ജോലി കഴിഞ്ഞ് ഉച്ചഭക്ഷണം കഴിക്കാനായി വീട്ടിലേക്ക് പോവുകയായിരുന്ന യുവാവിന് സൂര്യാഘാതമേറ്റു

കുമ്പള: (www.kasargodvartha.com 25.03.2019) ജോലി കഴിഞ്ഞ് ഉച്ചഭക്ഷണം കഴിക്കാനായി വീട്ടിലേക്ക് പോവുകയായിരുന്ന യുവാവിന് സൂര്യാഘാതമേറ്റു. കളത്തേരയിലെ മുഹമ്മദ് കാസിമിനാണ് (42) വെലിയില്‍ പൊള്ളലേറ്റത്. കാസിമിനെ കുമ്പള സാമൂഹികാരോഗ്യ കേന്ദ്രത്തില്‍ പ്രവേശിപ്പിച്ചു. കഴിഞ്ഞ ദിവസം ഉച്ചയോടെയാണ് സംഭവം.

അലുമിനിയം ഫാബ്രിക്കേഷന്‍ ജോലിചെയ്യുന്ന കാസിം ഉച്ചയ്ക്ക് ജോലികഴിഞ്ഞ് ഭക്ഷണത്തിനായി വീട്ടിലേക്ക് നടന്നുപോകുമ്പോഴാണ് പൊള്ളലേറ്റത്. യുവാവ് ഷര്‍ട്ട് ധരിച്ചിരുന്നില്ല. ബനിയന്‍ മാത്രമായിരുന്നു ശരീരത്തിലുണ്ടായിരുന്നത്.