കെ. മാധവന്റെ ജീവിതം യുവതലമുറയ്ക്ക് പാഠപുസ്തകം: മന്ത്രി ഇ. ചന്ദ്രശേഖരന്‍

കാസര്‍കോട്: (www.kasargodvartha.com 26/09/2016) ദേശീയ സ്വാതന്ത്ര്യസമരത്തിലും കര്‍ഷക പ്രസ്ഥാനത്തിലും ജന്മി നാടുവാഴിത്തത്തിനെതിരായ പോരാട്ടത്തിലും വളരെ വിലപ്പെട്ട സംഭാവന നല്‍കിയ കെ. മാധവേട്ടന്റെ ജീവിതം വളരുന്ന തലമുറയ്ക്ക് പാഠപുസ്തകമാണെന്ന് റവന്യൂ വകുപ്പ് മന്ത്രി ഇ ചന്ദ്രശേഖരന്‍ പറഞ്ഞു.  മാധവേട്ടന്റെ ജീവിതം ഉജ്വലസമര പാരമ്പര്യമുളളതാണ്. കയ്യൂര്‍ സമര സേനാനി കൂടിയാണ് അദ്ദേഹം.

ദേശീയ പ്രസ്ഥാനത്തിന്റെ വിലപ്പെട്ട പാരമ്പര്യം ജീവിതത്തില്‍ പകര്‍ത്തി തലമുറകള്‍ക്ക് പകര്‍ന്നു നല്‍കിയ നേതാവായിരുന്നു മാധവേട്ടന്‍.  പുതിയ കാലത്ത് ചരിത്രത്തില്‍ നിന്ന് നല്ല പാഠങ്ങള്‍ ഉള്‍ക്കൊണ്ട് മുന്നോട്ട് പോകുന്നതിനും യുവതലമുറയ്ക്ക് മാധവേട്ടന്റെ ജീവിതം പ്രചോദനം  നല്‍കുമെന്നും മന്ത്രി  ഇ ചന്ദ്രശേഖരന്‍ കൂട്ടിച്ചേര്‍ത്തു.