ബൈക്കിടിച്ച് പരിക്കേറ്റയാള്‍ ചികിത്സയില്‍ കഴിയുന്നതിനിടെ മരിച്ചു

Whatsapp Group Whatsapp Channel

By Webdesk ViSep 19, 2017, 11:09 IST

കുമ്പള:(www.kasargodvartha.com19/09/2017) ബൈക്കിടിച്ച് ഗുരുതരനിലയില്‍ ആശുപത്രിയില്‍ ചികിത്സയില്‍ കഴിയുകയായിരുന്ന യുവാവ് മരിച്ചു. ഹൊസങ്കടി മേങ്കടിയിലെ ഇദ്ദീന്റെ മകന്‍ അബ്ദുള്‍ഗഫൂര്‍(35) ആണ് മരിച്ചത്. ഈ മാസം അഞ്ചിന് ബന്തിയോട് വെച്ചാണ് അപകടമുണ്ടായത്.

റോഡരികിലൂടെ നടന്നുപോകുകയായിരുന്ന അബ്ദുള്‍ഗഫൂറിനെ അമിതവേഗതയില്‍ വന്ന ബൈക്ക് ഇടിച്ചുവീഴ്ത്തുകയായിരുന്നു. തലയ്ക്ക് ഗുരുതരമായി പരിക്കേറ്റ ഗഫൂര്‍ മംഗളൂരു ആശുപത്രിയില്‍ ചികിത്സയില്‍ കഴിയുന്നതിനിടെ തിങ്കളാഴ്ച വൈകുന്നേരമാണ് മരണം സംഭവിച്ചത്.