കടയിലേക്കെന്ന് പറഞ്ഞ് വീട്ടില്‍ നിന്നിറങ്ങി കാണാതായ യുവാവിന്റെ മൃതദേഹം കിണറ്റില്‍ കണ്ടെത്തി

കാഞ്ഞങ്ങാട്: (www.kasargodvartha.com 21.07.2017) കടയിലേക്കെന്ന് പറഞ്ഞ് വീട്ടില്‍ നിന്നിറങ്ങി കാണാതായ യുവാവിന്റെ മൃതദേഹം കിണറ്റില്‍ കണ്ടെത്തി. രാജപുരം മാനടുക്കം ശാസ്ത്രീ നഗര്‍കോളനിയിലെ അമ്പാടി- കമ്മാടത്തി ദമ്പതികളുടെ മകന്‍ മണി (32)യെയാണ് കിണറ്റില്‍ മരിച്ച നിലയില്‍ കണ്ടെത്തിയത്. ഇക്കഴിഞ്ഞ ചൊവ്വാഴ്ച രാത്രി ഒമ്പതുമണിയോടെ വീടിനടുത്ത കടയിലേക്കെന്ന് പറഞ്ഞ് പോയതായിരുന്നു.

പിന്നീട് തിരിച്ചെത്താത്തതിനെ തുടര്‍ന്ന് മണിയുടെ ഭാര്യ രാധയുടെ സഹോദരന്‍ രാജേഷ് നല്‍കിയ പരാതിയില്‍ പോലീസ് അന്വേഷിച്ചു വരികയായിരുന്നു. ഇതിനിടെയാണ് മണിയുടെ മൃതദേഹം കിണറ്റില്‍ കണ്ടെത്തിയത്. മക്കള്‍: ദേവപ്രിയ, ദേവദാസ്, ദേവയാനി. സഹോദരന്‍: രാമന്‍. വിവരമറിഞ്ഞ് രാജപുരം പോലീസ് സ്ഥലത്തെത്തി മൃതദേഹം ഇന്‍ക്വസ്റ്റ് നടത്തി.

Related News:
കടയിലേക്കെന്ന് പറഞ്ഞ് വീട്ടില്‍ നിന്നിറങ്ങിയ യുവാവ് തിരിച്ചെത്തിയില്ല