City Gold
news portal
» » » » » » » » പ്ലാന്റേഷന്‍ തോട്ടത്തിലെ തേനീച്ചക്കൂട്ടം ഇളകി; ആക്രമണത്തില്‍ കുട്ടികള്‍ ഉള്‍പെടെ ആറു പേര്‍ക്ക് പരിക്ക്

കാഞ്ഞങ്ങാട്: (www.kasargodvartha.com 19.02.2018) പ്ലാന്റേഷന്‍ തോട്ടത്തിലെ തേനീച്ചക്കൂട്ടത്തിന്റെ ആക്രമണത്തില്‍ കുട്ടികള്‍ ഉള്‍പെടെ ആറു പേര്‍ക്ക് പരിക്കേറ്റു. ഞായറാഴ്ച വൈകുന്നേരം ചീമേനി പ്ലാന്റേഷന്‍ കോര്‍പറേഷന്റെ കശുമാവിന്‍ തോട്ടത്തിലാണ് സംഭവം. ചെറുവത്തൂര്‍ ചീമേനി റോഡരികിലെ കശുമാവിന് മുകളിലുള്ള തേനീച്ചകളാണ് ഇളകിയത്. ഇതുവഴി വന്ന പരുന്ത് തേനീച്ച കൂട്ടത്തെ ചവിട്ടിയ ശേഷം പറന്നുപൊങ്ങുകയായിരുന്നു. ഇതോടെ തേനീച്ചകള്‍ ഇരമ്പിയാര്‍ത്ത് കശുമാവിന്‍ തോട്ടത്തിലുണ്ടായിരുന്നവരെ ആക്രമിക്കുകയായിരുന്നു.

പടന്നയിലെ ബി.എം അബൂബക്കറിന്റെ കുടുംബത്തില്‍പെട്ട കുട്ടികള്‍ അടക്കമുള്ളവര്‍ക്കാണ് തേനീച്ചയുടെ ആക്രമണത്തില്‍ പരിക്കേറ്റത്. അബൂബക്കറിന്റെ മക്കളായ ഉനൈസ (20), അസീറ (10), മകളുടെ മകന്‍ മന്‍സൂര്‍ (ഒമ്പത്) എന്നിവര്‍ക്ക് കുത്തേറ്റു. ഈ സമയം ഇതുവഴി ബൈക്കിലെത്തിയ പടന്നയിലെ മുസമ്മില്‍ സിനാന്‍ (16), മുഹമ്മദ് ഷഫാഖ് (16) എന്നിവരും തേനീച്ചയുടെ ആക്രമണത്തിനിരയായി. ഇവരെ ചെറുവത്തൂരിലെ സ്വകാര്യാശുപത്രിയില്‍ പ്രവേശിപ്പിച്ചു.

പ്ലാന്റേഷന്‍ കോര്‍പറേഷന്റെ ചീമേനിയിലെ കശുവണ്ടി തോട്ടം അബൂബക്കര്‍ പാട്ടത്തിനെടുത്തിരുന്നു. തോട്ടം കാണാന്‍ എത്തിയതായിരുന്നു കുടുംബം. ഇതിനുപുറമെ ഇതുവഴി വന്നവര്‍ക്കെല്ലാം തേനീച്ചയുടെ കുത്തേറ്റു. അരമണിക്കൂറോളം ഇതുവഴിയുള്ള യാത്ര സ്തംഭിച്ചു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, Kanhangad, Injured, Injured, Attack, 6 injured after bee attack
< !- START disable copy paste -->

About Kasargod Vartha

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date