കഞ്ചാവ് വലിക്കുന്നതിനിടയില്‍ രണ്ടുപേര്‍ പിടിയില്‍

കാഞ്ഞങ്ങാട്: (www.kasargodvartha.com 21.03.2019) സിഗരറ്റില്‍ കഞ്ചാവു നിറച്ച് വലിക്കുന്നതിനിടയില്‍ രണ്ടുപേര്‍ പോലീസ് പിടിയിലായി. മുറിയനാവിയിലെ മുഹമ്മദ് സിദ്ദീഖ് (19), പഴയകടപ്പുറത്തെ അസ്‌കര്‍ (19) എന്നിവരെയാണ് ഹൊസ്ദുര്‍ഗ് പ്രിന്‍സിപ്പാള്‍ എസ് ഐ ടി എ സജീഷ് പിടികൂടി കേസെടുത്തത്.

കഴിഞ്ഞ ദിവസം പട്രോളിംഗിനിടയില്‍ സംശയ സാഹചര്യത്തില്‍ കണ്ട ഇവരെ ചോദ്യം ചെയ്യുന്നതിനിടിലാണ് കഞ്ചാവ് നിറച്ച് സിഗരറ്റ് കണ്ടെത്തിയത്. തുടര്‍ന്ന് രണ്ടുപേരുടെയും പേരില്‍ കേസെടുക്കുകയായിരുന്നു.