ദേശീയ സ്റ്റുഡന്റ്‌സ് ഒളിംപിക്സ് അത്ലറ്റിക്‌സ് ടീമില്‍ കാസര്‍കോട്ടു നിന്നും ജുബൈറും ജയരാജും

കുമ്പള: (www.kasargodvartha.com 17.11.2018) ദേശീയ സ്റ്റുഡന്റസ് ഒളിംപിക്സ് അത്ലറ്റിക്‌സ് ടീമില്‍ കാസര്‍കോട് ജില്ലയില്‍ നിന്ന് എം കെ അഹ് മദ് ജുബൈറും, എ ജയരാജും ഇടം നേടി. നവംബര്‍ 22 മുതല്‍ 25 വരെ ഗുജറാത്തിലെ ഗോധ്രയിലാണ് മത്സരം നടക്കുന്നത്. ജുബൈര്‍ ലോങ്ജമ്പിലും ജയരാജ്  ജാവലിന്‍ ത്രോവിലുമാണ് മത്സരിക്കുന്നത്.

കുമ്പള മാവിനക്കട്ടയിലെ മുഹമ്മദ് കുഞ്ഞിയുടേയും ഖൈറുന്നിസയുടെയും മകനാണ്  ജുബൈര്‍. ബേള കീലിംഗറിലെ സോമപ്പയുടേയും ഭവാനിയുടേയും മകനാണ് ജയരാജ്. ഇരുവരും കോഴിക്കോട് ഗവണ്‍മെന്റ് കോളേജ് ഓഫ് ഫിസിക്കല്‍ എഡ്യുക്കേഷന്‍ ഈസ്റ്റ്ഹിലിലെ ബി പി എഡ് രണ്ടാം വര്‍ഷ വിദ്യാര്‍ത്ഥികളാണ്.