നിരവധി കവര്‍ച്ചകളില്‍ പ്രതിയായ യുവാവ് പിടിയില്‍; 7 ലക്ഷത്തിന്റെ സ്വര്‍ണാഭരണങ്ങളും 10 മൊബൈല്‍ ഫോണുകളും പിടിച്ചെടുത്തു

മഞ്ചേശ്വരം: (www.kasargodvartha.com 20.11.2017) നിരവധി കവര്‍ച്ചകളില്‍ പ്രതിയായ യുവാവ് കര്‍ണാടകയില്‍ പിടിയിലായി. മഞ്ചേശ്വരം സ്വദേശി ലോകേഷ് ഷെട്ടി ഗാറി (20)നെയാണ് കര്‍ണാടക മൂഡബിദ്രി പോലീസ് അറസ്റ്റു ചെയ്തത്. ഇയാളില്‍ നിന്നും ഏഴു ലക്ഷം രൂപ വിലവരുന്ന സ്വര്‍ണാഭരണങ്ങളും പത്ത് മൊബൈല്‍ ഫോണുകളും ബൈക്കും പോലീസ് പിടിച്ചെടുത്തു.

വീട് കവര്‍ച്ച ഉള്‍പെടെ നിരവധി കവര്‍ച്ചാ കേസുകളില്‍ പ്രതിയാണ് ലോകേഷെന്ന് പോലീസ് പറഞ്ഞു. ഇയാള്‍ കര്‍ണാടക ബഡകബിജാറുവിലാണ് താമസമെന്നും പോലീസ് പറഞ്ഞു.