City Gold
news portal
» » » » » » » » » » വോട്ടുപെട്ടിയുമായി കേരളം കാത്തിരിക്കേണ്ടത് ഒരു മാസം; ഏപ്രില്‍ 23ന് വോട്ടെടുപ്പ്, വോട്ടെണ്ണല്‍ മെയ് 23ന്, കേരളത്തില്‍ തെരഞ്ഞെടുപ്പിന് ഇനി 43 ദിവസം

ന്യൂഡല്‍ഹി: (www.kasargodvartha.com 10.03.2019) പതിനേഴാം ലോക്‌സഭ തെരഞ്ഞെടുപ്പ് തീയതികള്‍ തെരഞ്ഞെടുപ്പ് കമ്മീഷന്‍ പ്രഖ്യാപിച്ചു. ഏഴ് ഘട്ടങ്ങളിലായി നടക്കുന്ന തെരഞ്ഞെടുപ്പിന്റെ മൂന്നാം ഘട്ടത്തിലായിരിക്കും കേരളത്തില്‍ വോട്ടെടുപ്പ് നടക്കുക. ഏപ്രില്‍ 23നാണ് മൂന്നാം ഘട്ട വോട്ടെടുപ്പ് നടക്കുന്നത്. കേരളത്തില്‍ ഒറ്റഘട്ടമായി ആയിരിക്കും വോട്ടെടുപ്പ് നടക്കുകയെന്ന് മുഖ്യ തെരഞ്ഞെടുപ്പ് കമ്മീഷണര്‍ സുനില്‍ അറോറ വ്യക്തമാക്കി.

ന്യൂഡല്‍ഹിയില്‍ വിളിച്ചുചേര്‍ത്ത വാര്‍ത്താസമ്മേളനത്തിലാണ് തീയതി പ്രഖ്യാപിച്ചത്. ആദ്യഘട്ട തെരഞ്ഞെടുപ്പ് ഏപ്രില്‍ 11ന് നടക്കും. രണ്ടാം ഘട്ടം ഏപ്രില്‍ 18നും മൂന്നാം ഘട്ടം 23നും നാലാം ഘട്ടം 29നും അഞ്ചാം ഘട്ടം മെയ് ആറിനും ആറാം ഘട്ടം 12നും ഏഴാം ഘട്ടം 19നും നടക്കും. മെയ് 23നാണ് വോട്ടെണ്ണുന്നത്.

ഏപ്രില്‍ 23ന് വോട്ടെടുപ്പ് നടക്കുന്ന കേരളം ഫലമറിയാനായി കൃത്യം ഒരു മാസം കാത്തിരിക്കേണ്ടിവരും. ഇനി 43 ദിവസങ്ങളാണ് കേരളത്തില്‍ വോട്ടെടുപ്പ് നടക്കാന്‍ ബാക്കിയുള്ളത്. അതേസമയം കേരളത്തില്‍ ഒറ്റഘട്ടമായി തെരഞ്ഞെടുപ്പ് നടത്തുന്നതിനെതിരെ വ്യാപക പ്രതിഷേധം ഉയര്‍ന്നിട്ടുണ്ട്. കള്ളവോട്ട്, ആക്രമങ്ങള്‍ എന്നിവ തടയാന്‍ രണ്ടുഘട്ടങ്ങളിലായെങ്കിലും തെരഞ്ഞെടുപ്പ് നടത്തണമെന്നാണവശ്യം.

കേരളം, ആന്ധ്രാപ്രദേശ്, അരുണാചല്‍ പ്രദേശ്, ഗോവ, ഗുജറാത്ത്, ഹരിയാന, ഹിമാചല്‍ പ്രദേശ്, മേഘാലയ, മിസോറാം, നാഗാലാന്‍ഡ്, തമിഴ്‌നാട്, പഞ്ചാബ്, തെലങ്കാന, ഉത്തരാഖണ്ഡ് തുടങ്ങിയ സംസ്ഥാനങ്ങളിലും വിവിധ കേന്ദ്ര ഭരണ പ്രദേശങ്ങളിലും ഒറ്റഘട്ടമായാണ് തെരഞ്ഞെടുപ്പ് നടക്കുക.

ഏപ്രില്‍ 11ന് ഒന്നാം ഘട്ടത്തില്‍ 20 സംസ്ഥാനങ്ങളില്‍ 91 മണ്ഡലങ്ങളില്‍ തെരഞ്ഞെടുപ്പ് നടക്കും. രണ്ടാം ഘട്ടം 13 സംസ്ഥാനങ്ങളിലെ 97 മണ്ഡലങ്ങളിലും മൂന്നാം ഘട്ടം 14 സംസ്ഥാനങ്ങളിലെ 150 മണ്ഡലങ്ങളിലും നടക്കും. നാലാം ഘട്ടം ഒമ്പത് സംസ്ഥാനങ്ങളിലെ 71 മണ്ഡലങ്ങളിലും അഞ്ചാം ഘട്ടം ഏഴ് സംസ്ഥാനങ്ങളിലെ 51 മണ്ഡലങ്ങളിലും ആറാം ഘട്ടം ഏഴ് സംസ്ഥാനങ്ങളിലെ 59 മണ്ഡലങ്ങളിലും ഏഴാം ഘട്ടം എട്ട് സംസ്ഥാനങ്ങളിലെ 59 മണ്ഡലങ്ങളിലും നടക്കും.

അതേസമയം വിവിധ സംസ്ഥാനങ്ങളിലേക്കുള്ള നിയമസഭ തെരഞ്ഞെടുപ്പുകളും ലോക്‌സഭ തെരഞ്ഞെടുപ്പിനോടൊപ്പം നടക്കും. കേരളത്തില്‍ മഞ്ചേശ്വരം മണ്ഡലത്തിലും ലോക്‌സഭയോടൊപ്പം 23ന് തന്നെ ഉപതെരഞ്ഞെടുപ്പ് നടക്കും.


Keywords: Kerala, National, news, election, New Delhi, Top-Headlines, Voters list, Trending, LS Polls on April 23rd in Kerala 

About Web Desk

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date