മോട്ടോര്‍ പമ്പ് വാങ്ങാനായി പുറപ്പെട്ട കാസര്‍കോട് സ്വദേശി മംഗളൂരുവില്‍ കുഴഞ്ഞുവീണു മരിച്ചു

കാസര്‍കോട്: (www.kasargodvartha.com 24.01.2018) മോട്ടോര്‍ പമ്പ് വാങ്ങാനായി പുറപ്പെട്ട കാസര്‍കോട് സ്വദേശി മംഗളൂരുവില്‍ കുഴഞ്ഞുവീണു മരിച്ചു. പാലക്കുന്ന് മുതിയക്കാലിലെ എച്ച്. അഷ്‌റഫ് (55) ആണ് മരിച്ചത്. മോട്ടോര്‍ വാങ്ങാനായി മംഗളൂരുവിലേക്ക് പുറപ്പെട്ടതായിരുന്നു അഷ്‌റഫ്. വഴിമധ്യേ സിറ്റി സെന്ററിനടുത്ത് വെച്ച് കുഴഞ്ഞു വീണ അഷ്‌റഫിനെ ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

ഹൃദയസ്തംഭനമാണ് മരണ കാരണം. അബ്ദുല്ല- ഖദീജ ദമ്പതികളുടെ മകനാണ്. ഭാര്യ: ഹസീന. നാല് മക്കളുണ്ട്. സഹോദരങ്ങള്‍: ഹസൈനാര്‍, അബ്ദുര്‍ റഹ് മാന്‍, അബ്ബാസ്, ബഷീര്‍, റസിയ, ബദ് റുദ്ദീന്‍, ഇബ്രാഹിം പരേതരായ മൊയ്തു, ഷാഫി, ബാഫാത്വിമ. ഖബറടക്കം കുളിങ്ങോം ജുമാമസ്ജിദ് ഖബര്‍സ്ഥാനില്‍ നടക്കും.