Join Whatsapp Group. Join now!
Aster MIMS 10/10/2023

അസിസ്റ്റന്റ് ലേബര്‍ ഓഫീസിന് ഒടുവില്‍ ശാപമോക്ഷം

തായലങ്ങാടി റെയില്‍വേസ്റ്റഷന്‍ റോഡില്‍ കാലപഴക്കം കൊണ്ട് നിലം പൊത്താവുന്ന സ്ഥിതിയിലായ Kasaragod, Kerala, Thayalangadi, Office
കാസര്‍കോട്: (www.kasargodvartha.com 02/03/2015) തായലങ്ങാടി റെയില്‍വേസ്റ്റഷന്‍ റോഡില്‍ കാലപഴക്കം കൊണ്ട് നിലം പൊത്താവുന്ന സ്ഥിതിയിലായ കെട്ടിടത്തില്‍ പ്രവര്‍ത്തിച്ചുവരുന്ന അസിസ്റ്റന്റ് ലേബര്‍ ഓഫീസിന് ഒടുവില്‍ ശാപമോക്ഷം. സിവില്‍ സ്‌റ്റേഷനിലെ എഫ് ബ്ലോക്കിലെ പ്രൊബേഷന്‍ ഓഫീസ് പ്രവര്‍ത്തിച്ചിരുന്ന കെട്ടിടത്തിലേക്കാണ് സ്ഥാപനത്തെ മാറ്റിയത്. പ്രൊബേഷന്‍ ഓഫീസിന് വേറെ കെട്ടിടം കിട്ടിയ സാഹചര്യത്തിലാണ് ലേബര്‍ ഓഫീസ് ദുരിതത്തില്‍ നിന്ന് കരകയറാന്‍ കാരണമായത്.

നാലുപതിറ്റാണ്ടായി പ്രവര്‍ത്തിക്കുന്ന കെട്ടിടം കാലപ്പഴക്കം കാരണം ഏതു നിമിഷവും നിലംപൊത്താവുന്ന സ്ഥിതിയിലായിരുന്നു. മഴക്കാലത്ത് മുഴുവന്‍ മുറിയും ചോര്‍ന്നൊലിക്കുന്ന സാഹചര്യമാണ് ജീവനക്കാര്‍ അനുഭവിച്ചിരുന്നത്. വാടക കെട്ടിടമായതിനാല്‍ പുതുക്കിപ്പണിയാന്‍ പോലും കെട്ടിട ഉടമ തയ്യാറായിരുന്നില്ല. സ്ഥാപനത്തിലെ വിലപ്പെട്ട രേഖകള്‍ മുഴുവനും എലികളും മറ്റും കാര്‍ന്നുതിന്നു നശിപ്പിച്ചിരുന്നു. ജീവനക്കാര്‍ക്കാവശ്യമായ അടിസ്ഥാന സൗകര്യം പോലും കെട്ടിടത്തിലുണ്ടായിരുന്നില്ല.

തുടര്‍ന്ന് ജില്ലാ കലക്ടര്‍ ഇടപെട്ട് ഓഫീസ് മാറ്റാന്‍ ആവശ്യമായ സാഹചര്യമൊരുക്കുമെന്ന് ലേബര്‍ ഓഫീസിന് ഉറപ്പുനല്‍കിയിരുന്നു. ജില്ലാ പഞ്ചായത്തിന്റെ പുതിയ ബ്ലോക്ക് കെട്ടിടത്തിന്റെ പണിപൂര്‍ത്തിയായതോടെ സിവില്‍ സ്‌റ്റേഷനിലെ പല ഓഫീസുകളുടെ മുറികളില്‍ ഒഴിവ് വന്നിരുന്നു. എന്നാല്‍ പ്രൊബേഷന്‍ ഓഫീസ് മാറാതിരുന്നതാണ് പ്രശ്‌നത്തിന് വഴിയൊരുക്കിയത്. തുടര്‍ന്ന് കലക്ടര്‍ നേരിട്ട് ഇടപെട്ട് പ്രശ്‌നം തീര്‍ക്കുകയായിരുന്നു. തിങ്കളാഴ്ച മുതല്‍ എക്‌സൈസ് ഡിവിഷന്‍ ഓഫീസിനു സമീപത്തുള്ള മുറിയിലേക്ക് സ്ഥാപനം മാറ്റി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.


Keywords: Kasaragod, Kerala, Thayalangadi, Office, Assistant labour office shifted in new building.

Post a Comment