സൂപ്പര്‍ ബൈക്കുകളുടെ റാലി കാസര്‍കോട്ടുകാര്‍ക്ക് ഹരമായി

കാസര്‍കോട്: സൂപ്പര്‍ ബൈക്കുകളുടെ സായാഹ്ന റാലി കാസര്‍കോട്ടുകാര്‍ക്ക് ഹരമായി. ജീപ്പ് ഓഫ് ദി റോഡ് കാസര്‍കോടിന്റെ ആഭിമുഖ്യത്തിലാണ് സൂപ്പര്‍ ബൈക്കുകളുടെ റാലി സംഘടിപ്പിച്ചത്. മൂന്ന് ഹാര്‍ലി ഡേവിഡ്‌സണ്‍ ബൈക്കും, ഒരു സുസുക്കി ഇന്‍ട്രൂഡറും അണിനിരന്ന റാലിയെ മൂന്ന് മഹേന്ദ്ര ജീപ്പും ഒരു ജിപ്‌സിയും അകമ്പടി സേവിച്ചു.

കാസര്‍കോട് പഴയ പ്രസ് ക്ലബ് ജംഗ്ഷനില്‍ നിന്നും തളങ്കരയിലേക്കും തളങ്കരയില്‍ നിന്നും മേല്‍പറമ്പിലേക്കുമാണ് വ്യാഴാഴ്ച വൈകിട്ട് റാലി നടത്തിയത്. സി.ടി. റിത്താസ്, ഉമര്‍ നിസാര്‍, നബീല്‍ അഹ്മദ്, മുനീര്‍ പരപ്പ, ഇസ്മാഈല്‍, ഫവാദ് അപ്‌സര, ഷസാഫ് എന്നിവര്‍ റാലിക്ക് നേതൃത്വം നല്‍കി.




ഉമര്‍ നിസാറിന്റെ ഹാര്‍ലി ഡേവിഡ്‌സണ്‍ നിരത്തിലൊഴുകുന്നു; നബീലിന്റെയും