അബൂദാബിയില്‍ മരിച്ച കാസര്‍കോട് സ്വദേശിയുടെ മൃതദേഹം ബുധനാഴ്ച നാട്ടിലെത്തിക്കും

അബൂദാബി: (www.kasargodvartha.com 18.09.2018) അബൂദാബിയിലെ ആശുപത്രിയില്‍ മരിച്ച കാസര്‍കോട് മാങ്ങാട് സ്വദേശി മുഹമ്മദ് കുഞ്ഞി (55)യുടെ മൃതദേഹം ബുധനാഴ്ച നാട്ടിലെത്തിക്കും. ചൊവ്വാഴ്ച രാത്രി 12.30 മണിയോടെയുള്ള എയര്‍ ഇന്ത്യാ എക്‌സ്പ്രസില്‍ മൃതദേഹം മംഗളൂരു വിമാനത്താവളത്തിലേക്ക് കൊണ്ടുവരും. പുലര്‍ച്ചെ മംഗളൂരുവിലെത്തിക്കുന്ന മൃതദേഹം വീട്ടിലെത്തിച്ച ശേഷം മാങ്ങാട് ജുമാമസ്ജിദ് ഖബര്‍സ്ഥാനില്‍ ഖബറടക്കുമെന്ന് ബന്ധുക്കള്‍ അറിയിച്ചു.

ചൊവ്വാഴ്ച രാവിലെ അബൂദാബി എന്‍ എം സി ആശുപത്രിയില്‍ വെച്ചായിരുന്നു മുഹമ്മദ് കുഞ്ഞി മരണപ്പെട്ടത്. അസുഖത്തെ തുടര്‍ന്ന് ആശുപത്രിയില്‍ പ്രവേശിപ്പിച്ചതായിരുന്നു. 35 വര്‍ഷമായി അബുദാബി വാട്ടര്‍ ആന്‍ഡ് ഇലക്ട്രിസിറ്റിയിലെ ജീവനക്കാരനായിരുന്നു. ഭാര്യ: ഫൗസിയ. മക്കള്‍: മുഫീദ, ഫഹദ്.

Related News:
അസുഖത്തെ തുടര്‍ന്ന് അബൂദാബിയിലെ ആശുപത്രിയില്‍ പ്രവേശിപ്പിച്ച കാസര്‍കോട് സ്വദേശി മരിച്ചു