ഡാം- നദി നയം തിരുത്തണമെന്ന ഹര്‍ജിയില്‍ കേന്ദ്ര- സംസ്ഥാന സര്‍ക്കാരുകള്‍ക്ക് ഹൈക്കോടതി നോട്ടീസയച്ചു

കൊച്ചി: (www.kasargodvartha.com 14.09.2018) ഡാം- നദി നയം തിരുത്തണമെന്നാവശ്യപ്പെട്ട് കാസര്‍കോട് ഉപ്പള സ്വദേശിയും പ്രമുഖ വ്യവസായിയുമായ യു കെ യൂസുഫ് സമര്‍പ്പിച്ച ഹര്‍ജിയില്‍ കേന്ദ്ര- സംസ്ഥാന സര്‍ക്കാരുകള്‍ക്ക് ഹൈക്കോടതി നോട്ടീസയച്ചു. ഡാം, നദി എന്നിവ വൃത്തിയായി സംരംക്ഷിക്കണമെന്നും മണലിന്റെ കാര്യത്തില്‍ പരിസ്ഥിതിക്ക് അനുയോജ്യവും ജനങ്ങള്‍ക്കു സര്‍ക്കാരിനും ഗുണകരവുമായ നയം ഉണ്ടാക്കണമെന്നാണ് ഹര്‍ജിയിലെ ആവശ്യം.

ഹര്‍ജിയില്‍ ചീഫ് ജസ്റ്റിസ് അധ്യക്ഷനായ ബെഞ്ചാണ് കേന്ദ്ര- സംസ്ഥാന സര്‍ക്കാറുകള്‍ക്ക് നോട്ടീസ് അയച്ചത്. യു കെ യൂസുഫിന്റെ വാദം കോടതി അംഗീകരിച്ചാല്‍ ഡാമിലും നദികളിലുമുള്ള മണ്ണും ചെളിയും മാറ്റാന്‍ ഉത്തരവാകുമെന്നാണ് പ്രതീക്ഷ. ഇത് സര്‍ക്കാരിനും കോടികളുടെ വരുമാനവും ജനങ്ങള്‍ക്ക് മിതമായ നിരക്കില്‍ മണലും ലഭിക്കുമെന്നും കരുതുന്നു.