City Gold
news portal
» » » » » » » ഇടിച്ചൂടി നിവാസികളുടെ കുടിവെള്ള ക്ഷാമത്തിന് പരിഹാരമാവുന്നു

നീലേശ്വരം: (www.kasargodvartha.com 20.09.2019) നീലേശ്വരം നഗരസഭക്ക് കീഴിലെ പാലത്തടം ഇടിച്ചൂടി പ്രദേശത്തെ കുടിവെള്ള ക്ഷാമത്തിന് അറുതി വരുത്താന്‍ നീലേശ്വരം നഗരസഭ ആവിഷ്‌കരിച്ച ഇടിച്ചൂടി കുടിവെള്ള പദ്ധതി ഉദ്ഘാടന സജ്ജമായി. ഈ മാസം 22 ന് നഗരസഭ ചെയര്‍മാന്‍ ഇ പി ജയരാജന്‍ ഉദ്ഘാടനം ചെയ്യും. നഗരസഭ വൈസ് ചെയര്‍പേഴ്സണ്‍ വി. ഗൗരി അധ്യക്ഷത വഹിക്കും. കേരളവാട്ടര്‍ അതോറിറ്റി അസിസ്റ്റന്റ് എഞ്ചിനീയര്‍ കെ സുദീപ് റിപ്പോര്‍ട്ട് അവതരിപ്പിക്കും.

നീലേശ്വരം നഗരസഭയുടെ വികസന ഫണ്ടില്‍ നിന്നും 21 ലക്ഷം രൂപ ചിലവഴിച്ച് 2018-19 വര്‍ഷത്തെ വാര്‍ഷിക പദ്ധതിയില്‍ ഉള്‍പ്പെടുത്തിയാണിത് യാതാര്‍ത്ഥ്യമാക്കിയിരിക്കുന്നത്. എട്ടാം വാര്‍ഡായ ഇടിച്ചൂടിയില്‍ പദ്ധതി യാതാര്‍ത്ഥ്യമാവുന്നതോടെ പൊതുജനം ഏറെ നാളായി അനുഭവിച്ച് കൊണ്ടിരിക്കുന്ന കുടിവെളള ക്ഷാമത്തിന് പരിഹാരമാവുകയാണ്. വരള്‍ച്ച കാലത്ത് കുടിവെള്ളത്തിനായി ഇടിച്ചൂടിയിലെ ജനങ്ങള്‍ ഏറെ ബുദ്ധിമുട്ടിയിരുന്നു. പാലത്തടം, കിനാനൂര്‍ തുടങ്ങിയ സമീപ പ്രദേശങ്ങളെയാണ് കുടിവെള്ളത്തിനായി ഇവര്‍ ആശ്രയിച്ചിരുന്നത്.

നീലേശ്വരം നഗരസഭ ലോറികളില്‍ കുടിവെള്ളം വിതരണം ചെയ്തിരുന്നത് ഏറെ ആശ്വാസകരവുമായിരുന്നു. ഇടിച്ചൂടി നിവാസികളായ പി.വി പാര്‍വ്വതിയും, കെ. വി നളിനിയുമാണ് കുടിവെള്ള പദ്ധതിക്കും ടാങ്ക് നിര്‍മാണത്തിനും സൗജന്യമായി സ്ഥലം നല്‍കിയത്. ഇവരെ മരാമത്ത് സ്ഥിരം സമിതി ചെയര്‍പേഴ്സണ്‍ പി എം സന്ധ്യ ചടങ്ങില്‍ അനുമോദിക്കും. വാര്‍ഡ് കൗണ്‍സിലര്‍ പി മനോഹരന്‍ സ്വാഗതം പറയുന്ന ചടങ്ങില്‍ നീലേശ്വരം നഗരസഭ സെക്രട്ടറി ടി മനോജ് കുമാര്‍ നന്ദി പറയും. ജനപ്രതിനിധികള്‍ പങ്കെടുക്കും.



(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Kasaragod, Kerala, news, Neeleswaram, Drinking water, Solving drinking water problem of Idichoodi natives
  < !- START disable copy paste -->

About Kasargodvartha

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date