ചെവിയറുത്ത പിതാവിനെ ആഴ്ചകള്‍ക്ക് മുമ്പും മക്കള്‍ ക്രൂരമായി മര്‍ദിച്ചു

കാസര്‍കോട്ടെ ആശുപത്രിയില്‍ പ്രവേശിപ്പിക്കപ്പെട്ട മുത്തു നായരെ ചികിത്സയ്ക്ക് ശേഷം പരവനടുക്കം വൃദ്ധസദനത്തിലാക്കിയിരിക്കുകയാണ്. മദ്യപിച്ചെത്തുന്ന രണ്ടു മക്കളും മുത്തു നായരെ മര്‍ദിക്കുന്നത് പതിവാണ്. കഴിഞ്ഞ ശനിയാഴ്ചയാണ് മുത്തു നായരെ മര്‍ദിക്കുകയും ബ്ലേഡ് കൊണ്ട് ചെവിയറുക്കുയും ചെയ്തത്. മക്കള്‍ക്കെതിരെ ആദ്യം പരാതി നല്‍കാന്‍ മുത്തു നായര്‍ സന്നദ്ധനായിരുന്നില്ല. പിന്നീട് പോലീസ് ഇടപെട്ടതോടെയാണ് അദ്ദേഹം വ്യാഴാഴ്ച പരാതി നല്‍കിയത്.

ആറു മക്കളുള്ള മുത്തു നായര്‍ക്കൊപ്പം ഇപ്പോള്‍ താമസിക്കുന്നത് ജയപ്രകാശും രാജനുമാണ്. മാതാവ് മൂത്ത മകനോടൊപ്പമാണ് താമസം. സംഭവത്തില്‍ പോലീസ് കേസെടുത്തതോടെ മക്കള്‍ ഒളിവില്‍ പോയിരിക്കുകയാണ്.