അഞ്ച് മണ്ഡലങ്ങളില്‍ ബി ജെ പിക്ക് വോട്ട് കുറഞ്ഞു; നാലിടങ്ങളില്‍ എല്‍ ഡി എഫ് നേരിയ ഭൂരിപക്ഷം നേടിയപ്പോള്‍ മൂന്നിടങ്ങളില്‍ യു ഡി എഫ് വന്‍ ഭൂരിപക്ഷം കരസ്ഥമാക്കി, ഉണ്ണിത്താന്‍ വിജയം കൈവെള്ളയിലൊതുക്കി

കാസര്‍കോട്: (www.kasargodvartha.com 23.05.2019) കാസര്‍കോട്ടെ തിരഞ്ഞെടുപ്പില്‍ അഞ്ച് മണ്ഡലങ്ങളില്‍ ബി ജെ പിക്ക് വോട്ട് കുറഞ്ഞു. നാലിടങ്ങളില്‍ എല്‍ ഡി എഫ് നേരിയ ഭൂരിപക്ഷം നേടിയപ്പോള്‍ മൂന്നിടങ്ങളില്‍ യു ഡി എഫ് വന്‍ ഭൂരിപക്ഷം കരസ്ഥമാക്കിയതോടെ ഉണ്ണിത്താന്‍ വിജയം കൈവെള്ളയിലൊതുക്കി. കാഞ്ഞങ്ങാട്, കല്യാശേരി, ഉദുമ, തൃക്കരിപ്പൂര്‍, പയ്യന്നൂര്‍ എന്നീ നിയമസഭാ മണ്ഡലങ്ങളിലാണ് ബി ജെ പിക്ക് വോട്ടുകുറഞ്ഞത്. കാഞ്ഞങ്ങാട്ട് കഴിഞ്ഞ തവണത്തേക്കാള്‍ 3522 വോട്ടുകളും, കല്യാശേരിയില്‍ 904 വോട്ടുകളും, ഉദുമയില്‍ 798 വോട്ടുകളും, തൃക്കരിപ്പൂരില്‍ 4338 വോട്ടുകളും, പയ്യന്നൂരില്‍ 3610 വോട്ടുകളുമാണ് കുറഞ്ഞത്.

കല്യാശേരി, കാഞ്ഞങ്ങാട്, തൃക്കരിപ്പൂര്‍, പയ്യന്നൂര്‍ എന്നിവിടങ്ങളിലാണ് എല്‍ ഡി എഫ് നേരിയ ഭൂരിപക്ഷം നേടിയത്. മഞ്ചേശ്വരം, ഉദുമ, കാസര്‍കോട് എന്നിവിടങ്ങളില്‍ ഉണ്ണിത്താന്‍ വന്‍ ഭൂരിപക്ഷം കരസ്ഥമാക്കി.