ഫ്രഞ്ചുപടയുടെ താരരാജാവ് മത്സരശേഷം പുതച്ചത് ഉറുഗ്വായ് പതാക

Whatsapp Group Whatsapp Channel

By Desk EpsilonJul 16, 2018, 19:32 IST

മോസ്‌കോ: (www.kasargodvartha.com 16.07.2018) ഫ്രഞ്ച് പടയുടെ താരരാജാവ് അന്റോയിന്‍ ഗ്രീസ്മാന്‍ ഫിഫാ ലോകകപ്പ് ഫൈനല്‍ മത്സരത്തിന് ശേഷം മാധ്യമപ്രവര്‍ത്തകര്‍ക്ക് മുന്നിലെത്തിയത് ഉറുഗ്വേയുടെ പതാക പുതച്ച്. ഒരു ഉറുഗ്വേ മാധ്യമപ്രവര്‍ത്തകനാണ് ഗ്രീസ്മാന് പതാക നല്‍കിയത്. ഒരു കൂസലുമില്ലാതെ ഗ്രീ4സ്മാന്‍ പതാകയും പുതച്ച് നടക്കുകയും മാധ്യമപ്രവര്‍ത്തകര്‍ക്ക് മുന്നില്‍ പ്രത്യക്ഷപ്പെടുകയും ചെയ്തു.

നേരത്തെ തന്നെ ഗ്രീസ്മാന്‍ തന്റെ ഉറുഗ്വേ പ്രേമം വെളിപ്പെടുത്തിയിരുന്നു. ഉറുഗ്വേയ്‌ക്കെതിരായ മത്സരത്തില്‍ ഗോള്‍ നേടിയപ്പോള്‍ ഗ്രീസ്മാന്‍ ഗോള്‍നേട്ടം ആഘോഷിച്ചിരുന്നില്ല. അത്‌ലറ്റിക്കോ മാഡ്രഡിലെ തന്റെ സഹകളിക്കാരായ ഡീഗോ ഗോഡിനോടും ജിമിനെസിനോടുമുള്ള അടുപ്പമാണ് ഗ്രീസ്മാന്റെ ഉറുഗ്വേ പ്രേമത്തിന് കാരണം.