ദേശീയപാതയില്‍ മൂന്നു കാറുകള്‍ കൂട്ടിയിടിച്ചു; യുവാവിന് പരിക്ക്

Whatsapp Group Whatsapp Channel

By Web Desk - MainMay 24, 2018, 10:22 IST

കുമ്പള: (www.kasargodvartha.com 24.05.2018) മംഗളൂരു- കാസര്‍കോട് ദേശീയപാതയില്‍ മൂന്നു കാറുകള്‍ കൂട്ടിയിടിച്ചു. അപകടത്തില്‍ യുവാവിന് പരിക്കേറ്റു. കുമ്പള ആരിക്കാടിയില്‍ ചൊവ്വാഴ്ച വൈകിട്ടാണ് അപകടമുണ്ടായത്. പയ്യന്നൂരില്‍ നിന്നും മംഗളൂരു എയര്‍പോര്‍ട്ടിലേക്ക് പോവുകയായിരുന്ന കാറിലെ യാത്രക്കാരനായ പയ്യന്നൂര്‍ സ്വദേശി റഷീദിനാണ് പരിക്കേറ്റത്. റഷീദിനെ ആശുപത്രിയില്‍ പ്രവേശിപ്പിച്ചു.

കെഎല്‍ 07 എ എക്‌സ് 999, കെഎ 12 എന്‍ 7032, കെഎല്‍ 59 ആര്‍ 4350 നമ്പര്‍ കാറുകളാണ് അപകടത്തില്‍പെട്ടത്. അപകടത്തെ തുടര്‍ന്ന് ഗതാഗതം തടസപ്പെട്ടു. വിവരമറിഞ്ഞ് കുമ്പള അഡീ. എസ് ഐ ശിവദാസന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി ഗതാഗതം പുന:സ്ഥാപിച്ചു.