്‍ഡിന്റെ ഷോറൂമുകളില്‍ ജീവിതകാലം മുഴുവന്‍ സൗജന്യമായി മെയിന്റനന്‍സ് നടത്തുന്നതിനും സാധിക്കും.

കമ്മലുകള്‍, വളകള്‍, നെക്‌ലേസുകള്‍ എന്നിങ്ങനെ വൈവിധ്യമാര്‍ന്ന നവീനവും പരമ്പരാഗതവുമായ ആഭരണ രൂപകല്‍പനകളാണ് കല്യാണ്‍ ജൂവലേഴ്‌സ് ഉപയോക്താക്കള്‍ക്കായി അവതരിപ്പിക്കുന്നത്. ഇന്ത്യയില്‍ വിവിധ സ്ഥലങ്ങളില്‍നിന്നും തെരഞ്ഞെടുത്ത കല്യാണ്‍ ജൂവലേഴ്‌സിന്റെ സവിശേഷവും ജനപ്രിയവുമായ ബ്രൈഡല്‍ ആഭരണ ശേഖരമായ മുഹൂര്‍ത്ത്, പോള്‍ക്കി ആഭരണശേഖരമായ തേജസ്വി, കരവിരുതാല്‍ തീര്‍ത്ത പരമ്പരാഗത ആഭരണങ്ങളായ മുദ്ര, ടെംപിള്‍ ആഭരണങ്ങളായ നിമാ, നൃത്തം ചെയ്യുന്ന ഡയമണ്ടുകളായ ഗ്ലോ, സോളിറ്റയര്‍ പോലെയുള്ള ഡയമണ്ട് ആഭരണമായ സിയാ, അണ്‍കട്ട് ഡയമണ്ടുകളായ അനോഖി, പ്രത്യേകാവസരങ്ങള്‍ക്കായുള്ള ഡയമണ്ട് ആഭരണ ശേഖരമായ അപൂര്‍വ, വിവാഹ ഡയമണ്ട് ആഭരണങ്ങളായ അന്തര, നിത്യവും അണിയുന്നതിനുള്ള ഡയമണ്ടുകളായ ഹീര, പ്രഷ്യസ് സ്റ്റോണ്‍ ആഭരണങ്ങളായ രംഗ് തുടങ്ങിയ ശേഖരങ്ങളില്‍നിന്ന് ഉപയോക്താക്കള്‍ക്ക് തെരഞ്ഞെടുക്കാം.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങaളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം  )

Keywords: Kerala, news, kasaragod, Top-Headlines, Jewellery, Christmas, In Christmas Kalyan jewellers with mega offers and discounts

About KVARTHA HUB

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date