മധുവാഹിനിപ്പുഴ കരകവിഞ്ഞൊഴുകുന്നു; 3 വീടുകള്‍ പുഴയെടുത്തു, വീട്ടുകാരെ മാറ്റിപ്പാര്‍പ്പിച്ചു

ചെങ്കള: (www.kasargodvartha.com 22.07.2019) കനത്ത മഴയെ തുടര്‍ന്ന് മധുവാഹിനിപ്പുഴ കരകവിഞ്ഞൊഴുകുന്നു. എരുതുംകടവില്‍ മൂന്ന് വീടുകള്‍ പുഴയെടുത്തുകഴിഞ്ഞു. എരുതുംകടവിലെ അബ്ദുല്‍ ജലീല്‍, സുഹറ, മുനീര്‍ എന്നിവരുടെ വീടിന്റെ ഒരു ഭാഗമാണ് പുഴയെടുത്തത്. വീട് പുഴയെടുക്കുമെന്ന ഭീഷണിയിലായതോടെ വീട്ടുകാരെ ബന്ധുവീടുകളിലേക്ക് മാറ്റിപ്പാര്‍പ്പിച്ചിരിക്കുകയാണ്.

വിവരമറിഞ്ഞ് തഹസില്‍ദാര്‍ മുഹമ്മദ് നവാസ്, ഹെഡ്ക്വാര്‍ട്ടേഴ്‌സ് തഹസില്‍ദാര്‍ സുരേഷ് ബാബു, ചെങ്കള വില്ലേജ് ഓഫീസര്‍, അസി. വില്ലേജ് ഓഫീസര്‍ തുടങ്ങിയവര്‍ സ്ഥലം സന്ദര്‍ശിച്ചു. മൂന്ന് വീടുകള്‍ക്കും കൂടി 10 ലക്ഷം രൂപയുടെ നഷ്ടം കണക്കാക്കുന്നു. ഒരു വീട്ടിലെ കിണറടങ്ങുന്ന ഭാഗത്തെയും മണ്ണിടിഞ്ഞിട്ടുണ്ട്.