പെട്രോള്‍ ബങ്കില്‍ ചില്ലറയെ ചൊല്ലിയുണ്ടായ തര്‍ക്കം: കുത്തേറ്റ യുവാവിന്റെ നില ഗുരുതരമായി തുടരുന്നു

പെരിയ: (www.kasargodvartha.com 17.03.2017) പെട്രോള്‍ ബങ്കില്‍ ചില്ലറയെ ചൊല്ലിയുണ്ടായ തര്‍ക്കത്തിനിടയില്‍ കുത്തേറ്റ യുവാവിന്റെ നില ഗുരുതരമായി തുടരുന്നു. പെരിയയിലെ സിമന്റ് ഗോഡൗണിലെ ചുമട്ട് തൊഴിലാളിയും സി ഐ ടി യു യൂണിറ്റ് പ്രസിഡന്റുമായ മടിക്കൈ അടമ്പിലെ ഷിജു (32)വാണ് ഗുരുതരാവസ്ഥയില്‍ കഴിയുന്നത്.

ഇക്കഴിഞ്ഞ ശനിയാഴ്ചയാണ് പെരിയയിലെ പെട്രോള്‍ ബങ്കില്‍ വെച്ച് ഷിജുവിന് കുത്തേറ്റത്. സംഭവവുമായി ബന്ധപ്പെട്ട് ബേക്കല്‍ പോലീസ് വധ ശ്രമത്തിന് കേസെടുക്കുകയും പനയാലിലെ സലീം, സഹോദരന്‍ സാബില്‍ എന്നിവര്‍ അറസ്റ്റിലാവുകയും ചെയ്തിരുന്നു. ഇരുവരെയും കോടതി രണ്ടാഴ്ചത്തേക്ക് റിമാന്‍ഡ് ചെയ്തു. ഇക്കഴിഞ്ഞ ശനിയാഴ്ച്ച രാവിലെ ബങ്കില്‍ നിന്നും 350 രൂപയ്ക്ക് പെട്രോള്‍ അടിച്ച് 2,000 രൂപ നല്‍കുകയായിരുന്നു.