യുവാവിനെ വീടിന്റെ വരാന്തയില്‍ തൂങ്ങിമരിച്ചനിലയില്‍ കണ്ടെത്തി

ബദിയടുക്ക: (www.kasargodvartha.com 18.04.2019) യുവാവിനെ വീടിന്റെ സിറ്റൗട്ടില്‍ തൂങ്ങിമരിച്ചനിലയില്‍ കണ്ടെത്തി. പള്ളത്തടുക്ക കുംട്ടാല്‍മൂലയിലെ മാനപ്പ മൂല്യ - ഗീത ദമ്പതികളുടെ മകന്‍ ബാബുവിനെയാണ് തൂങ്ങിമരിച്ച നിലയില്‍ കണ്ടെത്തിയത്. അഞ്ച് വര്‍ഷത്തോളമായി അസുഖം ഉണ്ടായതിനെ തുടര്‍ന്ന് ചികിത്സ നടത്തിവരികയായിരുന്നു. അസുഖം ഭേദമാകാത്തതിലുള്ള മനോവിഷമം മൂലം തൂങ്ങിമരിച്ചതാകാമെന്നാണ് സംശയം.

രാത്രി ഏഴ് മണിയോടെയാണ് യുവാവിനെ തൂങ്ങിമരിച്ച നിലയില്‍ കണ്ടെത്തിയത്. സഹോദരങ്ങള്‍: ആനന്ദ, മധുസൂദന, സുന്ദരി. ബദിയടുക്ക പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുത്തു.