എസ് എഫ് ഐ നേതാവിന്റെ അപകടമരണം; ലോറി ഡ്രൈവര്‍ അറസ്റ്റില്‍

കാസര്‍കോട്: (www.kasargodvartha.com 19.02.2017) ദേശീയപാതയില്‍ പാണലത്ത് ശനിയാഴ്ച പുലര്‍ച്ചെയുണ്ടായ അപകടത്തില്‍ എസ് എഫ് ഐ ജില്ലാ സെക്രട്ടറിയേറ്റംഗം നുള്ളിപ്പാടി ചെന്നിക്കരയിലെ അഹമ്മദ് അഫ്‌സല്‍ (23) മരണപ്പെട്ട സംഭവത്തില്‍ പ്രതിയായ ലോറി െ്രെഡവറെ പോലീസ് അറസ്റ്റ് ചെയ്തു. പൂന സ്വദേശി മങ്കേഷിനെയാണ് വിദ്യാനഗര്‍ പോലീസ് അറസ്റ്റ് ചെയ്തത്.

എസ് എഫ് ഐ ജില്ലാ വൈസ് പ്രസിഡണ്ടും സര്‍വ്വകലാശാല യൂണിയന്‍ മുന്‍ ജനറല്‍ സെക്രട്ടറിയുമായ പനയാലിലെ കെ വിനോദ് (23), ജില്ലാ സെക്രട്ടറിയേറ്റംഗം പുത്തിഗെ മലങ്കരയിലെ നസ്‌റുദ്ദീന്‍ (23) എന്നിവര്‍ ഗുരുതരമായ പരുക്കുകളോടെ മംഗളൂരു ആശുപത്രിയില്‍ ചികിത്സയിലാണ്. ഇരുവരും അപകടനില തരണം ചെയ്തിട്ടുണ്ട്.