അപകടത്തില്‍പെട്ട കാറില്‍ കഞ്ചാവ്; യുവാവ് അറസ്റ്റില്‍

ചെര്‍ക്കള: (www.kasargodvartha.com 22.05.2019) അപകടത്തില്‍പെട്ട കാറില്‍ കഞ്ചാവ് കണ്ടെത്തിയ സംഭവത്തില്‍ യുവാവിനെ പോലീസ് അറസ്റ്റു ചെയ്തു. മുളിയാര്‍ അമ്മങ്കോട്ട് താമസിക്കുന്ന കൊല്ലം സ്വദേശി സലീം എന്ന തെക്കന്‍ സലീമിനെയാണ് വിദ്യാനഗര്‍ സി ഐ കുട്ടികൃഷ്ണന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്.

ഏപ്രില്‍ 28ന് രാത്രി എട്ടുമണിയോടെ ചെങ്കള കെട്ടുങ്കല്ലിലാണ് സലീം ഓടിച്ചിരുന്ന കാര്‍ അപകടത്തില്‍പ്പെട്ടത്. പോലീസ് പരിശോധനയില്‍ കാറില്‍നിന്ന് 20 ഗ്രാം കഞ്ചാവ് കണ്ടെത്തുകയായിരുന്നു.