റീപോളിംഗ്; ഇലക്ഷന്‍ ഡ്യൂട്ടി സര്‍ട്ടിഫിക്കറ്റ് ഉപയോഗിച്ച് വോട്ട് ചെയ്യാം

കാസര്‍കോട്:  (www.kasargodvartha.com 17.05.2019) കള്ളവോട്ട് കണ്ടെത്തിയതിനെ തുടര്‍ന്ന് 19ന് റീപോളിംഗ് നടക്കുന്ന കാസര്‍കോട് പാര്‍ലമെന്റ് മണ്ഡലത്തിലെ ബൂത്തുകളില്‍,  ഏപ്രില്‍ 23 ലെ ഇലക്ഷന്‍ ഡ്യൂട്ടി സര്‍ട്ടിഫിക്കറ്റ് ഉപയോഗിച്ച് വോട്ട് ചെയ്ത മുഴുവന്‍ ഉദ്യോഗസ്ഥര്‍ക്കും വീണ്ടും വോട്ട് ചെയ്യുന്നതിനുള്ള അവസരം ഒരുക്കുമെന്ന് വരണാധികാരിയായ ജില്ലാ കളക്ടര്‍ ഡോ.ഡി.സജിത് ബാബു പറഞ്ഞു.

ഇതിനായി ഇലക്ടറല്‍ തിരിച്ചറിയല്‍ കാര്‍ഡുമായി നേരത്തേ വോട്ട് ചെയ്ത പോളിങ് ബൂത്തില്‍ ചെല്ലേണ്ടതും അസി.റിട്ടേണിങ് ഓഫീസര്‍ നല്‍കുന്ന ഇലക്ഷന്‍ ഡ്യൂട്ടി സര്‍ട്ടിഫിക്കറ്റ് പ്രിസൈഡിങ് ഓഫീസറില്‍ നിന്ന് കൈപ്പറ്റി സമ്മതിദാനാവകാശം വിനിയോഗിക്കേണ്ടതുമാണെന്ന് കളക്ടര്‍ പറഞ്ഞു.