ഡോ. എ ശ്രീനിവാസ് ട്രെയിനിംഗിനായി ഹൈദരാബാദിലേക്ക് പോയി; താത്കാലിക കാസര്‍കോട് ജില്ലാ പോലീസ് ചീഫായി കെ എം ടോമി ചുമതലയേറ്റു

കാസര്‍കോട്: (www.kasargodvartha.com 12.11.2018) നിലവിലെ കാസര്‍കോട് ജില്ലാ പോലീസ് ചീഫ് ഡോ. എ ശ്രീനിവാസ് ട്രെയിനിംഗിനായി ഹൈദരാബാദിലേക്ക് പോയതോടെ താത്കാലിക ജില്ലാ പോലീസ് ചീഫായി കെ എം ടോമി ചുമതലയേറ്റു. തിങ്കളാഴ്ച ചുതലയേറ്റെടുത്ത അദ്ദേഹം പോലീസുകാര്‍ക്കുള്ള ട്രെയിനിംഗ് പ്രോഗ്രാം ഉദ്ഘാടനം ചെയ്തുകൊണ്ട് ക്ലാസുകള്‍ കൈകാര്യം ചെയ്തു. സത്യസന്ധവും നീതിയുക്തവുമായി പ്രവര്‍ത്തിക്കുവാന്‍ എല്ലാ പോലീസ് ഉദ്യോഗസ്ഥര്‍ക്കും അദ്ദേഹം നിര്‍ദേശം നല്‍കി.

രണ്ടു മാസത്തെ അവധിയെടുത്താണ് ഡോ. എ ശ്രീനിവാസ് ഐ പി എസിന്റെ ഭാഗമായുള്ള ട്രെയിനിംഗിനായി പോയത്. എറണാകുളം സ്വദേശിയാണ് ടോമി. നേരത്തെ കോഴിക്കോട് ഡി സി പിയായിരുന്നു.