ഗൃഹനാഥന്‍ പള്ളിയില്‍പോയ സമയം കുന്നിടിഞ്ഞ് വീണ് വീട് തകര്‍ന്നു; ഭാര്യയും കുട്ടികളും പരിക്കേല്‍ക്കാതെ രക്ഷപ്പെട്ടു

Whatsapp Group Whatsapp Channel

By Web Desk - MainAug 11, 2019, 13:16 IST

കാസര്‍കോട്: (www.kasargodvartha.com 11.08.2019) ഗൃഹനാഥന്‍ പള്ളിയില്‍പോയ സമയം കുന്നിടിഞ്ഞ് വീണ് വീട് തകര്‍ന്നു. ഭാര്യയും കുട്ടികളും പരിക്കേല്‍ക്കാതെ രക്ഷപ്പെട്ടു. ബേവിഞ്ചയിലെ എം ടി സുബൈറിന്റെ വീടിന് മുകളിലേക്കാണ് സമീപത്തെ കുന്നിടിഞ്ഞുവീണത്. ശനിയാഴ്ച രാത്രി ഏഴു മണിയോടെയാണ് സംഭവം.

സുബൈര്‍ മഗ്രിബ് നിസ്‌കാരത്തിനായി പള്ളിയിലേക്ക് പോയതായിരുന്നു. ഈ സമയം ഭാര്യയും കുട്ടികളും വീട്ടിലുണ്ടായിരുന്നു. ഭാഗ്യം കൊണ്ടാണ് ഇവര്‍ പരിക്കേല്‍ക്കാതെ രക്ഷപ്പെട്ടത്. മണ്ണ് വീണ് ഒരു ഭാഗത്ത് മുറിയടക്കം തകര്‍ന്നു. വിവരമറിഞ്ഞ് പ്രദേശവാസികളും വില്ലേജ് ഓഫീസര്‍ അടക്കമുള്ള ഉദ്യോഗസ്ഥരും സ്ഥലത്തെത്തി.