മുംബൈയില്‍ കനത്ത മഴ, രണ്ട് പേര്‍ മരിച്ചു, ട്രെയിന്‍ ഗതാഗതം തടസപ്പെട്ടു, രണ്ട് ദിവസം കൂടി മഴ തുടരും

മുംബൈ:(www.kasargodvartha.com 05/09/2019) മുംബൈയില്‍ കനത്ത മഴ തുടരുന്നു. മഴക്കെടുതിയില്‍ രണ്ട് പേര്‍ മരിച്ചു. ബിഎംസി ജീവനക്കാരായ ജഗദീഷ് പാര്‍മര്‍(54), വിജയേന്ദ്ര സര്‍ദാര്‍ ബാഗ്ദി(36) എന്നിവരാണ് മരിച്ചത്.

കനത്ത മഴയില്‍ മുംബൈയില്‍ ജനജീവിതം താറുമാറായി. മിതി നദി കരകവിഞ്ഞ് ഒഴുകുന്നതിനാല്‍ കുര്‍ള-സയണ്‍ ഡിവിഷനില്‍ ട്രെയിന്‍ ഗതാഗതത്തിന് തടസ്സം നേരിടുന്നുവെന്ന് സെന്‍ട്രല്‍ റയില്‍വേ അറിയിച്ചിട്ടുണ്ട്. മുംബൈയിലെ നിരവധി ലോക്കല്‍ ട്രെയിനുകള്‍ ഇതിനോടകം തന്നെ റദ്ദാക്കിയിട്ടുണ്ട്.


റോഡ് ഗതാഗതവും തടസപ്പെട്ടിരിക്കുകയാണ്. രണ്ടു ദിവസത്തേക്ക് കൂടി മഴ തുടരുമെന്നാണു കാലാവസ്ഥാ നിരീക്ഷണകേന്ദ്രം അറിയിച്ചു.