കൈയ്യേറ്റം ഒഴിപ്പിക്കാനെത്തിയ റവന്യൂ ഉദ്യോഗസ്ഥരെ ആക്രമിച്ച കേസില്‍ പ്രതി റിമാന്‍ഡില്‍

Whatsapp Group Whatsapp Channel

By Web Desk - MainJan 16, 2019, 12:02 IST

കുമ്പള: (www.kasargodvartha.com 16.01.2019) കൈയ്യേറ്റം ഒഴിപ്പിക്കാനെത്തിയ റവന്യൂ ഉദ്യോഗസ്ഥരെ ആക്രമിച്ച കേസില്‍ അറസ്റ്റു ചെയ്ത പ്രതിയെ കോടതി റിമാന്‍ഡ് ചെയ്തു. കുമ്പള ശാന്തിപ്പള്ളം കുണ്ടാങ്കാരടുക്കയിലെ ഉമേശ് ഗട്ടി (48)യെയാണ് രണ്ടാഴ്ചത്തേക്ക് റിമാന്‍ഡ് ചെയ്തത്. കഴിഞ്ഞ ദിവസമാണ് കേസിനാസ്പദമായ സംഭവം നടന്നത്.

കുണ്ടാങ്കാരടുക്ക ഗവ. വെല്‍ഫെയര്‍ സ്‌കൂളിനടുത്ത് മൂന്ന് സെന്റ് കയ്യേറി ഈശ്വരന്‍ എന്നയാള്‍ കുടില്‍ കെട്ടി താമസിക്കുന്നുണ്ടെന്ന പരാതിയെ തുടര്‍ന്നാണ് ഒഴിപ്പിക്കാനായി റവന്യൂ- പോലീസ് സംഘമെത്തിയത്.

ഇതിനിടെയാണ് റവന്യൂ ഉദ്യോഗസ്ഥര്‍ക്കു നേരെ ആക്രമണമുണ്ടായത്. സംഭവവുമായി ബന്ധപ്പെട്ട് ഉമേശ് ഗട്ടി, ഈശ്വരന്‍, ഉദയകുമാര്‍ തുടങ്ങി ആറു പേര്‍ക്കെതിരെ കേസെടുക്കുകയായിരുന്നു.