മാണിമൂല ധൂമാവതി ദൈവസ്ഥാന തറവാട് വീട് ബ്രഹ്മകലശോത്സവം 21 മുതല്‍

കാസര്‍കോട്: (www.kasargodvbartha.com 18.04.2014) മാണിമൂല ശ്രീ ധൂമാവതി ദൈവസ്ഥാനത്തിന്റെയും ഉപദൈവങ്ങളുടെയും പുനഃപ്രതിഷ്ഠാ ബ്രഹ്മകലശോത്സവവും 12-ാം വാര്‍ഷികോത്സവവും 21 മുതല്‍ 24 വരെ നടക്കുമെന്ന് ഭാരവാഹികല്‍ വാര്‍ത്താ സമ്മേളനത്തില്‍ അറിയിച്ചു.

21 ന് രാവിലെ ഗണപതി ഹോമം. 22ന് രാത്രി ഏഴ് മണിക്ക്  ധാര്‍മിക സഭ സുബ്രായ തന്ത്രി കുണ്ടാര്‍ ഉദ്ഘാടനം ചെയ്യും. 9.30 ന് സാംസ്‌കാരിക പരിപാടി. 23ന് രാവിലെ 7.30ന് പ്രതിഷ്ഠ, ബ്രഹ്മകലശോത്സവം, മഹാപൂജ, പുലര്‍ച്ചെ രണ്ടിന് മൂകാംബിക ഗുളികന്റെ അഗ്നിപ്രവേശം.

24ന് രാവിലെ ഒമ്പതിന് ധൂമാവതി ദൈവത്തിന്റെ കോലം അരങ്ങിലെത്തും. ഉച്ചയ്ക്ക്  12 മണിക്ക് അന്നദാനത്തോടെ സമാപിക്കും.

വാര്‍ത്താസമ്മേളനത്തില്‍ സീതാരാമ റാവു, നാരായണ പൂജാരി, താരാനാഥ, സുരേഷ് സുവര്‍ണ, സീന പൂജാരി, രമണി, അശോക് ബാഡൂര്‍, രവീന്ദ്ര, നരേന്ദ്ര എന്നിവര്‍ പങ്കെടുത്തു.