നിര്‍മാണത്തിലിരിക്കുന്ന വീടിന്റെ ടെറസില്‍ നിന്നും വീണ് യുവാവ് മരിച്ചു

മംഗളൂരു: (www.kasargodvartha.com 16.04.2019) നിര്‍മാണത്തിലിരിക്കുന്ന വീടിന്റെ ടെറസില്‍ നിന്നും വീണ് യുവാവ് മരിച്ചു. മലവൂര്‍ ഗ്രാമപഞ്ചായത്ത് അംഗം ലക്ഷ്മണന്റെ മകന്‍ ദീക്ഷിത് രാജ് ആണ് മരിച്ചത്. ഞായറാഴ്ച രാത്രിയാണ് അപകടമുണ്ടായത്. കറമ്പാറില്‍ പുതുതായി നിര്‍മിക്കുന്ന വീടിന്റെ കോണ്‍ക്രീറ്റിന് വെള്ളമൊഴിക്കാനെത്തിയതായിരുന്നു ദീക്ഷിത്.

ഇതിനിടെ കാല്‍തെന്നി താഴേക്ക് വീഴുകയായിരുന്നു. ഗുരുതരമായി പരിക്കേറ്റ ദീക്ഷിതിനെ ഉടന്‍ ആശുപത്രിയിലെത്തിച്ചെങ്കിലും തിങ്കളാഴ്ച മരണം സംഭവിക്കുകയായിരുന്നു. ബി ജെ പി പ്രവര്‍ത്തകനാണ്.