ലക്ഷങ്ങളുടെ വിദേശ കറന്‍സിയുമായി കാസര്‍കോട് സ്വദേശികള്‍ പിടിയില്‍

മംഗളൂരു: (www.kasargodvartha.com 20/05/2015) 6,49,440 ഇന്ത്യന്‍ രൂപ മൂല്യമുള്ള 6,600 ബ്രിട്ടീഷ് പൗണ്ടുമായി കാസര്‍കോട് സ്വദേശികള്‍ മംഗളൂരു വിമാനത്താവളത്തില്‍ പിടിയിലായി. ബേക്കല്‍ പള്ളിക്കര സ്വദേശികളായ മുഹമ്മദ് സാലിഹ് യാറൂല്‍ (36), അഷ്‌റഫ് അബ്ദുല്ല (35) എന്നിവരാണ് കസ്റ്റംസിന്റെ പിടിയിലായത്.

ബുധനാഴ്ച രാവിലെ ദുബൈയിലേക്ക് പുറപ്പെടാനിരുന്ന I-X383 വിമാനത്തിലെ യാത്രക്കാരായിരുന്നു ഇരുവരും. സംശയം തോന്നി അധികൃതര്‍ പരിശോധിച്ചപ്പോഴാണ് വിദേശ കറന്‍സി പിടികൂടിയത്.