ഭാര്യ സ്വന്തം വീട്ടില്‍ പോയ സമയം പ്രായപൂര്‍ത്തിയാകാത്ത പെണ്‍കുട്ടികളെ പ്രലോഭിപ്പിച്ച് കൊണ്ടുവന്ന് പീഡനം; അറസ്റ്റിലായ യുവാവിനെ കോടതി ജയിലിലടച്ചു

Whatsapp Group Whatsapp Channel

By Web Desk - MainOct 11, 2019, 10:22 IST

ബോവിക്കാനം: (www.kasargodvartha.com 11.10.2019) ഭാര്യ സ്വന്തം വീട്ടില്‍ പോയ സമയം പ്രായപൂര്‍ത്തിയാകാത്ത പെണ്‍കുട്ടികളെ പ്രലോഭിപ്പിച്ച് കൊണ്ടുവന്ന് പീഡിപ്പിച്ച കേസില്‍ അറസ്റ്റിലായ യുവാവിനെ കോടതി റിമാന്‍ഡ് ചെയ്തു. നായന്മാര്‍മൂല സ്വദേശിയും ബോവിക്കാനം മുതലപ്പാറയിലെ ക്വാര്‍ട്ടേഴ്സില്‍ താമസക്കാരനുമായ അബ്ദുല്‍ നൗഷാദിനെ (34) യാണ് കോടതി റിമാന്‍ഡ് ചെയ്തത്. ചൈല്‍ഡ് ലൈനിന്റെ നിര്‍ദേശപ്രകാരമാണ് സംഭവത്തില്‍ പോലീസ് കേസെടുത്തത്.

നേരത്തെ സ്‌കൂള്‍ ബസ് ഡ്രൈവറായി ജോലി ചെയ്തുവന്നിരുന്ന നൗഷാദ് ഇപ്പോള്‍ ഇന്റര്‍ലോക്ക് പാകുന്ന ജോലിയാണ് ചെയ്യുന്നത്. പീഡനവിവരം പുറത്തായതോടെ പ്രതി പോലീസിന് പിടികൊടുക്കാതെ മുങ്ങിനടക്കുകയായിരുന്നു. കാസര്‍കോട്ടെ സ്വകാര്യ ആശുപത്രി പരിസരത്ത് വെച്ച് ആദൂര്‍ സി ഐ കെ പ്രേംസദന്‍, എസ് ഐ എം വി വിഷ്ണു പ്രസാദ് എന്നിവരുടെ നേതൃത്വത്തിലാണ് പിടികൂടിയത്.