എസ്.എസ്.എഫ്. സംസ്ഥാന സമര ജാഗരണ യാത്ര ജില്ലാ പര്യടനം പൂര്‍ത്തിയാക്കി

യാത്രക്ക് മുന്നോടിയായി നടന്ന ഐ. ടീം റാലിക്ക് ഡിവിഷന്‍ നേതാക്കള്‍ നേതൃത്വം നല്‍കി. തിങ്കളാഴ്ച രാവിലെ 10.30 ന് ചെര്‍ക്കളയില്‍ നടന്ന സ്വീകരണ സമ്മേളനം സംഘാടക സമിതി ചെയര്‍മാന്‍ ഹാരിസ് സഖാഫി കുണ്ടാറിന്റെ അധ്യക്ഷതയില്‍ എസ്.വൈ.എസ്. സംസ്ഥാന സമിതി അംഗം ബി. ബിസ് അബ്ദുല്ല കുഞ്ഞി ഫൈസി ഉദ്ഘാടനം ചെയ്തു. ഉളിയത്തടുക്കയില്‍ നടന്ന സംഗമത്തില്‍ സയ്യിദ് അലവി തങ്ങള്‍ ചെട്ടുംകുഴി അധ്യക്ഷത വഹിച്ചു. എസ്.വൈ.എസ് ജില്ലാ സെക്രട്ടറി സുലൈമാന്‍ കരിവെള്ളൂര്‍ ഉദ്ഘാടനം ചെയ്തു. മേല്‍പറമ്പില്‍ കണ്ണംകുളം മുഹമ്മദ് ഹാജിയുടെ അധ്യക്ഷതയില്‍ എസ്. വൈ.എസ്. ജില്ലാ പ്രസിഡന്റ് പള്ളങ്കോട് അബ്ദുല്‍ ഖാദിര്‍ മദനി ഉദ്ഘാടനം ചെയ്തു.

എസ്. എസ്. എഫ് സംസ്ഥാന സമ്മേളന ഭാഗമായി നടത്തുന്ന സമര ജാഗരണ യാത്ര ഉദ്ഘാടനം ജാഥാ നായകരായ കെ. അബ്ദുല്‍ കാലം മാവൂര്‍,  എന്‍. വി. അബ്ദുര്‍ റസാഖ് സഖാഫി എന്നിവര്‍ക്ക് പതാക കൈമാറി സയ്യിദ് ഉമറുല്‍ ഫാറൂഖ് അല്‍ ബുഖാരി നിര്‍വഹിക്കുന്നു. എസ്.എസ്.എഫ്. സംസ്ഥാന നേതാക്കള്‍ സമീപം.

വൈകീട്ട് നാല് മണിക്ക് കാഞ്ഞങ്ങാട് പുതിയ കോട്ട മഖാം സിയാറത്തോടെ സ്വീകരണ സമ്മേളനത്തിന് തുടക്കമായി. അഷ്‌റഫ് അഷ്‌റഫി ആറങ്ങാടിയുടെ അധ്യക്ഷതയില്‍ എസ്.വൈ.എസ്. സംസ്ഥാന ജനറല്‍ സെക്രട്ടറി പേരോട് അബ്ദുര്‍ റഹ്മാന്‍ സഖാഫി ഉദ്ഘാടനം ചെയ്തു. കുറ്റകൃത്യങ്ങള്‍ വര്‍ദ്ധിച്ചുവരുന്ന സാഹചര്യത്തില്‍ ധര്‍മവും സദാചാരവും തിരിച്ചുപിടിക്കാനുള്ള ശ്രമങ്ങളുടെ ഭാഗമായാണ് സമര ജാഗരണ യാത്ര. സംസ്ഥാന വ്യാപകമായി 87 കേന്ദ്രങ്ങളില്‍ സംഘടിപ്പിക്കുന്ന പൊതുസമ്മേളനങ്ങളില്‍ പ്രമേയവിശദീകരണ പ്രഭാഷണങ്ങള്‍ നടത്തും. സുരക്ഷിതമായ സാമൂഹ്യ ജീവിതവും ആനന്ദകരമായ കുടുംബ ജീവിതവും നിലനിര്‍ത്താന്‍ ധര്‍മവും നീതിയും സംരക്ഷിക്കപെടുകയും സാമൂഹ്യതിന്മകള്‍ക്കെതിരെ ഉണര്‍ന്ന് പ്രവര്‍ത്തിക്കുകയും ചെയ്യണമെന്ന് സമര ജാഗരണ യാത്രയിലൂടെ എസ്.എസ്.എഫ്. ബോധവത്കരണം നടത്തും.

യാത്ര ഏപ്രില്‍ ഏഴിന് ബ്രിട്ടീഷ് വിരുദ്ധസമരത്തിന് നേതൃത്വം നല്‍കിയ ആലി മുസ്‌ലിയാരെ സ്മരിച്ച് കൊണ്ട് തിരൂരങ്ങാടിയില്‍ സമാപിക്കും. സ്വീകരണ സമ്മേളനങ്ങള്‍ക്ക് മുന്നോടിയായ് ഐ.ടീം അംഗങ്ങളുടെ പ്രകടനവും നടക്കും. സുന്നീ സംഘടനകളുടെ ജില്ലാ നേതാക്കള്‍ വിവിധ കേന്ദ്രങ്ങളില്‍ യാത്രക്ക് അഭിവാദ്യങ്ങള്‍ അര്‍പ്പിക്കും.

സംസ്ഥാന നേതാക്കളായ എന്‍.വി. അബ്ദുര്‍ റസാഖ് സഖാഫി, എ. അബ്ദുര്‍ റഹീം, അബ്ദുര്‍ റഷീദ് നരിക്കോട്, റാഷിദ് ബുഖാരി, റഷീദ് സഖാഫി കുറ്റിയാടി തുടങ്ങിയവര്‍ ജാഥാ അംഗങ്ങളാണ്.