25 കോടിയുടെ മയക്കുമരുന്ന് കടത്ത്; ഡല്‍ഹിയില്‍ പിടിയിലായവരില്‍ കാസര്‍കോട് സ്വദേശിയും

Whatsapp Group Whatsapp Channel

By Web Desk PreNov 30, 2013, 20:30 IST

കാസര്‍കോട് : കാശ്മീര്‍ വഴി മയക്കുമരുന്ന് കടത്തുന്നതിനിടയില്‍ ഡല്‍ഹിയില്‍ പിടിയിലായ മലയാളികള്‍ ഉള്‍പെട്ട സംഘത്തില്‍ കാസര്‍കോട് സ്വദേശിയും. മൂന്നു പേരാണ് മയക്കുമരുന്ന് കടത്തുന്നതിനിടയില്‍ പിടിയിലായത്.

25 കോടിയോളം വിലവരുന്ന ആറ് കിലോ മയക്കുമരുന്ന് കടത്തിയ കേസിലാണ് രണ്ട് മലയാളികള്‍ ഉള്‍പെടെ മൂന്നുപേര്‍ അറസ്റ്റിലായത്. പിടികൂടിയവര്‍ക്ക് അന്താരാഷ്ട്ര മയക്കുമരുന്ന് മാഫിയയുമായി ബന്ധമുണ്ടെന്നാണ് വിവരം.

കാസര്‍കോട് മഞ്ചേശ്വരം കടമ്പാര്‍ സ്വദേശി ഉമ്മര്‍ ഫാറൂഖ് (22),
കോഴിക്കോട് നല്ലളം സ്വദേശി മൂസക്കോയ, രാജസ്ഥാനിലെ ഉദയ്പൂര്‍ സ്വദേശി വിനോദ് കുമാര്‍ എന്നിവരെയാണ് ഡല്‍ഹി സ്‌പെഷ്യല്‍ സെല്‍ ഉദ്യോഗസ്ഥര്‍ പിടികൂടിയത്. മയക്കുമരുന്ന് ലഹരി നിയമപ്രകാരമാണ് ഇവര്‍ക്കെതിരെ കേസെടുത്തതെന്ന് അധികൃതര്‍ പറഞ്ഞു.

25 കോടിയുടെ മയക്കുമരുന്ന് കടത്ത്; ഡല്‍ഹിയില്‍ പിടിയിലായവരില്‍ കാസര്‍കോട് സ്വദേശിയും

കോഴിക്കോട് കല്ലുവെട്ടുകുഴി സ്വദേശിയായ സാബിറിന് കൈമാറാന്‍ വേണ്ടി ജമ്മു കാശ്മീരില്‍ നിന്നും കടത്തുകയായിരുന്ന മയക്കുമരുന്നാണ് പിടികൂടിയതെന്ന് സ്‌പെഷ്യല്‍ സെല്‍ ഡിസിപി സഞ്ജീവ് യാദവ് പറഞ്ഞു. സാബിര്‍ കുവൈത്തിലാണ് ജോലിചെയ്യുന്നത്. ഇയാളാണ് സംഘത്തിന്റെ തലവനെന്നും അന്വേഷണ ഉദ്യോഗസ്ഥര്‍ അറിയിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.