ക്വാര്‍ട്ടേഴ്‌സ് ഒഴിഞ്ഞു കൊടുക്കാന്‍ വിസമ്മതിച്ച വൃദ്ധനു നേരെ അക്രമം; പ്രതി അറസ്റ്റില്‍

നീലേശ്വരം: (www.kasargodvartha.com 22.05.2018) ക്വാര്‍ട്ടേഴ്‌സ് ഒഴിഞ്ഞു കൊടുക്കാന്‍ വിസമ്മതിച്ച വൃദ്ധനു നേരെ അക്രമം നടത്തിയ കേസില്‍ പ്രതിയെ പോലീസ് അറസ്റ്റു ചെയ്തു. നീലേശ്വരം പട്ടേനയിലെ ചന്ദ്രനെ (65) യാണ് നീലേശ്വരം പോലീസ് അറസ്റ്റു ചെയ്തത്. കുഞ്ഞിരാമനെ (83) അക്രമിച്ച കേസിലാണ് അറസ്റ്റ്.

കഴിഞ്ഞ ദിവസമാണ് കേസിനാസ്പദമായ സംഭവം. ചന്ദ്രന്റെ ഉടമസ്ഥതയിലുള്ള ക്വാര്‍ട്ടേഴ്‌സ് ഒഴിഞ്ഞു കൊടുക്കാന്‍ വിസമ്മതിച്ച കുഞ്ഞിരാമനെ ചന്ദ്രന്‍ തലയ്ക്കു കുത്തിപ്പരിക്കേല്‍പിക്കുകയായിരുന്നു. വധശ്രമത്തിനാണ് ചന്ദ്രനെതിരെ പോലീസ് കേസെടുത്തത്.