City Gold
news portal
» » » » » » » » ഫ്രിഡ്ജിലെ കംപ്രസര്‍ തീപിടിച്ച് പൊട്ടിത്തെറിച്ചു; ഉറങ്ങിക്കിടക്കുകയായിരുന്ന കുടുംബം രക്ഷപ്പെട്ടത് തലനാരിഴയ്ക്ക്, വീട് ഭാഗികമായി കത്തി നശിച്ചു

കാസര്‍കോട്: (www.kasargodvartha.com 14.06.2019) ഫ്രിഡ്ജ് തീപിടിച്ച് പൊട്ടിത്തെറിച്ച് വീട് കത്തി നശിച്ചു. ഉറങ്ങിക്കിടക്കുകയായിരുന്ന കുടുംബം രക്ഷപ്പെട്ടത് തലനാരിഴയ്ക്കാണ്. ചൗക്കി കമ്പാറിലെ അഷ്‌റഫ് മൗലവിയുടെ വീടിനാണ് തീ പിടിച്ചത്. വെള്ളിയാഴ്ച പുലര്‍ച്ചെ 3.30 മണിയോടെയാണ് സംഭവം. അടുക്കള ഭാഗത്ത് വെച്ചിരുന്ന ഫ്രിഡ്ജാണ് തീ പിടിച്ച് പൊട്ടിത്തെറിച്ചത്. ശബ്ദം കേട്ട് തൊട്ടടുത്ത മുറിയിലുണ്ടായിരുന്ന അഷ്‌റഫ് മൗലവിയും ഭാര്യ ഖൈറുന്നീസയും 7 വയസ്സില്‍ താഴെയുള്ള 3 കുട്ടികളും വീടിന്റെ ടെറസ്സില്‍ കേറിയാണ് രക്ഷപ്പെട്ടത്. ഫ്രിഡ്ജ് കൂടാതെ ജ്യൂസ് മെഷീന്‍, മിക്‌സി തുടങ്ങി മുഴുവന്‍ അടുക്കള ഉപകരണങ്ങളും പൂര്‍ണമായും കത്തി നശിച്ചു. കൂടാതെ കിടപ്പുമുറിയിലെ വസ്ത്രങ്ങള്‍ കരിയും പുകയും പിടിച്ച് ഉപയോഗശൂന്യമായി.


Kasaragod, News, Kerala, Fire, Gas cylinder, The compressor of the fridge exploded

അഷ്‌റഫ് മൗലവി പൈപ്പ് കൊണ്ട് വെള്ളമടിച്ച് കെടുത്തിയതിനാല്‍ തീ മറ്റിടങ്ങളിലേക്ക് പടര്‍ന്നില്ല. ഫ്രിഡ്ജിലെ കംപ്രസര്‍ ചൂടായി തീ പിടിച്ച് പൊട്ടിത്തെറിച്ചതാണെന്നാണ് കരുതുന്നത്. 3 മാസങ്ങള്‍ക്ക് മുമ്പാണ് തകരാറിലായ കംപ്രസര്‍ നന്നാക്കിയത്. തീപിടുത്തത്തില്‍ വീടിനകത്തെ ഇലക്ട്രിക് വയറിംഗ് പൂര്‍ണമായും കത്തി നശിച്ചു. ഒരു ലക്ഷം രൂപയുടെ നഷ്ടം കണക്കാക്കുന്നു. ഫ്രിഡ്ജിന് സമീപം പാചക വാതക സിലിണ്ടര്‍ ഉണ്ടായിരുന്നെങ്കിലും ഇതിലേക്ക് തീ പടരാത്തതിനാല്‍ വന്‍ അപകടം ഒഴിവായി.

Keywords: Kasaragod, News, Kerala, Fire, Gas cylinder, The compressor of the fridge exploded

About kvartha beta

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date