ശ്രീലങ്കന്‍ പ്രധാനമന്ത്രി റെനില്‍ വിക്രമസിംഗെ 27 ന് കാസര്‍കോട്ടെത്തും

കാസര്‍കോട്: (www.kasargodvartha.com 22.07.2019) ശ്രീലങ്കന്‍ പ്രധാനമന്ത്രി റെനില്‍ വിക്രമസിംഗെ 27 ന് കാസര്‍കോട്ടെത്തും. കുമ്പള ബേള കുമാരമംഗലം ക്ഷേത്രത്തില്‍ തൊഴാനാണ് അദ്ദേഹം എത്തുന്നത്. 26 ന് വൈകിട്ടോടെ മംഗളൂരു വിമാനത്താവളത്തിലിറങ്ങുന്ന അദ്ദേഹം ഹെലികോപ്റ്റര്‍ മാര്‍ഗം ബേക്കല്‍ താജ്‌ഹോട്ടലില്‍ എത്തും. 27ന് രാവിലെ ഒമ്പത് മണിക്ക് കുമാരമംഗലം ക്ഷേത്രത്തില്‍ നടക്കുന്ന പ്രത്യേക പൂജയിലും പങ്കെടുക്കുമെന്നാണ് വിവരം.

ഇതുസംബന്ധിച്ച് രഹസ്യാന്വേഷണ വിഭാഗവും കേന്ദ്ര ഏജന്‍സികളും സുരക്ഷാ പരിശോധന ആരംഭിച്ചിട്ടുണ്ട്. ക്ഷേത്രത്തില്‍ നടക്കുന്ന അലങ്കാര പൂജ, അശ്ലേഷ പൂജ തുടങ്ങിയ പൂജാ കര്‍മങ്ങളില്‍ റെനില്‍ വിക്രമസിംഗെ സംബന്ധിക്കുമെന്ന് മേല്‍ശാന്ത് രാമചന്ദ്ര കാസര്‍കോട് വാര്‍ത്തയോട് പറഞ്ഞു.