City Gold
news portal
» » » » » » ഉടമ അറിയാതെ അക്കൗണ്ടില്‍ നിന്നും പണം നഷ്ടപ്പെട്ടു; പരാതി പറയാനെത്തിയപ്പോള്‍ മോശമായ പെരുമാറ്റം, 13,000 രൂപ നഷ്ടപരിഹാരം നല്‍കാന്‍ ഉപഭോക്തൃ തര്‍ക്കപരിഹാര ഫോറം ഉത്തരവ്

കാസര്‍കോട്: (www.kasargodvartha.com 11.09.2019) ഉടമ അറിയാതെ അക്കൗണ്ടില്‍ നിന്നും പണം നഷ്ടപ്പെടുകയും പരാതി പറയാനെത്തിയപ്പോള്‍ മോശമായി പെരുമാറിയെന്നുമുള്ള പരാതിയില്‍ 13,000 രൂപ നഷ്ടപരിഹാരം നല്‍കാന്‍ ഉപഭോക്തൃ തര്‍ക്കപരിഹാര ഫോറം ഉത്തരവ്. മാധ്യമപ്രവര്‍ത്തകനായ മുളിയാറിലെ അബ്ദുര്‍ റഹ് മാന്‍ ആലൂര്‍ നല്‍കിയ കേസിലാണ് ജില്ലാ ഉപഭോക്തൃ തര്‍ക്കപരിഹാര ഫോറം പ്രസിഡണ്ട് കെ കൃഷ്ണന്‍ വിധി പറഞ്ഞത്.

കാസര്‍കോട് റെയില്‍വേ സ്റ്റേഷന്‍ റോഡിലെ തായലങ്ങാടി എസ് ബി ഐ ബ്രാഞ്ചിലെ അബ്ദുര്‍ റഹ് മാന്റെ എസ് ബി അക്കൗണ്ടില്‍ നിന്നും 2015 ജൂണ്‍ 30നാണ് ഇദ്ദേഹമറിയാതെ 3,480 രൂപ പിന്‍വലിച്ചത്. ഇതുസംബന്ധിച്ച് ബാങ്ക് അധികൃതര്‍ക്ക് രേഖാമൂലം പരാതിനല്‍കിയെങ്കിലും പരിഹാരമുണ്ടായിരുന്നില്ല. പരാതിപറയാനെത്തിയപ്പോള്‍ ഇദ്ദേഹത്തോട് ബാങ്കില്‍ മറ്റുള്ള ഉപഭോക്താക്കളുടെ മുമ്പില്‍വെച്ച് മോശമായി പെരുമാറുകയും ചെയ്തുവെന്നാണ് പരാതി. തുടര്‍ന്നാണ് ഇദ്ദേഹം ജില്ലാ ഉപഭോക്തൃ തര്‍ക്കപരിഹാര ഫോറത്തെ സമീപിച്ചത്.

പരാതിക്കാരനെ മാനസികമായി പീഡിപ്പിച്ചതിന് 10,000 രൂപയും കോടതി ചെലവിനത്തില്‍ 3,000 രൂപയുമടക്കം 13,000 രൂപ ഒരുമാസത്തിനകം ബാങ്ക് മാനേജര്‍ നല്‍കണമെന്നാണ് തര്‍ക്കപരിഹാര ഫോറം വിധിച്ചത്.



(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Kasaragod, Kerala, news, Top-Headlines, Cash withdrawn from Bank Account with out permission; Consumer Disputes Redressal Commission order to give compensation
  < !- START disable copy paste -->

About Kasargodvartha

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date