400 രൂപ കൂലി തരാമെന്ന് പറഞ്ഞ് ജോലി കഴിഞ്ഞ ശേഷം 300 രൂപ നല്‍കി, ബാക്കി 100 രൂപയ്ക്ക് വേണ്ടിയുള്ള തര്‍ക്കം അവസാനിച്ചത് മുതലാളിയുടെ കൊലപാതകത്തില്‍, തൊഴിലാളി ഓടിരക്ഷപ്പെട്ടു

മാണ്ഡ്യ:(www.kasargodvartha.com 09/08/2019) 100 രൂപയ്ക്ക് വേണ്ടി ജോലിക്കാരന്‍ തൊഴിലുടമയെ അടിച്ചുകൊന്നു. കര്‍ണാടകയിലെ മാണ്ഡ്യ ജില്ലയിലാണ് ഞെട്ടിക്കുന്ന സംഭവം നടന്നത്. ബസവരാജു (40) ആണ് കൊല്ലപ്പെട്ടത്. കെ ആര്‍ പേട്ടെ താലൂക്കിലെ കോട്ടഹള്ളിയില്‍ വെച്ചാണ് കൊലപാതകം നടന്നത്.


തൊഴിലുടമയായ ബസവരാജു 400 രൂപ ദിവസവേതനം നല്‍കാമെന്ന് പറഞ്ഞ് ബസവരാജിനെ തന്റെ വയലുകളില്‍ ജോലിക്കായി കൊണ്ടുവന്നതായിരുന്നു. ജോലി കഴിഞ്ഞ ശേഷം 300 രൂപ നല്‍കി. പിന്നീട് ഒരു കടയ്ക്കടുത്ത് ബസവരാജുവിനെ കണ്ടുമുട്ടിയ തൊഴിലാളിയായ ബസവരാജ് ബാക്കി 100 രൂപ നല്‍കാന്‍ ആവശ്യപ്പെട്ടു. ഇത് തൊഴിലുടമയെ പ്രകോപിപ്പിക്കുകയും തുടര്‍ന്ന് ഇരുവരും വാക്കുതര്‍ക്കത്തിലേര്‍പ്പെടുകയും ചെയ്തു. പിന്നീടിത് അക്രമത്തിലെത്തി. അതേസമയം, അടുത്തുള്ള കടക്കാരനും തൊഴിലാളിയോടൊപ്പം ചേര്‍ന്ന് ബസവരാജുവിനെതിരെ തിരിഞ്ഞതോടെ മൂവരും തമ്മിലുള്ള പോരാട്ടം കൂടുതല്‍ അക്രമാസക്തമായി.