City Gold
news portal
» » » » » » » » » » » ആത്മഹത്യ ചെയ്ത യുവാവിന്റെ മൃതദേഹത്തില്‍ നിന്നും കണ്ടെത്തിയ യുവതിയുടെ ഫോട്ടോ പോലീസുദ്യോഗസ്ഥന്‍ പരസ്യപ്പെടുത്തിയത് വിവാദമായി

കാഞ്ഞങ്ങാട്: (www.kasargodvartha.com 15.02.2018) ആത്മഹത്യ ചെയ്ത യുവാവിന്റെ മൃതദേഹത്തില്‍ നിന്നും കണ്ടെത്തിയ യുവതിയുടെ ഫോട്ടോ പോലീസുദ്യോഗസ്ഥന്‍ പരസ്യപ്പെടുത്തിയത് വിവാദമാകുന്നു. അജാനൂര്‍ പാലക്കിയില്‍ വീട്ടില്‍ തൂങ്ങി മരിച്ച നിലയില്‍ കാണപ്പെട്ട സി എച്ച് സന്തോഷി (28)ന്റെ മൃതദേഹത്തില്‍ നിന്നും ലഭിച്ച യുവതിയുടെ ഫോട്ടോയാണ് പോലീസുദ്യോഗസ്ഥന്‍ പരസ്യപ്പെടുത്തിയത്.

ബുധനാഴ്ച ഉച്ചയോടെയാണ് സന്തോഷിനെ വീട്ടിനകത്ത് തൂങ്ങി മരിച്ച നിലയില്‍ കണ്ടെത്തിയത്. പ്രണയ നൈരാശ്യമാണ് ആത്മഹത്യക്ക് കാരണമെന്ന നിഗമനത്തിലായിരുന്നു പോലീസ്. സന്തോഷിന്റെ മൃതദേഹത്തില്‍ നിന്നും കണ്ടെത്തിയ യുവതിയുടെ ഫോട്ടോ ആണ് മണിക്കൂറുകള്‍ക്കകം പ്രചരിക്കപ്പെട്ടത്. ഈ കുട്ടിയുമായുള്ള പ്രണയനൈരാശ്യമാണ് പ്രണയദിനമായിരുന്ന ബുധനാഴ്ച ജീവനൊടുക്കാന്‍ സന്തോഷിനെ പ്രേരിപ്പിച്ചതെന്നാണ് പറയപ്പെടുന്നത്.

എന്നാല്‍ നീലേശ്വരത്തെ ഒരു പെണ്‍കുട്ടി സന്തോഷ് തന്നെ ശല്യപ്പെടുത്തുന്നുവെന്ന് ആരോപിച്ച് നീലേശ്വരം പോലീസില്‍ പരാതി നല്‍കുകയും ഇതിന്റെ അടിസ്ഥാനത്തില്‍ രണ്ട് മാസം മുമ്പ് പോലീസ് സന്തോഷിനെ താക്കീതും ചെയ്തിരുന്നു. ഈ സാഹചര്യത്തിലാണ് മൃതദേഹത്തില്‍ നിന്നും കണ്ടെത്തിയ ഫോട്ടോ ഭദ്രമായി സംരക്ഷിക്കേണ്ടതിന് പകരം പോലീസുദ്യോഗസ്ഥന്‍ പരസ്യപ്പെടുത്തിയത്. ഈ സംഭവം പോലീസിന്റെ അച്ചടക്കത്തിന് വിരുദ്ധമാണെന്നാണ് പറയപ്പെടുന്നത്. സന്തോഷിന്റെ മൃതദേഹം ജില്ലാ ആശുപത്രിയില്‍ പോസ്റ്റുമോര്‍ട്ടത്തിനു ശേഷം ഹൊസ്ദുര്‍ഗിലെ പൊതുശ്മശാനത്തില്‍ സംസ്‌കരിച്ചു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, Kanhangad, Photo, Deadbody, Youth, suicide, Police, Woman photo found in youth's dead body spread to public, Controversy in police
< !- START disable copy paste -->

About Kasargod Vartha

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date